Ermənistan 3 milyard itirəcək

Ermənistanın Avrasiya İqtisadi İttifaqına qoşulması onun 3 milyard dollar itirməsinə gətirib çıxaracaq.

ANS PRESS-in məlumatına görə, bu barədə erməni ekspert Aşot Tavadyan söyləyib. O qeyd edib ki, bu gün Ermənistandan praktik olaraq bütün hazır məhsullar Rusiyaya ixrac edilir.

Ekspertin sözlərinə görə, Ermənistan enerji cəhətdən də Rusiyadan asılıdır: “Biz nüvə yanacağının 100% və qazın 90% bu ölkədən idxal edirik”, deyə ekspert bildirib.

Avrasiya İqtisadi İttifaqına inteqrasiya proseslərinə həsr olunmuş parlament dinləmələri zamanı danışan ekspert ölkənin Rusiyadan asıllığını gözlər önünə sərib.

Aşot Tavadyan qeyd edib ki, Ermənistana investisiyaların və şəxsi pul transfertlərin də böyük bir hissəsi Rusiyadan gəlir: “Enerjidaşıyıcılarına gəlincə, biz hər min kubmetr qazı 189 dollara alırıq. Bu beş il ərzində erməni istehlakçılarına 1 milyard dollar qənaət etməyə imkan verəcək”.

Erməni ekspert bildirib ki, rəsmi statistikaya görə, Ermənistanın real sektorunda Rusiyanın xarici investisiyaları təxminən 512 mln. dollar təşkil edib. Yanvar-iyun ayları ərzində isə Ermənistanın real iqtisadiyyat sektoruna xarici investisiyaların ümumi axını 2014-cü ildə təxminən 1 milyard dollar təşkil edib.

Rusiyadan Ermənistana şəxsi pul transfertləri isə yanvar-sentyabr ayları ərzində 1 milyar dolları ötüb. …read more

From:: ANS

      

Vyetnamlılar Azərbaycan yeməkləri daddı (FOTO)

Azərbaycan Vyetnam Sosialist Respublikasındakı Səfirliyi Hanoyda hər il ənənəvi olaraq təşkil olunan xeyriyyə yarmarkasında iştirak edib. Qeyd olunan xeyriyyə yarmarkasında Hanoyda akkreditə olunmuş diplomatik nümayəndəliklər, diaspora təşkilatları, qeyri hökumət təşkilatları, yerli və xarici şirkətlər təmsil olunmuşdur. Xeyriyyə yarmarkası Hanoyda keçirilən ən kütləvi tədbirlərdən biri hesab olunur və keçirilməsinin əsas məqsədi satışa çıxarılan məhsullardan əldə olunan vəsaitin xeyriyyə layihələrinə sərf olunmasıdır. Bununla yanaşı yarmarka iştirakçı ölkələrin tarixi irsinin, mədəniyyətinin, mətbəxinin və turizm potensialının təbliğ olunması baxımından böyük əhəmiyyət kəsb edir.

Azərbaycanın Vyetnamdakı Səfirliyi 2015-ci ildə ilk Avropa oyunlarının Bakıda keçiriləcəyini təbliğ etmək məqsədilə, yarmarkada ölkəmiz üçün ayrılmış stendin tərtibatında Bakı Avropa oynlarının loqolarından istifadə edib.

Yarmarkada həmçinin Azərbaycan mətbəxindən nümunələr – plov, firni, qutab və digər təamlar iştirakçılara təqdim olunub, Vyetnam dilində hazırlanmış Azərbaycan mətbəxi kitabının təqdimatı keçirilib və yarmarka iştirakçılarına paylanıb. Qeyd olunanlarla yanaşı milli suvenirlər, xalçalar, habelə ölkəmizlə bağlı şəkillər, kitablar, bukletlər, video çarxlar və digər təbliğat materialları da nümayiş etdirilib.

Ötən il olduğu kimi, bu il də Azərbaycan stendi ən çox ziyarət olunan stendlərdən bir olmuş və iştirakçılar tərəfindən böyük maraqla qarşılanıb.

