Məşhur kinorejissor iflic olub

Bir neçə gün əvvəl ağır vəziyyətdə xəstəxanaya yerləşdirilən rusiyalı kinorejissor Eldar Ryazanovun səhhəti ilə bağlı yeni xəbər var.

ANS PRESS-in məlumatına görə, noyabrın 24-də Burdenko adına neyrocərrahiyyə institutuna yerləşdirilən 87 yaşlı kinorejissorun vəziyyətini həkimlər ağır olaraq qiymətləndirir.

Sol əl və ayağının hərəkətsiz olduğu bildirilən Ryazanovun müayinəsi nəticəsində təsdiq edilib ki, onun bədəninin sol hissəsi qismən iflic olub və beyin infarktı keçirib.

6 il əvvəl isə kinorejissorda insultqabağı vəziyyət yaranmış və o vaxt insultun qarşısını almaq mümkün olmuşdu. Hazırda onun sağlamlığının yaxşılaşdırılması üçün adlı-sanlı tibb mütəxəssisləri hospitala gətirilib.

Qeyd edək ki, noyabrın 18-də 87 yaşı tamam olan Eldar Ryazanov 20-yə yaxın filmin müəllifidir. Onlardan ən məşhurları “Karnaval gecəsi”, “Qusar balladası”, “Avtomobildən qorun”, “İşdə məhəbbət macərası”, “Qaraj”, “Qəribə təsadüf və ya həmişə təmizlikdə”, “İki nəfərlik vağzal” filmləridir. …read more

From:: ANS

      

Dünyanın ən böyük günəş elektrik stansiyası işə salınıb

Kaliforniya ştatında dünyanın ən böyük “Topaz Solar Farm” fotoelektrik stansiyası işə salınıb.

ANS PRESS-in “ICTnews”a istinadən məlumatına görə, sözügedən stansiyanın yaradılmasına iki il bundan əvvəl başlanılıb, o vaxtdan etibarən 9,5 kvadrat mil sahədə təxminən 9 milyon günəş paneli yerləşdirilib. Bu stansiya 180 min ev təsərrüfatını enerji ilə təmin edəcək.

Kaliforniyada günəş stansiyasının ümumi gücü 550 meqavatt təşkil edir. Onun qiyməti 2,5 milyard dollardır.

Məlumata əsasən, “Topaz Solar Farm” elektrik stansiyasından istifadə hər il atmosferə karbon qazı tullantılarını 337 min ton azaltmağa imkan verəcək. …read more

From:: ANS

      

“Qoca qurd” cavanı nokaut etdi (VİDEO)

Təqaüdə çıxmış peşəkar boksçu Miki Rurk iyirmi illik fasilədən sonra rinqə çıxıb.

ANS PRESS-in məlumatına görə, məşhur Hollivud ulduzu, təqaüdə çıxmış peşəkar boksçu Miki Rurk, Moskvada 29 yaşlı amerikalı boksçu Eliyot Seymurla üz-üzə gəlib. Peşəkar rinqdə doqquzuncu döyüşünü keçirən Rurk, heç birində məğlub olmayıb.

“Rossiya” konsert zalında baş tutan qarşılaşmanın ikinci raundunda 62 yaşlı kinoaktyor cavan boksçunu nokauta salıb.

20 il əvvəl “əlcəklərini yerə atmış” Mikkini bu döyüşə məşhur boks mütəxəssisi Freddi Rouça hazırlayıb. Hansı ki, o, bir müddət Mayk Tayson və Oskar Xayyu ilə də çalışıb.

Mikki dünyanın Almaniya, İspaniya və Yaponiya kimi ölkələrində keçirilən beynəlxalq döyüşlərdə yumruq oynadıb. Rurkun boksçu karyerası ərzində burnu, barmağı və qabırğası sınıb, hətta dili də yarılıb. O, hətta bir zamanlar aldığı kəllə-beyin travmasından sonra qısa müddətə yaddaşını da itirib.

…read more

From:: ANS

      

Yataqxanada güclü yanğın

Moskvada tələbə yataqxanasında yanğın meydana gəlib.

