Düşmən orduda ölüm kabusu

Qarabağ Ermənistan ordusunun əsgərləri üçün əsl məzarlığa çevrilib.

ANS PRESS-in Ermənistan mətbuatına istinadən verdiyi məlumata görə, Qarabağda ölən erməni əsgər Artur Marqaryanın işi ilə bağlı cinayət işi açılıb. Cinayət işi “özünü öldürmə həddinə çatdırma” maddəsilə başlanıb. Əsgərin zabitlər tərəfindən döyüldüyü və alçaldıldığı ehtimal edilir.

Qeyd edək ki, Marqaryanın meyiti sinəsində güllə yarası ilə Qarabağdakı postlardan birində aşkarlanıb. Hərbçi hospital yolunda ölüb.

Xatırladaq ki, son günlər Ermənistan ordusunda intihar və bədbəxt hadisə ilə bağlı xəbərlər çoxalıb. Son günlər ərzində 10-a yaxın erməni hərbçinin belə hadisələr nəticəsində öldüyü bildirilir. …read more

From:: ANS

      

Yollarla bağlı SMS qərarı

Nazirlər Kabineti “Yolların müvəqqəti bağlanması və bu sahədə digər tədbirlərlə bağlı SMS məlumatlandırma Qaydaları”nı təsdiq edib.

ANS PRESS-in məlumatına görə, dəyişikliklərə əsasən yolların müvəqqəti bağlanması və bu sahədə digər tədbirlərlə bağlı məlumatların qısa mesaj (SMS) vasitəsilə göndərilməsi Azərbaycan Respublikasının Nəqliyyat Nazirliyi tərəfindən sellülar (mobil) telekommunikasiya operatorları vasitəsilə həyata keçiriləcək.

Göndərilən qısa mesajların (SMS) həcmi isə GSM standartlarının tələblərinə uyğun müəyyən olunacaq. Yolların müvəqqəti bağlanması və bu sahədə digər tədbirlərlə bağlı məlumatların qısa mesaj (SMS) vasitəsilə istifadəçilərə göndərilməsi Nəqliyyat Nazirliyinin Nəqliyyatı İntellektual İdarəetmə Mərkəzi tərəfindən təmin ediləcək.

Yolların müvəqqəti bağlanması və bu sahədə digər tədbirlərlə bağlı məlumatların tərkibini Nəqliyyat Nazirliyinin balansında olan respublika və yerli əhəmiyyətli, habelə Bakı şəhərində yerləşən avtomobil yollarında və küçələrdə baş verən aşağıdakı hallar təşkil edəcək:

Yenidən qurulma və təmir;
Dövlət tədbirlərinin keçirilməsi;
Qəzaların olması.

Yolların müvəqqəti bağlanması və bu sahədə digər tədbirlərlə bağlı məlumatların qısa mesaj (SMS) vasitəsilə göndərilməsi üzrə xidmətlər elektron formada göstərilir. Həmin məlumatlar müvafiq xidmətə abunə olmaq və ya SMS sorğu göndərməklə əldə edilir.

Yolların müvəqqəti bağlanması və bu sahədə digər tədbirlərlə bağlı məlumatların qısa mesaj (SMS) vasitəsilə göndərilməsi üzrə xidmətlər ödənişlidir. Aylıq abunə haqqı və bir SMS-in qiyməti Azərbaycan Respublikasının Nəqliyyat Nazirliyi ilə sellülar (mobil) telekommunikasiya operatorları arasında bağlanmış müqavilə ilə müəyyən edilir.

Xidmətin göstərilməsindən daxil olan vəsaitin xidmətin təşkilində iştirak edənlər arasında bölgüsü tərəflər arasında qarşılıqlı razılaşma ilə tənzimlənir.

Xidmətdən əldə edilən vəsait Nəqliyyat Nazirliyinin Nəqliyyatı İntellektual İdarəetmə Mərkəzinin hesablaşma hesabında yığılacaq.

Qeyd edək ki, Məlumatların göndərilməməsinə və ya göndərilməsindən imtina edilməsinə görə “İnzibati icraat haqqında” Azərbaycan Respublikasının Qanununa və Azərbaycan Respublikasının İnzibati Prosessual Məcəlləsinə uyğun olaraq inzibati qaydada və məhkəməyə şikayət verilə bilər. …read more

From:: ANS

      

İrandan Rusiyaya ət

İran Rusiyaya toyuq əti, yumurta və balıq ixrac etmək niyyətindədir.

ANS PRESS-in məlumatına görə, bu barədə ölkənin kənd təsərrüfatı naziri Həsən Rohni xəbər verib.

Nazirin bildirib ki, iranlı iş adamları artıq 10 min ton quş ətini Rusiyaya çatdırmağa razırdır və bu rəqəm asanlıqla artırıla bilər. Məmurun sözlərinə görə, toyuq əti və yumurta çatdırılması hazırlıq mərhələsindədir.

