Futbolçular qəzaya düşdü: 4 nəfər öldü

Zambiyada futbolçuların olduğu avtobus qəzaya düşüb.

ANS PRESS-in məlumatına görə, bu barədə Zambiya Futbol Federasiyası rəsmi məlumat yayıb. Federasiyadan bildirilib ki, “Zesko Yunayted” klubunun mikroavtobusu “cip”lə toqquşub. Kabve şəhərindən paytaxt Lusakadaki milli komanda düşərgəsinə gedən mikroavtobusun qəzaya düşməsi nəticəsində 4 nəfər ölüb.

Milli komandanın 2015-ci il Afrika Millətlər Kuboku heyətində yer alan 3 futbolçusu isə xəsarət alıb. 2012-ci il Afrika Millətlər Kuboku çempionu olan Zambiya millisinin heyətində də yer alan Mulenqanın sağ ayağı qırılıb. Xəstəxanaya aparılan Kalale və Çakavanın isə həyati risklərinin olmadığı ifadə edilib.

Qeyd edək ki, Zambiya millisinin futbolçuları Nyambe Mulenqa, Çanqve Kalale və Satçmo Çakava millinin heyətindən çıxarılıb. …read more

From:: ANS

      

Gülən həbs edilir?

“Gülən camaatının” lideri kimi tanınan Fətullah Gülən həbs edilə bilər? ANS PRESS-in məlumatına görə, Türkiyədə ötən gündən başayan əməliyyatların başındakı ad olaraq tanınan İstanbul baş prokurorunun vəkili Orhan Kapıcı 31 nəfərin saxlanılacağını deyib.

O, Fətullah Gülənin də bu siyahısa olub-olmaması barədə suala cavabında isə belə deyib: “Hazırda bununla bağlı heç nə deyə bilmərəm”,

“Al Cəzirə”nin iddiasına görə, Gülən əməliyyatın şübhəliləri arasındadır. Amma o xaricdə yaşdığı üçün haqqında saxlanılma qərarı verilməyib.

İddiaya görə, Gülən haqqında toplanan sübutlar Ədliyyə Nazirliyinə göndəriləcək. Bundan sonra onun haqqında “İnterpol”un qırmızı blütenlə axtarışı tələb ediləcək. …read more

From:: ANS

      

Avropa İttifaqı üçün təhlükə

“Avrozonada iqtisadi böhran tədricən ciddi məcraya yönəlir. Yunanıstandan başlayan bu yol bütün Avropa İttifaqı üçün neqativ rol oynayacaq.”

ANS PRESS-in məlumatına görə, bu barədə “The Guardian” qəzeti yazıb.

Yazı müəllifi Larri Elliottun fikrincə, indi Avropada problemlərin bütöv “buketi” – iqtisadiyyatın zəifliyi, işsizlik, deflyasiya təhlükəsi və ölkələrin inkişafına imkan yaradan valyutanın dəyərdən düşməsi müşahidə olunur. Böhranın ən çox dərinləşəcəyi ehtimal dərəcəsi üzrə riskli zonaya isə Yunanıstan, Portuqaliya, İspaniya, İtaliya və qismən Belçika daxildir.

Onun sözlərinə görə, yaxın bir neçə ayda Avropa İttifaqının iqtisadiyyatla bağlı çox güclü planı olmasa, vəziyyətin daha da kəskinləşməsi qaçılmazdır. Bir sözlə, Avropa İttifaqının dağılmasından əvvəl onu daha dərin iqtisadi böhran gözləyir. …read more

From:: ANS

      

ASALA terror qurbanından XİN-ə çətin sual

“1915-ci il hadisələrinin 100 illiyi ərəfəsində erməni məsələsi ilə bağlı gerçəkliklərin dünyaya çatdırılmasında, erməni tərəfinin dünyaya yeritməyə çalışdığı fikirlərinin dəyişdirilməsi üçün cəhdlərimiz davam edir”.

ANS PRESS-in məlumatına görə, bu barədə açıqlamanı Türkiyə Xarici İşlər Nazirliyi yayıb. Nazirlik ASALA terror təşkilatı tərəfindən 1983-cü ildə şəhid edilən türk diplomat Qalib Balkarın qardaşı oğlu Cəlal Kamal Balkarın sorğusuna cavab verib. O sorğusunda “Qondarma erməni soyqırımının 100 illiyi üçün hazırlığınız var?” sualını ünvanlamışdı.

XİN qeyd edib ki, ASALA terrorunun qurbanı olan diplomatların xatirəsi hər il mart ayının 18-də anılır.

“Türkiyə, özünə əminliklə tarixindən aldığı qürurla və işləri ilə 1915-ci il hadisələri ilə bağlı haqsız iddialara qarşı güclü şəkildə mübarizə aparır. Tariximizin qaralanması cəhdlərinə qarşı mübarizə davam etməkdədir”.

