Ermənilərin kütləvi davası: ölən var

İspaniyanın Barselona şəhərindəki kafelərinin birində ermənilər arasında kütləvi dava düşüb.

ANS PRESS-in AzərTAc-a istinadən verdiyi məlumata görə, dava Ermənistanın İspaniyadakı səfirliyinin iki həftədən bir bu şəhərdə həmvətənləri ilə keçirdiyi növbəti görüş zamanı baş verib.

Davaya görüş üçün növbəyə dayananlar arasında yaranan narazılıq səbəb olub.

İnsident nəticəsində 3 nəfər ciddi bıçaq xəsarəti alıb və onlardan biri dünən gecə ölüb.

Yerli polis davada iştirak edənləri nəzarət altına götürüb. …read more

From:: ANS

      

Kriştiano Ronaldo prezidentin əlini sıxmadı (VİDEO)

İspajiyanın “Real Madrid” komandasının portuqaliyalı hücumçusu Kriştiano Ronaldo UEFA-nın prezidenti Mişel Platininin əlini sıxmadan keçib.

ANS PRESS-in məlumatına görə, hadisə “Real Madird”in klublar arası dünya çempionatında qalib gəlməsi münasibətilə təşkil edilmiş mükafatlandırma mərasinimdə baş verib.

Belə ki, medalların təqdim edilməsi zamanı Ronaldo Platininin əlini sıxmadan onun yanından keçib. Platini isə bunu anlamayaraq onunla görüşmək istəsə də Ronaldo buna əhəmiyyət verməyib.

Bəzi şərhçilər Ronaldonun sadəcə diqqətsizlikdən belə etdiyini desələr də, bir çoxları onun Platinidən incidiyini bildiriblər. Belə ki, “Qızıl top-2014” mükafatına namizədlər arasına Kriştino Ronaldonun da adı salınanda Platini təəssüfləndiyini demişdi. Bundan başqa UEFA prezidenti bu mükafata “Bavariya” qapıçısı Manuel Noyerin layiq olduğunu bildirmişdi.

…read more

From:: ANS

      

Prezidentdən Qurbanova zəng

“Ölkə prezidenti ilə çox dəyərli bir görüş oldu. Məşqçi heyəti, rəhbərliklə yanaşı, futbolçular da bu görüşdə iştirak etdi. Cənab prezident “Qarabağ” haqqında bütün informasiyalardan məlumatlı idi. Onun futbolçuların yanında olması və onları qalib kimi qarşılaşması bizdə özünəinam hissini artırdı. Problemlərimizlə maraqlandı və xalqımız adından bizi təbrik etdi. Təmiz qələbə qazandığımızı, ancaq hakimə görə növbəti mərhələyə yüksələ bilmədiyimizi vurğuladı”.

ANS PRESS-in məlumatına görə, bu sözləri qol.az-a “Qarabağ”ın baş məşqçisi Qurban Qurbanov prezident İlham Əliyevlə görüş barədə fikirlərini bildirərkən deyib.

O, xatırladıb ki, “Qarabağ” ilk dəfə Avroliqanın “pley-off”una yüksələn zaman da dövlət başçısı onu telefon vasitəsi ilə təbrik edib: “Bu dəfə isə o, bizimlə görüşdü. Biz gələcəkdə daha diqqətli və məsuliyyətli olmalıyıq ki, Azərbaycan futbolu üçün uğurlar qazanaq. Bu görüşlə bütün idman ictimaiyyəti gördü ki, prezident kiçik bir kluba da böyük önəm verir. Ən çətin anımızda prezident bu dəvəti ilə bizə böyük stimul verdi. Bir daha dövlət başçımıza komandam adından təşəkkürümü bildirirəm”. …read more

From:: ANS

      

Prezidenti öldürmək istəyən Rusiya vətəndaşından xəbər

Pakistanda həbs edilən rusiyalının edam cəzası təxirə salınıb.

ANS PRESS-in məlumatına görə, Rusiya vətəndaşı olan Ahlas Ahlak 2003-cü ildə ölüm hökmünə məhkum edilmişdi. O, Pakistanın o zamankı prezidenti Pərviz Müşərrəfə siu-qəsddə günahlandırılırdı.

35 yaşlı Ahlas Ahlak isə sui-qəsdlə heç bir əlaqəsi olmadığını bildirib. Onun atası da oğlunun günahsız olduğunu, yanlış adamın həbs edildiyini deyir.

Əgər edam cəzası təxirə salınmasaydı, bu bazar günü icra ediləcəkdi. Hətta bir neçə saat əvvəl Ahlas Ahlakın atasını oğlu ilə vidalaşmaq üçün də çağırmışdılar. Lakin daha sonra Rusiyanın Pakistandakı səfirliyindən bildirilib ki, o, edam edilməyib, hələ sağdır. Bununla belə səfirlik nümayəndəsi edamı nə vaxtadək gecikdirə biləcəklərini də bilmir.

