“Azərbaycan qadını”nın təqdimatı (FOTO)

Noyabrın 29-da Müslüm Maqomayev adına Azərbaycan Dövlət Filarmoniyasında “Azərbaycan qadını” jurnalının payız buraxılışının təqdimat mərasimi keçirilib.

Tədbirdə dövlət və hökumət nümayəndələri, Milli Məclisin deputatları və KİV təmsilçiləri iştirak ediblər.

Təqdimat mərasimində Qara Qarayev adına Azərbaycan Dövlət kamera orkestrinin konserti keçirilib. Orkestrin bədii rəhbəri və dirijoru Xalq Artisti Teymur Göyçayev, solist beynəlxalq müsabiqələr laureatı Ceyla Seyidovadır.

Fatma Abdullazadənin baş redaktorluğu ilə nəşr olunan “Azərbaycan qadını” jurnalının növbəti buraxılışı mərasim iştirakçıları tərəfindən maraqla qarşılanıb.

Jurnalın payız buraxılışında oxuculara “Bakı-2015” Avropa Oyunları istiqamətində görülən işlər və nəzərdə tutulan kompleks tədbirlərlə bağlı materiallar təqdim edilib.

Qeyd olunub ki, paytaxtda öz müasir tikinti üslubu ilə fərqlənəcək və xüsusi gözəlliyi ilə seçiləcək Su İdmanı Sarayı, Bakı Atıcılıq Mərkəzi, Bakı Olimpiya Stadionu inşa olunur, mövcud idman obyektləri əsaslı rekonstruksiya edilir, telekommunikasiya, nəqliyyat, istirahət məkanları təkmilləşdirilir.

Jurnalın səhifələrində Azərbaycanın birinci xanımı, Heydər Əliyev Fondunun prezidenti Mehriban Əliyevaya həsr olunan “Zirvəyə doğru” sərlövhəli material yer alıb.

Məqalədə deyilir: “O, daim yoldadır. Yeni-yeni zirvələrə aparan yolda. Bu enişli-yoxuşlu yolla addımlayaraq o, çox gözəl bilir ki, qarşıda yeni üfüqlər və yeni zirvələr olacaqdır. Onun üçün əslində fəth olunan hər zirvə yeni məqsədə, yeni amala, yeni qələbəyə çatdıran yolun başlanğıcıdır”.

“Xalça Muzeyi: Qədim mədəniyyətin yeni ünvanı” başlıqlı yazıda paytaxtımızda orijinal üslubda inşa olunan bu nadir muzeyin açılış mərasimindən və qiymətli eksponatlarından bəhs olunur.

M.V.Lomonosov adına Moskva Dövlət Universitetinin Bakı filialının rektoru, AMEA-nın müxbir üzvü, İngiltərə–Azərbaycan Cəmiyyətinin həmsədri Nərgiz Paşayeva ötən ilin oktyabrında Oksford Universitetinə səfəri zamanı mühüm sənədi – bu təhsil ocağında Nizami Gəncəvi adına Azərbaycan və Qafqazşünaslıq Elmi Mərkəzinin yaradılması barədə Anlaşma Memorandumunu imzalayıb. Elmi əməkdaşlığın inkişafına töhfə olan bu memorandumun imzalanmasından sonra bu dəfə britaniyalı alimləri ölkəmizdə qarşıladıq. Azərbaycan elmi irsi üçün yeni üfüqlər açan bu əməkdaşlıqla bağlı daha ətraflı məlumatla oxucular jurnalın səhifələrində tanış ola biləcəklər.

“Azərbaycan qadını” jurnalının payız buraxılışında oxucuları, həmçinin görkəmli dirijor Rauf Abdullayev, milli rəqslərimizin mahir ifaçısı Roza Cəlilova, gənc ifaçı Ceyla Seyidova ilə maraqlı …read more

From:: ANS

      

Yaponiya yenə silkələndi

Yaponiyada maqnitudası 5,0 bal gücündə olan zəlzələ meydana gəlib.

