Gəncədə güclü partlayış

Bu gün səhər saatlarında Gəncədə güclü partlayış baş verib.

Gəncə şəhər Baş Polis İdarəsindən ANS PRESS-ə verilən məlumata görə, partlayış Mehdi Hüseynzadə küçəsi 14 ünvanındakı yaşayış evlərinin birində qeydə alınıb.

Hadisə nəticəsində ev sahibi 42 yaşlı Rövşən Qələndərov yaralanıb. Yaralı ağır vəziyyətdə xəstəxanaya yerləşdirilib.

Xəstəyə müayinə zamanı başın, boyunun, hər iki əlin ikinci, üçüncü dərəcəli termiki yanıq diaqnozu qoyulub. Onun bədəninin 18 faizi yanıb.

Hadisənin qaz sızmasından baş verdiyi bildirilir.

Faktla bağlı araşdırma aparılır. …read more

From:: ANS

      

Qaz olmayacaq

Bir neçə rayonun təbii qaz təchizatında məhdudiyyətlər olacaq.

“Azəriqaz” İB-nin İctimaiyyətlə əlaqələr şöbəsindən ANS PRESS-ə verilən məlumata görə, bu gün saat 17:00-dək Abşeron, saat 18:00-dək Samux, işlər başa çatanadək isə Yevlax və Xəzər rayonlarının bir hissəsinə təbii qazın verilişində fasilələr yaranacaq.

Fasilələrin yaranması qaz təchizatı şəbəkəsində aparılacaq təmir işləri ilə əlaqədardır. …read more

From:: ANS

      

Əfqanıstan Avropa ilə birləşir

“Azərbaycan Əfqanıstana bir çox sahələrdə, eləcə də insan kapitalının inkişafı üçün təhsil və təlim sahəsində yardım edir. Dəmir yol əlaqəsi Əfqanıstan üçün çox vacibdir. Hazırda ölkədə bir dəmir yol əlaqəsi var. Azərbaycan, Gürcüstan və Türkiyədən keçməklə Əfqanıstanı Avropa ilə birləşdirən dəmir yol layihəsi ölkənin davamlı inkişafı üçün vacib elementlərdən biridir.”

XİN-in mətbuat xidmətindən ANS PRESS-ə verilən məlumata görə, bunu Azərbaycanın xarici işlər naziri Elmar Məmmədyarov NATO-nun Əfqanıstan üzrə nazirlər səviyyəsində olan toplantısında çıxışı zamanı deyib.

Nazir Əfqanıstan Prezidenti Məhəmməd Əşrəf Qaninin Bakıya dekabrın 1-də etdiyi səfəri zamanı Prezident İlham Əliyev və Azərbaycan hökumətinin üzvləri ilə Əfqanıstanın gələcəyinə dair intensiv və açıq fikir mübadiləsi apardığını söyləyib.

O deyib: “Əfqanıstan hökumətinin nəhəng islahatlar gündəliyi var. Bu, yalnız təhlükəsizlik deyil. Əlbəttə ki, təhlükəsizlik davamlılığın ilk sütunudur. Sənaye və infrastruktura böyük sərmayələr cəlb edilməlidir. Mənim ölkəm 20 il bundan əvvəl müharibə ilə üzləşmişdir, amma biz bütün bu təhdidləri aşmağı bacardıq və böyük irəliləyişə nail olduq. Ona görə də Azərbaycan Əfqanıstanın mövcud ehtiyaclarını görür və Əfqanıstan üçün model ola bilər. ”

Onun sözlərinə görə, qətiyyətli dəstək missiyasının başlanması Əfqanıstanın gələcəyi üçün vacibdir. Qoşunlar, təlim, maliyyə yardımı və tranzit formasında əsaslı töhfələr verməklə Azərbaycan bu missiyada öz rolunu oynayacaq. Bizim regionda olan proseslər onu göstərir ki, daha çox uğurlara imza atmaq üçün beynəlxalq birliyin Əfqanıstana dəstəyi qarşıdan gələn illərdə davam etməlidir. …read more

From:: ANS

      

Pensiya alan əlillərin sayı açıqlandı

Oktyabrın 1-nı olan statistikaya əsasən, Azərbaycanda əmək pensiyası alan 1288680 nəfərin 28,2 faizi (363,6 min nəfəri) əlilliyə görə əmək pensiyası alanlardır.

Bu barədə ANS PRESS-ə Dövlət Sosial Müdafiə Fondunun (DSNF) İctimaiyyətlə əlaqələr sektoruna istinadən məlumat verib.

Bildirilib ki, onlardan 6,8 faizi (24,9 min nəfəri) I qrup, 85,7 faizi (311,4 min nəfəri) II qrup, 7,5 faizi (27,3 min nəfəri) III qrup əlillərdir. I qrup gözdən əlillərin sayı isə 7880 nəfər təşkil edir. Əlilliyə görə əmək pensiyası alan vətəndaşların 3,5 faizi müharibə əlilləri, 95,5 faizi ümumi səbəbdən əlillər, 1,0 faizi isə dövlət qulluqçularıdır.

