Bakıda fond prezidenti qəzaya düşdü (YENİLƏNİB, FOTO)

“Konstitusiya” Araşdırmalar Fondundan ANS PRESS-ə verilən məlumata görə, Əliməmməd Nuriyev qəza baş verən zaman avtomobildə tək olub.

Qəza nəticəsində Fond prezidenti yüngül xəsarət alıb. Hadisədən sonra Əliməmməd Nuriyevə ilkin tibbi yardım göstərilib.

Faktla bağlı araşdırma aparılır.

…14:38…

“Konstitusiya” Araşdırmalar Fondunun prezidenti Əliməmməd Nuriyevin avtomobili “Hilton” otelinin önündə qəzaya uğrayıb.

ANS PRESS-in gsr.fm-ə istinadən verdiyi məlumata görə, hadisə yerinə təcili tibbi yardım heyəti cəlb edilib.

Şahidlərin verdiyi məlumata görə, təqsir digər sürücüdə olub.

Yaralılar barədə məlumat yoxdur.

…read more

From:: ANS

      

Məşhur müğənninin qızı gözəllikdə anasını geridə qoydu

Məşhur türkiyəli sənətçi Hülya Avşarın qızı Zəhra Çilingiroğlu görünüşü ilə anasını geridə qoyub.

ANS PRESS-in məlumatına görə, Zəhra Çilingiroğlu qatıldığı yeni il partisində media nümayəndələrinin diqqətini cəlb edib.

Hamının sadə geyimlərdə görməyə alışdığı Zəhra Çilingiroğlu gecə geyimi, makiyajı ilə diqqətləri üzərinə çəkib.

Türkiyənin ən gözəl qadınlarından hesab edilən Hülya Avşar və Kaya Çilingiroğlunun qızı olaraq mediyanın diqqət mərkəzində olan Zəhra Çilingiroğlu atası ilə eyni adı daşıyan məşhur bir həkimin də nəvəsidir.

Qeyd edək ki, Zəhra Çilingiroğlu son zamanlar sevgilisi ilə gündəmdədir.O, sevgilisini anası Hülya Avşar ilə də tanış edib.

…read more

From:: ANS

      

Beyləqan sakini özünü güllələdi

Beyləqan rayonunda bir nəfər ov tüfəngindən özü özünü gəllələyib.

ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, sakini özünü gülləyib.

Hadisə dekabrın 16-da Beyləqan rayonunun Orta Əlinəzərli kəndinin meşə zolağında qeydə alınıb.

Kənd sakini Məhəmmədəli Abdullayev ehtiyatsızlıq nəticəsində ov tüfəngindən açdığı atəşlə özünə xəsarət yetirib.

Beyləqan rayon polis şöbəsinin əməkdaşları tərəfindən M. Abdullayevdən müvafiq sənədləri olmayan “İJ-16” markalı ov tüfəngi götürülüb.

M. Abdullayev xəstəxanaya yerləşdirilib.

Faktla bağlı araşdırma aparılır. …read more

From:: ANS

      

Yeni iş imkanı

Azərbaycan Respublikası Əmək və Əhalinin Sosial Müdafiəsi Nazirliyi işsiz və işaxtaran vətəndaşların münasib iş yerləri ilə təmin olunması üçün respublikanın bölgələrində Əmək yarmarkalarını davam etdirir.

ƏƏSMN İctimaiyyətlə əlaqələr şöbəsindən ANS PRESS-ə verilən məlumata görə,Əmək və Əhalinin Sosial Müdafiəsi Nazirliyi Bakının Qaradağ rayonunda Əmək yarmarkası keçirib.

Nazirlik tərəfindən növbəti Əmək yarmarkası dekabrın 17-də Bakı şəhərinin Qaradağ rayonunda, Ə.Əmirov adına Mədəniyyət Sarayında keçirilib.

Yarmarkada işsiz və işaxtaran vətəndaşlara 17 müəssisə üzrə fəhlə və qulluqçu peşələri üzrə 473 boş (vakant) iş yeri təqdim olunub.
Boş iş yerləri təqdim edən müəssisələrin nümayəndələri də tədbirdə iştirak edib. Tədbirdə boş iş yerlərinə göndərişlər verilib.

Eyni zamanda peşə və ixtisası olmadığına görə münasib iş seçməkdə çətinlik çəkən,yaxud peşə vərdişlərinə uyğun gələn iş olmadığı üçün öz peşəsini (ixtisasını) dəyişməsi zəruri olan şəxslərin əmək bazarının tələblərinə uyğun peşə hazırlığına, habelə ayrı-ayrı şəxslərin müvəqqəti işlərə və ödənişli ictimai işlərə cəlb olunması üçün onların qeydiyyatı aparılıb.

ƏƏSMN tərəfindən cari ilin ötən dövründə ölkənin 59 rayon və şəhərində Əmək yarmarkaları keçirilib. Bu aktiv məşğulluq tədbirləri zamanı boş iş yerlərinə göndəriş verilən 5711 nəfər vətəndaşdan 84,5 faizi, yəni 4830 nəfəri işlə təmin olunub. Həmçinin bu tədbirlər zamanı 369 nəfər peşə hazırlığına, 204 nəfər ödənişli ictimai işlərə cəlb edilib.

…read more

From:: ANS

      

Prezident BP-nin rəhbərini qəbul etdi

Prezident İlham Əliyev BP şirkətinin icraçı direktoru Robert Dadlini qəbul edib.

ANS PRESS-in məlumatına görə, görüşdə Azərbaycan ilə BP şirkəti arasında əməkdaşlığın uğurla həyata keçirildiyi vurğulanıb, “Azəri-Çıraq-Günəşli” və “Şahdəniz” yataqlarında işlərin icrasından məmnunluq ifadə olunub. Görüş çərçivəsində bu ilin sentyabrında “Cənub” qaz dəhlizinin təməli qoyulduqdan sonra layihə üzrə işlərin müvəffəqiyyətlə aparıldığı bildirilib.

Əminliklə qeyd olunub ki, Azərbaycan Respublikası Dövlət Neft Şirkəti ilə BP arasında bu layihə ilə bağlı əməkdaşlıq uğurla davam etdiriləcək.

Prezident İlham Əliyev və icraçı direktor Robert Dadli Azərbaycan Respublikası Dövlət Neft Şirkəti ilə BP arasında tərəfdaşlıq əlaqələrinə söykənən əməkdaşlığın bundan sonra da davam etdiriləcəyinə ümidvar olduqlarını bildiriblər.

Görüşdə əməkdaşlığın perspektivləri ilə bağlı məsələlər ətrafında fikir mübadiləsi aparılıb. …read more

From:: ANS

      

Turkic Azeri and Hazara Solidarity Network