Xaçmazda bədbəxt hadisə: kran işçinin başına düşdü

Xaçmazda dəmiryol işçisi bədbəxt hadisənin qurbanı olub.

ANS PRESS-in bölgə müxbirinin verdiyi məlumata görə, hadisə bu gün saat 15 radələrində “Azərbaycan Dəmir Yolları” ASC-nin Xaçmazın Çarxı kəndindəki dəmiryol stansıyasının ərazisində baş verib.

Həmin stansıyanın elektrik montyoru, 44 yaşlı Ələsgər Arif oğlu Musayev ərazidə iş görərkən başına qaldırıcı kran düşüb və o, aldığı xəsarətlərdən elə hadisə yerindəcə dünyasını dəyişib.

Hadisə yerinə Xaçmaz Prokurorluğunun və Dəmiryol Nəqliyyatında Baş Polis İdarəsinin Xaçmaz Xətt bölməsinin əməkdaşları gəlib.

Hadisənin ehtiyatsizliq üzündən baş verdiyi bildirilir. Ölüm faktı ilə bağlı Xaçmaz prokrurloğunda araşdırmalara başlanılıb. …read more

From:: ANS