Dəhşət! İt öz sahibini parçaladı (FOTO)

Türkiyənin İzmir şəhərində tükürpərdici hadisə baş verib. ANS PRESS-in yerli mərtrbuata istinadən verdiyi məlumata görə, 10 gündür itkin düşmüş şəhər sakininin evində iti tərəfindən parçalanmış cəsədi aşkarlanıb.

İzmirin Karabağlar rayonu, Doğanay məhəlləsinin 10 gündür itkin düşmüş sakini 36 yaşlı Soner Aşkının evindən ağır iy gəlməyə başlayıb. Qonşuların xəbər verməsi ilə hadisə yerinə dərhal polis cəlb olunub və çilingər çağırılaraq evin qapısı açılıb. Evdən Aşkının başı parçalanmış cəsədi tapılıb. İlkin müayinə zamanı Soner Aşkının evdə bəslədiyi Ares adlı “Rotveyler” cinsindən olan it tərəfindən parçalandığı müəyyən olunub.

Ölüm səbəblərinin dəqiq bilinməsi üçün cəsəd məhkəmə tibbi ekspertizasına təhvil verilib. Polis, Sonerin intihar etmiş olma ehtimalını da araşdırır. Faktla bağlı istintaq başladılıb və araşdırmalar davam edir.

…read more

From:: ANS

      

Ukrayna nüvə enerjisinə keçir

Avstraliya baş naziri Toni Ebbot Ukrayan prezideenti Petro Poroşenko ilə nüvə energetikası sahəsində əməkdaşlıq barədə danışıqlar aparıb.

ANS PRESS-in məlumatına görə, görüşdə Ukrayana tərəfindən Avstraliya uranının alışının mümkünlüyü müzakirə edilib.

Bundan əlavə Ukrayna lideri avstraliyalı naziri 2015-ci ildə Kiyevə dəvət edib.

Qeyd edək ki, Ukrayna energetika sektorunda Rusiyadan asılı bir ölkədir. İldə 50 milyard kubmetr təbii qaz istehlak edən ölkə, 20 milyard kubmetr qaz istehsal edir. 30 milyard kubmetr kəsiri Rusiya doldurur. …read more

From:: ANS

      

Azərbaycan 2020 gələcəyə baxış

İtaliyanın “Geopolitica” onlayn jurnalında “Azərbaycan 2020: gələcəyə baxış” İnkişaf Konsepsiyasının təhlil olunduğu yazıda qeyd edilir ki, Prezident İlham Əliyevin 2012-ci il 29 dekabr tarixli Fərmanı ilə təsdiq olunmuş bu sənəd Azərbaycan üçün bütün prioritet istiqamətlərdə əsas inkişaf hədəflərini müəyyənləşdirir.

Məqalədə bildirilir ki, Konsepsiyanın əsas məqsədi Azərbaycanda davamlı iqtisadi artım və yüksək sosial rifah, səmərəli dövlət idarəetməsi və qanunun aliliyi, insanların bütün hüquq və azadlıqlarının tam təmin edilməsi və vətəndaş cəmiyyətinin ölkənin ictimai həyatında fəal statusu ilə səciyyələnən inkişaf mərhələsinə nail olunmasıdır.

Müəllif diqqətə çatdırır ki, Azərbaycan müstəqilliyini bərpa etdiyi ilk illərdə iqtisadi cəhətdən çox böyük çətinliklərlə üzləşdi. Xüsusilə Dağlıq Qarabağ münaqişəsi ölkəni mürəkkəb bir vəziyyətə sürüklədi. Lakin sonrakı dövrdə həyata keçirilən uğurlu siyasət sayəsində, xüsusilə 2005-2011-ci illərdə Azərbaycanda rekord səviyyədə inkişaf müşahidə olundu, zəngin enerji yataqlarından səmərəli istifadə nəticəsində iqtisadiyyat yüksək templə inkişaf etməyə başladı.

Məqalədə qeyd edilir ki, Azərbaycanda müşahidə edilən hazırkı inkişaf prosesinin davamlı olması üçün iqtisadiyyatın şaxələndirilməsi, karbohidrogen ehtiyatlarının ixracından asılılığın aradan qaldırılması və qeyri-neft sektorunun inkişaf etdirilməsi sənəddə ön plana çıxarılan məsələlərdəndir. Digər tərəfdən, Konsepsiyada sənayenin innovasiyalar əsasında inkişafının elm və texnologiya potensialının gücləndirilməsi və təhsil imkanlarının genişləndirilməsi nəticəsində mümkün olacağı vurğulanır.

