İrandan İŞİD-ə zərbə

İran hərbi hava qüvvələri İraqda İŞİD silahlılarına məxsus mövqeləri bombalayıb. Sensasiyalı xəbər Amerika hökumətindən gəlib. Pentaqonun mətbuat katibi kontr-admiral Con Kirbi bu barədə açıqlama verib. Kirbi qeyd edib ki, ABŞ hərbi qüvvələrinin fakta dair məlumatı var. Kirbi İran hərbisini əməliyyatlar zamanı “F4 Fantom” tipli qırıcılardan istifadə etdiyini də vurğulayıb.

Rəsmi Vaşqinton bunun İranla əməkdaşlıq kimi anlaşılmasına qarşı çıxıb. Ağ Ev rəsmiləri bildiriblər ki, İŞİD-ə qarşı mübarizədə anti-İŞİD koalisiyası İranla əməkdaşlıq etmir. …read more

From:: ANS

      

Acundan yeni transfer

Türkiyənin tannmış siması, məşhur aparıcı, “TV8” telekanalının sahibi Acun İlıcalı növbəti transferi ilə gündəmə gəlib. ANS PRESS-in məlumatına görə, Acun Türkiyənin “Show TV” kanalında hər gün nümayiş olunan “Bu tərz mənim” proqramını öz kanalında görmək üçün danışıqlara başlayıb. Proqramın isə “Show TV” ilə bağladığı müqavilənin müddəti başa çatmadığınıdan tərəflər hələlik razılığa gələ bilməyiblər. Acun İlıcalı ilə proqramın prodüsserləri arasında danışıqların davam etdiyi bildirilir.

Qeyd edək ki, həftə içi hər gün gündüz, şənbə günü gecə yayımlanan “Bu tərz mənim” proqramının aparıcısı Öykü Serter, münsiflər heyəti isə məşhurların stilisti Nur Yerlitaş, Kamal Doğulu, Uğurkan Erez və İvana Sertdir.

Acun İlıcalının bu proqramı öz kanalına transfer etməyə qərarlı olduğu bildirilir. …read more

From:: ANS

      

Bakıda qəza törədən sürücü maşının nömrəsini açaraq qaçıb

Bakı – Quba yolunun 11-ci kilometrliyində yol nəqliyyat hadisəsi baş verib. Sumqayıtdan paytaxt istiqamətində yüksək sürətlə hərəkətdə olan “Moskviç” markalı avtomobilin sürücüsü maşının idarə etməsini itirib. O, avtomobili saxlamaq istəsə də buna nail ola bilməyib. Nəticədə avtomobil yol kənarındakı dəmir səddə dəyərək daş hasara çırpılıb. Avtomobil yarasız hala düşüb.

Qəza zamanı maşında sürücü və 3 sərnişin olub. Xoşbəxtlikdən onlar arasında xəsarət alan olmayıb.

Sürücü və sərnişinlər dərhal hadisə yerini tərk ediblər. Polisdən verilən məlumata görə, avtomobilin qeydiyyat nişanını da sürücü hadisə yerini tərk edərkən özü ilə aparıb.

Hadisə şahidləri qəza törədən sürücünün Sumqayıt şəhərindən gələrkən yolda bir neçə dəfə qəza şaraiti yaratdığını bildiriblər. Sürücünün hadisə vaxtı sərxoş olduğu bildirilir. Sərnişinlərdən ikisi qadın olub.

Faktla bağlı baş dövlət yol polis idarəsində araşdırmalar aparılır. Qəzanı törədən sürücünün kimliyi və hadisənin səbəbləri bu araşdırmalardan sonra məlum olacaq. …read more

From:: ANS

      

Deputatdan soyqırım çağırışı (FOTO)

Deputat Qənirə Paşayeva Asiya Parlament Assambleyasında çıxış edərək üzv ölkələri Xocalı soyqırımını tanımağa çağırıb.

ANS PRESS-in məlumatına görə, Asiya Parlament Assambleyasının Pakistanda keçirilən 7-ci Plenar Sessiyasında çıxış edən millət vəkili Qənirə Paşayeva Ermənistanın Azərbaycanın 20 faiz torpaqlarını işğal edərək, işğal etdiyi torpaqlarda törətdiyi soyqırım barədə geniş çıxış edərək məlumatlar verib.

Görmək istəyən hər birinizə Xocalı Soyqırımı ilə bağlı video və sənədli filmləri, o dəhşətli görüntüləri təqdim edə bilərəm deyən millət vəkili Qənirə Paşayeva Xocalı Soyqırımının 23-cü ildönümünün yaxınlaşdığını və bu soyqırımı törədənlərin Ermənistanda olduğunu və hələ də ədalət qarşısında cavab vermədiyini vurğulayaraq Assambleyaya və üzv ölkələrə Xocalı Soyqırımı ilə bağlı çağırış da səsləndirib.

