Şabalıdın inanılmaz faydaları və zərərləri

Mütəxəssislər şabalıdın fiziki və zehni yorğunluğa qarşı mübarizə aparmaqda ən effektiv vasitə olduğunu deyirlər.

ANS PRESS-in məlumatına görə, omeqa 3 və omeqa 6 yağları ilə zəngin olan şabalıd yaddaşın güclənməsində, hətta alzheimer xəstəliyi ilə mübarizədə çox faydalıdır.

Şabalıd fosfor, maqnezium, xlor, kalsium, dəmir, natrium, kalium mineralları, B1, B2 və C vitaminləri ilə də zəngindir. Xüsusilə kalium çatışmazlığı olan insanlar üçün çox xeyirlidir (100 qram şabalıdda 500 milliqram kalium var). Belə ki, kalium natrium ilə birlikdə bədəndə su tarazlığının tənzimlənməsində, sinir hüceyrələrinin siqnalları ötürməsində, əzələlərin strukturunun qorunmasında çox əhəmiyyətlidir. Bundan başqa şabalıd qan dövranını sürətləndirir, bağırsağın fəaliyyətini tənzimləyir, qəbzliyin qarşısını alır.

Şabalıdın enerji tərkibi də çox yüksəkdir. 3 ədəd şabalıdın enerji tərkibi bir nazik çörək dilimindəki qədərdir. Ona görə də artıq çəkili və orqanizmində maddələr mübadiləsi zəif gedən insanlar şabalıd yeyəndə miqdarına diqqət etməlidirlər.

Şabalıdı bişirərək yeməyi sevənlər də ehtiyatlı olmalıdırlar. Belə ki, manqalda alova yaxın bişirilən şabalıd xərçəng xəstəliyinin yaranmasına şərait yarada bilər. …read more

From:: ANS

      

Dünyanın ən gənc “qanuni oğru”su (FOTO)

“Qanuni oğru”lar vahid təşkilatda birləşməkdikləri üçün onların dəqiq sayı barədə müxtəlif ehtimallar var. Lakin onların təxminən 530 nəfər olduğu güman edilir. “Qanuni oğru”ların 150-yə yaxını Rusiyada (onların 90-ı həbsdədir), 100 nəfərinin Gürcüstanda (demək olar hamısı həbsdədir), bir qisminin digər MDB ölkələrində (Azərbaycan, Ukrayna, Qazaxıstan, Ermənistan, Moldova, Qırğızıstanda) və Avropada yaşadıqları məlumdur. ANS PRESS-in modern.az saytına istinadən verdiyi məlumata görə, müxətlif yaş qruplarında olan bu cinayətkar aləm nümayəndələri arasında ən gənci Revaz Ubilavadır.

Revaz Rastadiyeviç Ubilava 1993-cü il aprelin 10-də Gürcüstanın Çalencix rayonunun Cvari kəndində anadan olub. Yeniyetməlik illərində ailəsi ilə birlikdə Rusiyaya köçüb və Moskvadakı gürcü “qanuni oğru”ları ilə təmasa girib. O, cinayət aləmində Revaz Cvarski adı ilə tanınır və 2012-ci ilin martında ilk məhkumluğunu alıb. Onda Revaz Ubilavanın üzərindən narkotik vasitə olan həşiş aşkarlanıb və Smolensk vilayətindəki 1 nömrəli həbsxanada 8 ay yatıb. Həbsdən çıxdıqdan sonra Rusiyada gürcü mafiyasının ən güclü 2 qolundan biri olan “Tbilisskie” qruplaşmasının tərəfinə keçib.

2014-cü ilin yayında Türkiyədə “sxodka” keçirən “Tbilisski”lər qruplaşması liderləri Merab Marqveladzenin təklifi ilə 3 nəfərə – İrakli Cabuaya, Mixo Calaqnoyaya və Revaz Ubilavaya “qanuni oğru” adının verilməsi haqda qərar qəbul edib. Bu, onların kriminal müharibələr zamanı özlərini etibarlı göstərmələri ilə bağlı idi.

2014-cü ilin yayında MDB məkanındakı gürcü mafiyasının iki əsas qolu – “Suxumskilər”, yaxud meqrellər və “Tbilisskilər”, yaxud gürcülər qruplaşmaları arasında mövcud olan ənənəvi düşmənçilik daha da kəskinləşib.

21 yaşlı Ubilava çox keçmədən rəqabət halında olduqları “Suxumskilər” qruplaşması ilə üzləşməli olur. 2014-cü il oktyabrın 20-də Ubilava Moskvada yaşadığı mənzildə 4 nəfərin hücumuna məruz qalır. Travmatik tapançadan açılan atəşlə qulağının bir hissəsini itirən Ubilava vəhşicəsinə döyülür.

