“Qarabağın səsi” təqdim olundu (FOTO)

Dekabrın 2-də Heydər Əliyev Mərkəzində “Qarabağın səsi” layihəsinin təqdimatı olub.

Məlumata görə, Heydər Əliyev Fondunun, Gənclər və İdman Nazirliyinin dəstəyi ilə “Virtual Qarabağ” İnformasiya-Kommunikasiya Texnologiyaları Mərkəzinin həyata keçirdiyi bu layihə Azərbaycan milli mədəniyyətinin yaşadılması, inkişaf etdirilməsi və tanıdılması, eyni zamanda, Ermənistan-Azərbaycan, Dağlıq Qarabağ münaqişəsi ilə bağlı həqiqətlərin dünya ictimaiyyətinə çatdırılması məqsədini daşıyır.

Belə ki, “Qarabağın səsi” layihəsinə daxil olan musiqi albomundakı kompozisiyalar Azərbaycanın Ermənistan silahlı qüvvələrinin işğalı altında olan Xocəvənd, Xocalı, Zəngilan, Şuşa, Xankəndi, Kəlbəcər, Füzuli, Ağdam, Laçın, Cəbrayıl və Qubadlı bölgələrinə həsr olunur. Kompozisiyaların müəllifi Əməkdar Artist Rain Sultanovdur.

Layihənin reallaşmasında Xalq Artisti Alim Qasımov, əməkdar artistlər Yasəf Eyvazov və Şahin Növrəsli, İsveç Dövlət kamera orkestrinin üzvü Linnea Olson, İsveç, Yaponiya və Gürcüstan musiqiçilərindən Peter Nilson, Yasuhito Mori və İrakli Koiava iştirak ediblər.

Hökumət rəsmilərinin, Milli Məclisin deputatlarının, ictimaiyyət və mədəniyyət xadimlərinin iştirak etdikləri tədbirdə çıxış edən “Virtual Qarabağ” İnformasiya-Kommunikasiya Texnologiyaları Mərkəzinin əlaqələndiricisi Nurəddin Mehdiyev bu layihənin ərsəyə gəlməsindən söz açıb.

Diqqətə çatdırılıb ki, layihə çərçivəsində “Qarabağın səsi” musiqi albomuna daxil olan kataloq da nəşr olunub. Kataloqda Böyük Britaniyadan olan jurnalist İan Peartın Qarabağın Azərbaycanın tarixi və mədəniyyətində özünəməxsus yerinə dair fikirləri əksini tapıb. Nəşr Azərbaycan, ingilis, rus və ispan dillərində çap edilib.

Mərasimdə çıxış edən İan Peart Azərbaycanın və onun ayrılmaz hissəsi olan Qarabağın zəngin mədəniyyətindən söhbət açaraq, torpaqlarımızın Ermənistan silahlı birləşmələri tərəfindən işğal olunduğunu dərin təəssüflə qeyd edib. Xocalı hadisələri zamanı sağ qalan Yasəmən Həsənova ilə söhbətini xatırladan qonaq, bu xanımın indi Xocalıdan olanların övladlarına dərs dediyini və uşaqlara bu yerin necə gözəl olmasından söhbət açdığını diqqətə çatdırıb.

İan Peart belə bir layihənin ərsəyə gəlməsindən qürur duyduğunu, həmçinin azərbaycanlıların öz torpaqlarına qayıdacaqlarına ümidini ifadə edib.

Sonra Əməkdar Artist Rain Sultanov layihənin reallaşmasında əməyi olan hər kəsə dərin təşəkkürünü bildirib.

Daha sonra layihə haqqında film nümayiş olunub.

Sivilizasiyaların qovuşuğunda yerləşən Azərbaycan digər xalqlara və onların mədəniyyətlərinə hər zaman açıq olub, burada klassik və caz musiqisi dərindən kök salıb. …read more

From:: ANS

      

Fizikaçı Pentaqon rəhbəri ola bilər

ABŞ-da müdafiə nazirinin keçmiş müavini Pentaqonun rəhbəri vəzifəsinə namizəd göstərilir.

ANS PRESS-in məlumatına görə, Eşton Karter müdafiə naziri Çak Heygeli bu vəzifədə əvəz edəcək namizədlər siyahısında yer alıb.