O deyib: “Ermənistan Silahlı Qüvvələri Azərbaycanın Xocalı şəhərində dinc insanlara, azərbaycanlılara qarşı soyqırım həyata keçirib və bir şəhəri yer üzündən siliblər. Bu gün Xocalı şəhərinin yerində tamamilə dağıdılmış bir şəhər görə bilərsiniz. Ümumiyyətlə isə Azərbaycan torpaqlarının işğalı zamanı 20 mindən çox azərbaycanlı Ermənistan tərəfindən qətlə yetirilib. Mən Dağlıq Qarabağ problemi məsələsində hər zaman ədalətin yanında olan Pakistan dövlətinə və Parlamentinə Xocalı Soyqırımını tanıyan və kəskin pisləyən sənədlərin, qərarların qəbulu üçün ailə üzvləri soyqırıma məruz qalan Xocalılar və bütün azərbaycanlılar, insanlığın yanında olan hər kəs adından təşəkkürümü bildirirəm.

Həmin dəhşətli soyqırım zamanı çox az sayda azərbaycanlı böyük çətinliklərlə qaçaraq xilas ola bilmişdi və ailə üzvləri soyqırıma məruz qalan həmin insanlar da 20 ildən artıqdır ki, öz evlərinə dönə bilmirlər.

Biz inanırıq ki, ədalətin yanında olan və dünyada bir daha bu cür insanlıq əlehinə cinayət olmasın deyən insanlar və ölkələr Xocalı Soyqırımı ilə bağlı Pakistan parlamentinin və bu istiqamətdə qərarlar qəbul edən digər dövlətlərin ədaləti, insan haqlarını müdafiə edən qərarlarını dəstəkləyəcəklər və bu soyqırımı törədənlərin ədalət qarşısında cavab verməsi, Xocalıların öz evlərinə dönə bilməsi istiqamətində səylərini daha da artıracaqlar.

Çünki Xocalıda Soyqırıma məruz qalan insanlar azərbaycanlı və müsəlman olmaqla bərabər insan idilər və biz harada, …read more

From:: ANS

      

Leyla Əliyevadan yeni şeir

Yazıçı-publisist, tərcüməçi Mahir Qabiloğlu Azərbaycan prezidentinin qızı, Heydər Əliyev Fondunun vitse-prezidenti Leyla Əliyevanın növbəti şeirinin tərcüməsini təqdim edib.

“Yalan” adlı şeiri oxucuların ixtiyarına veririk.

(Ложь)

Yalan, gəl tövbə edək –
Uydurma, yalan sözə
bu gündən vida edək.
Axı kimə və nəyi
utanırıq deməkdən?
Yalan meyvə qurdu tək
qəlbi yeyir içindən.
Düzdən niyə qorxaq ki? –
dili düz söz tutmayan
əyrilər qorxsun ondan…

Yalan, o kimdir deyən:
“Yalan sevinc bəxş edir?”
Ya da qəm tunelində
işıq ucu göstərir?
Axı kim söyləyir ki,
xiffət çəkmək pis şeydir.
Qəlbdən gələn hissləri
gizlətmək çox əbəsdir.

Əgər istəyirsənsə
kədərlən ya da şənlən,
Onsuz da suçun böyük…
Tanrıdan imdad dilə;
Günahını hamıdan
özün yaxşı bilirsən.
Qürub! Sən həqiqətsən,
qürub deyil həqiqət…

Sən aldatdın, amma ki,
qalib gəlmədin, əsla
Doğru-düzgün yüksəldi
qaliblik zirvəsinə..!
Yalan, sənin yalanın
Kömək etmədi ona.
İndi məkrli gecə
Qoymur onu yatmağa.

Yalan,
Adındakı bəhanə
bəlkə sığmaz dünyaya…
Həyat dönüb bənzəyər,
sanki retro-kinoya…
Yalan, sən bir də cəhd et –
and iç ki, bundan sonra
yalan danışmayacam..!
Azadlığı iblisə
sataraq nahaqq yerə,
haqqı itirməyəcəm..!

Cəsur ol, qaç yalandan,
Çətirsiz yağış altda
asudə gəzişəndə,
Peşman olmayacaqsan.
Kim düz söz danışırsa,
nədən qorxmalıdır ki?
Yalanın ömrü qırx gün –
həqiqətdən yaxasın
kim qurtara bilib kim?