Məqalədə qloballaşma prosesinin geniş vüsət aldığı, yeni iqtisadi güclərin meydana çıxdığı hazırkı dünyada Azərbaycanın beynəlxalq nüfuzunun artması qeyd olunur. Bildirilir ki, qlobal iqtisadi böhran şəraitində belə Azərbaycan iqtisadiyyatında artımın qeydə alınması yüksək nailiyyətdir.

Yazıda diqqətə çatdırılır ki, Konsepsiyada ətraf mühitin qorunması və ekologiya məsələlərinə dair ayrıca bölmənin olması Azərbaycanda müvafiq sahələrə nə dərəcədə diqqət ayrıldığını göstərir.

Müəllif Konsepsiyada qeyd olunan önəmli məqamlar sırasında iqtisadiyyatın rəqabət qabiliyyətinin artırılması, makroiqtisadi sabitliyin qorunması, monetar və fiskal siyasətin koordinasiyasının gücləndirilməsi, biznes mühitinin yaxşılaşdırılması, maliyyə xidmətləri bazarının inkişaf etdirilməsi, xarici ticarət və investisiya siyasətinin təkmilləşdirilməsi kimi istiqamətləri diqqətə çatdırır. Eyni zamanda, sənəddə neft-qaz sektoru və neft-kimya sənayesinin modernləşdirilməsi, alternativ və bərpa olunan enerji mənbələrindən istifadənin genişləndirilməsi, aqrar sektorun inkişafı və ərzaq təhlükəsizliyinin gücləndirilməsi prioritet istiqamətlər …read more

From:: ANS

      

Tədarükünü rublla görən baş nazir

Rusiyanın Baş Naziri rublun ucuzlaşması ilə bağlı əhalini təmkinli olmağa və “isterika yaratmamağa” çağırıb.

ANS PRESS-in məlumatına görə, Dmitri Medvedev bu barədə ölkənin ən iri KİV-lərinə verdiyi illik müsahibədə bildirib.

Rublun ucuzlaşmasının keçmişdə də baş verdiyini deyən Rusiya lideri 2008-2009-cu illərdəki böhran vaxtı rubl məzənnəsinin kəskin şəkildə qiymətdən düşdüyünü xatırladıb. Onun sözlərinə görə, bir müddət ucuzlaşan rubl qiymətini yenidən bərpa edib və rubldakı əmanətlərini dəyişməyə tələsənlər “sadəcə pullarını itiriblər. “Öz əmanətlərini dollara, başqa valyutaya köçürənlər sadəcə olaraq pullarını itirdilər”.

Medvedevin özünə gəlincə o, əmanətlərini rublda saxladığını bildirib.

“Mən, təbii ki, maaşımı rublla alıram və əmanətlərimi rublda saxlayıram”, – Medvedev deyib. – Və vətəndaşlarımızın hamısında olduğu kimi, kursun zəifləməsi və yaxud da dəyişməsi mənim aldığım vəsaitlərə də öz təsirini göstərir. Deməli biz bir qayıqdayıq”.

Son bir neçə ay ərzində rubl aparıcı dünya valyutalarına nisbətdə dəyərinin yarısını itirib.

Rusiyanın Baş Naziri deyib ki, ölkəsinə qarşı Qərbin qəbul etdiyi sanksiyalar heç kimin xeyrinə deyil və nəticə verməyəcək.

Dmitri Medvedevin sözlərinə görə, sanksiyalar nəticəsində Rusiya hazırda onlarla milyon dollar dəyərində itki verir. Lakin böyük itkiləri Qərb sahibkarları və şirkətlər də verir. Baş nazirin fikrincə sanksiyalar hədəflədiyi ölkənin siyasətini dəyişdirmək iqtidarında deyil.

Bundan əvvəl Rusiyanın maliyyə naziri sanksiyalar nəticəsində ölkə iqtisadiyyatının ildə 40 milyard dollaradək itki verdiyini bildirib. Anton Siluanov eyni zamanda enerjidaşıyıcıların ucuzlaşmasından irəli gələn iqtisadi itkilər barədə də danışıb. Rusiya rəsmisinin ötən ay verdiyi dəyərləndirməsinə əsasən, xam neftin 30 faizədək ucuzlaşması 90-100 milyard dollar həcmində itkilərə səbəb ola bilər.

…read more

From:: ANS

      

Turkic Azeri and Hazara Solidarity Network