Ağ Evin sözçüsü Coş Ernest bunun hələ elan edilmədiyini bildirsə də, Karterin bu yüksək vəzifəni tutmaq üçün qabiliyyətlərini və prezident Obamanın siyahısında olduğunu deyib.

Coş Ernest Karterin bundan öncə müdafiə nazirinin müavini vəzifəsinə Senatda dərhal təsdiq edildiyini qeyd edib. Bu, siyasi fikir ayrılıqlarının mövcud olduğu Vaşinqton üçün təqdirə layiq bir hal kimi göstərilir.

İxtisasca fizik olan 60 yaşlı Eşton Karter ABŞ-ın milli təhlükəsizlik sahəsində yaxşı tanınan siyasi fiqurdur. O, Pentaqonda işlədiyi müddətdə silah satşışı ilə bağlı məsələlərə görə məsuliyyət daşıyıb. Lakin iki il bundan əvvəl Obama Senat üzrə həmkarı Çak Heygeli müdafiə naziri elan edərkən onun adı çəkilməyib.

Eşton Karter Çak Heygel və ondan əvvəl Leon Panettanın müavini olub. Heygelin müavini kimi o, 600 milyonluq büdcə və 2,4 milyon mülki və hərbi personala görə məsuliyyət daşıyıb.

Eşton Karter silahlı qüvvələrdə heç vaxt xidmət etmyib, lakin təhlilçilər onun müasir silahlara dair dərin biliyə malik olduğunu bildirir. …read more

From:: ANS

      

İki milyon iraqlı məcburi köçkün olub

Beynəlxalq müşahidəçilər iraqda zorakılıqlar nəticəsində bu il iki milyondan çox insanın məcburi köçkün olduğunu bildirib.

ANS PRESS-in məlumatına görə, Beynəlxalq Miqrasiya Təşkilatı məcburi köçkünlərin böyük hissəsinin Nineva vilayətindən olduğu haqda məlumat verib. Vilayətdə məcburi köçkünlrin sayı bir milyona yaxındır. Ənbər vilayəti məcburi köçkünlərin sayına görə ikinci yerdə göstərilib.

Nineva və Ənbər vilayətləri İslam Dövləti qrupunun əməliyyatları, eləcə də İraq təhlükəsizlik qüvvələri və ABŞ-ın başçılığı ilə koalisiyanın koalisiyanın əks əməliyyatlarına səhnə olub.

Beynəlxalq Miqrasiya Təşkilatının verdiyi məlumata əsasən, məcburi köçkünlərin 47 faizi İraq Kürdüstanına pənah gətirib. Onların 45 faizi İraqın mərkəzində məskunlaşıb, digərləri isə ölkənin cənubuna üz tutub.

Beynəlxalq Miqrasiya Təşkilatının İraqdakı missiyasının başçısı Tomas Lothar Veys bildirib ki, İraqda humanitar ehtiyacların təmin edilməsi üçün beynəlxalq ictimaiyyətin səylərinin koordinasiya edilməsi vacibdir. …read more

From:: ANS

      

Donetskdə müharibəni ağır qış əvəz edib (VİDEO)

Ukrayna və qondarma Donetsk Xalq Respublikası nümayəndələri Donetsk aeraportunda atəşkəsə nail olublar.

ANS PRESS-in məlumatına görə, bu barədə Ukraynanın milli təhlükəsizlik və müdafiə birliyinin feysbuk səhifəsində qeyd edilib.
Ən əsası isə razılıq Rusiyanın iştrakı və müdaxiləsi ilə əldə edilib. Aeraport bölgəsində uzun sürən çaxnaşma sona çatsa da Donetsk şəhəri üçün bunu demək olmaz.

Ukraynanın şimalını bürüyən soyuq hava klütlələri isə qaz, işıq və sudan əziyyət çəkən şəhər sakinləri üçün ölümçül ola bilər. Hazırda axşam vaxtları 15 dərəcə soyuq yaşandığı halda ,gündüzlər bu göstərici sıfır dərəcədən yuxarı qalxmır.

…read more

From:: ANS

      

Bakıda küçə itlərini kim öldürür? (VİDEO)

Son vaxtlar küçə itlərinin amansız öldürülməsi faktlarına tez-tez rast gəlinir.

