Xaçmazda heykəl fəhlənin üstünə aşdı (VİDEO)

Xaçmazda fəhlə xəstəxanalıq olub. Muzeydə təmizlik işləri aparan zaman heykəl onun üstünə aşıb. Ağır xəsarətlərlə xəstəxanaya çatdırılıb.

ANS TV-nin məlumatına görə, bu gün səhər saatlarında Xaçmaz şəhərinin mərkəzində yerləşən Tarix Diyarşünaslıq Muzeyində bədbəxt hadisə baş verib. Keçiriləcək tədbirdən əvvəl təmizlik işləri aparmaq istəyən fəhlənin üstünə binanın fasadındakı heykəllərdən biri aşıb. Ağır xəsarət alan muzeyin işçisi 48 yaşlı Cahangir Nurəhmədov dərhal Xaçmaz Rayon Mərkəzi Xəstəxanasına yerləşdirilib. Ona lazımı tibbi yardım göstərilib. Həkimlər onun vəziyyətini kafi qiymətləndirirlər.

“Xəstənin alt çənəsində və sol əlinini ovuc hissəsində əzilmiş cırılmış yaralar var. Artıq xəstəyə lazım olan bütün tibbi yardım göstərilib. Hazırda xəstənin vəziyyəti kafidir, həyatı üçün heç bir təhlükə yoxdur”, – deyə həkim Ağayar Quliyev bildirib.

Hadisəyə səbəb fəhlənin ehtiyyatsızlığı olub, yoxsa, heykəlin dırnaq arası tərpənişi. Bu Xaçmaz şəhər polis şöbəsində aparlıan araşdırmadan sonra bəlli olacaq.

Onu da vurğulayaq ki, bölgədə ən böyük və möhtəşəm muzey kompleksi olan Tarix Diyarşünaslıq Muzeyi 2013-cü ildə tikilərək, istifadəyə verilib.

…read more

From:: ANS

      

Bakının zibil problemi (VİDEO)

Paytaxtın zibil problemi! Şəhərdə abadlaşma işləri fonunda bu problem aradan qalxmır. Baxmayaraq ki, Avropa Oyunları ərəfəsində zibilimizi yığışdırmağın vaxtı çoxdan çatıb.

ANS TV-nin məlumatına görə, Avropa Oyunlarına 200 günün qalması artıq Bakının da öz səliqə səhmanına daha ciddi fikir verməsi deməkdir. Amma binaların yanında günün istənilən vaxtı qalaq-qalaq yığılmış zibilliklər vəziyyətin çətin olduğunu göstərir. Bu işlə məşğul olan MİS və ya Bələdiyyələr çox vaxt kifayət qədər büdcənin olmamasından şikayətlənirlər. Bir arayış edim. Bakının qeydiyyatdan keçən əhalisinin sayının iki milyon olduğunu, zibilliklərin yığılması üçün adambaşına 30 qəpiyin toplandığını nəzərə alsaq, məbləğ ayda 600 min manat edir. Bələdiyyələrə isə bunun üçün hər il dövlət tərəfindən vəsait aryılır. Konkret olaraq bu il və gələn il büdcəsindən onlara 5,2 milyon manat pul ayrılıb. Ekspertlər düşünür ki, prosesin tənzimlənməsində özəl şirkətlərin marağının olması vacibdir.

Ekspert Rəşad Həsənov: “Beynəlxalq təcrübə onu göstərir ki, bu səlahiyyətlər rəsmi olaraq bələdiyyələrin üzərinə düşür. Və səlahiyyətlərin icra olunmasında isə bələdiyyələr bu fəaliyyət növlərini tenderlər vasitəsilə özəl təşkilatlara tapşırırlar. Bunula da dəqiq nəticəni tələb etmək üçün bunların əllərində əsas yaradır və effektivlik artır”.

