Batan gəmidəki 13 nəfərdən xəbər yoxdur

Oxot dənizində “Dalniy Vostok” balıqçı gəmisinin qəzaya uğraması nəticəsində ölən ekipaj üzvlərinin axtarışı davam edir.

ANS PRESS-in məlumatına görə, axtarış əməliyyatları üçün 20-dən çox gəmi əraziyə cəlb edilib. Bu barədə Rusiya FHN-in regional idarəsi xəbər yayıb.

Oxot dənizində Maqadandan 300 kilometr aralıda batan “Dalniy Vostok” traulerində olan 13 balıqçının taleyi ilə bağlı məlumat hələ ki yoxdur.

Ötən gün aparılan axtarışlar zamanı qəzanın baş verdiyi akvatoriyada sadəcə balıqçılara aid olduğu güman edilən xilasetmə jileti, dalğıc geyimi, qida çantası və d. ehtiyatlar tapılıb.

Gəminin göyərtəsində 78 Rusiya vətəndaşı və 54 xarici vətəndaş olub.

Qeyd edək ki, bu vaxta qədər traulerdə olan 132 nəfərdən 62-si xəsarətlərlə xilas edilib, ümumilikdə 56 nəfərin cəsədi çıxarılıb. …read more

From:: ANS