Qeyd edək ki, bir müddət əvvəl Pakistanda baş verən və “Taliban” qruplaşmasının məsuliyyətini öz üzərinə götürdüyü terror aktı ilə əlaqədar ölkənin baş naziri Nəvaz Şərif ölüm cəzasına qoyulan moratoriumu aradan qaldırmışdı. Bununla da ölüm cəzasına məhkum edilmiş məhbusların edam edilməsinə başlanılmışdı. …read more

From:: ANS

      

“Əliayağı” ziyarətgahında namaz qılıb, evə qayıdan ögey oğlunu öldürdü

Bakı Ağır Cinayətlər Məhkəməsində qəsdən adam öldürməkdə ittiham olunan Bakı şəhər sakini, 1969-cu il təvəllüdlü Ağamməd Ağasəlim oğlu Hüseynovun cinayət işi üzrə məhkəmə prosesi yekunlaşıb. ANS PRESS-in Virtualaz.org-a istinadən verdiyi məlumata görə, hakim Eynulla Vəliyevin sədrliyi ilə keçirilən prosesdə təqsirləndirilən şəxsə hökm oxunub. Hökmə görə, A.Hüseynov 16 il müddətinə azadlıqdan məhrum edilib.

İstintaq yolu ilə müəyyən edilib ki, A.Hüseynov 2014-cü il, iyulun 29-da Buzovna qəsəbəsi, A.Xəlilov küçəsi, döngə 2, ev 7 ünvanında ögey oğlu Samir Həsənovu və onun həyat yoldaşı Samirə Həsənovanı təhqir edib. O, ailədaxili narazılıq zamanı stolun üstündən götürdüyü bıçaqla Samirə zərbələr endirib. Beş bıçaq zərbəsi almış yaralı xəstəxanaya aparılarkən yolda keçinib.

Hadisəni törətmiş A.Hüseynov şübhəli şəxs qismində saxlanılıb. Ona qarşı Cinayət Məcəlləsinin 120.2.4-cü maddəsi ilə ittiham irəli sürülüb və barəsində 3 aylıq həbs-qətimkan tədbiri seçilib.
Təqsirləndirilən şəxs qismində dindirilən A.Hüseynov ona elan olunmuş ittihamla özünü təqsirli bilib.

A.Hüseynov ifadəsində əmisi gəlini olan Südabəni 1987-ci ildən tanıdığını, sonuncunun həyat yoldaşı rəhmətə gedəndən sonra ailəsini dolandıra bilmədiyini, bir qohum kimi ona köməklik etdiyini, aralarında yaxın münasibət yarandığını, 1997-ci ildən bəri qeyri-rəsmi yaşadıqlarını göstərib: “Südabənin üç oğlu var idi. Südabə ilə münasibətimə razı olmadığına görə ailəmlə münasibətim pozulmuşdu, hazırda bacı-qardaşlarımla da gediş-gəlişimiz yoxdur. Südabənin uşaqlarına qayğı göstərmişəm, onların tərbiyəsi ilə məşğul olmuşam.

Amma uşaqlar böyüyəndən sonra artıq məni bəyənmirdilər. Bu səbəbdən də ailədə tez-tez söz-söhbətlər olurdu. Südabənin oğlanlarının üçü də ailə qurmuşdular. Samir öz xalası qızı Samirə ilə evlənmişdi, iki övladı olmuşdu. Hamımız bir həyətdə qalırıq. Samir avtomaşın rəngləməklə, Hüseynbala satıcılıqla, Həsənbala isə ocaqçılıqla məşğul olub ailəsini dolandırırdılar”.

Təqsirləndirilən şəxs ifadəsində səhhətində yaranan problemlərlə bağlı 2006-cı ildən işləmədiyini, amma hərdən fərdi əməklə məşğul olduğunu göstərib: “Fərdi işlərdən qazandığım pula spirtli içki alıb içirdim. Bu səbəbdən ailədə söz-söhbət yaranırdı. Daha çox Samirlə mübahisəmiz düşürdü. Hadisə baş verən gün orucluq bayramı olduğundan Südabə uşaqlarını və nəvələrini də götürüb qəbiristanlığa – ərinin məzarını ziyarətə getmiş, oradan da “Əliayağı” adlanan …read more

From:: ANS

      

Bakıda 23 yaşlı qadın şantaj edilərək seksual zorakılığa məruz qaldı

Bakıda seksual xarakterli zorakılığa məruz qalmış 23 yaşlı qadın polisə müraciət edib. 1991-ci il təvəllüdlü Kübra Mehbalıyeva (ad və soyad şərtidir) tanışı tərəfindən şantaj edilir.