Bundan əlavə Rohni bildirib ki, İran tezliklə Rusiyanı süd və balıq məhsulları ilə də təmin edəcək. …read more

From:: ANS

      

Facebook-dan unikal yenilik

Dünyanın ən böyük sosial şəbəkəsi Facebook daha bir neçə yenilik edib.

ANS PRESS-in məlumatına görə, Facebook ötən il elan edilən “Graph Search” və ya “Sosyal Ağ axtarışı” xüsusiyyətini mobil platformada tətbiq edib.

Bu gün etibarilə “iOS” istifadəçiləri üçün yayımlanan “Sosial Ağ axtarışı” xüsusiyyəti hazırda ABŞ-dakı istifadəçilər tərəfindən istifadə edilə bilir. Ancaq yaxın günlərdə bu xüsusiyyətin digər istifadəçilər tərəfindən də istifadə ediləcəyi mümkün olacaq.

Facebook-un açıqladığı digər yenilik isə, sosial şəbəkədəki axtarışlarla bağlıdır. Belə ki, bundan sonra Facebook-da daha əvvəl paylaşdığınız yazıları açar kəlmə ilə rahatlıqla tapa biləcəksiniz. Məsələn, illər əvvəl hesabınızdan “Üzüklərin Əfəndisi” filmi ilə əlaqədar bir yazı paylaşdınız. İndi bu yazını tapmaq istəyirsinizsə “Üzük” və ya “Əfəndi” sözlərini yazmanız kifayət edəcək. Beləliklə də asanlıqla istədiyiniz yazını tapa biləcəksiniz.

Bu funksiyaların tezliklə digər platformalara və ölkələrə də tətbiq edilməsi gözlənilir. …read more

From:: ANS

      

İrəvana qara gələn Yeni il

Erməni nəşrlər ölkə sakinlərinin Yeni ildə bayram masasının necə olacağını müəyyən etməyə çalışıblar.

Ermənistan milli statistika xidmətinin məlumatına görə, ərzaq məhsullarının inflyasiyası cəmi 2,9% təşkil edib.

Jurnalistlərin fikrincə, indiki zaman üçün çox kiçik olan bu rəqəm onunla izah edilir ki, ərzaq məhsulları almaq üçün əhalidə yetərincə vəsait yoxdur. Bir sözlə, əhalidə pul yoxdur. Ermənistan miqrantlarının əsasən üz tutduğu Rusiyadan isə pul axını nəzərəçarpacaq səviyyədə quruyub. Ölkədə iş isə həmişəki kimi yoxdur.

Bundan başqa, Yeni il öncəsi Ermənistan hakimiyyəti daha bir müəssisəni – ölkənin kimya sənayesinin əsas flaqmanı olan müəssisəni bağlayıb. Deməli, daha mindən artıq insan işsiz qaldı.

Jurnalistlər araşdırma apararaq sübut ediblər ki, Ermənistan milli statistika xidməti, necə deyərlər, hamını aldadır. Ermənilərin ənənəvi Yeni il masasının qəlyanaltısı olan basdırmanın kiloqramı 654 dram, yəni 9%-dən çox bahalaşıb.

Amma statistika iddia edir ki, bu delikatesin qiyməti yetirəncə ucuzlaşıb. Yəni iki məlumat bir-birindən çox fərqlənir. Bu cür yalan başqa məhsullar barədə də verilir.

Qəzetlərin yazdığına görə, qiymətlər yenə də yuxarı dırmanmaqda davam edir. Yerli iqtisadçılar mətbuat səhifələrində əhaliyə xəbərdarlıq etməkdə davam edirlər ki, işinizi ehtiyatlı tutun və daha qənaətcil olun.

Yerli valyuta dramın iflası da vəziyyəti xeyli dərinləşdirir. O, hazırda Rusiya rublunun ardınca sürüklənir. Ermənistan indi Rusiya rublunun sevinc və kədərini bölüşməyə məcburdur.

Prezident Serj Sarkisyan isə xalqı aldatmağa davam edir, bu Cənubi Qafqaz respublikasının son 20 ildə hansı iqtisadi uğurlar qazanması barədə yalanlar danışır. …read more

From:: ANS

      

İŞİD-ın HD başkəsimi (VİDEO)

İŞİD terrorçu qruplaşmasının ötən ay dünyanı lərzəyə salan kütləvi edam videosu ilə bağlı maraqlı faktlar üzə çıxıb.

ANS PRESS-in məlumatına görə, 22 suriyalının edam səhnələri 4-6 saata çəkilib, hətta bəzi səhnələr dəfələrlə təkrarlanıb. Video HD kameralarla çəkilib. Onun maliyyəsi isə 200 min dollar civarında olub.