ANS TV-nin məlumatına görə, bu günlərdə sosial şəbəkələrdə paylaşılan şəkillər vəziyyətin hələ də acınacaqlı olmasından xəbər verir. Şəkillərdə aydın görünür ki, küçə itləri odlu silahla öldürülərək məhv edilib. Hadisənin isə Lökbatan qəsəbəsində baş verdiyi bildirilir.

Məsələ ilə bağlı Bakı şəhəri Mənzil Kommunal Təsərrüfat Departamentinin Sahibsiz Heyvanlarla Mübarizə idarəsinin rəisi Əhməd Məmmədovla əlaqə saxladıq. O bizə bildirdi ki, qurumun baş verən bu hadisə ilə heç bir əlaqəsi yoxdur: “Bizim orada apardığımız son təmizlənmə işi bu ilin avqust ayında olub”.

Ümüd edirk ki, baş vermiş bu hadisə ilə hüquq-mühafizə orqanları yaxından məşqul olacaq və onların heyvanlara, sahibsiz olsalar belə zülm verərək bu tərzdə öldürmələri cəzasız qalmayacaq.

…read more

From:: ANS

      

Bu gün bizi nə gözləyir?

Dünyanın nüfuzlu və məşhur ulduz falları portalları “Horoscope” və “Astrology” bu günün qoroskopunu təqdim edir.

Qoç – fəallıq və səylərinizi yönəldəcəyiniz istiqaməti müəyyənləşdirin. Yaxın gələcəkdə maksimum fayda əldə etmək üçün əsas fəaliyyət yönünü seçin. Yaxın ətrafınızdakı insanlar sizi nəyəsə razı salmağa çalışanda, güc və qüvvənizi, vaxt və səylərinizi tələb edən əmələ yönəltmək istəyəndə “yox” deməyi bacarın.
Günün ikinci yarısında İlk əvvəl öz maraqlarınızı düşünün. Gərəksiz işə baş qoşduğunuzu, münaqişəli situasiyaya qarışdığınızı bilən kimi geri çəkilin.
Vədlərinizə əməl etməyə çalışın. Etibar etdiyiniz, birlikdə işlədiyiniz insanlardan dəstək almağa can atın.
Axşam saatlarında görüş, müzakirə, yazışma və söhbət yeni emosiyalar vəd edir.

Buğa – günün ilk yarısında plan və ideyalar çoxdur. Vaxt, resurs, informasiya qıtlığına rəğmən növbəti layihəyə başlayın. İşlərdə qayda yaradın. Təmirə ehtiyac duyan avadanlıq və qurğunu normal vəziyyətə gətirin. Vədlərə əməl edin, öhdəlikləri yerinə yetirin.
Günün ikinci yarısında münasibətlərdə gərginlik istisna deyil. Planlarınızın ziyanına olaraq sürəkli qaydada başqalarının işini yerinə yetirməyin. Emosional əks-səda, rəğbət izharı gözlədiyiniz görüşlər bu gün üçün deyil.
Tək işləsəniz, daha ciddi nəticələr əldə edə bilərsiniz.

Əkizlər – müsbət əhval-ruhiyyə ilə pozitiv davranış bir çox işləri görməyə yardım edəcək. Yeni tanış olduğunuz insanlarla ünsiyyətdə aqressiv davranmayın. Maraqlandığınız məsələnin təfərrüatlarını öyrənin.
Günün ikinci yarısında yeni, sərfəli əlaqələr qura bilərsiniz. Şəxsi münasibətləri keyfiyyətcə yeni mərhələyə çıxarmaq şansını əldən verməyin.
Əks cins mənsubu ilə söhbətdə illüziyalara qapılmayın. Yaxınlarınızla təmaslar əhvalınızı yaxşılaşdıracaq.
Axşam saatlarında normal istirahət edin.

Xərçəng – etiraf etmək gərəkdir ki, zəngin təcrübə irəliləyişin avtomatik, aprior təminatçısı deyil. Ötənlərdəki xidmətlərinizin dəyərləndiriləcəyini düşünməyin. Yaxın gələcəkdəki prosesləri indidən planlaşdırın. Yenilikləri əxz edin.
Günün ikinci yarısında müşkül problemlərin həllinə yaxın ətrafınızdakı insanları cəlb edin.
Müzakirələr və təhlillər bir çox problemləri həll etməyə imkan verəcək.
Axşam saatlarını sevdiyiniz insanla keçirin. Münasibətləri stabilləşdirin. Hisslərinizdə səmimi olun.