Revaz Ubilava klassik “qanuni oğru”lardan fərqli olaraq aktiv şəkildə bizneslə məşğuldur və bundan başqa evlənib. 5 aydır “qanuni oğru” adını qazanan gürcü avtoritet Zaxari Kalaşovun (Şako Molodoy) İspaniyadan Rusiyaya geri dönməsindən sonra yaranan yeni situasiyada ona hücum təşkil edən “qanuni oğru” Merab Mzareluadan …read more

From:: ANS

      

Sarkisyan təslim oldu

Ermənistanda kütləvi etiraz aksiyaları keçirilsə də parlamanet ölkənin Avrasiya İqtisadi Birliyinə üzv olması ilə bağlı sazişi ratifikasiya edib.

ANS PRESS-in məlumatına görə, parlamentin bu gün keçirilən iclasında 103 deputat sazişin ratifikasiya edilməsinin lehinə, 7 nəfər isə əleyhinə səs verib.

Bununla da Ermənistanın 2015-ci il yanvarın 1-dən etibarən Avrasiya İqtisadi Birliyinə üzvlüyü qüvvəyə minəcək.

Qeyd edək ki, Ermənistanda sazişin ratifikasiya edilməməsi üçün kütləvi etiraz aksiyaları keçirilmişdi. Müxalifətin təşkil etdiyi aksiyalarda Ermənistan prezidenti Serj Sarkisyanın istefası tələb olunurdu. Erməni politoloqlar da Sarkisyanın Ermənistanın AİB-ə üzv olması ilə bağlı qərarını tənqid etmişdilər. Politoloqlar bildirirdilər ki, Sarkisyan belə bir qərar verməklə nəhayət ki, Rusiya ilə evləndi. …read more

From:: ANS

      

Bakıda küçədə qadın qəfildən öldü (FOTO)

Bu gün Yasamal rayonunda Bakı sakini Sevinc Məmmədova küçənin ortasında qəfildən dünyasınını dəyişib.

ANS PRESS-in məlumatına görə, bu barədə hadisə şahidləri bizimyol.info-ya məlumat veriblər.

Verilən məlumata görə, Həsən bəy Zərdabi ilə general Akim Abbasov küçələrinin kəsişməsində qadın birdən-birə yerə yıxılıb və onun dilinin qatlandığı məlum olub. Ətrafdakılar qadının həyatını xilas etməyə cəhd etsələr də, buna nail ola bilməyiblər, qadın keçinib.

Hadisə yerinə S.Məmmədovanın qaynatası gəlib. Onun sözlərinə görə, bu günə qədər gəlini səhhətindən şikayət etməyib. Sevinc Məmmədovanın 35-40 yaşlarında olduğu deyilir. O, H.Zərdabi küçəsində yerləşən binalardan birinin sakini olub.

…read more

From:: ANS

      

Cəlilabadın dil bilməyən şagirdləri (VİDEO)

Bu gün xarici dillərin öyrənilməsi vacib məsələlərdəndir. Cəlilabad rayonunda apardığmız müşahidələrdən məlum olur ki, şagirdlərin bir çoxu xarici dilə ciddi maraq göstərir. Lakin bu maraq onların xarici dili lazımınca qavramasına imkan vermir. Rayonun 4 saylı tam orta məktəbinin 7-ci sinif şagirdləri arasında görüdüklərimiz heç də ürəkaçan deyil.

Burada müəllim hər vəchlə şagirdlərə ingilis dilində özü haqqında danışmağı təkid edir. Lakin şagirdlər bununu sükutla qarşılayır. Sinifdə 1 nəfərdən savayı heç bir şagird ingilis dilində anlamır. Elə bu səbəbdən müəllim digər siniflərdən daha bilikli şagirdləri sinfə gətirsə də, bu da fayda vermir. Mövcud vəziyyətdən çıxış yolu kimi ingilis dili müəlliməsi şagirdlərin xarci dil səviyyəsinin son dərəcə acınacaqlı olamasına belə bəraət qazandırmağa çalışır.

“İngilis dili”ni tədris edən müəllim sagirdlərin xairci dil vərdişlərinə yiyələnməməsini həftəlik dərs saatlarının azlığı ilə əlaqələndirir. Şagirdlərin xarici dildəki bilik və bacarıqları ilə tanış olmaq üçün növbəti üz tutduq təhsil olcağı Cəlilabad rayon 1 saylı Uzuntəpə kənd orta məktəbinə. Burada da eyni vəziyyət idi.

Cəlilabad məktəblərində prakriki baxımdan şagirdlərin xarici dildəki bilik və bacarıqlarının son dərəcə aşağı olması rayon səviyyəsində xarici dillərin heç də ürəkaçan səviyyədə tədris olunmamasını deməyə əsas verir. Bundan itirən isə yalnız və yalnız gələcəyimizdir.

…read more

From:: ANS

      

Rubl düşür, azərbaycanlılar təşvişdə (VİDEO)

Rublun dəyərini itirməsi Rusiyada işləyən həmvətənlərimizi çətin duruma salıb.