ANS PRESS-in məlumatına görə, zəlzələnin episentri Yaponiyanın Honsyu adasının cənubunda, Sakit okeanı sahilində qeydə alınıb.

Yaponiya milli meteoroloji idarəsi yerin 10 kilometr dərinliyində baş verən zəlzələdən sonra sunami təhlükəsinin olmadığını bildirib.

Dağıntı və zərərçəkənlərin olması barədə heç bir məlumat yoxdur.

Yeraltı təkanlar Sidzuoka, Mie və Nara prefekturaları sakinləri tərəfindən də hiss olunub.

Qeyd edək ki, ötən şənbə günü Yaponiyanın Naqano prefekturasında baş verən zəlzələ nəticəsində 50-yə yaxın adam zərər çəkmişdi. …read more

From:: ANS

      

“Kainat gözəli” seçildi (FOTO)

Dünyanın nüfuzlu gözəllik müsabiqələrindən sayılan “Miss Earth-2014” yarışmasının qalibi müəyənləşib.

ANS PRESS-in məlumatına görə, Filippin nümayəndəsi 20 yaşlı gözəl Cemi Herrell “Miss Earth-2014” (Kainat gözəli 2014) müsabiqəsinin qalibi elan olunub.

Gözəllik müsabiqəsinin final mərhələsi Filippinin Luzon adasında yerləşən Quezon şəhərinin teatrında təşkil edilib.

Rusiya nümayəndəsi Anastasia Trusova – ikinci, ABŞ nümayəndəsi Andrea Neu – üçüncü üçüncü yer, Venesuela nümayəndəsi Maria Alexandra Rodriqez isə dördüncü yeri qazanıblar.

“Miss Earth” (Kainat gözəli) Filippində 2001-ci ildən keçirilir və “Miss World” (Dünya gözəli) ilə yanaşı, dünyanın ən nüfuzlu gözəllik müsabiqələrindən biri hesab olunur. …read more

From:: ANS

      

Talibançılar öldürüldü

Əfqanıstanın paytaxtı Kabildə talibançılar xarici vətəndaşların qaldığı otelə hücum ediblər.

ANS PRESS-in məlumatına görə, Kabildə əfqan parlamenti yaxınlığında yerləşən otelə hücum təşkil edən “Taliban” hərəkatının üzvləri öldürülüb.

Hücum həyata keçirən üç talibançı xarici humanitar təşkilatın 2 üzvünü öldürdükdən sonra hadisə yerinə gələn əfqan ordusu nümayəndələri tərəfindən məhv edilib. Yanğın meydana gələn oteldəki müştərilərin təxliyyə olunub.

“Taliban” hərəkatının üzvləri bildiriblər ki, həmin mehmanxana “məxfi xristian missioner mərkəzi”dir. Oteldəki əcnəbilər avstraliyalı olublar.

Qeyd edək ki, son günlər Kabildə bir neçə terror aktı həyata keçirilib. …read more

From:: ANS

      

Prosineçki: “Heç nə vəd vermirəm”

“Əgər Azərbaycan millisinin baş məşqçisi olsam, yaxşı nəticə üçün çalışacam.”

ANS PRESS-in məlumatına görə, bu sözləri Azərbaycan millisinin baş məşqçi vəzifəsinə əsas namizəd kimi göstərilən Robert Prosineçki Premyer Liqanın 14-cü turunda keçirilən “Bakı” – “İnter” matçından (0:1) sonra jurnalistlərə açıqlamasında deyib.

“Bakı” – “İnter” görüşünü stadiondan canlı izləyən xorvatiyalı mütəxəssis yığmamızın baş məşqçisi təyin olunacağı təqdirdə legioner futbolçuların milliləşdiriləcəyinin mümkünlüyünü bildirib:

“Heç nə vəd vermirəm. Əgər Azərbaycan millisinin baş məşqçisi olsam, yaxşı nəticə üçün çalışacam. Legioner futbolçular yerli oyunçulardan 3 qat üstün olarsa, o zaman onların milliləşdirilməsi haqda düşünə bilərik. Millinin legioner həyatı yaşayan futbolçularından Dmitri Nazarovun oyununu izlədim. “Karşıyaka”nın futbolçusu Mahir Şükürovun Türkiyə birinci liqasındakı oyununu da izləyəcəm”. …read more

From:: ANS

      

“iPhone”nun o modeli tapılmayacaq

“Apple” şirkəti 2015-ci ildə “iPhone 4S” ilə yanaşı, “iPhone 5c”nin istehsalını da dayandıracağını elan edib.

