Ən yaxşı yenə Ronaldo seçildi (VİDEO)

2014-cü il üçün dünyanın ən yaxşı futbolçusunun adı məlum olub.

ANS PRESS-in məlumatına görə, İsveçrənin Sürix şəhərində keçirilən tədbirdə Portuqaliya millisinin və Madridin “Real” klubunun futbolçusu Kriştiano Ronaldo “Qızıl top”un sahibi olub. K.Ronaldo bu mükafata artıq üçüncü dəfə layiq görülür. O, daha əvvəl 2008-ci və 2013-cü illərdə dünyanın ən yaxşı futbolçusu seçilib.

Xatırladaq ki, “Qızıl top”a sahib olmaq üçün K.Ronaldo ilə yanaşı, Argentina milisinin və “Barselona”ın hücumçusu Lionel Messi və Almaniya millisinin heyətində son dünya çempionu olan “Bavariya”nın qapıçısı Manuel Noyer də mübarizə aparırdı. L.Messi bu mükafatı dörd dəfə – 2009-cu, 2010-cu, 2011-ci, 2012-ci illərdə qazanıb.

Noyer isə ilk dəfə bu mükafa sahib ola bilərdi.

Xatırladaq ki, bu mükafatı sonuncu dəfə K.Ronaldo qazanıb.

…read more

From:: ANS