ABŞ-da iğtişaşlar (VİDEO)

ABŞ-da polisin hamının gözü qabağında qaradərilini boğaraq qətlə yetirməsi yeni etiraz dalğası ilə müşayiət olunub.

ANS PRESS-in məlumatına görə, baş verən hadisə yoldan keçənlər tərəfindən videoya çəkilsə də məhkəmə bunu dəlil kimi qəbul etməyib və polisi günahsız bilib.

Hadisə bu ilin iyununda baş versə də məhkəmənin qərarı Nyu-York da başda olmaqla bütün bölgələrdə etirazlarla qarşılanıb. Onlar hüquq mühafizə orqanlarında islahat tələb edirlər.

“İndi bizdə hər yerdə Ferqyusondur”- deyə amerikalılar qışqırır. Əslində Nyu-Yorkda boğulan Erik Qarnerlə Ferqyusonda öldürülən Maykl Braun arasında çox oxşarlıq var. Onlar hər ikisi də silahsız olublar. Hər ikisi əllərini təslim olma işarəsi olaraq yuxarıda tutub. Hər ikisi qaradərilidir- öldürən polislər isə ağ dərili. Hər iki hadisədə polis əsasən ağdərilərdən ibarət məhkəmə kollegiyası tərəfindən bağışlanılıb. Lakin hadisələrin fərqli cəhətləri də var. Erik Qarnerin ölümünün videoyazısı var və şok edici video əsas dəlildir”.

17 iyul tarixində polis qaçaqmal siqaret satışından şübhəli bilinən qaradərili kişini saxlayır. O heç də aktiv müqavimət göstərmir və təslim olmağa hazır görsənir. Lakin buna baxmayaraq polislərdən biri danışıq gedən zaman arxadan Qarnerə hücum edir və boğucu fənn icra edir. Asayiş qoruyucusu Qarner hətta tərpənmədikdə belə onu sıxmağı dayandırmır. Polis o dəqiqə başa düşmür ki, saxlanılan həyatını itirib. Erik Qarnerin 43 yaşı var və o, 6 uşaq atasıdır.

Qarnerin qızı bu gün CNN kanalına müsahibə verib və etirazların dinc keçirilməsini istəyib. Hazırda etirazlar davam edir.

…read more

From:: ANS

      

Yeni səfir Bakıya gəlir

ABŞ Senatının Xarici əlaqələr komitəsində bu ölkənin Azərbaycana səfir təyinatı ilə bağlı dinləmə keçirilib.

ANS PRESS-in məlumatına görə, prezident Barak Obamanın təqdim etdiyi Robert Cekuta komitə səsverməsində təsdiq olunub. Dinləmədə Azərbaycanla bağlı ətraflı müzakirə aparılmayıb.

R.Cekuta ABŞ dövlət katibinin Enerji Resursları Bürosunda baş yardımçı müavinidir. O, büronun şəffaflıq və enerjiyə çıxışı ilə bağlı işlərinə nəzarət edir.

Onun diplomat kimi xarici təcrübəsi zəngindir. Belə ki, 2007-2009-cu illərdə Tokioda, 2003-2007-ci illərdə isə Berlində xidmət edib. O, burada dünyanın iki iqtisadi qüdrətinə iqtisadi məsələlərdə tövsiyələr verib.

Corctaun Universitetinin məzunu olan Robert Cekuta Thunderbird Qlobal Menecment Məktəbindən və Milli Müharibə Kollecindən magistr dərəcələri alıb. …read more

From:: ANS

      

Cəbhə xəttində atışma

Cəbhə xəttində atəşkəs yenidən pozulub.

Müdafiə Nazirliyindən ANS PRESS-ıə verilən məlumata görə, cəbhənin müxtəlif istiqamətlərində sutka ərzində atəşkəs rejimi ümumilikdə 33 dəfə pozulub.