ANS PRESS-in “ICTnews”a istinadən məlumatına görə, xəbər xidmətinin məlumatına əsasən, beləliklə, “Apple” öz assortimentində yalnız barmaq izləri sensoru olan smarfonlarını saxlayacaq.

“iPhone 5c” 2013-cü ilin sentyabr ayında, aşağı qiymətli “iPhone 5S” smartfonu ilə birgə təqdim edilib. Hazırda “iPhone 5c” smarfonunun qiyməti 417.9 dollar – yəni “iPhone 5S”nin baza modelindən 210 dolar daha ucuz.

Qurğu “Apple” şirkətinin ucuz smartfon bazarına ilk cəhdi idi. Lakin onun qiyməti hələ də Asiyada istehsal edilən analoqlardan daha bahadır.

Məhz buna görə də telefon “iPhone 5S”dən fərqli olaraq böyük populyarlıq əldə edə bilməyib və “Apple” şirkəti bu modelin istehsalını məhdudlaşdırıb. …read more

From:: ANS

      

“Real”dan növbəti qələbə (VİDEO)

İspaniya La iqasında 13-cü turun növbəti oyunları keçirilib.

İkinci oyun günündə daha 4 qarşılaşma baş tutub.

Səfərdə “Qetafe”nin qonağı olan “Atletik” (Bilbao) klubu rəqibinə 2:1 hesabı ilə qalib gəlib. Madrid “Real”ı isə eyni hesabla səfərdə “Malaqa”nı üstələyib – 2:1.

Qeyd edək ki, La Liqada 13-cü tura dekabrın 1-də keçiriləcək iki oyunla yekun vurulacaq.

29 noyabr, İspaniya La Liqas, 13-cü tur:

“Getafe” – “Atletik” (Bilbao) – 1:2
Qollar: San Joze, 36 (0:1), Ekçeberia, 90 (0:2), Lafita, 90+1 (1:2)

“Espanyol” – “Levante” – 2:1
Qollar: Morales, 12 (0:1), Kaysedo, 19 (1:1), Qarsiya, 34 (2:1)

“Malaqa” – Real” (Madrid) – 1:2
Qollar: Benzema, 18 (0:1), Beyl, 83 (0:2), Santa Kruz, 90+2 (1:2)

“Selta Viqo” – Eybar” – 0:1
Qol: del Moral, 30 (0:1)

…read more

From:: ANS

      

İŞİD həkimləri öldürdü

İŞİD əmrlərinə tabe olmayan həkimləri öldürüb.

ANS PRESS-in məlumatına görə, İraqın Mosul şəhərindəki xəstəxanaya yaralı olaraq gətirilən İŞİD terror qruplaşması üzvlərini müalicə etməkdən imtina edən 10 həkim öldürülüb. Bu barədə Kürdistan Demokrat Partiyası Mosul nümayəndələrindən olan İsmət Rəcəb məlumat verib.

O bildirib ki, İŞİD silahlıları əmrə tabe olmayan həkimləri sıra ilə düzərək güllələyib həyatlarına son qoyublar.

Bundan başqa, İŞİD-in Mosuldakı toplanış mərkəzlərinə koalissiya qüvvələrinin etdiyi hücum nəticəsində 43 terrorçu məhv edilib.

Qeyd edək ki, bombardmançı təyyarələrin hədəfi Ninova oteli ilə Zuhur məhəlləsi arasında yerləşən İŞİD mövqeləri olub. …read more

From:: ANS

      

Turkic Azeri and Hazara Solidarity Network