Əslində məsələnin həll olunmasında bir sıra problemlər var. Binaların qarşısında zibillərin konkret hansı qurumun təmizləməli olduğunu dəqiq bilən yoxdur. Gah fəaliyyəti qanunla dayandırılan MİS-lər, yəni Jeklərin, gah da bələdiyyələrin öhdəliyində olduğu deyilir. Digər problem isə, tullantıların gündə bir və ya iki dəfə yığılmasıdır. Nəzərə alsaq ki, bir necə binaya cəmi 2-3 zibil qutusu xidmət göstərir, o zaman vəziyyətin axşama doğu artıq bu hala düşməsi anlaşılandır. Yığılan zibilliklərin hara gəldi boşaldılması isə ən böyük problemdir.

Balaxanı zibilliyi bütün tullantılar üçün nəzərdə tutlsa da, açıq və boş sahələr də zibilliklərin boşaldılmasına əlverişli şərait yaradır. Ümumilikdə zibillərin yığılması və çeşidlənməsində maraqlı olan tərəflər çox azdı. Ancaq Balaxanıda yerləşən Bərk Məişət Tullantılarının Çeşidlənməsi zavodunda bu proses gedir. Burda isə ildə 200 min ton tullandı çeşidlənir.
Nəzərə alsaq ki Avropa ölkələri tullantılardan …read more

From:: ANS

      

Qoyunların etirazı (FOTO)

Fransız fermerləri canavarlar haqqında hökumətin siyasətinə qarşı etiraz əlaməti olaraq qoyunlarını Parisdə Eyfel qülləsinə gətiriblər.

ANS PRESS-in məlumatına görə, fermerlər Fransanın paytaxtının mərkəzində toplaşaraq ev heyvanlarına canavarların hücumuyla mübarizədə daha kəskin qaydalar tətbiq olunmasını tələb edirlər.

Onlarla birlikdə Eyfel qülləsinin yanında həmçinin canavarların mühafizəsi üçün mübarizə aparan aktivistlər toplaşıb.

Etiraz edənlər Fransanın kənd təsərrüfatı naziri Stefan La Follemlə görüşəcəklər. Gözlənilir ki, onlar qoyunlarla birlikdə görüşə gedəcəklər.

Rəsmi məlumatlara əsasən, Fransada 300 canavar dövlətin müdafiəsi altındadır. Son məlumatlara görə, ev heyvanlarına, əsasən qoyunlara canavarların təxminən 4800 hücumu olub.

…read more

From:: ANS

      

Orxan Zeynalovun həbsxana görüntüləri (VİDEO)

Rusiya Ali Məhkəməsi bu gün keçirilən iclasında Moskva sakini Yeqor Şerbakovu qətlə yetirməkdə təqsirləndirilərək 17 il həbs cəzasına məhkum olunmuş Azərbaycan vətəndaşı Orxan Zeynalovun apellyasiya şikayətinə baxıb. Məhkəmə Zeynalovun günahkar olduğuna qərar verib.

ANS TV-nin Moskva bürosunun məlumatına görə, Ali Məhkəmədə baş tutan açıq iclasa Orxan Zeynalov həbsxanadan video bağlantıyla qatılıb. Onun üzünün tüklü olması və olduqca sakit davranışı diqqət çəkirdi. Amma iclas açıq olsa da Orxan Zeynalovın çıxışı zamanı mətbuat nümayəndələri zaldan çıxarıldı. Yalnız onun video müraciəti bitdikdən sonra jurnalistlərə müşahidələrini davam etdirməyə icazə verildi.

Məhkəmə prosesində Yeqor Şerbakovun atası və Orxan Zeynalovun vəkili Abbasmirzə Abdullayev də iştirak edirdi. İki saata yaxın davam edən prosesdən sonra hakim bu cinayətlə bağlı son qərarı açıqladı. Zeynalovun apellyasiya şikayəti təmin edilmədi. 17 illik həbs cəzası və Şerbakovun ailəsinə 3 mln. rubl təzminat ödənilməsi barədə hökm qüvvədə qaldı.

