All posts by Admin

Sabah dünyanın taleyi həll olunur (İNFOQRAFİKA)

Neft İxrac Edən Ölkələr Birliyi (OPEC) sabah dünya neft bazarının perspektivlərini müəyyənləşdirəcək.

ANS PRESS-in məlumatına görə, kotirovkaların 30 faizlik düşşüşündən sonra eksport karteli digər ixracatçılardan da çoxaltmayacaqları barədə söz alsa ümumi ixracatı azaldacaq.

Rusiya və Meksikanın Səudiyyə Ərəbistanı və Venesuela ilə 25 noyabrda keçirilən Vena görüşü zamanı belə bir zəmanət verdiyi məlum deyil. Məlum olan odur ki, neft ixracatının parallel azaldılmasından söhbət getmir. Tərəflər lazım olduğu təqdirdə 3 ay sonra bir daha görüş təyin ediblər.

İqtisadçılar isə bildirirlər ki, kvotanın azaldılması baş verərsə OPEC ölkələri ABŞ-dan olan bahalı şist yanacağı bazardan sıxışdırıb çıxardacaq, lakin neftin qiymətini 60 dollara kimi aşağı salacaq.

27 noyabr tarixində isə OPEC mərkəzində neft nazirləri iclas keçirəcəklər. Sabah OPEC bazarın dəstəyə ehtiyacı olub-olmadığını müəyyənləşdirəcək. Sərmayədarlar isə səbirsizliklə iclasın nəticələsini gözləyirlər. Belə ki, ən azından 2015-ci ilin ilk kvartalına kimi neft qiymətləri məhz bu iclasın nəticələrindən asılıdır.

Lakin Vyanadan daha bir xəbər sabahki iclasın nəticələrindən danışır. Səudiyyə Ərəbistanı neft naziri Əli ibn İbrahim an-Nuyami bildirib ki, neft istehsal edən ölkələrin hasilatı endirməyə ehtiyac yoxdur.

Onun fikrincə neft qiymətləri özü-özündən düzələcək: “Heç kimin hasilatı azaltması lazım deyil. Bazar özü düzələcək. Səudiyyə Ərəbistanı niyə azaltmalıdır? ABŞ hazırda böyük istehsalçıdır, onlarda hasilatı azaltmalıdırlarmı?”

Lakin The Wall Street Journal bildirir ki, bu sabahkı veriləcək sərt kvota qərardan əvvəl verilmiş kompromisdir.

Müşahidəçilər de-fakto OPEC rəhbəri olan Səudiyyənin gündəlik hasilatı 300 min barrelə endirilməsi təklifi edəcək. Lakin bu qərar İran və Venesuela kimi üzvlərə sər eləmir. Onlarda büdcənin balanslaşdırılması üçün qiymət 100 dollardan Artıq olmalıdır.

12 OPEC ölkəsi dünya neft hasilatının 40 faizini təşkil edir. 2014-cü ilin yayından Brent markalı neftin qiyməti 115 dollardan 80 dollara enib.

…read more

From:: ANS

      

Heygelin qorxulu son hesabatı

Pentaqon rəhbəri Çak Heygel ABŞ prezidenti Barak Obamaya hesabat verib.

ANS PRESS-in məlumatına görə, hesabatda Heygel, uzunmüddətli perspektiv üçün Rusiyadan gələn təhlükənin beynəlxalq təhlükəsizlik baxımdan Yaxın Şərqdən gələn təhlükədən daha böyük əhəmiyyət daşıdığını deyib.

Bu barədə “The Wall Street Journal” Amerika Müdafiə Nazirliyində olan yüksəkrütbəli mənbəsinə istinadən xəbər yayıb.

Lakin nəşrin verdiyi məlumata görə, Heygeldən daha maraqlı ikinci bir açılama gəlib. Pentaqon rəhbərinin sözlərinə görə, gözlənilən təhlükənin olmaması üçün Vaşinqton ya Moskva ilə gərginliyin azalması yolunu tapmalı, ya da Çinlə yaxınlaşmanın qarşısını almalı idi.

Qeyd edək ki, Obama 2013-cü ildən Pentaqon rəhbəri olan Çak Heygeli vəzifəsindən azad edib. Heygel xələfi müəyyənləşənə kimi vəzifəsində qalacaq. …read more

From:: ANS

      

Sumqayıtlıların baş bəlası tutuldu

Sumqayıtda bir neçə ərazidə oğurluq edən şəxsi polis tutub.

ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, əməliyyat Sumqayıt şəhər Baş Polis İdarəsi əməkdaşları tərəfindən keçirilib.

Keçirilən əməliyyat tədbirləri nəticəsində əvvəllər məhkum olunmuş Süleyman Abdullayev tutulub.

Araşdırmalar zamanı onun Sumqayıtda bir neçə aptekə basqın edərək qarət etdiyi məlum olub. Bundan başqa, saxlanılan şəxs noyabrın 21-də Günel Bağırovaya məxsus mağazanı da talayıb.

