Tək əldən səs çıxmır: İbrahimə dəstək olaq! (FOTO)

Türkiyəyə imtahan verməyə yola düşən azərbaycanlı tələbə İbrahim Fərhadlının (Hacıyev) səhhəti İstanbulda qəfildən pisləşib. Hazırda onun ciddi dəstəyə ehtiyacı var.

ANS PRESS-in məlumatına görə, İbrahim BDU-nu bitirərək təhsil ilə bağlı İstanbula gedib və orada halı pisləşib:

“Dostlar, təcili köməyiniz lazımdır! Qardaşım İbrahim Fərhadlı ailəmizin sonbeşiyidir. Bakı Dövlət Universitetində pulsuz təhsilini müvəffəqiyyətlə bitirdikdən sonra magistratura təhsili qazandığı İstanbul Texniki Universitetində imtahana girmək üçün 1 həftə əvvəl İstanbula getmişdi. Təyyarədən endikdən sonra İbrahimin halı dəyişib, müayinə üçün qaldığı yerə yaxın xəstəxanaya aparılıb (Medipol Mega Universite Xəstəxanası) və orada ALL (Acute Lymphoblastic Leukemia) tipli Leykoz diaqnozu qoyulub”.

Qardaşının dediyinə görə, İbrahimının vəziyyəti çox ağır olduğundan həkimlər imtahana buraxmayıblar:

“Vəziyyəti çox ağır olduğundan həkimlər imtahanın ikinci mərhələsinə girməyinə belə izn vermədilər və qardaşım dərhal reanimasiya şöbəsinə yatırıldı. Bu xəstəxanada bizə cəmi 2 gün içərisində 40,000 TL (təxminən 13,300 ABŞ dolları) borc yazdılar. Medipol bizim getdikcə artan bu miqdarı tək başımıza ödəyə bilməyəcəyimizi öyrəndikdən sonra yerindən tərpənməsi belə təhlükəli olan qardaşımı artıq xəstəxanada saxlamaq istəmədi. Dostların köməkliyi ilə qardaşımı başqa bir xəstəxanaya köçürməli olduq”

“İbrahim indi “Acıbadem Üniversitesi Atakent Xəstəxanası”ndadır (Ünvan: Halkalı Merkez, Turgut Özal Blv No:16, 34303 İstanbul/Küçükçekmece/Halkalı, Türkiyə) və artıq mübarizə apardığı B-ALL tipli Leykoz xəstəliyinin müalicəsi üçün kimyaterapiya prosesinə başlanılıb”.

“30 günlük kimyaterapiya kursunun və xəstəxana xərclərinin ilkin miqdarı 40,000 (qırx min) ABŞ dollarıdır. Daha sonra allogen transplantasiya (sümük iliyinin koçürülməsi) üçün isə əlavə 40,000 (qırx min) ABŞ dollarına ehtiyac olacaq. Bundan əlavə kimyaterapiya müddətində bəzi dərmanlar lazım olur ki, onların da hər birinin minimum 2,000 Avro dəyərində olduğu deyilir (məsələn, dünən alınan Oscarpan adlı dərmanın bir flakonuna 2,300 Avro ödəməli olduq)”.

“Bütün bunları qarşılayacaq maddi gücümüz yoxdur və sizin dəstəyinizə ehtiyacımız var. Sizdən xahiş edirəm, bu barədə əlinizdən gələni əsirgəməyin. Özünüzün imkanınız olmasa, kömək edə biləcəklərə səsimizi duyurun. Yardım edəcəyiniz hər bir qəpik, hər bir manat qardaşımın …read more

From:: ANS