Orxan Zeynalovun vəkili Abbasmirzə Abdullayev: “Məhkəmə qərarını verdi. Bunu qeyd etmək istəyirəm ki, Orxan Zeynalov bu qərara qarşı artıq bundan sonra etiraz etməyi düşünmür. Biz vəkillər olaraq həqiqətin ortaya çıxması üçün əlimizdən gələni etdik. Hər şeyin Rusiya qanunlarına görə həll edilməsinə çalışdıq”.

2013-cü il oktyabrın 10-da Qərbi Biryulevo rayonunda baş vermiş qətl hadisəsi yerli əhalinin ayağa qalxmasına və qafqazlılar əleyhinə etiraz aksiyaları keçirilməsinə səbəb olmuşdu. Nəticədə Rusiya hüquq-mühafizə orqanları 400-ə yaxın adamı həbs etmişdi.

…read more

From:: ANS

      

"Simurq" - "Qarabağ" oyunu FIFA referisinə tapşırıldı

Topaz Premyer Liqasının XIV turun oyunlarına hakim təyinatları açıqlanıb. ANS PRESS-in məlumatına görə, turun əsas oyunlarından olan “Simurq” – “Qarabağ” matçı Rəhim Həsənova tapşırılıb.

“Neftçi” – “Qəbələ” oyununu İnqilab Məmmədov idarə edəcək. “Bakı” – “İnter” matçında ədaləti Elvin Əsgərov qoruyacaq. AZAL – “Sumqayıt” görüşünə isə Fariz Yusifov təyinat alıb.

Qeyd edək ki, “Araz Naxçıvan” çempionatdan çıxdığından “Xəzər Lənkəran” bu turda istirəhət edəcək.

29 noyabr
Bakı – İnter
Hakimlər: Elvin Əsgərov, Rahil Ramazanov, Namiq Hüseynov, Vüsal Əliyev.
AFFA nümayəndəsi: Nüvər Xasıyev.
Hakim-inspektor: Xaqani Məmmədov.
“Bakı”nın təlim-məşq bazasının stadionu. Saat 14.00.

AZAL – Sumqayıt
Hakimlər: Fariz Yusifov, Azər Əsgərov, Cavanşir Yusifov, Orxan Məmmədov.
AFFA nümayəndəsi: Vaqif Davudov.
Hakim-inspektor: Akif Məmmədov.
“AZAL Arena”. Saat 15.00.

Neftçi – Qəbələ
Hakimlər: İnqilab Məmmədov, Mehman Mahmudov, Nahid Əliyev, Mahir Məmmədov.
AFFA nümayəndəsi: Elbrus Abbasov.
Hakim-inspektor: Rövşən Əhmədov.
“Bakcell Arena”. Saat 17.00.

30 noyabr
Simurq – Qarabağ
Hakimlər: Rəhim Həsənov, Munis Abdullayev, Mübariz Haşımov, Teymur Fərhadov
AFFA nümayəndəsi: Mübariz Hüseynov.
Hakim-inspektor: Fazil Mürşüdov.
Zaqatala şəhər stadionu. Saat 17.00. …read more

From:: ANS

      

Dollar və avronun məzənnəsi 48 və 60 rublu keçib

OPEK-in bu gün neft hasilatının həcmini əvvəlki səviyyədə saxlanılmasına dair verdiyi qərarı fonunda Moskva Birjasında ABŞ dolları və avro tarixi maksimum həddinə yaxınlaşıb.

ANS PRESS-in APA-ya istinadən məlumatın agörə, dünən Bakı vaxtı ilə 19.44-də Moskva Birjasında 1 ABŞ dolları 63 qəpik bahalaşaraq 48,02 rubla bərabər olub. 1 avro isə 72 qəpik bahalaşaraq 60 rubla dəyişdirilib.

Qeyd edək ki, dollar və avro sonuncu dəfə bu ilin noyabrın 7-də tarixi maksimum həddə qalxaraq müvafiq olaraq 48,65 və 60,27 rubla bərabər olub. …read more

From:: ANS

      

Turkic Azeri and Hazara Solidarity Network