Daha bir azərbaycanlı prodüser tutuldu (FOTO)

Tanınmış müğənni Sevinc Ağaşirinovanın prodüseri Elvin Əli bir neçə gün əvvəl həbs olunub.

ANS PRESS-in lent.az-a istinadən verdiyi məlumata görə, prodüser narkotik vasitələrin qanunsuz dövriyyəsində şübhəli bilinərək istintaqa cəlb edilib. Onun barəsində məhkəmə tərəfindən istintaq müddəti üçün həbs-qətimkan tədbiri seçilib

Məsələ ilə bağlı müğənni S.Ağaşirinova ilə əlaqə saxlayıb. Müğənni deyib ki, prodüserinin həbsindən xəbəri yoxdur: “O, artıq mənimlə işləmir. 3 ay idi ki, işbirliyimizə son qoymuşduq. Onun belə bir iş edəcəyinə inanmıram. Əgər edibsə, Azərbaycan qanunları qarşısında cavab verəcək”.

Qeyd edək ki, bir müddət öncə şou-biznesdə daha bir azərbaycanlı prodüser Vəfa Vaqifqızı Məmmədova insan alverində şübhəli bilinərək istintaqa cəlb edilib. Daha çox əməkdar artist Nüşabə Ələsgərlinin yanında çalışan V.Məmmədova barəsində Nərimanov rayon Məhkəməsinin qərarı ilə iki ay müddətinə həbs-qətiimkan tədbiri seçib. O, Bakı İstintaq Təcridxanasına göndərilib. E.Əliyə gəlincə, o, prodüserliklə yanaşı teleradio sahəsində də çalışıb. Gənc prodüser ATV telekanalında və 106.3 FM radiosunda da çalışıb.

…read more

From:: ANS