Azərbaycanda dəhşət: 5 yaralı

Bu gün səhər saatlarında Lənkəran rayonunun Liman şəhərində güclü partlayış baş verib.

ANS PRESS-in bölgə müxbirinin verdiyi məlumata görə, hadisə Rəsulzadə 167 ünvanında 1971-ci il təvəllüdlü İsmayıl Nağdalı oğlu Zərdiyeva məxsus yaşayış evində qeydə alınıb.

Partlayışdan sonra ev sahibi və üzvləri ağır xəsarətlər alıb.

Hadisə nəticəsindər ev sahibi, onun həyat yoldaşı 1973-cü il təvəllüdlü Elnarə Zərdiyeva, övladları 1997-ci il Aysel, 1999-cu il təvəllüdlü Kənan və 2003-cü il təvəllüdlü Nərmin ağır yaralanıblar. Yaralılar Lənkəran Mərkəzi rayon Xəstəxanasının reanimasiya şöbəsinə yerləşdiriliblər. Onların beşinin də vəziyyəti ağır qiymətləndirilir.

Partlayışa qaz sızmasının səbəb olduğu ehtimal olunur. Partlayış baş verən ev dağılıb.

Faktla bağlı araşdırma aparılır. …read more

From:: ANS

      

Elnur TV8-lə 1,5 milyonluq müqavilə imzaladı

“O səs Türkiyə” musiqi müsabiqəsində parlayan və türk mediasının diqqətini çəkən azərbaycanlı yarışmaçı Elnur Hüseynov Türkiyənin TV 8 kanalı ilə 1,5 milyon avroluq müqavilə imzalayıb.
Elnur sözügedən kanalda böyük bir layihədə iştirak edəcək.

ANS PRESS-in məlumatına görə, bu barədə bakupost. az-a danışan Elnur bildirib ki, o, Adriana Lima ilə birlikdə moda verilişi aparacaq: “ TV-8 kanalında çox böyük bir layihə başlayır. Bu verilişə Türkiyənin və dünyanın müxtəlif ölkələrindən məşhur oğlan və qız modellər qatılacaq. Qalib 20 milyon dollar qazanacaq.

Qalibləri münsiflər seçəcək. Mən aparıcılıqla yanaşı, həm də münsiflər heyətinə daxiləm. Digər üzvlər Adriana Lima, Megan Fox, İvana Sertdir. Bu layihə ilə bağlı Acun bəylə bir illik müqavilə imzalamışam”.

Elnur onu da vurgulayib ki, verliş Türkiyənin hündür binalarında çəkiləcək. Çünki, məşhur modellər verlişə helikopterlə gələcək. …read more

From:: ANS

      

Leyla Əliyeva və Emin Ağalarov yaxtada (FOTO)

Azərbaycan prezidentinin böyük qızı, Heydər Əliyev Fondunun vitse-prezidenti, “Baku” jurnalının baş redaktoru Leyla Əliyeva sosial şəbəkədə yeni fotosunu paylaşıb.

ANS PRESS-in məlumatına görə, həmin foto da Leyla Əliyeva həyat yoldaşı bəstəkar- müğənni Emin Ağalarovla yer alıb. Fotoda cütlük dənizdə yaxtada görünürlər.

Sosial şəbəkədə paylaşılan foto yeni olmasa da, böyük marağa səbəb olub. Onların bir necə il öncə çəkildiyi ehtimal edilən fotosunu minlərlə izləyici paylaşıb.

Qeyd edək ki, Azərbaycanın dövlət başçısının qızı Leyla Əliyeva və iş adamı Araz Ağalarovun oğlu, müğənni, bəstəkar, iş adamı Emin Ağalarov 2006-cı il aprel ayının 30-da ailə qurub. Cütlüyün Əli və Mikayıl adında əkiz övladı var. Bu il əkizlərin 6 yaşı tamam olub.

ANS PRESS böyük marağa səbəb olan fotonu təqdim edir.

