Pasportlar dəyişdirilir

Prezident İlham Əliyev Azərbaycan Respublikasında yeni nəsil şəxsiyyət vəsiqəsinin tətbiqi ilə bağlı əlavə tədbirlər haqqında sərəncam imzalayıb.

Sərəncam Azərbaycan Respublikası vətəndaşının yeni nəsil şəxsiyyət vəsiqəsinin (bundan sonra – şəxsiyyət vəsiqəsi) tətbiqi sahəsində aparılan işlərin sürətləndirilməsi və ölkədə elektron xidmətlərdən istifadənin daha da genişləndirilməsi məqsədi daşıyır.

Daxili İşlər Nazirliyi şəxsiyyət vəsiqəsi verən yerli orqanlarının və şəxsiyyət vəsiqələrinin fərdiləşdirilməsi mərkəzlərinin təkmilləşdirilməsini, onların zəruri proqram-texniki vasitələrlə təchiz olunmasını; “Giriş-çıxış və qeydiyyat” idarələrarası avtomatlaşdırılmış məlumat-axtarış sisteminin (bundan sonra – İAMAS) şəxsiyyət vəsiqələri üzrə alt sisteminin təkmilləşdirilməsini; şəxsiyyət vəsiqəsinin elektron daşıyıcısına daxil edilən və dəyişdirilə bilən məlumatlarda dəyişikliklər edilməsi üçün müvafiq infrastrukturun yaradılmasını; Azərbaycan Respublikasının Dövlət Sərhəd Xidməti ilə birlikdə, şəxsiyyət vəsiqəsi ilə ölkədən getmək və ölkəyə gəlmək hüququnun həyata keçirilməsi üçün dövlət sərhədinin nəzarət-buraxılış məntəqələrinin proqram-texniki vasitələrinin təkmilləşdirilməsini; Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə birlikdə, şəxsiyyət vəsiqələrinin verilməsi və dəyişdirilməsi üçün “ASAN xidmət” mərkəzlərində və əhaliyə səyyar xidmət göstərən nəqliyyat vasitələrində müvafiq proqram-texniki vasitələrin təchizatını və quraşdırılmasını təmin etməlidir.

Rabitə və Yüksək Texnologiyalar Nazirliyi yeni sertifikat xidmətləri mərkəzinin və onun ehtiyat mərkəzinin yaradılmasını və şəxsiyyət vəsiqələrinin fərdiləşdirilməsi zamanı vəsiqələrin elektron daşıyıcısına daxil edilməsi üçün İAMAS vasitəsilə verilən sertifikat sorğuları əsasında vəsiqə sahibinin gücləndirilmiş elektron imzası ilə əlaqədar sertifikatların şəxsiyyət vəsiqələrinin fərdiləşdirilməsi mərkəzlərinə real vaxt rejimində ötürülməsini; şəxsiyyət vəsiqəsi sahibinin gücləndirilmiş elektron imzasından istifadə ilə əlaqədar vətəndaşlardan daxil olan sualların operativ cavablandırılması məqsədi ilə telefon məlumat xidmətinin yaradılmasını və fəaliyyətini təmin edəcək.

Ədliyyə, Səhiyyə və Rabitə və Yüksək Texnologiyalar Nazirliyinə, Əmlak Məsələləri Dövlət Komitəsinə, Səfərbərlik və Hərbi Xidmətə Çağırış üzrə Dövlət Xidmətinə və Dövlət Miqrasiya Xidmətinə şəxsiyyət vəsiqəsinin verilməsi (dəyişdirilməsi) haqqında vətəndaşın ərizə-anketindəki məlumatların real vaxt rejimində yoxlanılması və nəticələrinin İAMAS-a təqdim olunması məqsədi ilə müvafiq dövlət informasiya sistemlərinin inteqrasiyasını Daxili İşlər Nazirliyi ilə birlikdə təmin etmək tapşırılıb.

Ədliyyə Nazirliyi və Səfərbərlik və Hərbi Xidmətə Çağırış üzrə Dövlət Xidməti şəxsiyyət vəsiqəsinin elektron daşıyıcısına …read more

From:: ANS

      

Azərbaycan daha bir ölkədə səfirlik açır

Prezident İlham Əliyev Azərbaycan Respublikasının Əlcəzair Xalq Demokratik Respublikasında (Əlcəzair şəhərində) səfirliyinin fəaliyyətinin təmin edilməsi haqqında sərəncam imzalayıb.

Nazirlər Kabinetinə Azərbaycanın Əlcəzairdə səfirliyinin fəaliyyətinin təminatı ilə bağlı maddi-texniki təchizat və maliyyələşdirilmə məsələlərini həll etmək tapşırılıb.

