“Qarabağ” dəstək istədi (VİDEO)

Avroliqanın qrup mərhələsinin 4-cü turunda keçiriləcək “Qarabağ” – “Monako” qarşılaşmasının biletləri artıq satışa çıxarılıb.

ANS PRESS-in məlumatına görə, azarkeşlər biletləri matçın keçiriləcəyi Tofiq Bəhramov adına Respublika stadionun kassalarından ala bilərlər.

Azarkeşlər üçün sevindirici olan isə satışa çıхacaq biletlərin qiymətində endirimin olacağıdır. Biletlər nömrəli sektorlar üzrə 1,2,3,5,10 və 20, VİP üçün isə 50 manatdir. Həmçinin “Anderlext”lə oyundan öncə olduğu kimi bilet satışı sektorlara uyğun bölmələrlə təşkil olunacaq. Ötən oyunda 15 manata satılan biletlər bu dəfə 10 manatdan satışa çıхacaq. VIP lojadan oyunu izləmək istəyən azarkeşlərlər isə 50 manat ödəməli olacaq. “Qarabağ“ klubu azarkeşlərdən xahiş edir ki, biletləri sadəcə kassalardan məhz göstərilmiş qiymətlərlə alsınlar.

“Qarabağ” – “Monako” oyununu rumıniyalı referi Pavel Kristian Balay idarə edəcək. Noyabrın 5-də Tofiq Bəhramov adına Respublika stadionunda keçiriləcək oyunu saat 20:00-da başlayacaq.

…read more

From:: ANS