Tabutda silah qaçırmağa çalışan terrorçular tutulub

Türkiyənin Şırnak vilayətinin Cizrə rayonu ərazisində təhlükəsizlik qüvvələri ilə PKK terrorçuları arasında silahlı qarşıdurma baş verib. İnsident zamanı 3 terrorçu zərərsizləşdirilib, 9 terrorçu isə yaralanıb.

ANS PRESS-in məlumatına görə, qarşıdurma zamanı yaralı PKK terrorçuları Cizrə rayonu bələdiyyəsinə aid təcili yardım maşını ilə ərazidən qaçırmağa çalışıblar. PKK terrorçularının tabutun içində qaçırmağa çalışdığı silah sursat isə təhlükəsizlik qüvvələri tərəfindən ələ keçirilib.

Türk Silahlı Qüvvələri və təhlükəsizlik əməkdaşları birgə əməliyyatda təhlükəsizlik qüvvələri PKK terrorçuları ilə tez-tez təmasa girir. Bu çərçivədə terrorçuların kompakt yaşadığı Cudi məhəlləsində bir qrup terrorçu ilə təhlükəsizlik qüvvələri arasında qarşıdurma baş verib. Qarşıdurmada üç terrorçu zərərsizləşdirilib, 9 terrorçu isə yaralanıb.

Yaralılar və terrorçuların cəsədləri təhlükəsizlik qüvvələrinin nəzarəti altında Cizrə Dövlət Xəstəxanasına aparılıb. Yaralananlardan birinin isə televiziya əməkdaşı olduğu bildirilib.

…read more

From:: ANS