Televizora görə qardaşını boğub öldürdü (VİDEO)

Türkiyədə qardaşına aid televizoru icazəsiz açan şəxs bunu canı ilə ödəyib. ANS PRESS-in yerli mətbuata istinadən verdiyi məlumata görə, hadisə Tekirdağ vilayəti, Çorlu rayonunda baş verib.

Məlumata görə, atası ilə birlikdə yaşayan 35 yaşlı E. Duyğu səhər yuxuda olarkən 41 yaşlı böyük qardaşı Engin Duyğu onun otağına girib və televizoru yandırıb. Bir müddət sonra oyanan E. Duyğu qardaşından televizoru söndürməsini tələb edib. Engin isə televizoru söndürməyib və tərəflər arasında mübahisə başlayıb. Mübahisə zəminində başlayan dava nəticəsində E. Duyğu qardaşını yerə yatıraraq boğub.

Evdən gələn səsləri eşidərək qonşuların xəbər verməsindən sonra hadisə yerinə polis və təcili yardım briqadası gəlib. Həkimlər Engin Duyğunun keçindiyini müəyyənləşdiriblər.

Qətli törədən E. Duyğu isə polis tərəfindən saxlanılıb. Faktla bağlı araşdırmalar davam edir.

…read more

From:: ANS

      

İngiltərədə qol yağışı (VİDEO)

İngiltərə Premyer Liqasında 14-cü turun oyunlarına yekun vurulub.

ANS PRESS-in məlumatına görə, son oyun günündə 4 qarşılaşma baş tutub.

Səfərdə “Sanderlend”lə qarşılaşan “Mançester Siti” matçı qalib başa vurub. Oyun 1:4 hesabı ilə “şəhərlilər”in xeyrinə başa çatıb.

Lider “Çelsi” doğma meydanda “Tottenhem”ə heç bir şans verməyib – 3:0.

“Everton” – “Hall Siti” matçı bərabərliklə başa çatıb – 1:1.

“Arsenal” isə öz meydanında “Souzhempton”u qəbul edib. 89-cu dəqiqədə Aleksis Sançesin tək qolu “topçular”ı sevindirib – 1:0.

4 dekabr / İngiltərə Premyer Liqa, 14-cü tur:

“Arsenal” – “Sauthempton” -1:0
Qol: Sançez, 89

“Çelsi” – “Tottenhem” -3:0
Qollar: Hazard, 19, Droqba, 22, Remi, 73

“Everton” – “Hall Siti” -1:1
Qollar: Lukaku, 34 (0:1), Aluko, 59 (1:1)

“Sanderlend” – “Mançester Siti” – 1:4
Qollar: Vikham, 19 (1:0), Aquero, 21 (1:1), 73 (1:3), Yovetiç, 39 (1:2), Zabaleta, 55 (1:5)
…read more

From:: ANS

      

İŞİD-lə mübarizə illər çəkə bilər

Brüsseldə NATO ölkələrinin Xarici İşlər nazirləri bir araya gəlib.

ANS PRESS-in məlumatına görə, toplantıda Ukrayna, Əfqanıstan, İraq və Suriyadakı baş verən hadisələr qiymətləndirilib.

Koalissiya rəsmilərinin toplantısında çıxış edən ABŞ dövlət katibi Con Kerri İŞİD terror qruplaşmasının Suriya və İraqda geniş ərazilərə nəzarət etdiklərini səsləndirib. O, terrorçulara qarşı keçirilən hava hücumlarında ciddi zərbələr vurulduğunu lakin, onlarla mübarizəninn illər çəkə biləcəyini də gizlətməyib.

Xatırladaq ki, ABŞ-ın başçılığı ilə koalissiya qüvvələri sentyabr ayından bəri İŞİD-ə qarşı bir sıra əməliyyatlar keçirir. …read more

From:: ANS

      

Səfirimiz İordaniyanın spikeri ilə görüşüb

Azərbaycanın İordaniyadakı səfiri Sabir Ağabəyovun bu ölkənin Nümayəndələr Palatasının sədri Atef Taravnehlə görüşüb. Görüş zamanı parlamentlərarası əlaqələrə dair fikir mübadiləsi aparılıb.

Səfir dövlətlərin əlaqələrinin möhkəmlənməsində qanunverici orqanların rolunu qeyd edib. S.Ağabəyov 2013-cü ildə İordaniya Senatının Xocalı faciəsi ilə bağlı qəbul etdiyi bəyanatı xatırladıb, Nümayəndələr Palatasının da bu faciəyə ədalətli qiymət verəcəyinə ümid etdiyini bildirib.

A.Taravneh ölkələrimiz arasında əlaqələrin yüksək səviyyədə olduğunu bildirib. O, qanunverici orqanlar arasında əlaqələrin möhkəmlənməsi üçün parlament sədrlərinin qarşılıqlı səfərlərinin həyata keçirilməsinin vacibliyini vurğulayıb. …read more

From:: ANS

      

O, Bağdadinin arvadı deyil

İki gün əvvəl İŞİD terror qruplaşması lideri Əl-Bağdadinin oğlu və arvadının Livanda saxlanılması ilə bağlı xəbər yayılmışdı.

ANS PRESS-in məlumatına görə, İraq Daxili İşlər nazirliyi İŞİD terror qruplaşmasının lideri Bağdadinin həyat yoldaşının Livanda tutulduğu xəbərini təkzib edib.

“Ələ keçirilən qadın Bağdadinin yoldaşı deyil, başqa bir terroristin bacısıdır” – deyə Daxili İşlər Nazirliyindən bildirilib.

Qeyd edək ki, İŞİD-in lideri Əbu Bəkirin yoldaşının tutulması xəbəri bütün dünyanın diqqət mərkəzində idi. Bu gün isə İraq bu xəbəri təkzib edib. Tutulan qadının isə adının Saca əl-Dulaimi olduğu və İraqda bombalı hücumlar törətməkdə təqsirləndirilən İŞİD-çilərdən birinin bacısı olduğu vurğulanır. Lakin Livan tərəfi saxlanılan qadının əl-Bağdadinin keçmiş həyat yoldaşı olduğunu söyləməkdə təkid edir. …read more

From:: ANS

      

Məhkəmə “Balkon sevişməsi”ni bağışlamadı (VİDEO)

Türkiyədə son illərin ən çox danışılan maqazin xəbəri haqqında məhkəmə qərarı açıqlanıb.

ANS PRESS-in məlumatına görə, “Recep İvedik” film seriyasında yaratdığı obrazla¬ şöhrətinə şöhrət qatan türkiyəli aktyor Şahan Gökbakarla 2010-cu ildə evinin eyvanında öpüşərkən kameralara yaxalanan aktrisa Berrak Tüzünataç məhkəməyə müraciət etmiş və qarşı tərəfdən təzminat tələb etmişdi.

İstanbul Prokurorluğu məhkəmə iddiasını rədd edib. Məhkəmənin rəyində bildirilir ki, eyvan – ictimaiyyətə açıq sahədir və hadisədə adları keçən şəxslər şəxsi həyatlarını nümayiş etdiriblər. Jurnalistlərin də ictimaiyyətə açıq sahədə məşhurları çəkməsi və bu haqda xəbər hazırlaması qanunlara zidd deyil.

Qeyd edək ki, məşhur aktrisa bir müddət yaraşıqlı aktyorlar Nejat İşlər və Çağatay Ulusoyla da eşq münasibətlərində olub.

…read more

From:: ANS

      

Turkic Azeri and Hazara Solidarity Network