ANS TV-nin məlumatına görə, bir yandan Qərbin sanksiyaları digər tərfdən neftin qiymətinin ucuzlaşması rus rublunu çox çətin vəziyyətə salıb. Bir həftə öncə bir dollar 44 rubl idisə indi bu rəqəm 54 rubldan çoxdur. Artıq Rusiya Dumasında ABŞ dollarından istifadəyə qadağa qoyulması məsələsi müzakirə olunmağa başlayıb. Bəzi millət vəkilləri dollardan imtina edilməsini, xarici ticarətin dövlət monopoliyasına verilməsini və əldə edilən bütün gəlirlərin isə milli sənayeyə xərclənməsini təklif edirlər. Rus rublunun dəyərini itirməsi sadəcə siyasətçiləri və sadə vətandaşları deyil, həm də bu ölkəyə çalışmaq üçün gedən həmvətənlərimizi ciddi narahat edir.

Rusiyada işləyən azərbaycanlı Məhəbbət Əbdürrəhimov deyir ki, əlbətdəki rus rublunun dəyərdən düşməsi onlara çox ziyan vurur.

Rusiya Mərkəzi Bankı da rublun bu qədər dəyər itirməsinin ölkədə maliyyə sabitliyini pozduğunu və lazım gələrsə bu duruma müdaxilə ediləcəyini açıqlayıb.

Ekspertlərin proqnozuna görə, isə neftin qiymətinin 60 dollara düşməsi halında dolların kursu 55 rubl olacaq.

…read more

From:: ANS

      

Qadın deputat mandatdan imtina etdi (FOTO)

Ukrayna Ali Radasının sarışın gözəlindən qəribə addım. ANS PRESS-in məlumatına görə, 23 yaşlı Darina Ledovski deputat mandatından imtina edib.
Xalq cəbhəsidən deputat seçilən sarışın gözəl adından bu gün səhər imtina etdiyini açıqlayıb.

Ölkənin baş naziri Arseni Yatsenyukun rəhbərlik etdiyi partiyadan deputat seçilən qadın ən gənc millət vəkili olmaq şansına sahib idi.

Darina Kiyev universitetinin beynəlxalq əlaqələr fakültəsini bitirib.

23 yaşlı gənc sosial şəbəkənin ən aktiv istifadəçilərindən biridir. O, tez-tez müxtəlif ölkələrdəki istirahətindən fotolar paylaşır.

Qeyd edək ki, Darinanın xalası Yelena Ledovski Yatsenyukun ən yaxın tərəfdaşlarından biridir və yüksək vəzifələrdən birini tutur.

…read more

From:: ANS

      

Azərbaycanlı “qanuni oğruya” işgəncə verildi (FOTO, VİDEO)

Rusiya həbsxanalarından birində dəhşətli hadisə baş verib.

ANS PRESS-in AzNews.az-a istinadən verdiyi məlumata görə, Azərbaycanda həbsdə olan məşhur “qanuni oğru” “Lotu Quli” ləqəbli Nadir Səlifovun tərəfdarları rəqib komandadan hesab edilən başqa bir “qanuni oğru”ya – “Zayka”ya inanılmaz işgəncələr veriblər.

Buna səbəb isə “Zayka”nın (Zaur Əliyev) azadlıqda olarkən “Lotu Quli” haqqında bir çox yerlərdə təhqiramiz ifadələr işlətməsi olub. Qeyd edək ki, Zaur Əliyev bu il noyabr ayının 8-də Moskvada həbs olunub.

Onun həbsi düşmənlərinin qisas alması üçün fürsət yaradıb. Necə olubsa, “Zayka” “Lotu Quli”nin adamları ilə eyni həbsxanaya salınıb(?). Bu zaman “Zayka”dan söyüşlərin “hesabı” sorulub. Onlar başçı – “Lotu Quli” ilə telefon bağlantısı yaradaraq “Zayka”ya işgəncə vermək üçün təlimatlar alıblar. Dəhşətli əzablara məruz qoyulan “Zayka” “Lotu Quli”ni söydüyünə görə üzr istəyib.

Məlumata görə, ona verilən işgəncələrin hamısı lentə alınıb.

Bildirək ki, “Zayka”nın hansı klana aid olduğu barədə birmənalı fikir yoxdur. Lakin “Quli”yə qarşı açıq savaşması onun Rövşən Lənkəranskinin adamı olduğu fikrini yaratmışdı.

Əgər doğrudan da “Zayka” Lənkəranskinin adamıdırsa, uzun illərdir ki, oğru dünyasının iki “nəhəngi” arasındakı ədavət daha da qızışacaq. Ehtimala görə, Rövşən Lənkəranskinin adamları “Quli”nin yaxınlarından kimisə eyni şəkildə aşağılayacaqlar.

…read more

From:: ANS

      

Turkic Azeri and Hazara Solidarity Network