ANS PRESS-in məlumatına görə, Rusiyanın paytaxtı Moskvanın cənub-qərbində fəaliyyət göstərən tələbə yataqxnalarından birində yanğın hadisəsi baş verib.

Dərhal əraziyə xilasedici-yanğınsöndürən qrup cəlb olunub. Xilasedicilərin səyi nəticəsində, 800 nəfər heç bir xəsarət almadan yanğından xilas edilib.

“Yanğın hadisəsi 5 mərtəbəli tələbə yataqxanasının ayaqyolusunda əmələ gəlib. Daha sonra yanğının böyüməməsi üçün xilasedicilərimiz tərəfindən yanğının qarşısı alınıb və tələbələrə binadan təxliyyə edilib.” – deyə Rusiya FHN-nin mətbuat xidmətindən bildirilib.

Hazırda yanğının səbəbi araşdırılır. …read more

From:: ANS

      

“Real Sosyedad” amansız oldu (VİDEO)

İspaniya La iqasında 13-cü tur start götürüb

ANS PRESS-in məlumatına görə, ilk oyun günündə sadəcə bir qarşılaşma keçirilib.

“Real Sosyedad ” öz meydanında “Elçe”ni qəbul edib. Görüş qonaqlar üçün heç də ürəkaçan olmayıb. Meydan sahibləri 3:0 hesabı ilə qələbə qazanıb

Qeyd edək ki, tur dekabrın 1-də keçiriləcək iki qarşılaşma ilə sona çatacaq.

İspaniya La Liqas, 13-cü tur:
28 noyabr
“Real Sosyedad” – “Elçe” – 3:0
Qollar:Vela, 3, 31, 53

29 noyabr
“Getafe” – “Atletik” (Bilbao)
“Espanyol” – “Levante”
“Malaqa” – Real” (Madrid)

30 noyabr
“Selta Viqo” – Eybar”
“Atletiko” (Madrid) – “Deportivo”
“Sevilya” – “Qranada”
“Kordoba” – “Vilyareal”

1 dekabr
“Valensiya” – “Barselona”
“Almeria” – “Rayo Valekano”

…read more

From:: ANS

      

7-ci mərtəbədən yıxılan qızın burnu da qanamadı (VİDEO)

Türkiyədə təmizlik xidməti işçisi binadan yıxılan qızın həyatını xilas edib.

ANS PRESS-in məlumatına görə, ötən gün axşam saatlarında Əskişəhərdə yaşayan bir ailənin 4 yaşlı övladı ölümdən qayıdıb.

Hadisə bir anda baş verib. Binalardan birinin qarşısında təmizlik işləri aparan ərazi üzrə cavabdeh şəxs Şükrü Deniz qəfildən qarşısına uşaq ayaqqabısı düşdüyünü görüb.

Başını qaldırıb yuxarı baxdıqda bir uşağın yıxılmaq üzrə olduğunu başa düşüb.

“Uşağın ayaqları sürüşdü, sonra mərmərdən tutaraq sağa-sola hərəkət etməyə başladı. Yıxılacağını anladım və əlimdəki süpürgəni kənara qoyub uşağın hərəkəti istiqamətində hərəkət etməyə başladım. Uşaq əllərini buraxdı, mən də qollarımı açdım və uşağı havada tutdum” – deyə xeyirxah təmizlik işçisi danışıb.

Hadisə zamanı nə uşağa, nə də Şükrü Denizə ciddi heç nə olmayıb.

…read more

From:: ANS

      

Həbsxanada kütləvi intihar

Venesuelada həbsxanalardan birində məhkumlar kütləvi şəkildə intihar edib.

ANS PRESS-in məlumatına görə, Venesuelada yerləşən Devid Viloriya həbsxanasında etiraz edən məhkumlar tibb məntəqəsinə girərək, yüksək dozada dərman qəbul ediblər. Həbsxanadakı həyat şəraitinin pis olduğunu əsas göstərərək intihara cəhd edən məhkumlardan 13-ü dünyasını dəyişib.

