Bakıda yeni böyük ajiotaj (VİDEO)

İki gündür Azərbaycanda dollar ajiotajı yaşanır. Təsəvvür edin Mərkəzi Bankın sədrinin açıqlamasından sonra paytaxtdakı valyutadəyişmə məntəqələrində dollar axtarışına çıxanlar tapılıb.

ANS TV-nin məlumatına görə, ölkədə manatın kəskin zəifləməsi üçün heç bir əsas yoxdur. Son iki həftədə dolların manata nisbətdə bahalaşması fonunda, əhalinin əmanətini dollarla saxlamağa üstünlük verməsilə valyutudəyişmə məntəqələrində yaranan ajiotajdan sonra Mərkəzi Bank sədrindən baş verənlərə açıqlama gəlib. Elman Rüstəmov dövlət televiziyasına açıqlamasında əhalini narahat olmamağa çağırıb.

Mərkəzi Bankın sədri Elman Rüstəmovun sözlərinə görə, dəyişkliyə baxsanız valyutadəyişmə məntəqəsindəki dəyişiklilər adətən 4 rəqəmli olur: “4 rəqəmin axırıncı rəqəmi 1 qəpik səviyyəsində deyil, qəpiyin yüzdə birləri səviyyəsində gedən çeviklik gətirir. Təbii ki, bundan narahat olmağa dəyməz”.

Elman Rüstəmov vurğuluyub ki, manatın dəyərdən düşməsi iki halda baş verə bilər. Ya ölkənin ödəmə balansında davamlı defisit olarsa, ya da heç bir ehtiyatı olmazsa. İndiki halda bunların heç biri Azərbaycanda olmadığı üçün manatın kəskin ucuzlaşmasını gözləməyə dəyməz.

Mərkəzi Bankın sədri söyləyib ki, ölkədə ÜDM-nin 70%-nə yaxın bir səviyyədə valyuta ehtiyatları olduğu üçün belə bir təhlükə yoxdu. Baş bankir son iki ayda ölkədə dollarlaşma prosesinin getdiyini, bunun da 4% artıma səbəb olduğunu deyib və dollara üstünülk verilməsini psixoloji və xaricdə gedən amillərə bağlayıb. Valyutadəyişmə məntəqələrindəki yaranmış vəziyyətə toxunan baş bankir etiraf edib ki, bu gün nağd valyutaya tələbat artıb. Buna görə də Mərkəzi Bank kommersiya banklarına əhalinin əmanətlərinə xarici valyutaya çevirmək üçün şərait yaradılmasına göstəriş verib.

İdarə heyətinin sədri hesab edir ki, dünyada baş verən proseslərə reaksiya verilməlidi. Hazırda avronun dollarla qarşı ucuzlaşması, manatın dollara bağlılığını aradan qaldırmaq üçün, Avrozoanda iqtisadi perspektivlər nəzərə alınaraq avro səbətdə bərpa edilib və birvalyutalı səbətə keçilir. Bu siyasətin məzənnə siyasətinə çeviklik və müstəqillik gətirəcəyi gözlənilir. Çevik məzənnə siyasəti idxal olunan mallarda bahalaşma yaradacağı istisna deyil.

Elə əhalinin bəzi təbəqəsi də çeviklik göstərərək valyuta mübadiləsi məntəqələrinə üz tutur. Bu gün də valyutadəyişmə məntəqələrində ajiotaj davam edirdi. Hətta bəzi məntəqələrdə sıxlıq da görmək mümkün idi. …read more

From:: ANS