Erməni silahlı bölmələri Ermənistan Respublikasının Berd rayonunun Mosesqex və Ayqepar kəndlərində yerləşən mövqelərdən Tovuz rayonunun Əlibəyli kəndində yerləşən mövqelərimizi atəşə tutublar.

Goranboy rayonunun Tapqaraqoyunlu, Tərtər rayonunun Çiləbürt, Qızıl Oba, Ağdam rayonunun Mərzili, Yusifcanlı, Novruzlu, Sarıcalı, Xocavənd rayonunun Kuropatkino, Füzuli rayonunun Horadiz, Qaraxanbəyli, Aşağı Seyidəhmədli, Aşağı Əbdürrəhmanlı, Cəbrayıl rayonunun Mehdili kəndləri yaxınlığında, həmçinin Goranboy, Xocavənd və Füzuli rayonlarının ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.

Qarşı tərəf cavab atəşi ilə susdurulub. …read more

From:: ANS

      

“Qarabağ” 200-ə çatdı

Azərbaycan kubokunun 1/8 final mərhələsinin MOİK-lə oyunu “Qarabağ” üçün əlamətdar olub.

ANS PRESS-in “Supersport”a istinadən məlumatına görə, qarşılaşmanın 6-cı dəqiqəsinə hesabı açan İnnosent Emeqara Ağdam təmsilçisinin kubokda 200-cü qolunu vurub. Bu matçadək keçirdiyi 117 qarşılaşmada 199 qol vuran əyalət klubu 1/8 finalda bu rəqəmi 203-ə çatdırıb.

“Qarabağ”ın orta məhsuldarlığı 1,72-yə bərabərdir. Ağdamlılar kubokda 200 və daha çox qol vuran 2-ci komanda olub. Yalnız “Neftçi” daha çox – 219 dəfə fərqlənib.

Qeyd edək ki, “Qarabağ”ın kubokdakı ilk qolunu 1993-cü il martın 17-də “Gənclik”lə (Şəki) qarşılaşmada Kənan Kərimov vurub. MOİK-lə qarşılaşma həm də “Qarabağ”ın kubokda 70-ci qələbəsi olub. Bu göstəricidə yalnız “Neftçi”dən geri qalan Ağdam klubu 2-ci göstəriciyə malikdir. …read more

From:: ANS

      

“Ginnesin Rekordlar Kitabı”na düşən evlilik təklifi (FOTO)

Yaponiyada bir oğlan sevgilisinə maraqlı evlilik təklifi edib.

ANS PRESS-in məlumatına görə, Yaponiyada Yasuşi Takahaşi adlı bir oğlan evlənmək qərarı verdiyi qıza evlilik təklifi etmək uzun yol qət etməli olub. Belə ki, evlilik təklifi üçün bütün işini-gücünü bir kənara atan gənc, 6 ay ərzində 7 min kilometr məsafə qət edib.

Yaponiyanı başdan ayağa gəzən Yasuşi, GPS texnologiyası sayəsində getdiyi yerlər qeydə alınıb və bu texnologiya sayəsində olduqca maraqlı evlilik təklifinə imza atıb. Beləliklə, 6 ay boyunca 7000 kilometr qət edən oğlan, GPS sayəsində Yaponiya üzərinə “Marry Me” (evlən mənimlə) yazıb.

Qeyd edək ki, “Ginnesin Rekordlar Kitabı”na da adını yazdıran Takahaşinin evlilik təklifi, bu günə qədər GPS ilə edilən ən uzun yürüyüş olub. …read more

From:: ANS

      

Ermənistan parlamenti Avrasiya İttifaqına “hə” dedi

Ermənistan parlamenti 7 səsə qarşı 103 səslə Ermənistanın Avrasiya Birliyinə qoşulmaq müqaviləsini təsdiq edib.

ANS PRESS-in məlumatına görə, müzakirələr 4 gün davam edib. Bu günlər ərzində müxalifətdən olan onlarla fəal parlament binası qarşısında nümayiş keçirərək deputatları bu müqavilədən çəkindirməyə çalışırdı.