Kimi aldatdığının
Sən heç fərqindəmisən?
İndi hamıdan ötrü
bir tək sən cavabdehsən.
Lap heç kimsə bilməsin,
anlamasın… amma ki,
Qorxu daim beynini,
sıxacaq, incidəcək.
Bu ağır əzablarsa
vicdanını içindən
asta-asta yeyəcək…
yeyib də, bitirəcək…

Tutaq ki, sən aldatdın,
Hamı inandı buna,
Özün- öz aləmində
Deyək, yalan danışdın.
Amma onu yaxşı bil
Özünü aldatmadın,
Özün öz aləmində
Özünə böhtan atdın. …read more

From:: ANS

      

Helikopter binaya girdi (FOTO)

Amerika Birləşmiş Ştatlarının (ABŞ) Yuta ştatında helikopter qəzası baş verib.

ANS PRESS-in məlumatına görə, ABŞ-ın Yuta ştatının Sever Solt-Ley şəhərinin şimalında helikopter ikimərtəbəli binalardan birinin damına çırpılıb.

Yerli polis idarəsinin nümayəndəsi bildirib ki, qəzada zərər dəyən binada yaşayış yox imiş, lakin helikopterin içərisində olan iki nəfər həlak olub.

Helikopterin haraya getdiyi hələ ki, məlum deyil. Səlahiyyətlilər sadəcə helikopterin şimal istiqamətində bir hava limanından gəldiyini bildiriblər.

Hadisənin daha dəqiq necə baş verməsi barədə araşdırmalar başladılıb.

…read more

From:: ANS

      

Obamanı bağışlamaq olarmı?

Respublikaçı qanunvericilər prezident Barak Obamanın birtərəfli qaydada ABŞ-da qeyri-qanuni yaşayan təxminən beş milyon insanın deportasiya edilməsinin qarşısını alacaq mühacirət planını bir daha kəskin tənqid atəşinə tutublar.

ANS PRESS-in məlumatına görə, çərşənbə axşamı Konqresin Nümayəndələr Palatasının Daxili təhlükəsizlik komitəsində keçirilən dinləmələrdə Texas ştatından konqresmen Maykl Makkol deyib ki, Obamanın ABŞ-ın mühacirət siyasətini dəyişdirmək üçün keçən ay səlahiyyətlərindən istifadə etməsi sənədləri olmayan daha çox mühacirin Birləşmiş Ştatlara daxil olmasına imkan yaradacaq.

Prezident Obama bu addımı Senatın bir il bundan əvvəl mühacirətə dair əhatəli qanun layihəsini təsdiq etməsinə baxmayaraq, respublikaçıların nəzarətində olan Nümayəndələr Palatası onu nəzərdən keçirmədiyinə görə atdığını deyib.

Konqres dinləmələrində digər respublikaçılar Barak Obamanın planının legitimliyi ilə bağlı suallar qaldırıblar. Daxili təhlükəsizlik komitəsinin sədri Cey Conson bu tənqidlərə cavab verməyə çalışıb.

Conson prezidentin planının nəinki legitim olduğunu, onun həm də sənədləri olmayan mühacirlərin Amerikada yeni həyata başlamasına imkan verəcəyini deyib. …read more

From:: ANS

      

Hadisə ana olmaq istəyir (FOTO)

Türkiyəli tanınmış müğənni Hadisə “Akşam” qəzetinə maraqlı müsahibə verib.

ANS PRESS-in məlumatına görə, Türkiyəli məşhur pop müğənni Hadisə Açıqgöz müsahibəsində şəxsi həyatı və sənət fəaliyyəti ilə bağlı sualları cavablandırıb.

Son zamanlar adı eşq dedi-qoduları ilə hallanan müğənni hələ ki, ürəyinin boş olduğunu, kiminləsə sevgi münasibətlərində olmadığını bildirib.
O, həyata keçirmək istədiyi xəyallarından, arzularından da danışıb: “Həmişə xəyalımda öz gücümlə albom hazırlamaq, turneyə çıxamaq var idi, onları da bacardım. İndiki xəyalım dünya miqyasında nəsə etməkdir. “Billboard” sıralamasında adımın keçməsi, ya da Qremmi mükafatını alan türk olmaq kimi xəyallarım var.”

Hadisə Açıqgöz ana olmaq istəyini də gizlətməyib: “Gələcəkdə, bir gün ana olmaq istəyirəm. Ətrafımdakı rəfiqələrimin hamısının uşağı olub. Mən dəli kimi hələ də Hadisə olmağa davam edirəm.”

Qeyd edək ki, Hadisə 22 oktyabr 1985-ci ildə Belçikada Anvers şəhəri yaxınlığında yerləşən Mol qəsəbəsində anadan olub. Atası əslən ləzgi , anası isə qumuq kökənlidir.

…read more

From:: ANS

      

Turkic Azeri and Hazara Solidarity Network