Lent.az-ın hüquq-mühafizə orqanlarından əldə etdiyi məlumata görə, 8-ci Polis Bölməsinə müraciət edən tanışı tərəfindən şantaj olunur. Qadın qeyd edib ki, 40-45 yaşı olan tanışı Fəhmin adlı şəxs onu hədələyərək bildirib ki, həyat yoldaşına onun əxlaqsızlıqla məşğul olmasını deyəcək.

Həmin şəxs K.Mehbalıyevanı Buxta küçəsində kirayədə yaşadığı mənzilə dəvət edib və onu yuxarıda qeyd edilən məzmunda hədələyərək cinsi əlaqəyə təhrik edib.

Qadın əlavə edib ki, Fəhmin adlı şəxslə əvvəlcədən tanışlığı olub və həmin şəxs onun özəl həyatına bələddir. 23 yaşlı qadın polisdən xahiş edib ki, onu Fəhminin şantajlarından qorusunlar.

Müraciət əsasında araşdırmalar davam etdirilir. …read more

From:: ANS

      

Boşuna sərf etdiyimiz enerji

Bir çoxları özünü yorğun hiss etsələr də, bu yorğunluğun nədən qaynaqlandığını bilmirlər. Halbuki bunun səbəbi heç ağlımıza gəlməyən səbəblər də ola bilər.

ANS PRESS oxuculara həmin səbəbləri təqdim edir. Bu səbəblərdən biri uzun müddət eyni vəziyyətdə oturmaq ola bilər. Bu hal ən çox televizora baxanda və ya kompüter arxasında oturarkən olur. Belə ki, bədən hərəkətsiz qalmaqla yatmağı eyni cür qavrayır. Buna görə də, oturarkən tez-tez gərilin, qalxıb bir az hərəkət edin.

Boşuna enerji sərf etdirən ikinci səbəb pis duruş vəziyyətidir. Belə ki, əgər insan önə əyilərsə, əyri durarsa, onurğanın tarazlığı pozular və əzələlər də bu tarazlığı bərpa etmək üçün enerji sərf edər. Buna görə, hərəkət edəndə, oturanda və ya ayaq üstə ikən düz durulmalıdır, baş önə əyilməməlidir, qulaqlar çiyinlərin üstündə olmalıdır.

Üçüncü səbəb aşağı kalorili pəhrizlərdir. Gündəlik 850-dən az kalorili qidalarla pəhriz insanları daha yorğun edir, hətta sağlamlıqlarına da ziyan vura bilər. Buna görə, hazır və şəkərli qidalardan uzaq durun, həftədə 1 kilodan artıq çəki verməməyə çalışın.

Qapalı yerlərdə çox olmaq da yorğunluğa səbəb olur, xüsusilə də “evdən işə, işdən evə” kimi həyat tərzi keçirənlərdə. Buna görə gündə ən azı 10 dəqiqə piyada gəzin ki, günəş işığından və təmiz havadan faydalana biləsiniz.

Daimi narahatlıq və stress zamanı da əzələlər gərildiyindən bədəndə yorğunluq yaranır. Buna görə də günə başlayarkən işlərinizi sahmana salın ki, bütün gün eyni problem haqqında düşünməyəsiniz və baş verənlərə müsbət cəhətdən yanaşın.

…read more

From:: ANS

      

Ana öz övladlarını öldürdü

Avstraliya polisi 37 yaşlı qadını səkkiz uşağın qətlində ittiham edir. ANS PRESS-in məlumatına görə, sözügedən qadın 19 dekabrda həlak olmuş uşaqlarla birlikdə eyni evdə aşkarlanmışdı.

Öldürülmüş uşaqlar 2-14 yaş arasındadır. Onların hamısının bədənində bıçaq yaralarının olmasına baxmayaraq, qətlin səbəbi hələ tam aydınlaşdırılmayıb. Sözügedən qadın bu uşaqlardan yeddisinin anasıdır, digər uşaq isə onun qohumudur.

Boynunda və sinəsində bıçaq yaraları olan qadın xəstəxanaya yerləşdirildikdən sonra, polis tərəfindən qətldə şübhəli bilinərək saxlanılıb.

Hazırda nəzarət altında olan qadın polis tərəfindən dindirilir. Hüquq-mühafizə orqanları hələlik qətlin səbəbləri barədə məlumat vermirlər. Yerli KİV-lərin yaydığı məlumata əsasən, həkimlər qadının qanının tərkibində narkotik maddələrin mövcudluğunu araşdırırlar. …read more

From:: ANS

      

Turkic Azeri and Hazara Solidarity Network