…read more

From:: ANS

      

Sərhəddə əməliyyat: saxlanılanlar var

İran İslam Respublikası istiqamətindən Azərbaycana qaçaqmalçılıq yolu ilə külli miqdarda, ümumi çəkisi 11 kq narkotik vasitənin keçirilməsinin qarşısı alınıb.

Dövlət Sərhəd Xidmətinin ictimai əlaqələr şöbəsindən ANS PRESS-ə verilən məlumata görə, əməliyyat dekabrın 6-da DSX əməkdaşları tərəfindən Bakı-Astara yolunun Biləsuvar-Cəlilabad hissəsində keçirilib.

Həyata keçirilən qabaqlayıcı əməliyyat-axtarış tədbirləri zamanı Lənkəran rayon sakinləri 1970-ci il təvəllüdlü Hüseynov Fuad İsmayıl oğlu və 1978-ci il təvəllüdlü Bağırov İlqar Qurban oğlu narkotik vasitə olan 10 kq tiryək və 1 kq heroinlə saxlanılıblar.

Hazırda fakt üzrə əməliyyat-axtarış tədbirləri davam etdirilir. …read more

From:: ANS

      

Rusiya müharibə istəmir

Rusiya Suriyada davam edən vətəndaş müharibəsinə son qoymaq məqsədilə hökumətlə üsyançıları danışıqlar masası arxasına gətirməyə çalışır. Bu məqsədlə rəsmi Moskva son günlərdə məsələnin həlli istiqmətində öz fəallığını artırıb.

ANS PRESS-in məlumatına görə, Rusiyanın xarici işlər naziri müavini Mixayıl Boqdanov ötən gün Suriya prezidenti Bəşər Əsədlə görüşüb. Paytaxt Dəməşqdə baş tutan görüşdə tərəflər münaqişənin siyasi yolla həllinə dair müzakirələr aparıblar. Boqdanov terrorizmə qarşı mübarizənin prioritet olduğunu, hər kəsin bu təhlükəyə məruz qala biləcəyini deyib.

Bir qədər əvvəl Boqdanov Türkiyədə Suriya müxalifət nümayəndələri ilə də görüşlər keçirmişdi. Boqdanov bildirib ki, tərəflər heç bir ilkin şərtlər irəli sürmədən görüşüb məsələnin həlli istiqmətində addımlar atmalıdırlar.

Rusiya regionda Əsədin əsas tərəfdaşlarından biridir və BMT-nin Təhlükəsizlik Şurası tərəfindən rəsmi Dəməşqə qarşı tədbiq olunan sanksiyalara dəfələrlə veto qoyub. …read more

From:: ANS

      

Şahzadənin əkizləri oldu

Daha bir kral ailəsində övlad sevinci yaşandı. ANS PRESS-in məlumatına görə, Monako şahzadəsi II Albertin həyat yoldaşı şahzadə Şarlin Uittstok ötən gün axşam saatlarında bir qız, bir oğlan uşağı dünyaya gətirib. Körpələrə Jakques və Qabriella adı verilib.
Bununlada Monako taxt tacının yeni varoso bəlli olub. Bu Jakques adlı körpədir.

Körpələrin vəziyyətləri yaxşıdır. Onların şərəfinə 41 dəfə top atəşi açılıb.

Qeyd edək ki, şahzadə II Albert bir necə öncə müsahibəsində həyat yoldaşının uşaqların cinsiyyətini bildiyini, lakin ona demədiyini bildirmişdi.

Şarlin Uittstok 36 yaşındadır. Cənubi Afrika əsilli üzücü olan Çarlin II Albertlə 2011-ci ildə ailə qurub. Şahzadə Albertin 2 uşağı da var. Lakin onlar nigahdan kənar doğulduqları üçün varislik hüququndan məhrumdurlar. …read more

From:: ANS

      

Turkic Azeri and Hazara Solidarity Network