Ölkənin pentiensiar xidmət rəisi açıqlamasında 145 məhkumun özünü zəhərləməsi səbəbilə müalicə edildiyini, həbsxanada sakitliyin bərpa olunması üçün ordu qüvvələrinin çağrıldığını bildirib.

Qeyd edək ki, Venesuela həbsxana sayına görə diqqət çəkən ölkələrdən biridir. Ölkədəki 32 həbsxana dünyanın ən böyük bəsxanaları sırasındadır. …read more

From:: ANS

      

Polisə hücum: 1 yaralı (FOTO)

Türkiyədə bir qrup naməlum şəxslər polislərə hücum edib.

ANS PRESS-in məlumatına görə, Türkiyənin Diyarbəkir şəhərində üzləri maskalı bir qrup gecə növbəsində işləyən polislərə kustar üsulla hazırlanmış partlayıcı qurğu atıb.

Hadisə gecə saatlarında şəhərin Məlik Əhməd prospektində baş verib.

Partlayıcı qurğunun işə düşməsi nəticəsində polis nəfərlərindən biri xəsarət alıb. Digərlərinə isə heç nə olmayıb. Yarlı dərhal xəstəxanaya çatdırılıb.

Şübhəlilərin axtarışına başlanılıb.

Faktla bağlı araşdırma aparılır.

…read more

From:: ANS

      

Dəlləklər yol və qaz sarıdan əziyyət çəkir (VİDEO)

Yevlaxın Dəlləklər kəndinin sakinləri kənddə mövcud olan sosial problemlərdən şikayət edir.

Sakinlərin sözlərinə görə, kəndin inzibati cəhətdən bağlı olduğu Qaramanlı bələdiyyəsinin yollarında təmir işləri getsə də, onların kəndində yollar bərbad vəziyyətdədir. Qış fəslində havaların yağıntılı keçməsi yolda vəziyyəti daha da dözülməz edir. Sakinlər deyir ki, rayon mərkəzinə gedən avtobusların kəndə gəlməməsinə də səbəb budur. Ən yaxın avtobus dayanacağı isə kənddən təqribən 1,5 km uzaqlıqdadır.

Sakinləri narahat edən digər məsələ isə kəndə mavi yanacağın verilməməsidir. Son dəfə bura təbii qaz 18 il əvvəl gəlib. Evlərin qızdırılması üçün elektirk enerjisinə xərclənən vəsait çox olduğundan sakinlər çarəni həyət bacadakı ağacları kəsərək odun tədarük etməkdə tapıb.

Kənd sakini Zərifə Əliyevanın sözlərinə görə, işıqla çox baha başa gəlir: “İşıqla işlədəndə bir ayda hamamda işlətsən hardasa 50-60 manata başa gəlir. Amma qaz ucuz başa gəlir, bizdə qabaqlar qaz olub görmüşük”.

Yevlax Rayon İcra Hakimiyyətindən isə bildirdilər ki, ümumilikdə rayon ərazisindəki 50 yaşayış məntəqəsindən 27-si təbii qazla təmin edilib.

Yevlax icra hakimiyyəti başçısının müavini Qənimət Qaraşov qeyd edir ki, yerdə qalan kəndlərin qazlaşdırılması 2015-ci ilin Dövlət proqramına salınıb: “O kəndlərlə yanaşı Dəlləklər də qazla təmin olunacaq. Qaldı ki, Dəlləklər kəndini asfalt yola birləşdirən yol, o yol da təxminən 1,5 kmlik yoldur. Kənd bələdiyyəsi tərəfindən yola çınqıl döşənib hamarlanıb. Əgər narazılıq varsa, biz əlavə tədbir görəcəyik ki, əhali narazı qalmasın”.

Kəndə avtobusun getməməsi məsələsinə gəlincə isə rayon icra hakimiyyətinin başçısısnın I müavini bildirdi ki, avtobuslar təyin olunmuş Yevlax-Qaramanlı marşurutu üzrə hərəkət edir. Hər bir kəndin kənarında dayanacaqlar quraşdırılıb, sərnişinlər həmin dayanacaqlardan istifadə etməlidir.

…read more

From:: ANS

      

Turkic Azeri and Hazara Solidarity Network