Sürücülərin işi asanlaşır

Azərbaycanın mobil operatorları SMS-in köməyi ilə avtomobillərin parklanmasına görə ödəniş xidmətinin göstərilməsi üzrə texniki imkanı nəzərdən keçirir. Bunu Trend-ə Azərbaycanın telekommunikasiya bazarındakı mənbə deyib.

Onun sözlərinə görə, gələcəkdə reallaşdırılması planlaşdırılan layihə hazırda müzakirə mərhələsindədir və onun işə salınması üçün vaxt lazımdır.

Mənbə qeyd edib ki, əsas şərt mikroödənişlər məsələsinin necə həll ediləcəyi və parklamaya görə ödəniş üçün hansı alətlərdən istifadə olunacağıdır: “SMS-in köməyi ilə parklama ödənişinin iki variantı var. Birincisi, bilavasitə abonent balansından parklamaya görə ödənişi, ikincisi isə mobil ödənişlər servisinin, yəni bank hesabının köməyi ilə ödənişləri nəzərdə tutur”.

İkinci metod operatora son istifadəçi ilə birbaşa işləməyə imkan vermir, çünki o, maliyyə strukturu deyil. Operator təcrübədə bank strukturu ilə müqavilə bağlayır və daxil olmuş vəsaiti onun hesabına köçürür. Bank isə öz növbəsində, vəsaiti parklama ilə bağlı qarşılıqlı ödənişlərə cavabdeh olan strukturun hesabına köçürür.

Mənbə əlavə edib ki, ikinci variant daha məqbuldur və hazırda kommunal və digər xidmət növləri üzrə ödənişlər bu cür həyata keçirilir: “Operatorlar abonentlər və pullu parklama servisinin işinə cavabdeh olan sistemlər arasında informasiya mübadiləsinin təşkili üçün istifadə edilə bilən qısa nömrə təqdim etməyə hazırdırlar”. …read more

From:: ANS

      

Bakıda su problemi olacaq

Paytaxtın bir sıra hissələrində suyun verilməsində məhdudiyyət qoyulacaq.

ANS PRESS-in məlumatına görə, Bakı şəhəri Salatın Əsgərova küçəsində yol infrastrukturunun yenidən qurulması işləri çərçivəsində yeni çəkilmiş magistral su xəttinin şəbəkəyə qoşulması ilə əlaqədar 16 dekabr 2014-cü il tarixdə gün ərzində Nəsimi və Yasamal rayonlarının bir hissəsinə – Bülbül və Xətai prospektləri, S. Əsgərova, S.Vurğun, A.Qurbanov, C.Məmmədquluzadə, S.Rəhimov, Topçubaşov, R.Rza, Mərdanov qardaşları küçələrinə içməli suyun verilməsində məhdudiyyətlər olacaq.

Yaranmış narahatlıqla əlaqədar “Azərsu” ASC abonentlərdən üzr istəyir. …read more

From:: ANS

      

Albalı Plus-dan Yeni il hədiyyəsi (FOTO)

Albalı Plus-la (Albalı) məhdudiyyətsiz Yeni il aksiyasına başlandı. Bu aksiya sizə bütün əzizlərinizə Yeni il hədiyyəsi almağa imkan verəcək. Çünki Albalı ilə ödənişlər daha sərfəli oldu. Dekabrın 15-dən Yanvarın 5-dək hər 1 taksitli alış-verişə Unibank-dan əlavə 1 taksit, 3 və daha yuxarı taksitlilər üçün isə əlavə 3 ay daha uzun müddətə ödəmək imkanı hədiyyə ediləcək. Qeyri- partnyor mağazalarda aparılan əməliyyatlara da əlavə 3 taksit hədiyyə olunacaq. Qeyd edək ki, Unibank-ın sms-taksit xidmətinə əsasən, bankın partnyoru olmayan ticarət və xidmət obyektlərində aparılan əməliyyatları da taksitlə ödəmək mümkündür.

Bu xidmət Unibank kartı ilə başqa bankların pos-terminallarında, internetdə aparılan əməliyyatların 3 və 6 taksitlə ödənişinə imkan verir. Belə ki, Albalı Plus kartı ilə başqa bankın pos-terminalında və internet saytlarda əməliyyat etdikdə, müştəriyə qalıq balans haqqında gələn mesajın sonunda ödənişin taksitlərə bölünməsini istəyib-istəmədiyi soruşulacaq. Müştəri 3 və ya 6 taksiti seçmək istədiyi haqda məlumatı və müvafiq kodu qeyd olunan müddətdə 8893-ə göndərərək, taksit xidmətindən faydalana biləcək.