ABD-dakı Terrorizm Araşdırma və Analiz Konsorsiyumu (TRAC) ilə İngiltərədəki düşüncə quruluşu “Quilliam” amerikalı Peter Kassig və 22 suriyalının başkəsmə videosunu analiz edib.

Bu videolar tettorçuların kimliklərini müəyyən etmək, onların belə qədar davranışlarını araşdırmaq üçün anbaan tədqiq edilib.

Analizin nəticələri isə belə olub:
1. İŞİD silahlılarından demək olar ki, hamısının üzü açıqdır. Dəstəyə “Cihatçı Con” adlı üzü maskalı şəxs rəhbərlik edir.

2. Çəkiliş üçün tez-tez terrorçular və qurbanlar yer dəyişiblər. 22 İŞİD-çi Avstraliya, İndoneziya, Malayziya, Filipin, İngiltərə, Belçika, Almaniya kimi ölkələrdəndir.

3. Dəstədən sadəcə bir nəfərin kimliyi bəllidir. O, Fransadan ötən il Suriyaya gedən Maksim Haucharddır. Digər ölkələr öz vətəndaşlarının olub olmadığını araşdırır.

4.Yaxasında mikrofon olan digər iki terrorçunun səsi eşidilmir. Ola bilsin ki, onların səsləri başqa videolarda istifadə edilmək üçün yazılsın.

…read more

From:: ANS

      

Putindən dəyişiklik

Prezident Vladimir Putin Sankt-Peterburqda Konstitusiya Məhkəməsində Rusiyada dekabrın 12-də keçiriləcək Konstitusiya Günü münasibətilə təşkil olunmuş tədbirdə çıxış edib. O bəyan edib ki, ölkənin əsas qanunu sabit olmalıdır, lakin həyat diqtə edəndə konstitusiyaya düzəlişlər etmək olar.

ANS PRESS-in məlumatına görə, Rusiya mətbuatı yazıb ki, dövlət başçısı əsas qanun üzərində işin heç vaxt dayanmadığını söyləyib: “Bəzən həyatın özü Əsas qanuna müəyyən düzəlişlərin edilməsini tələb edir. Konstitusiya normalarını daim təhlil etmək və onu sürətlə dəyişən həyat reallıqlarına uyğunlaşdırmaq mühümdür. Mən “canlı konstitusiyanı” yaratdıqları üçün məhkəmənin üzvlərinə minnətdarlığımı bildirirəm. “Canlı konstitusiyanın” yaradılması yeni şərhlərin sayəsində mətnin sabitliyinin qoruyub saxlaması deməkdir. Beləliklə, konstitutsiya daha tutumlu, daha müasir olur.”

Xatırladaq ki, 2008-ci ildə Dövlət Duması prezidentlik müddətini 4 ildən altı ilə, dumanın səlahiyyətlərini isə 4 ildən 5 ilədək uzadan qanunlar qəbul edib. Təbiidir ki, bu qanunlar qəbuil edilərkən konstitusiyaya da “əl gəzdirmək” lazım gəlib.

Mətbuat yazır ki, Rusiyanın hazırkı konstitusiyası Putinin 2000-ci ildə əl qoyub and içdiyi əsas qanundan tanınmaz dərəcədə fərqlənir. Müxalifət elə o vaxtda hakimiyyəti konstitusiyaya referendum keçirmədən dəyişikliklər olunmasınına görə tənqid edirdi.

Rusiya Konstitusiyasına ikinci ən ciddi düzəliş 2014-cü ilin əvvəllərində edilib. Konstitusiyaya edilmiş bu düzəlişə əsasən Ali və Ali Arbitraj məhkəmələri birləşdirilib. …read more

From:: ANS

      

Azərbaycanda kütləvi dava: ölümcül döyülən var

Ötən gün Gədəbəy rayonunda kütləvi dava baş verib.

Gədəbəy rayon polis şöbəsindən ANS PRESS-ə verilən məlumata görə, dava zamanı bir nəfər ölümcül düyülüb.

Hadisə Dəyirmandağ kəndində olub. Kənd sakini 23 yaşlı Elşən Alıyev dava zamanı möhkəm döyülüb. Onu ölümcül vəziyyətdə xəstəxanaya yerləşdiriblər. Vəziyyəti ağır olduğundan onu reanimasiya şöbəsinə yerləşdiriblər.

Hadisəni araşdıran müstəntiq Ramiz Əliyev ANS PRESS-ə açıqlamasında davada bir neçə şəxsin iştirak etdiyini bildirib. Onun sözlərinə görə, hazırda davanın səbəbləri və dava iştirakçılarının kimliyi dəqiqləşdirilir.

Faktla bağlı araşdırma aparılır.

Hazırda Gədəbəy polisi kütləvi davanın iştirakçılarının müəyən edilib saxlanılması istiqamətində əməliyyat – axtarış tədbirlərini davam etdirir. …read more

From:: ANS

      

Turkic Azeri and Hazara Solidarity Network