Qeyd edək ki, Avrasiya İqtisadi Birliyində Rusiya, Qazaxıstan və Belarus üzv ölkələrdir. Birlik 2015-ci il yanvarın 1-dən fəaliyyətə başlayır.

Xatırladaq ki, bu ilin may ayında Astanada Avrasiya İttifaqı təsis olunarkən Nazarbayev Azərbaycan prezidenti İlham Əliyevin məktubunu elan etmişdi. Nazarbayev bildirmişdi ki, Azərbaycan prezidenti Ermənistanın ittifaqa üzvlüyünün ancaq indiki sərhədlər daxilində mümkün ola biləcəyini və bunun nəzərə alınmasının vacibliyini bildirir.

Nazarbayevin bu bəyanatından sonra Ermənistan prezidenti Serj Sarkisyan möhkəm pərt olmuşdu. …read more

From:: ANS

      

Cəbhədə sükut günü

Ukrayna prezidenti Petro Poroşenko dekabrın 9-unda Ukrayna ordusunun təmas xətti boyunca atəşi dayandıracağını elan edib.

ANS PRESS-in məlumatına görə, dekabrın 4-də prezident saytı xəbər verib ki, birtərəfli atəşkəs barədə qərar prezidentin güc stsrukturlarının rəhbərləri ilə görüşündə qəbul olunub.

Prezident ofisindən adı çəkilməyən mənbə Frans Pressə deyib ki, rusiyapərəst separatçılar Minsk sazişinə əməl etsələr Ukrayna ordusu dekabrın 10-dan ağır silahlarını geri çəkə bilər. …read more

From:: ANS

      

Bu insan həyatından bezib (FOTO)

Uzun müddət səhhəti ilə əlaqədar problemlər yaşayan məşhur aktyorun yeni görüntüsü pərəstişkarlarını bird aha kədərləndirib.

ANS PRESS-in məlumatına görə, Bodrumda Gümüşlük məhəlləsindəki evində istirahət edən tanınmış aktyor Neşat İşler ötən günlərdə yaxın dostu Fatih Akının “The Cut” (Kəsik) adlı filminin qalasında iştirak edib.

Qalada aktyora qarşı insanların sevgi seli olduğu xüsusilə diqqət çəkib. Gecənin səbəbkarı olan Fatih Akın da yaxın dostu Nejat İşlerə heyranlıq hissi duyduğunu dilə gətirib.

Qaladan sonra Taksimdəki barlardan birinə yollanan aktyor, orada gecə boyu xeyli siqaret çəkib, içki içib. Həkim tövsiyələrinə riayət etməyən İşlerə jurnalistlər bu barədə sual ünvanlayıblar.

O, jurnalistlərin “Siqaret səhhətinizə zərər vermirmi?” sualına, “bax gör, səncə verir?” deyərək onları təəccübləndirib.

Onun bu barədə açıqlamaları sosial şəbəkələrdə də müzakirə edilib. Aktyorların pərəstişkarları onun ağır günlərdən sonra həyatda qalmasına rəğmən, yenə də eyni səhvləri etməsini görüb kədərləndiklərini bildirirlər. Bir çoxları isə artıq onun üçün həyatın mənasızlaşdığını və “gənc yaşda ölüm ki, cəsədim yaraşıqlı olsun” ifadələrini xatırlayaraq, ölümdən qorxmadığını vurğulayıblar.

Qeyd edək ki, ağciyər infeksiyası və nəfəs çatışmazlığı səbəbindən septik şok keçirən və 95 gün reanimasiyada yatan N.İşlerin bu müddətdə qan dövranınının pozulması səbəbindən sağ əl barmaqlarında göyərmələr başlamış və onlar amputasiya edilmişdi.

…read more

From:: ANS

      

Turkic Azeri and Hazara Solidarity Network