Argentina prezidentinin qızı xəstəxanaya yerləşdirildi

Argentina prezidentinin qızı xəstəxanaya yerləşdirilib.

ANS PRESS-in məlumatına görə, Florensiya Kirşner Cənubi Amerika dövlətinin paytaxtındakı klinikada müalicə olunur.

Bu barədə bazar günü Argentinanın “Clarin” qəzeti yazıb. Prezident qızının səhhəti barədə rəsmi mənbələr açıqlama verməyib.

Nəşrin məlumatına görə, Florensiya Kirşnerin müalicə olunduğu klinikanın personalına mobil telefondan istifadə etmək qadağan edilib. Bununla belə, qəzet 23 yaşlı qızın “kiçik ginekoloji probleminin” olduğunu öyrənə bilib.

Prezident qızının təcili yardım briqadası ilə xəstəxanaya yerləşdirildiyi deyilir. Argentina prezidenti Kristina de Kirşnerin reaksiyası barədə xəbər verilmir. …read more

From:: ANS

      

Messi Trabzona gəlir

Türkiyənin “Trabzonspor” klubu yeni stadionunun açılışına “Barselona”nı dəvət etməyi planlaşdırır.

ANS PRESS-in məlumatına görə, 2015-2016-cı il futbol mövsümündən etibarən yeni meydançasına qovuşacaq Türkiyə təmsilçisi açılış üçün “Barselona” klubunu Trabzona dəvət edəcək.

Akyazı adlanan ərazidə inşası davam edən stadionda işlər sürətlə aparılır. Klub idarə heyətinin üzvləri öz aralarında etdikləri söhbətlərdə açılış matçı üçün İspan klubunu çağırmaq istədiklərini dilə gətiriblər.

Qeyd edək ki, Türk Hava Yolları (THY) “Barselona”ya sponsorluq edir. Məhz bu amilə görə, “Trabzonspor” klubu THY-dən dəstək istəyəcək. …read more

From:: ANS

      

Gələcəyin maşını (FOTO)

Serbiyada gələcəyin maşını hazırlanıb. ANS PRESS-in məlumatına görə, Ujice şəhərində yaşayan sənaye mühəndisi 29 yaşlı Petar Vukoviç ABŞ-da keçirilən gələcəyin maşını müsabiqəsinin qalibi olub.

Vukoviç Ujicedə mühəndis kimi çalışır. O, hazırladığı modelə “Rutsio” adını verib.
Gələcəyin maşının təkərləri üfüqü və şaquli istiqamətdə hərəkət edir.
Bu maşın həm də ölçüsünə və texniki göstəricilərinə görə fərqlənir.

“Rutsio” Detroitdə keçirilən ən böyük avtomobil sərgisində nümayiş ediləcək. Sərgi 13-26 noyabrda baş tutacaq.

İndi Vukoviçin maşını istehsal hüquqularını kimə verəcəyi maraqla gözlənilir. Serb mühəndis ixtirası sayəsində həm yeni iş yerlərinin açılacağına, həm də əhalinin vaxta qənaət edəcəyinə ümid etdiyini deyib.

…read more

From:: ANS

      

Azərbaycanda 196 binaya qaz verildi

Bu ilin yanvar-noyabr ayları ərzində 196 çoxmərtəbəli binaya təbii qaz verilib.

ANS PRESS-in ARDNŞ-ə istinadla verdiyi məlumata görə, “Azəriqaz” İstehsalat Birliyi çoxmərtəbəli binalara təbii qazın verilməsi istiqamətində fəaliyyətini davam etdirir.

Görülmüş işlərin nəticəsi olaraq Birlik 2014-cü ilin yanvar-noyabr ayları ərzində hüquqi və fiziki şəxslərin müraciətlərini araşdıraraq, müvafiq sənədləri təqdim olunan 196 çoxmərtəbəli binaya təbii qazın verilməsini təmin edib.

Qeyd edək ki, təbii qazla təmin olunmuş bu binalarda ümumilikdə 13863 ailə yaşayır. …read more

From:: ANS

      

Konsert sonrası qalmaqal yaşandı

Gürcüstanda Nino Metreveli adlı jurnalist şikayət etdikdən sonra məşhur Rusiya ifaçısı Qriqori Lepsin konsert təşkilatçılarına qarşı cinayət işi açılıb.

ANS PRESS-in məlumatına görə, Nino Metreveli iddia edib ki, razılaşdırılmamış suallar verdiyinə görə, mühafizəçilər və konsert təşkilatçıları onu bir saata yaxın qapalı otaqda saxlayıb və təhqir ediblər.

Belə ki, jurnalistin müğənni ilə qısa müsahibəsi zamanı ona 2 ümumi sual verib. Jurnalistin 3-cü sualı isə məşhur ifaçının Rusiyaya olan münasibəti haqqında olub.

Qeyd edək ki, əslən gürcü olan məşhur rus ifaçısı Qriqori Lepsin əsl soyadı Lepsveridzedir. Onun konsertindən qabaq onlarla gürcüstanlı konsert zalının qarşısında toplaşaraq ifaçının konsertinə etiraz ediblər. Bütün bunlara baxmayaraq, konsert baş tutub. …read more

From:: ANS

      

İŞİD-in xərabə qiyməti

İraq rəsmiləri İraq və Şam İslam Dövləti (İŞİD) silahlı qruplaşmasının ölkəyə vurduğu maddi zərəri hesablayıb.

ANS PRESS-in məlumatına görə, silahlı qruplaşmanın Diyala, Ninova, Səlahəddin və Ənbar vilayətlərində 65 körpü uçurduğu ortaya çıxıb. Həmçinin regionda infrastruktura ciddi zərər dəyib.

İraqın tikinti və infrastruktur naziri Tarik Haykani bildirib ki, silahlı qruplaşmanın vurduğu zərərin toplam qiyməti 7 milyard dollara bərabərdir.

“Söhbət 4 vilayətdə yaşanan dağıntıların aradan qaldırılması və buraların yenidən abadlaşdırılması üçün beynəlxalq dəstəyə ehtiyacımız var, çünki İraqın öz büdcəsinin imkanları buna çatmaz”,- deyə Haykani vurğulayıb. …read more

From:: ANS

      

Turkic Azeri and Hazara Solidarity Network