Heyvanlar dondu (VİDEO)

Türkiyədə şaxtalı hava ölkədə bəzi bədbəxt hadisələrə səbəb olub.

ANS PRESS-in məlumatına görə, bu cür hadisələrdən biri də Sakaryada baş verib. Şəhərin Karasu bölgəsində bir it küçədə donaraq ölüb. Ölən itin çəkilən fotosu sosial şəbəkələrdə paylaşdıqdan sonra insanlar arasında böyük maraq yaradıb.

Minlərlə heyvansevər sosial şəbəkələrdə hər kəsi soyuq havalarda heyvanlara qarşı həssas olmağa çağırıb. Donan itin fotosunu paylaşan şəxs insanlardan yardım istəyib: “Bu şəkil Sakaryada çəkilib. Heyvanlar donur. O bölgədə yaşayan dostlara yardım edin”.

Qeyd edək ki, bu fotonun çəkildiyi Karasuda dünən gecə 3-4 dərəcə şaxta olub.

Daha bir donma hadisəsi isə Şanlıurfada baş verib. Ötən gün şəhərdə küçədə gəzən uzunqulaqlar buz bağlamışdı. Bənzər hadisə ötən ildə baş vermişdi.

…read more

From:: ANS