Qeyd edək ki, dekabrın 3-ü Beynəlxalq Əlillər günüdür. Prezident İlham Əliyevin rəhbərliyi ilə ölkəmizin sığorta-pensiya sistemində həyata keçirilən davamlı islahatlar əlil pensiyaçıların etibarlı sosial müdafiəsini təmin edib. Əhalinin pensiya təminatında yeni sistemin tətbiqi dövründə əlilliyə görə əmək pensiyası alanların pensiyalarının əhəmiyyətli artımı baş verib. Belə ki, ölkə üzrə əlilliyə görə əmək pensiyası alanların pensiyalarının orta aylıq məbləği 01 yanvar 2006-cı il tarixə 32,3 manat olduğu halda, 01 dekabr 2014-cü il tarixə bu məbləğ 149,2 manata çatıb. Hazırda I qrup gözdən əlillərin pensiyalarının orta aylığ məbləği isə 251,4 manat təşkil edir.

2006-cı ilin 1 yanvarından qüvvədə olan “Əmək pensiyaları haqqında” Azərbaycan Respublikası Qanununda əlillərin sosial müdafiəsi ilə bağlı mühüm müddəalar yer alıb. Qanunda əlilliyə görə əmək pensiyası növü xüsusilə fərqləndirilərək, bu kateqoriyadan olan vətəndaşlara xüsusi güzəştlər tətbiq edilib. Əlillərin ailə başçısını itirməyə görə əmək pensiyası hüquqlarının müəyyən edilməsində də bir sıra güzəştlər nəzərdə tutulub.

Əlilliyə görə əmək pensiyasının baza hissəsinin məbləği yaşa görə əmək pensiyasının baza hissəsinin məbləğinin I qrup əlillərə 120 faizi (I qrup gözdən əlillərə 200 faizi) həcmində müəyyənləşdirilib. Digər mühüm bir məqam əmək pensiyasının baza hissəsinə əlavələrlə bağlıdır. Qanunun 19-cu maddəsinə əsasən, öhdəsində əmək qabiliyyəti olmayan ailə üzvləri olan işləməyən I və II qrup əlillərə ailənin əmək qabiliyyəti olmayan hər üzvü üçün yaşa görə əmək pensiyasının baza hissəsinə əlavələr hesablanır. Bu …read more

From:: ANS

      

Avropa üçün dəhşətli təhlükə

“Əl Qaidə” terror təşkilatı Avropanın 5 böyük şəhərində 11 sentyabra bənzər terror hadisəsi törətməyi planlaşdırır. ANS PRESS-in məlumatına görə, bu barədə xəbəri Almaniyanın “Express”qəzeti İngiltərənin xüsusi xidmət orqanlarına istinadən yayıb. Xəbərdə, bir hava yolları əməkdaşına istinadən, “Bizə yeni ildən əvvəl 5 sərnişin təyyarəsi ilə hücum planlaşdırıldığı deyildi” – yazılıb. Hava yolu əməkdaşı həmçinin hücum planının “əl Qaidə”nin rəhbər şəxslərindən biri tərəfindən hazırlanması barədə məlumat olduğunu bildirib.

Hücum planının ciddi qəbul edildiyi, buna qarşı bir sıra tədbirlər görüldüyü, hətta əl baqajının ləğv olunmasının gündəmə gələ biləcəyi qeyd edilir. Məlumata görə hazırda, əl yüklərinin ləğv olunaraq təyyarənin baqajında daşınması müzakirə olunur. Hava yolları şirkətlərinin nümayəndələri bildirib ki, ən pis ehtimalla elektronik əşyaların sərnişin salonuna buraxılması yasaqlanacaq.

Xəbərdə həmçinin İngiltərənin daxili işlər naziri Tereza Meyin ötən həftə terror hücumlarına qarşı xəbərdarlıq etdiyi xatırladılıb:

“Təhlükə bu gün artıq daha barizdir. Hər keçən gün daha çox terror təşkilatı qərbdə hücum həyata keçirməyi planlaşdırır. Hər sui-qəsdçini də hökmən bir terror qrupunun üzvü hesab etmək olmaz. Fərdi şəkildə hərəkət edənlər də ola bilər” – deyə nazir Mey xəbərdarlığında bildirmişdi. …read more

From:: ANS

      

Bakı metrosunda paqonlu əzələ nümayişi (QƏRİBƏ YENİLİK, FOTO)

Bakı metrosunda maraqlı yenilik tətbiq olunur. Bu nə yeni qatar deyil, nə də vaqonlarda kondisioner.

Metronun stansiyalarında qoluzorlu bir neçə gənc qoyulub. Onlar pik saatlarda sərnişinlərin vaqonlara minməsinə “köməklik” edirlər. Onlar sərnişinlərin qapıdan içəri presləyir, hətta onlara acıqlanmaqdan belə çəkinmirlər. Həmin “kadrlar”ın bir neçəsinin fotosunu metronun “28 may” stansiyasında çəkmişik.

Maraqlıdır, metropolitendə “yeni kadr”lara hansı zərurətdən ehtiyac yarandı? Niyə sərnişin sıxlığının qarşısını almaq üçün qatarlar yox, onları vaqona itələyən əzələlər gətirilir?

