All posts by Admin

Zakir Həsənov tapşırıq verdi (FOTO)

Azərbaycanın müdafiə naziri general-polkovnik Zakir Həsənov Hərbi Hava Qüvvələrinin döyüş hazırlığını yoxlamaq məqsədilə Mərkəzi Komanda Məntəqəsində olub.

Müdafiə Nazirliyinin mətbuat xidmətindən ANS PRESS-ə verilən məlumata görə, Hərbi Hava Qüvvələrinin komandanı general-leytenant Ramiz Tahirov Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin tapşırığına əsasən Hərbi Hava Qüvvələrində qısa müddət ərzində döyüş hazırlığının yüksəldilməsi məqsədilə görülən işlər barədə müdafiə nazirinə məruzə edib.

Ən müasir avtomatik idarəetmə sistemlərilə təchiz edilmiş Məntəqədə yaradılan şəraitlə tanış olan Z.Həsənov Hərbi Hava Qüvvələri tərəfindən hava məkanındakı kəşfiyyat məlumatlarının toplanılması, təhlili, o cümlədən qərarların vaxtında qəbul edilməsinin vacibliyini şəxsi heyətin diqqətinə çatdırıb.

Müdafiə naziri Hərbi Hava Qüvvələrinin idarə edilməsi, iş bacarığının təkmilləşdirilməsi, modelləşdirmə proqramı əsasında Hərbi Hava Qüvvələrinin döyüş fəaliyyətlərini idarə edən heyətin praktiki vərdişlərinin artırılması, özünün və düşmən aviasiyasının, hava hücumundan müdafiə vasitələrinin imkanları, xüsusiyyətləri, döyüş tətbiqinin analiz edilməsi barədə Hərbi Hava Qüvvələri komandanlığı qarşısında tapşırıq qoyub.

…read more

From:: ANS

      

Gələn il bu rəng dəbdə olacaq (FOTO)

Hər il Pantone rəng institutunun mütəxəssisləri modada, dizaynda, interyerdə və gözəllikdə üstünlük təşkil edəcək bir çalar seçirlər.

ANS PRESS-in buro247.az-a istinadən verdiyi məlumata görə, ötən gün isə Pantone şirkəti 2015-ci ilin rəngini elan edib – marsala.

Bir qayda olaraq, Pantone hər mövsüm yaxın 6 aya olan əsas çalarlardan ibarət palitra təşkil edir. Şirkət nümayəndələrinin fikrincə, 2015-ci ilin əsas rəngi marsala olacaq. Marsala – ətirli, dolğun, içdikdən sonra güclü dadı qalan və gözəl qırmızı-qəhvəyi çaları olan Siciliyadan olan şərabdır.

…read more

From:: ANS

      

Nazirdən ATƏT-ə xəbərdarlıq

Xarici işlər naziri Elmar Məmmədyarov İsveçrənin Bazel şəhərində keçirilən ATƏT-in 21-ci nazirlər şurasının iclasında iştirakı çərçivəsində dekabrın 5-də ATƏT-in Demokratik Təsisatlar və İnsan haqları Bürosunun direktoru Mixael Link ilə görüşüb.

XİN-nin mətbuat xidmətindən ANS PRESS-ə verilən məlumata görə, görüş zamanı ilə ATƏT-in Demokratik Təsisatlar və İnsan haqları Bürosu Azərbaycan arasında əməkdaşlıq məsələləri müzakirə olunub.

E.Məmmədyarov təsisat tərəfindən aparılan seçki monitorinqlərinin qərəzli olması, monitorinqlərin nəticələri ilə bağlı hazırlanmış hesabatların sifariş əsasında verilməsinin və təşkilatın məhz bu məsələlərdə ikili standartlar tətbiq etməsinin təşkilatla əməkdaşlığa və ona olan etimada xələl gətirə biləcəyini deyib.

Mixael Link ölkələrlə əməkdaşlıqda maraqlı olduğunu bildirərək, həm seçki, həm də insan hüquqları kimi məsələlərdə ayrı-seçkiliyə yol verilməməsinin vacib amil olduğunu bildirib və təşkilatın gələcək fəaliyyəti zamanı bu iradların diqqət mərkəzində olacağını söyləyib.

O, həmçinin, regiona səfər etmək niyyətində olduğunu açıqlayıb. …read more

From:: ANS