Şir – günün ilk yarısında əlahiddə fəaliyyətin nəticəsi pis, faydalı iş əmsalı aşağı olacaq. Dostların yardımlarından bəhrələnərək yaxşı nəticələr əldə etməyə can atın. Çox iş görmək fikrindən vaz keçin. Əks təqdirdə …read more

From:: ANS

      

Türk şairləri Bakıda görüşdü (VİDEO, FOTO)

Dünya Gənc Türk Yazarlar Birliyinin (DGTYB) təşkilatçılığı ilə “Türk Dünyasının gənc yazarlarını birləşdirən qurumlar arasında məsləhət mühitinin yaradılması” adlı layihə çərçivəsində noyabrın 27-dən dekabrın 1-inədək müxtəlif türk ölkə və topluluqlarını təmsilən bir qrup gənc şair və yazıçı respublikamızda səfərdə olub.

DGTYB-nin mətbuat xidmətindən ANS PRESS-ə verilən məlumata görə, Azərbaycan Respublikası Gənclər və İdman Nazirliyinin maliyyə dəstəyi ilə baş tutan layihə çərçivəsində Qazaxıstan, Qırğızıstan, Özbəkistan, Türkiyə, Tatarıstan, Çuvaşıstan, Qaqauz Yeri (Moldova), İraq (Türkmaneli), Rusiya paytaxtı Moskvadan təşrif buyurmuş gənc yazarlar Azərbaycanlı həmkarları ilə tanış olmaqla yanaşı, bir sıra önəmli görüş və müzakirələrdə iştirak ediblər.

Layihə çərçivəsində Akademik Milli Dram teatrında Türk Dünyası gənc şairlərinin şeir şöləni keçirilib.
Ədəbi ictimaiyyətin tanınmış nümayəndələrinin, sənətçilərinin, aydınların, QHT və KİV təmsilçilərinin, tələbə-gənclərin iştirak etdiyi tədbirdə, müxtəlif türk xalqlarını təmsil edən istedadlı gənc şairlər – Musab Kırca, Haticə Üzgül (Türkiyə), Erkinbek Serikbay (Qazaxıstan), Nilufər Şıxlı (RF, Moskva), Altınbek İsmayil (Qırğız Respublikası), Şoxista Ortikova, Mahfuza Ortikova (Özbəkistan), Alla Böyük (Qaqauz Yeri), Rıfat Salah (Tatarıstan), Aybəniz Küzəçi (İraq, Türkmaneli), Dmitriy Moiseev (Çuvaşistan), Kamil Bensgier (M.Qorki ad. Ədəbiyyat İnstitutunun Yekaterinburqlu tələbəsi), eləcə də Azərbaycanda fəaliyyət göstərən müxtəlif ədəbi qurumların nümayəndəsi olan gənc şairlər səhnə alıblar. Onların parlaq ifalarını tamaşaçılar tərəfindən alqışlarla qarşılanıb.

Şeir gecəsinin musiqili qonaqları, vətənpərvər mahnıları ilə sevilən sənətçi Şəmistan Əlizamanlı, əməkdar artist Aybəniz Haşımova, gənc aşıq Elməddin Məmmədli, ustad aşıq Məhərrəm Hüseynlinin ifaları şeir məclisini daha da rəngarəng ediblər.

Tədbirdə çıxış edən TÜRKSOY təmsilçisi Malik Otarbayev TÜRKSOY başqanı Dusein Kaseinovun salamlarını çatdırdıqdan sonra, qurum adından Türk Dünyası ədəbiyyatı ilə bağlı görülən işlərə görə Əkbər Qoşalı və gənc yazar Əfsanə Ələsgərlini TÜRKSOY plaketi ilə təltif edib.
Türksoylu yazarlar Azərbaycanda olquqları müddətdə paytaxt Bakının tarixi yerləri ilə də tanış olublar.

Qeyd edək ki, layihə türk coğrafiyasını əhatə edən gənc yazar birlikləri (ümumən Türk Dünyasındakı ədəbi birliklər) arasında məsləhət mühitinin yaradılması, habelə Azərbaycanın gənc qələm sahiblərinin digər türk xalqlarından olan həmyaşıdları ilə fikir mübadiləsi aparmasına, …read more

From:: ANS

      

Turkic Azeri and Hazara Solidarity Network