All posts by Admin

ABŞ-ı raketlə hədələdi

Şimali Koreya ABŞ-l onun ərazisində sərt hərbi əməliyyat keçirməklə hədələyib.

ANS PRESS-in məlumatına görə, “Penhap” agentliyi hökumət rəsmilərinə istinadən xəbər verir ki, Şimali Koreya Sony-ə edilən haker hücumları ittihamına cavab olaraq ABŞ-da ağır hərbi əməliyyatlar keçirə bilər.

Qeyd edək ki, ABŞ-da Sony Pictures Enterteynment şirkəti istehsal olunan “Müsahibə” filminin müəllif hüquqlarını satmaq qərarına gəlib. Buna səbəb isə, şirkət rəhbərliyinin film yayımlanacağı təqdirdə terror hücumuna məruz qalacağına dair hədələrə məruz qalması olub. Filmin yayımları da xəbərdarlıqlarla əlaqədar təxirə salınıb.

Komediya janrında çəkilən filmdə baş qəhrəmanlar Şimali Koreya lideri Kim Çen Inın qətl planını icra etməyə çalışırlar. Sony Pictures də məhz koreyalı hakerlər tərəfindən hədələndiyini güman edir. Lakin Şimali Koreyanın xarici işlər nazirliyi hökumətin insidentlə əlaqədar olmadığına dair xəbər yayıb və buna dair dəlillərə malik olduğunu deyib. Rəsmi Pxenyan faktın birgə komissiya tərəfindən araşdırılmasını təklif edib. …read more

From:: ANS

      

Qurban Qurbanovdan qələbə şərhi

“Yaxşı oyun alındı. Futbolçular çox yorulub. Buna baxmayaraq, oyunu düzgün qurmağa çalışdıq. “Sumqayıt” elə bir komandadır ki, qol vurmadan meydançadan çıxmır. “Sumqayıt” liderlərə qarşı yaxşı çıxış edir. Bizə qarşı matçda da belə oldu. Düşünürəm ki, oyunçularım istirahəti gözləyirdilər”.

ANS PRESS-in PFL-in saytına istinadən yaydığı xəbərə görə, bu sözləri “Qarabağ”ın baş məşqçisi Qurban Qurbanov Azərbaycan Premyer Liqasının 18-ci turunda “Sumqayıt”a 2:0 hesabı ilə qalib gəldikləri matçdan sonra deyib.

“Qış fasiləsinə gedərkən deməliyəm ki, yaxşı nəticələrimiz oldu. Futbolçularıma, azarkeşlərə, jurnalistlərə təşəkkür edirəm” – deyə o bildirib. …read more

From:: ANS

      

"Facebook"da dostluğu qəbul edilməyən 27 yaşlı qızdan inanılmaz hərəkət

Amerikanın Florida ştatında 27 yaşlı Reyçl Heys nənəsini “facebook”da göndərdiyi dostluq təklifini qəbul etmədiyi üçün döyüb.

ANS PRESS-in məlumatına görə, gənc qadın 72 yaşlı nənəsini döydüyü üçün həbs edilib. Bir övladı olan Reyçlin nənəsini döyən zaman sərxoş olduğu bildirilib. Bəzi yerli mənbələr bildirirlər ki, nənənin dostluq təklifini qəbul etməməsinə səbəb nəvəsinin paylaşdığı “kobud” paylaşmalar olub.

Təklifinin qəbul edilmədiyini görən gənc qadın gecə 3:40 radələrində nənəsinin evinə gedib və qapını açan qadına hücum edib. Bir neçə yumruqdan sonra Reyçlin əlindən qurtula bilən qadın evə qaçıb və polisə zəng edib. Gələn polislər Reyçli həbs ediblər.

Bildirilir ki, gənc qadın daha əvvəllər də həbs edilib. Buna səbəb onun içkili olduğu halda avtomobil idarə etməsi və insanlara qarşı saymamazlıq etməsi olub. …read more

From:: ANS

      

II Qarabağ savaşı qorxusu

Azərbaycan və Ermənistan qoşunlarının təmas xəttində gərginlik ilbəil artır.

ANS PRESS-in məlumatına görə, bunu jurnalistlərə açıqlamasında qondarma Dağlıq Qarabağ respublikasının “müdafiə naziri” Movses Akopyan bildirib.

“İyul-avqust aylarında təmas xəttindəki şiddətli döyüşlərlə müqayisədə indi sakitçilikdir. Lakin ötən illərlə müqayisə edəndə görürük ki, təmas xəttində gərginlik ilbəil artır. Buna baxmayaraq ümid edirik ki, müharibə olmayacaq”, deyə Movses Akopyan bildirib.

Qeyd edək ki, bu gün Ermənistan müdafiə naziri Seyran Ohanyan cəbhədəki hadisələrlə bağlı açıqlama verib. O, bildirib ki, 2014-cü ilin Ermənistan ordusu üçün ağır olub.

“Ordumuz üçün ən gərgin vaxt iyul-avqust aylarında təmas xəttində şiddətli döyüşlərin getməsi oldu. Bu ilin ən pik nöqtəsi isə Mi-24 helikopterinin Azərbaycan Silahlı Qüvvələri tərəfindən vurulmasıdır. Həmin an 3 pilotumuz həlak oldu”, deyə Ohanyan bildirib.