ANS PRESS-in məlumatına görə, “Bakımetropoliteni”nin mətbuat xidmətinin rəhbəri Nəsimi Paşayev milli.az-a açıqlamasında bildirib ki, əslində metroda olan həmin adamlar yeni ştat deyil. Uzun illərdir fəaliyyət göstərən stansiyanın əməkdaşlarıdırlar. Metro rəsmisinin sözlərinə görə, stansiyaların zəhmətkeş insanları sərnişinlərin sıx olduğu zamanlarda onların hərəkətini nizamlayırlar. Həmin vəzifənin adı istehsalat texniki məsələlər üzrə müfəttişdir. Vəzifələri sərnişin axınını istər giriş-çıxışlarda, istərsə də platformada nizamlamaq, metropolitendən istifadə qaydalarına əməl etdirmək, eyni zamanda fövqəladə hadisələr zamanı təxliyə tədbirlərini təşkil etməkdir.

Tokio və Pekin metrolarında pik saatlarda sərnişinləri vaqonlara itələyib salan xüsusi əməkdaşlar var. Onlara “kikker” deyirlər. Vəzifələri basabas zamanı vaqona daxil olmaq istəyən, ancaq buna gücü çatmayan insanlara təkan verməkdir.

Avropa şəhərlərinin metrolarında isə hərəkət elə nizamlanır ki, nə basabas olur, nə də təkanverənlərə zərurət yaranır. Yəni Avropada problemi aradan qaldırmaqla yox, problemin yaranmasına imkan verməməklə həll edir. Əcaba, bəs bizim Bakı metrosu hansı yolu seçib…

…read more

From:: ANS

      

Dünyanın diqqəti Eboladan yayınır

Dünya ictimaiyyətinin diqqətinin ölümcül Ebola virusundan yayınması Amerika hökumətində nahartlıq doğrurub. ABŞ prezidenti Barak Obama Milli Səhiyyə İnstitutunda çıxışı zamanı Konqresdən virusa qarşı mübarizəni gücləndirmək məqsədilə maliyyə vəsaitinin ayırmasını tələb edib.

“Ötən yay virusa qarşı mübarizə başlatdıqda bunun milli təhlükəsizlik məsələsi olduğunu dedim. Amerikada son günlərdə virusa qarşı diqqətin azaldığını müşahidə edirəm. Əgər təhlükəni özümüzdən sovuşdurmaq istəyiriksə, bunu əvvəlcə Qərbi Afrikada etməliyik” – deyə ABŞ prezidenti Barak Obama bildirib.

Ebola xəstəliyi əsasən, Liberiya, Qvineya və Syerra-Leonedə geniş yayılan virus 7 mindən çox insanın ölümünə səbəb olub. Ümumdünya Səhiyyə Təşkilatı bir qədər əvvəl bu barədə məruzə səsləndirmişdi. …read more

From:: ANS

      

Ukrayna kabinetində əcnəbi nazirlər

Ukraynada yeni hökumətin tərkibi müəyyən olunub. Ötən gün Ali Radada keçirilən səsvermədə qanunvericilərin əksəriyyəti yeni hökumətə etimad göstərib. 288 deputat hökumətin lehinə səs verib. Yeni hökumətin tərkibində baş nazir Aresniy Yatsenyuk, daxil işlər naziri Arsen Avakov, müdafiə naziri Stepan Poltorak və Xarici işlər naziri Pavel Klimkin, təhsil və elm naziri Sergey Kvit və ədliyyə naziri Pavel Petrenko öz vəzifəsində qalıb.

Yeni nazirlər arasında isə, Ukrayna vətəndaşlığı olan əcnəbilər də var. Belə ki, ölkənin maliyyə naziri vəzifəsi amerikalı qadın siyasətçi – Natalya Yareskoya tapşırılıb. İqtisadi inkişaf naziri litvalı Ayvaras Abromoviçus, səhiyyə naziri isə, gürcü əsilli Aleksandr Kvitaşvili olub.

Ümumilikdə, hökumətin tərkibi 5 fraksiyaya ayrılmaqla 19 nazirdən təşkil olunub. Fraksiyalar isə belədir:

1. Pyotr Poroşenkonun bloku.
2. Milli Cəbhə.
3. Batkivşina.
4. Radikal partiya
5. Samopomoş.

Prezident Pyotr Poroşenko hökumətin tərkibində əcnəbi millət nümayəndələrinin olmasını beynəlxalq təcrübə adlandırıb. Poroşenko, eyni zamanda, Avropa Birliyi ilə əldə olunan əməkdaşlıq razılaşmasına da toxunub.

Pyotr Poroşenko: “Razılaşma ən mükəmməl şəkildə icra olunacaq. Bu Ukrayanın prioritet məsələsidir. Ukrayna ilə Avropa Birliyi ölkələri arasında vizasız rejimə keçid üçün heç bir bəhanə qalmayıb”

Ölkənin baş naziri Arseniy Yatsenyuk yeni hökumətə etmimad göstərdiyi üçün parlamentə təşkkür edib. …read more

From:: ANS

      

Turkic Azeri and Hazara Solidarity Network