…read more

From:: ANS

      

Bu rayonlar qazsız qalacaq

Bir neçə rayonunun təbii qaz təchizatında məhdudiyyətlər olacaq.

“Azəriqaz” İB-nin İctimaiyyətlə əlaqələr şöbəsindən ANS PRESS-ə verilən məlumata görə, bu gün işlər başa çatanadək Sabunçu, Nərimanov və Binəqədi rayonlarının bir hissəsinə təbii qazın verilişində fasilələr yaranacaq.

Fasilələrin yaranması “Qaz İxrac” İdarəsinə məxsus magistral qaz kəmərinin qaz təchizatı mənbəyinə birləşdirilməsi və qaz təchizatı şəbəkəsində aparılacaq təmir işləri ilə əlaqədardır. …read more

From:: ANS

      

Neyrocərrahiyyə Xəstəxanasında intihar

Bakıda xəstəxanada intihar olub.

ANS PRESS-in məlumatına görə, bu barədə Xətai rayon prokurorluğundan APA-ya bildirilib. Verilən məlumata görə, hadisə Neyrocərrahiyyə Xəstəxanasında qeydə alınıb. Həmin xəstəxanada müalicə alan Şahlar İmran oğlu Zeynalov palatada özünü asıb.

Ş.Zeynalovun özünə qəsd etməsinin səbəbləri hələlik məlum deyil. Onun bir neçə gün əvvəl başından əməliyyat olunduğu bildirilir.

Faktla bağlı cinayət işi başlanıb, araşdırma aparılır. …read more

From:: ANS

      

YAP: Dekabrın 1-dən start verilir

“Bələdiyyə seçkiləri kampaniyasının təbliğat-təşviqat mərhələsinə dekabrın 1-dən start veriləcək. Bununla bağlı da hazırlıq işlərimiz görülür. 1607 bələdiyyənin hər birində YAP-ın vahid plakatları olacaq”. ANS PRESS-in məlumatına görə, bunu Yeni Azərbaycan Partiyasının saytına müsahibəsində Partiya İcra katibinin müavini, Milli Məclisin deputatı Siyavuş Novruzov deyib.

O, bildirib ki, gələn həftədən qruplar plakatların asılması, paylanması ilə məşğul olacaq.

Deputat bu dəfə kadrların seçilməsi, gənclərə və qadınlara üstünlük verilməsi son seçkilərin daha çox maraq kəsb etməsinə səbəb olduğunu deyib. Onun sözlərinə görə, bu gün Azərbaycan bələdiyyələrində qadınların və gənclərin təmsilçiliyi xeyli yüksəkdir. “Namizəd irəli sürərkən daha çox ali təhsilli insanlara, gənclərə və qadınlara üstünlük vermişik”.

S. Novruzov radikal müxalifət partiyaları bələdiyyə seçkilərində iştirak etmir və fəal seçki kampaniyası aparmamasını da izah edib.

Onun sözlərinə görə, müxalifətin bələdiyyə seçkilərində iştirak etməməsinin iki səbəbi var. Bələdiyyə seçkiləri böyük seçkidir. Bu seçkilərdə 15 mindən artıq fəal insanın namizədilyi irəli sürülməlidir. Onlar əhali tərəfindən tanınmalı, imza toplayıb qeydiyyatdan keçməlidir. Radikal müxalifətin isə belə potensialı yoxdur.

“İkinci səbəb ondan ibarətdir ki, müxalifət partiyalarının daxilində çox ciddi qarşıdurmalar mövcuddur. Həm “Müsavat”, həm də AXCP-də gərginlik var. Həmin partiyalar parçalanmaq ərəfəsindədir. “Müsavat”ın qurultayında keçirilən qeyri-obyektiv seçkilər üzvlərin etirazına səbəb olub. Onlar ədalətli seçkilər tələb edir, yaxud da alternativ Müsavat Partiyası yarada bilərlər.