Xarici İşlər Nazirliyi səfirliyin strukturunu və ştat cədvəlini təsdiq etməlidir. …read more

From:: ANS

      

Meydana girib futbolçuyla “selfie” çəkdirdi (VİDEO, FOTO)

Avro Liqanın qrup mərhələsi çərçivəsində keçirilən “Totenhem”- Partizan” matçında maraqlı hadisə yaşanıb.

ANS PRESS-in məlumatına görə, matçın 41-ci dəqiqəsində 3 azarkeş meydançaya daxil olaraq futbolçularla “selfie” çəkdirib. Matçın baş hakimi oyunu yarımçıq saxlayaraq futbolçularla birlikdə paltardəyişmə otağına tərəf yollanıb və qapıların bağlanılmasını da tələb edib. Azarkeşlər meydançadan uzaqlaşdırıldıqdan sonra hakim futbolçuları meydançaya dəvət edib.

…read more

From:: ANS

      

Azərbaycan-Türkiyə arasında forum keçiriləcək

Bu ilin 2-5 dekabr tarixlərində təşkil olunacaq “Bakutel” XX Beynəlxalq Telekommunikasiya və İnformasiya Texnologiyaları Sərgi-Konfransı çərçivəsində, 03.12.2014-cü il tarixində Bakı Biznes Mərkəzində Azərbaycan-Türkiyə Yüksək Texnologiyalar Forumu keçiriləcək.

ANS PRESS-in RYTN-ə istinadla verdiyi məlumata görə, forumda Azərbaycan və Türkiyənin aparıcı İKT şirkətləri arasında əməkdaşlıq, hər iki ölkədə və 3-cü ölkələrdə birgə investisiya imkanları müzakirə olunacaq, ikitərəfli görüşlər keçiriləcək.

Forum Rabitə və Yüksək Texnologiyalar Nazirliyi və İstanbul Ticarət Palatasının birgə təşkilatçılığı ilə keçirilir.

Tədbirin rəsmi hissəsində rabitə və yüksək texnologiyalar nazirinin birinci müavini İltimas Məmmədov, Türkiyə Respublikasının informasiya və kommunikasiya texnologiyaları qurumunun sədri Tayfun Acarer, İstanbul Ticarət Palatasının sədri, İbrahim Çağlar və Türkiyənin ölkəmizdəki səfiri Alper Coşkunun çıxış etməsi nəzərdə tutulur.

Forumun ikinci hissəsi B2B formatında davam edəcək, hər iki ölkənin aparıcı İKT şirkətləri arasında ikitərəfli görüşlər keçiriləcək. …read more

From:: ANS

      

Gəncədə intihara cəhd

Gəncədə intihara cəhd olub.

Gəncə şəhər Təcili Tibbi Yardım Xəstəxanasından APA-nın verilən məlumata görə, şəhər sakini, 1960-cı il təvəllüdlü Xəqani Qasımov sirkə cövhərindən zəhərlənmə diaqnozu ilə xəstəxanaya yerləşdirilib.

Reanimasiya şöbəsinə yerləşdirilən X. Qasımovu xilas etmək mümkün olub.

Araşdırma zamanı X. Qasımov bildirib ki, maddi cəhətdən çətinlik çəkdiyinə görə özünü öldürmək istəyib. …read more

From:: ANS

      

OPEK-in qərarını şərh etdi

Rusiya prezidenti Vladimir Putin OPEK-in neft hasilatı barədə qərarını şərh edib.

ANS PRESS-in məlumatına görə, Putin bu haqda Soçidəki iqamətgahında qəbul etdiyi “Total” şirkətinin yeni prezidenti ı Patrik Puyanne ilə görüşündə danışıb:

“Bu bizi bütovlükdə qane edir. OPEK ölkələri qrupunun görüşündə iştirak etdik. Əvvəldən bizə məlum oldu ki, OPEK-in “qara qızıl”ın hasilatını azaltmaması ilə bağlı qərarından sonra qiymətlər düşəcək. Biz hər hansı başqa qərarın qəbul olunmasında təkid etmirdik. Ancaq neftin indiki qiymət dəyişkənliyi dövrü uzun müddət davam etməyəcək, 2015-ci ilin birinci rübundə və ya ilin ortasında neftin qiymətində sabitləşmə müşahidə olunacaq”.

Soçidə keçirilən görüşdə “Total” şirkətinin həmçinin iki meneceri, Rusiya energetika naziri Aleksandr Novak, “Rosneft”in rəhbəri İqor Seçin, “Lukoyl”un prezidenti Vahid Ələkbərov və “NOVATEKa”nın baş direktoru Leonid Mixelson iştirak edib.

Xatırladaq ki, Neft İxrac Edən Ölkələr Birliyinə daxil olan ölkələrin noyabrın 27-də keçirilən iclasında neft hasilatının sutkada 30 milyon barel həcmində saxlanılması barədə qərar qəbul edilib. …read more

From:: ANS

      

Turkic Azeri and Hazara Solidarity Network