Üstəlik, yanvarın 5-dək öz Albalı və ya Albalı Plus kartı ilə azı 20 manatlıq əməliyyat edən hər kəs Yeni ildə Dubayda 5 ulduzlu oteldə 1 həftə müddətinə 2 nəfərlik səyahət paketi qazanmaq şansına sahib ola bilər. Hədiyyələr bununla bitmir. Lotereyanın davam etdiyi müddətdə çox-çox sərfəli kartları ilə azı 20 AZN-lik əməliyyat edən Albalı və ya Albalı Plus sahiblərini 5 ədəd “İphone 6” mobil telefonu, 30 qalibi isə pul mükafatı hədiyyələri gözləyir. Albalı və Albalı Plus kartları ilə Azərbaycanda və xaricdə nağd və ya nağdsız, o cümlədən onlayn əməliyyat edən hər kəs lotereyanın iştirakçısı olacaq.

Ətraflı məlumatı (012) 117 nömrəli telefondan, Unibank-ın saytından (http://www.unibank.az) və yaxud bankın facebook səhifəsində (www.facebook.com/unibank.az) əldə etmək olar.

Albalı Plus – arzuları reallaşdıran kart.
Unibank – hər kəsin bankı.

…read more

From:: ANS

      

Rus mallarına qadağa

Belarus hakimiyyəti Rusiyadan bir sıra qida məhsullarının idxalına qadağa qoyub. Bu siyahıya “BioFud” şirkətinin istehsalı olan “Zolotaya lapşa”, “Laqman po-dunqanski” və “Biq Lanç” makaronları, həmçinin Rusiyanın “Payliq Rus” istehsalı olan “Mokka” markalı üyüdülmüş qəhvəsi daxildir.

ANS PRESS-in məlumatına görə, bu barədə qərarı Belarusun əsas sanitar həkimi İqor Qaevskiy göstəriş verib. Onun fikrincə, bu məhsullar ölkənin sanitar-epidemiologiya normalarına və Gömrük Şurasının texniki reqlamentinə uyğun deyil.

Xatırladaq ki, Rusiyanın nəzarət xidmətləri bu il noyabrın sonu, dekabrın əvvəlində Belarusdan ət-süd məhsullarının ölkəsinə idxalını praktik olaraq kəsib. Buna səbəb kimi, sanitar-epidemiologiya normalarının və istehsalla bağlı texniki reqlamentin pozulması göstərilib.

O vaxt bu addım Belarus prezidenti Aleksandr Lukaşenko tərəfindən kəskin etiraza səbəb olmuşdu. …read more

From:: ANS

      

Bakıda 60 yaşlı qadından dəhşətli əməl

Bakının Suraxanı rayonunda 60 yaşlı qadın intihar edib.

Suraxanı rayon Polis İdarəsi 30-cu polis bölməsindən ANS PRESS-ə verilən məlumata görə, hadisə Hövsan qəsəbəsində qeydə alınıb.

Qəsəbə sakini, 60 yaşlı Tərlan Təvəkkül qızı Mustafayevanın meyiti yaşadığı evdən tapılıb. Hadisə yerinə hüquq-mühafizə orqanlarının əməkdaşları cəlb olunub. Araşdırmalar zamanı qadının intihar etdiyi məlum olub.

Onun özünə qəsd etməsinin səbəbləri hələlik məlum deyil. Lakin deyirlər ki, qadın əsəb xəstəliyindən əziyyət çəkirmi.

Faktla bağlı cinayət işi başlanıb, araşdırma aparılır. …read more

From:: ANS

      

Azərbaycan telefon danışığından 836 milyon qazandı

Azərbaycanda bu ilin yanvar-noyabr aylarında mobil rabitə xidmətlərindən əldə olunmuş gəlirlərin ümumi həcmi 836,3 milyon manat təşkil edib.

Rabitə və Yüksək Texnologiyalar Nazirliyinin mətbuat xidmətindən ANS PRESS-ə verilən məlumata görə, ötən ilin müvafiq dövrü ilə müqayisədə mobil rabitə xidmətlərindən əldə edilmiş gəlirlərin həcmi 7,3 faiz artıb.