Acınacaqlı durum AXCP-də də hökm sürür. Görürlər ki, bu partiya xalqın maraqlarına deyil, xarici qüvvələrin, erməni lobbisinin maraqlarına xidmət edir, antiazərbaycançı fəaliyyət göstərir. AXCP-də az-çox öz dövlətini istəyən insanlar partiya sıralarını tərk edirlər. Bu partiyalar öz daxili problemlərini həll edib başa çatdıra bilməyiblər ki, bələdiyə seçkilərinə də qoşulsunlar”. …read more

From:: ANS

      

28 mayda asılmış qadın meyiti

Bakının Qaradağ rayonu ərazisində gənc qadının asılmış meyiti tapılıb.

Qaradağ rayon prokurorunun köməkçisi Araz Qasımovun ANS PRESS-ə verdiyi məlumata görə, hadisə rayonun 28 may qəsəbəsində baş verib.

Hadisə barədə məlumat daxil olan kimi hadisə yerinə hüquq-mühafizə orqanlarının əməkdaşları cəlb olunub. Araşdırmalar zamanı ölən şəxsin 1984-cü il təvəllüdlü Zeynəb Nəzirağa qızı Muradova olduğu məlum olub.

Müəyyən olunub ki, qadın intihar edib.

Faktla bağlı cinayət işi başlanıb, araşdırma aparılır. …read more

From:: ANS

      

Rusiya savaşa girişməyəcək

Moskva Korneqi Mərkəzinin eksperti, politoloq Aleksey Malaşenko erməni mətbuatına müsahibəsində noyabrın 12-də münaqişə zonasında vəziyyətin kəskinləşməsi və digər mühüm məsələlər barədə maraqlı açıqlama verib.

ANS PRESS-in məlumatına görə, o, “Qarabağ münaqişəsi zonasında gərginliyin növbəti dalğası Qərbə, yoxsa Rusiya üçün əlverişlidir. Ümumiyyətlə, gələcəkdə danışıqlardan hansı nəticəni gözləmək olar” sualına cavabında deyib: “Düşünürəm ki, hərbi hərəkətlər nə münaqişə edən tərəfə, nə də beynəlxalq ictimaiyyətə əlverişli deyil. Anlamaq lazımdır ki, Qarabağ münaqişəsi yaxın gələcəkdə nizama salınmasa, belə epizodlar, hadisələr təkrarlanacaq. Mən təlaş üçün heç bir əsas görmürəm.”

Politoloq ATƏT-in Minsk qrupunun fəaliyyətinə toxunaraq söyləyib ki, bu proses Qarabağ münaqişəsi ətrafında ticarət üçün müəyyən əsasdır. Münaqişənin həllində Laçın dəhlizi, Qarabağın statusu, Azərbaycan əraziləri məsələsi və digər önəmli suallar cavabını tapmalıdır. Gec-tez bu məsələlər ətrafında kifayət qədər ciddi danışıqlar olacaq.

A.Malaşenko jurnalistin “Ermənistanın təminatçısı rolunda çıxış edən Rusiyanın mövqeyi məlum deyil. Erməni dövlətinə qarşı təcavüz halında Rusiyanın təhlükəsizlik barədə zəmanətləri özünü doğrultmur. Rusiya yalnız Minsk qrupunun həmsədr ölkəsi kimi çıxış edir” gileyinə aydınlıq gətirib:

“Mən zəmanət məsələsindən bir az şübhələnirəm, belə ki, əgər biz müharibənin başlaması kontekstində təhlükəsizlik haqqında danışarıqsa, onda düşünmürəm ki, Ermənistanda öz hərbi bazasının olmasına baxmayaraq, Rusiya Federasiyası bu müharibəyə qoşulacaq. Rusiya bacardığı hər şeyi edəcək ki, müharibə başlamasın. Ona görə, milli maraqları nəzərə alaraq məsələlərə bu gün diplomatik səviyyədə yanaşır.”

Ekspert vurğulayıb ki, mən qətiyyən Ermənistanla Azərbaycan arasında Rusiya hərbi qulluqçularının iştirakı ilə müharibə olacağına inanmıram. Belə olduqda, hamı aydın bilir ki, bu, Rusiya-Türkiyə müharibəsi ilə nəticələnəcək. Ona görə də, bu, inandırıcı görünmür və daha çox danışıqlara üstünlük veriləcək. …read more

From:: ANS

      

Turkic Azeri and Hazara Solidarity Network