Faktla bağlı araşdırma aparılır. …read more

From:: ANS

      

Bakıda 18 sahibkar marşrutlarını itirdi

Azərbaycan Nəqliyyat Nazirliyi ictimai nəqliyyatda sərnişindaşımaların təhlükəsizliyinin təmin olunması üzrə mübarizəni sərtləşdirmək niyyətindədir. ANS PRESS-in məlumatına görə, Trend xəbər verir ki, bu barədə çərşənbə günü jurnalistlərə Azərbaycanın nəqliyyat nazirinin müavini Musa Pənahov bildirib.

Onun sözlərinə görə, ictimai nəqliyyatda sərnişindaşımaların təhlükəsizliyinin təmin olunması ən vacib məsələlərdən biridir və nazirlik tərəfindən bu istiqamətdə müntəzəm şəkildə lazımi reydlər aparılır, lakin hələlik sərnişin avtobuslarının iştirakı ilə yol-nəqliyyat hadisələrinin qarşısının tam şəkildə alınması mümkün olmayıb.

M.Pənahov bildirib ki, lakin təhlükəsizlik qaydalarına riayət etməyən sürücülər barəsində işdən kənarlaşdırılmaya kimi sərt ölçülər tətbiq edilir. Həmçinin belə pozuntular və sərnişindaşımaların keyfiyyətinin aşağı olması səbəbindən sahibkarlar da marşrutlardan kənarlaşdırılırlar. Pənahovun sözlərinə görə, son illər ərzində marşrutlardan 17-18 sahibkar uzaqlaşdırılıb.

Nazir müavini deyib ki, ictimai nəqliyyatda rəqabətin artırılması üçün “Baku Bus” şirkəti yaradılıb ki, bu da ictimai nəqliyyatda xidmətlərin keyfiyyətinin yüksəldilməsinə də gətirib çıxaracaq: “Bu, sərnişinlərə göstərilən xidmətlərin keyfiyyətini təmin etməyə imkan verəcək”.

“Baku Bus” şirkəti Bakı Şəhər İcra Hakimiyyəti yanında yaradılıb. Onun üçün Fransanın “Iveco” şirkətindən “Crealis CNG” markalı 150 avtobus alınıb. Bu avtobuslar müasir ekoloji standartlara (Avro-6) cavab verir və qazla işləyir. Onlarda GPS sistemləri quraşdırılıb. …read more

From:: ANS

      

EMİN-dən yeni klip (VİDEO)

Müğənni-bəstəkar EMIN yeni klipini təqdim etdi.

Müğənninin Bakıda çəkdirdiyi klip “На чистоту” adlı mahnıya çəkilib. O, klipinin ikinci hissəsini təqdim edib.

Ekran işində çəkilən şəxsin kimliyini sirr saxlayan EMIN-in tərəf-müqabilinin rusiyalı sənətçi Keti Topuriya olduğu ortaya çıxıb. Mahnının musiqisi İqor Krutoya, sözləri isə İqor Nikolayevə aiddir. Sənətçilər klip üçün Moskvada böyük təqdimat mərasimi keçiriblər.

Qeyd edək ki, Emin Ağalarovun dekabrın 4-də “Crystal Hall”da konserti keçiriləcək.

Bir müddət öncə “Naçistatu” (“Açıq”) adlanan mahnıya Bakıda klip çəkdirən Emin yeni klipindən fotoları İnstagram səhifəsində paylaşaraq “Necə düşünürsünüz, klipdə əsas obrazı kim canlandırıb?” sualı ilə izləyicilərinə müraciət etmişdi.

…read more

From:: ANS

      

Qaraçuxur məscidinin yandırılmasına münasibət

Dini Qurumlarla İş üzrə Dövlət Komitəsinin sədri Mübariz Qurbanlı ötən gecə naməlum şəxslər tərəfindən Qaraçuxur məscidinin yandırılmasına münasibət bildirib.

ANS PRESS-in məlumatına görə, M.Qurbanlı APA-ya açıqlamasında bildirib ki, komitə məsələni nəzarətə götürüb və hazırda sədri müavininin rəhbərliyi altında komitənin nümayəndələri hadisə yerindədir.

M.Qurbanlı qeyd edib ki, polisin araşdırması ilə yanaşı, Komitə məsələni nəzarətdə saxlayır və yaxın zamana araşdırmanın nəticələri məlum olacaq: “O məsciddə indiyə qədər dini baxımdan qarşıdurma, mübahisə müşahidə olunmayıb. Bu hadisə də indi araşdırılmalıdır. Bunun kökündə hansı xəttin olması diqqətlə araşdırılıb öyrəniləcək”. Hadisənin dini təriqətlər arasında mübahisə zəminində baş verməsi ilə bağlı yayılan fikrə komitə sədri belə cavab verib ki, hər şey araşdırmadan sonra bəlli olacaq və açıqlanacaq.

Qeyd edək ki, ötən gecə naməlum şəxslər Qaraçuxur qəsəbəsində yerləşən məscidə içərisində yanacaq olan şüşə qab atıblar. Nəticədə məsciddə yanğın olub. Məsciddə olan şəxslərin səyi nəticəsində yanğının qarşısı alınıb. …read more

From:: ANS