Qeyd edək ki, bu ilin iyul-avqust aylarında cəbhədə şiddətli döyüşlər getmişdi. Həmin döyüşlərdə Ermənistan silahlı qüvvələri xeyli itki verərək geri çəkilmişdi. Və nəhayət noyabr ayında cəbhənin Ağdam istiqamətində Ermənistan ordusuna məxsus Mi 24 hərbi helikopteri Azərbaycan Silahlı Qüvvələri tərəfindən vuruldu, 3 pilot öldü. Helikopterin vurulması dünya mətbuatının gündəmini zəbt etmişdi.

Ermənistan müdafiə nazirinin açıqlaması burada: “Ordumuz çox itki verdi” …read more

From:: ANS

      

İsraildən vacib İŞİD açıqlaması

İŞİD terror qruplaşmasının bizim üçün heç bir təhlükəsi yoxdur.

ANS PRESS-in məlumatına görə, bu barədə İsrail Müdafiə Nazirliyinin Siyasi və Təhlükəsizlik Komitəsinin rəhbəri Amos Gilad açıqlama verib.

O, bildirib ki, İŞİD ona görə İsrail üçün təhlükəli deyil ki, terrorçular hücumlarını İsrailə qarşı yönəltməyib.

“Lakin İsrail İŞİD-i bölgədə törətdiklərinə görə, terror qruplaşması kimi tanıyır. Bu qruplaşma ilə əlaqəli olan olan şəxsləri 1 ildən 4 ilə qədər həbs cəzası gözləyir”, deyə Gilad bildirib.

Qeyd edək ki, bir müddət əvvəl İŞİD də İsrailə hücumla bağlı açıqlama vermişdi. Terrorçular bildirmişdi ki, İsraildə fitnə olmadığına görə, bu ölkəyə hücum etmirlər. …read more

From:: ANS

      

Nəbatat bağının mühafizəçisi ziyarətçini döydü

Nəbatat bağında xuliqanlıq hadisəsi baş verib.

ANS PRESS-in Lent.az-a istinadən verdiyi məlumatına görə, 9-cu Polis Bölməsinə müraciət edən 1993-cü il təvəllüdlü Əliyev Şahid David oğlu bildirib ki, Badamdar şosesi 40 ünvanında yerləşən bağda tanımadığı şəxs onu döyüb.

Şikayətçi qeyd edib ki, olay dekabrın 6-da saat 14:30 radələrində baş verib.

İlkin araşdırmalardan sonra Ş.Əliyevi döyən şəxsin Nəbatat bağının mühafizəçisi, 1986-cı il təvəllüdlü Babayev Elxan Rövşən oğlu olması müəyyən edilib.

Araşdırmalar davam etdirilir. …read more

From:: ANS

      

"Nə istəyirsə, 24 saata edəcəm"

Belarus prezidenti Aleksandr Lukaşenko ukraynalı həmkarı Pyotr Poroşenko ilə görüşüb.

ANS PRESS-in məlumatına görə, Lukaşenko bəyan edib ki, Poroşenko ondan nə istəsə, 24 saat ərzində həyata keçirəcək.

“Bu qədər açıq danışıram. Fərqi yoxdur, Poroşenko nə istəyir istəsin həyata keçirəcəm. Biz həmişə birlikdə addım atmışıq, bir-birimizə doğma insanlarıq və irəliyə getmək üçün bundan sonra da belə olacaq. İstəyirəm ki, Ukraynada hər şey yaxşı olsun. Bir çoxları bunu oyun zənn edir. Bilirəm ki, Poroşenko belə düşünmür. Mən Ukraynaya kömək etmək üçün əlimdən gələni etməyə hazıram”, Kiyevdə səfərdə olan Lukaşenko bildirib.

Qeyd edək ki, Lukaşenko Ukraynada səfərdədir. O, Kiyevə bu gün gəlib. …read more

From:: ANS

      

Millət vəkili "Facebook" statuslarından kitab yazır

Millət vəkili Aydın Mirzəzadə, YAP-ın siyasi şurasının üzvü Aydın Mirzəzadə Facebook statuslarını kitab şəklində çap etdirib.

ANS PRESS-in məlumatına görə, deputat bu barədə elə Facebook səhfəsində xəbər paylaşıb.

“Feysbuk səhifəmdəki “müdriklik dərsləri ” rubrikasındakı materiallar əasında 2014-cü ilin fevral ayında 200 dəsrdən ibarət “Müdriklik dərsləri – I hissə ” adlı kitab nəşr edildi. Sonradan rubrika davam edildi və hal-hazırda səhifəmdə 348-ci material verilib.
Gələcəkdə 201-600 saylı dərslər əsasında artıq 400 dəsrdən ibarət “Müdriklik dərsləri – II hissə ” adlı kitab nəşr etmək istəyirəm.”

Deputat növbəti kitabın 2016-cı ilin fevral-mart aylarında işıq üzü görəcəyinin gözlənildiyini bildirib.

“Bu dəfə kitabın nəşrində yenilik etmək istəyirəm, beləki, kitabda materalllarla yanaşı sizlərin onlara verdiyiniz şərhlər də dərc ediləcək. Etiraz edənlərin şərhləri verilməyə bilər.”- deyən Mirzəzadə, şərhləri də kitaba daxil edəcəyini bəyan edib. …read more

From:: ANS