Xatırladaq ki, Türkiyənin Belqraddakı səfiri “erməni soyqırımı yoxdur” dediyi üçün terror təşkilatının 2 üzvü tərəfindən öldürülmüşdü. Bir tələbənin də ölümü ilə nəticələnən silahlı basqından bir il sonra Kirkor Levonyan və Raffi Aleksandre Elbekiyan 20 il azadlıqdan məhrum ediliblər. Ammaonlar iki il həbsxanada qalıblar. Onlardan birinin hazırda İrəvanda elektrik işi ilə məşğul olduğu, digərinin isə Livanda yaşadığı deyilir. …read more

From:: ANS

      

WhatsApp-dan möhtəşəm yenilik (FOTO)

Məşhur mesajlaşma tətbiqi Whatsapp daha bir yeniliyə hazırlaşır.

ANS PRESS-in məlumatına görə, çıxdığı ilk gündən bu yana yalnız mobil telefonlarda istifadə edilə bilən tətbiq artıq web variantda da olacaq.

Whatsapp-ın rəqibi olan Telegram-ın qurucularından Pavel Durov tətbiqlə əlaqədar maraqlı bir iddia ortaya atıb. Pavel bildirib ki, Whatsapp rəhbərliyi Telegram-a aid web fayldan istifadə etmək üçün şirkətə müraciət edib. Pavel Durov bununla da Whatsapp-ın web versiyasının yayımlana biləcəyi siqnalını verib.

Whatsapp-ın yeni versiyası ilə bağlı bir digər siqnal isə AndroidWorld.nl adlı sayt yayıb. Tətbiqlə bağlı yayımlanan bir kod səyfəsində Whatsapp-ın web platforması ilə bağlı çalışmaların olduğu göstərilir.

…read more

From:: ANS

      

Bakıda ocaqçı diri-diri yandı

Bakının Sabunçu rayonunda yanğın hadisəsi baş verib.

ANS PRESS-in Fövqəladə Hallar Nazirliyinin mətbuat xidmətinə istinadən verdiyi məlumata görə, yanğın ötən axşam hazırda fəaliyyət göstərməyən təmir tikinti quraşdırma idarəsinin ərazisində qeydə alınıb.

Belə ki, ümumi sahəsi 75 kvadratmetr olan qazanxanada qeydə alınıb. Qazanxananın yanar konstruksiyaları yanıb. Yanğınsöndürənlər tərəfindən yanğın yerinin kəşfiyyatı aparılan zaman 1970-ci il təvəllüdlü Qalib Şirin oğlu Hüseynovun yanmış meyiti aşkarlanıb

Yanğın saat 21:47-də yanğınsöndürənlər tərəfindən söndürülüb.

Faktla bağlı araşdırma başlanıb. …read more

From:: ANS

      

Bakı metrosunda dava

Bu gün səhər saatlarında Bakı Metropolitenində yenə də insident yaşanıb.

Hadisə şahidlərinin ANS PRESS-ə verdiyi məlumata görə, metronun “20 yanvar” stansiyasına girmək mümkün olmayıb.

Belə ki, stansiyanın girişində qapıların yalnız biri açıq olub. Bu səbəbdən metronun bütün keçidləri sərnişinlərlə dolub. Metroya giriş üçün dava düşüb. Mövcud problem 2 saat müddətinə davam edib.

Məsələ ilə bağlı metropoliten rəhbərliyi açıqlama verib. Metronun mətbuat xidmətinin rəhbəri Nəsimi Paşayev açıqlamasında bildirib ki, əslində metronun 20 yanvar stansiyasına giriş bağlanmayıb.

“Qapılarda da hər hansı problem yoxdu. Sərnişin sıxlığı olduğu üçün təhlükəsizliklə əlaqədar sərnişin axınını nizamlamaq üçün tədbirlər görülür. Bütün bunlar stansiyada hər hansı xoşagəlməz hadisənin baş verməməsi üçündür. İstər qatarların hərəkətində, istərsə də stansiyada hər hansı nasazlıq, problem yoxdur”, – deyə Nəsimi Paşayev bildirib. …read more

From:: ANS

      

Baş nazir Bakıda (FOTO)

Malta Respublikasının baş naziri Cosef Muskat dekabrın 15-də Azərbaycan Respublikasına rəsmi səfərə gəlib.

ANS PRESS-in məlumatına görə, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda baş nazir Cosef Muskatın şərəfinə fəxri qarovul dəstəsi düzülüb.

Maltanın və Azərbaycanın dövlət himnləri səsləndirilib.

Baş nazir Cosef Muskatı hava limanında Azərbaycanın baş nazirinin müavini Əli Əhmədov və digər rəsmi şəxslər qarşılayıblar.

…read more

From:: ANS

      

Turkic Azeri and Hazara Solidarity Network