Mobil rabitə xidmətlərinin payına ölkənin informasiya və rabitə sektorunda əldə edilmiş gəlirlərin 57,2 faizi düşüb. …read more

From:: ANS

      

Keçilməz yollarımız (FOTO)

Cəlilabad rayonunda son bir ildə kanalizasiya sisteminin yenidən qurulması ilə əlaqədar olaraq mərkəzsi küçələrin qazılması yoları bərbad hala salıb.

ANS PRESS-in bölgə müxbirinin verdiyi məlumata görə, artıq işlərin yekulnlşdığı küçələrdə yoların təmir olunmaması ərazilərdə gölməçələrin və bataqlığın yaranmasına səbəb olub.

Nəzər alsaq ki, son günlər havaların son dərəcə yağmurlu keçir, onda buradakı vəziyyətin nə həddə olduğunu təsəvvür etmək heç də çətin deyil. Hətta vəziyyət o həddə çatıb ki, əraziyə nəinki texnika girə bilmir, heç sakinlər evlərindən küçəyə çıxa bilmirlər.

Yerli sakinlərin verdiyi məlumata görə, bir neçə gün əvvəl ağır qəza keçirmiş şəxsə tibbi yardım göstəmək üçün çağrılmış təcili yardım avtomobili əraziyə girə bilmədiyi üçün yarıyoldan qayıdıb.

Palçığa qərq olan küçə sakinləri dəfələrlə işi aparan posratçı şirkətin Cəlilabad rayonundakı nümayəndəliyinə müraciət etsələr də, şikayətlərə baxılmayıb.

Qeyd edək ki, kanalizasiya sistemini çəkən şirkətin götürdüyü öhdəliyə görə, işlərin yekunlaşdığı ərazidə yolları da nisbətən təmir edib təhvil verməlidirlər.

…read more

From:: ANS

      

Azərbaycanda faciə

Sabirabad rayonunda dəhşətli yanğın hadisəsi baş verib.

ANS PRESS-in Fövqəladə Hallar Nazirliyinin mətbuat xidmətinə istinadən verdiyi məlumata görə, hadisə Qaratuğay kəndində vətəndaşa məxsus ümumi sahəsi 160 kv.m olan birmərtəbəli evdə qeydə alınıb.

3 otaq və aynabənddən ibarət ev yanaraq kül olub.

Yanğın zamanı 1967-ci il təvəllüdlü Nəzakət Hüseynağa qızı Rzayeva, 1991-ci il təvəllüdlü Lamiyə Mahir qızı Rzayeva, 2009-cu il təvəllüdlü Mənsumə Zabil qızı Rzayeva, 2012-ci il təvəllüdlü Yağmur Zabil qızı Rzayeva və 2013-cü il təvəllüdlü Gülay Zabil qızı Rzayeva yanaraq ölüblər.

Onların cəsədləri yanğınsöndürənlər tərəfindən aşkar olunub.

Yanğın saat 08:25-də yanğınsöndürənlər tərəfindən söndürülüb.

Faktla bağlı araşdırma aparılır. …read more

From:: ANS

      

İran Sidney hadisəsini pislədi

Rəsmi Tehran Avstraliyanın Sidney şəhərindəki “Lindt” kafesinə edilən hücumu pisləyib.

ANS PRESS-in məlumatına görə, İran Avstraliyanın Sidney şəhərində İran mənşəli şəxsin vətəndaşları girov götürməsini qınayıb. Bu barədə İran XİN sözçüsü Mərziyə Əfham yazılı açıqlamasında bildirib.

O, girov götürmənin İslamda qəbul edilmədiyini diqqətə çatdırıb: “Hansı şərtlə olursa-olsun, insanlıqdan kənar hərəkətlərin, qorxu və vəhşət yaratmağın mərhəmət dini olan İslamla heç bir əlaqəsi yoxdur.”

Qeyd edək ki, terror aktı yerli vaxtla bazar ertəsi səhər cərəyan edib. Martin Pleys meydanında olan “Lindt” kafesi içindəki müştərilər ilə birgə silahlı şəxs tərəfindən nəzarətə götürülüb. Cinayətkarın əlində 20 girov olub. Cinayətkar “Şeyx Xaron” ləqəbli, 49 yaşlı Men Haron Monisdir. Xəbər verilir ki, o, Avstraliyaya 1996-cı ildə İrandan qaçqın statusu ilə gəlib. Əvvəllər o seksual xarakterli cinayətlərdə və qətldə iştrakdan məhkum edilsə də girov müqabilində sərbəst buraxılıb. …read more

From:: ANS

      

Turkic Azeri and Hazara Solidarity Network