Polis reyd keçirdi: 18 nəfər saxlanıldı

Gəncə Şəhər Dövlət Yol Polisi Şöbəsinin əməkdaşları növbəti reydini keçirib.

Reyd bu dəfə şəhərin Heydər Əliyev prospektində baş tutub və əsas məqsəd yollarda hərəkətin təhlükəsizliyini təmin etmək və sürücülər tərəfindən yol verilən qayda pozuntularını aşkar etmək olub.

Reyd zamanı sürücülük hüququ olmayan, təhlükəsizlik kəmərindən istifadə etməyən sürücülər müəyyənləşdirilib.

Həmçinin nəqliyyat vasitələrinin sərxoş halda idarə edilməsi, sürət həddini aşma, ötmə qaydalarının pozulması və digər qayda pozuntuları da aşkar edilib. Reyddə 18 sürücü haqqında inzibati tədbir görülüb və avtomobillər cərimə meydançasına aparılıb.

Reydlər bu ayın sonuna kimi davam edəcək. …read more

From:: ANS

      

İstanbulda gəmi qəzası (FOTO)

Türkiyənin İstanbul şəhərindəki Bosfor (İstanbul) boğazında gəmi qəzası baş verib.

ANS PRESS-in məlumatına görə, qəzada şəhərdaxili ictimai nəqliyyat kimi fəaliyyət göstərən “Sultanahmet” adlı dəniz avtobusu (İDO) ilə boğazdan tranzit keçid edən “Tanais Dream” adlı yük gəmisi toqquşub.

Qəza nəticəsində “Sultanahmet” gəmisində olan sərnişinlərdən biri yüngül xəsarət alıb, hər iki gəmiyə maddi ziyan dəyib.

Qəza zamanı su dolması hadisəsi baş vermədiyindən gəmilər yollarına davam ediblər.

…read more

From:: ANS

      

Obama son qərarını verdi

ABŞ prezidenti Barak Obama Rusiyaya qarşı sanksiyalar haqqında yeni qanunu imzalayıb.

ANS PRESS-in məlumatına görə, bu barədə Obama özü açıqlama verib.

Prezident bildirib ki, yeni qanun imzalansa da yaxın vaxtlarda sanksiyalardan geniş şəkildə istifadə etmək niyyətində deyil.

Ağ Ev açıqlama verib ki, əgər Rusiya Donbasla bağlı siyasətini dəyişməsə yeni sanksiyalar tam gücü ilə işə düşəcək.

Qeyd edək ki, Obamanın Rusiyaya qarşı yeni sanksiyalar haqqında qanunu imzalayıb-imzalamayacağı geniş müzakirə olunmuşdu. Hətta mətbuatda xəbərlər yayılmışdı ki, Obama yeni qanunu imzalamayacaq. ABŞ prezidentinin Putinin mətbuat konfransından sonra qanunu imzalaması da diqqət çəkir. …read more

From:: ANS

      

Neft şirkətlərində kütləvi ixtisarlar

Neft ucuzlaşdıqca Britaniyanın neft sənayesinin böhranlı vəziyyəti də dərinləşir.

ANS PRESS-in məlumatına görə, neft şirkətləri və bu sahənin xidmətçi qurumları qənaət etmək məqsədilə əməkdaşların sayını ixtisara salırlar.

Brindex müstəqil neft kəşfiyyatçıları assosiyasiyasının sədri Robin Allanın sözlərinə görə, sənaye çökmək astanasındadır.

Onun sözlərinə görə, neftin qiyməti bir barel üçün 60 dollar göstəricisindən aşağı düşdüyü halda Şimal Dənizdəki yeni neft layihələri gəlirlərini itirir.

“Dərin böhrandayıq. Sənaye yeni şəraitə alışmağa çalışır, lakin bunun üçün işçiləri, layihələri, xərcləri ixtisar etmək lazımdır. Bu, həm işçilər, həm şirlkət, həm də ölkə üçün çətindir. Yeni investisiyalar baxımından vəziyyət iflasa yaxındır. Hamı zərərdədir, işçilər, gələn ilin büdcəsi ixtisar olunur”, Robin Allan deyib.

Onun fikrincə ixtisarların əksəriyyəti “səssiz-küysüz” aparılacaq, çünki neft yataqlarında işlər adətən məhdud müddətli iş müqavilələri əsasında görülür, bu səbəbdən də belələrinin ixtisara salınması problem yaratmayacaq.

Bu arada ABŞ-da mənzillənən ConocoPhillips neft nəhəngi Britaniyadakı layihələrində 1,650 iş yerindən 250-ni ixtisara salıb.

Digər neft şirkətlərində də buna bənzər addımların atılacağı gözlənilir. …read more

From:: ANS

      

UEFA-da "Qarabağ" xofu (VİDEO)

UEFA Avropa Liqasının rəsmi “Facebook” səhifəsinə azərbaycanlı istifadəçilərin girişini qadağan edib.

ANS TV-nin məlumatına görə, yerli futbol azarkeşləri 9 milyondan çox istifadəçisi olan səhifədə “Justice For Karabakh” adı altında Avropanın Ali Futbol Qurumuna etiraz edirdilər.

Azərbaycandan olan etirazlara birmənalı yanaşmayan UEFA səhifəyə, Azərbaycan İP ünvanından girişi qadağan edib.

Onu da qeyd edək ki, “Qarabağ”la bağlı hazırlanan reportajların əksəriyyəti “Youtube”da açılmır. Aşağıda əqdim etdiyimiz video da “Qarabağ”la bağlıdır.

…read more

From:: ANS

      

Putindən yeni rekord

Rusiya prezidenti Vladimir Putini əhalinin 81 faizi dəstəkləyir

ANS PRESS-in məlumatına görə, bu rəqəm “Associated Press” agentliyi və “NORC” tədqiqat mərkəzinin Rusiyada keçirdikləri rəy sorğusunda qeyd edilir.

Təhlilçilərin bildiridiyinə görə, 2012-ci ildə ölkədə Putini dərstəkləyənlər 58 faiz təşkil edib.

Lakin indi sorğuda iştirak edənlərin əksəriyyətini təşkil edən üçdə ikisi əmindir ki, beynəlxalq təzyiqə və iqtisadi çətinliklərə baxmayaraq, Rusiya düzgün istiqamətdə irəliləməkdədir.

Sorğu eləcə də, rusiyalıların üçdə ikisinin Kiyev rəsmilərinə tabe olmaq istəməyən Ukrayna vətəndaşlarını dəstəklədiyini aşkar edib. …read more

From:: ANS

      

Turkic Azeri and Hazara Solidarity Network