Pekində Qız qalası

Çinin paytaxtı Pekindəki Dünya parkında Bakı Qız qalasının kiçildilmiş forması inşa ediləcək.

Ölkəmizin Çindəki səfirliyinin Azərbaycan mədəniyyəti və incəsənətinin Çində tanıdılması istiqamətində həyata keçiridyi tədbirlərin davamı olaraq milli memarlıq incilərimizdən olan Qız qalasının oxşarının Pekin sakinlərinin və turistlərin ən çox ziyarət etdikləri məkanlardan olan Dünya parkında inşa edilməsi təşəbbüsünü qarşı tərəf müsbət dəyərləndirib.

Səfir Lətif Qəndilovun parkın rəhbərliyi ilə keçirilmiş görüşündə UNESCO-nun Dünya İrs Siyahısına daxil edilmiş Qız qalasının oxşarının bu turzim və istirahət obyektinin mərkəzi hissələrindən birində – Eyfel qülləsi və Paris Zəfər Tağının yaxınlığında inşa edilməsinə dair prinsipial razılaşma əldə edilib. Hazırda maketin hazırlanması üzərində iş gedir.

Qeyd edək ki, müxtəlif ölkələrin rəmzi sayılan abidələrin (Eyfel qülləsi, Nyu Yorkdakı Azadlıq abidəsi, Misir ehramları, Tac-Mahal, Ayasofya, Kreml və s.) kiçildimiş formalarının quraşdırıldığı Pekin Dünya parkını ildə 2 milyondan çox turist ziyarət edir. …read more

From:: ANS

      

Bu da rusların yeni smartfonu (FOTO)

Rusiyada “YotaPhone” smartfonunun ikinci versiyasının satışlarına başlanır.

ANS PRESS-in məlumatına görə, “YotaPhone 2” smartfonunun birinci tədarükünün həcmi 150 min qurğu təşkil edir. Bu barədə “ICTnews” elektron xəbər xidməti bildirir. Şirkət 2014-cü ilin fevralında Barselonada keçirilmiş “Mobile World Congress” sərgisində “YotaPhone” smartfonunun ikinci versiyasını nümayiş etdirib. Yeni smartfonun əvvəlki versiyadan əsas özəlliyi odur ki, indi ikinci ekran sensordur və SMS yazmağa, zənglərə cavab verməyə və başqa əməliyyatlar aparmağa imkan verir. Bəziləri bu mobil telefonu rusların “iPhone”u kimi qiymətləndirir.

Yeni “YotaPhone” smartfonu iki ekranla təchiz edilib: film izləmək, fotoşəkillərə baxmaq, internetdə işləmək üçün 1920×1080 təsvir ölçülü rəngli 5 düymlük AMOLED ekran, bildirişlərə baxmaq, elektron kitab oxumaq üçün, həmçinin 960×540 təsvir ölçülü ağ-qara 4,7 düymlük EPD ekran (elektron mürəkkəb texnologiyası). Hər iki ekran tamamilə sensor idarəetməyə) malikdir: ağ-qara rəngli ekranda SMS yazmaq, zənglərə cavab vermək olar. Qurğu 2,3 QHs takt tezlikli dördnüvəli prosessor və iki kamera – işıq diodu işıqlandırıcısına malik 8 meqapiksellik və 2 meqapiksellik. “YotaPhone” smartfonunda əməli yaddaşın həcmi 2 QB, daxili yaddaş isə 32 QB təşkil edir.

Telefonun ağ-qara ekranı oxuma rejimində 96 saatadək işləyir.

“Yota Devices” bu smartfonu Avropanın 20 ölkəsində satmağı planlaşdırır və növbəti ilin əvvəlində bu siyahıya Asiya-Sakit okean regionundan bəzi ölkələr, həmçinin Çin daxil ediləcək. “Yota Devices”in baş direktoru Vlad Martınov istisna etmir ki, gələcəkdə “YotaPhone” satışının 33%-i Şimali Amerika bazarının payına düşür. …read more

From:: ANS

      

Günayı belə görmədiniz (VİDEO)

Müğənni Günay İbrahimli “ Sənə bağlanıram” klipini təqdim edib.

ANS PRESS-in məlumatına görə, gənc müğənni radiolarda tez-tez səsləndirilən və hitə çevrilən mahnısına ekran həyatı verib. Klip Günay İbrahimlinin rəsmi “Youtube” kanalında yerləşdirilib. Bu barədə o, özü sosial şəbəkədə xəbər verib.

Ekran işinin rejissorluğunu Fuad Əlişov həyata keçirib. Klipdə fərqli obrazda gördüyümüz müğənninin stili üzərində Elnur Həsənov çalışıb.

Qeyd edək ki, “Sənə bağlanıram” mahnısının sözləri Fərdi Quliyev, musiqisi və aranjemanı isə Tərlan Məmmədhüseynova məxsusdur.

…read more

From:: ANS

      

“Çelsi” və “Arsenal” uduzdu (VİDEO)

Ötən gün İngiltərə Premyer Liqasında 15-ci tura start verilib.

İlk oyun gününə 7 qarşılaşma baş tutub.

Premyer Liqanın hazırkı lideri “Çelsi” səfərdə “Nyukasl”la qarşılaşıb. Bakı vaxtı ilə saat 16:45-də başlayan görüş meydan sahiblərinin 2:1 hesablı qələbəsi ilə başa çatıb. Maraq üçün qeyd edək ki, bu, “Çelsi”nin cari mövsüm ilk məğlubiyyəti olub.

“Liverpul”-“Sanderlend” və “Hall Siti” – “Vest Bromviç” matçlarında isə hesab açılmayıb. “Arsenal” səfərdə “Stok Siti”nin qonağı olub və 2:3 hesabı ilə uduzub.

Qeyd edək ki, İngiltərə Premyer Liqasında 15-ci tura bu bazar ertəsi keçiriləcək “Sauthempton” – “Mançester Yunayted” oyunu ilə yekun vurulacaq.

6 dekabr, İngiltərə Premyer Liqası, 15-ci tur

“Nyukasl” – “Çelsi” – 2:1
Qollar: P.Sisse, 58, 79 (2:0), Droqba, 83 (2:1)
Qırmızı vərəqə: Teylor, 82 (“Nyukasl”)

“Hall Siti” – “Vest Bromviç” – 0:0

“Liverpul” – “Sanderlend” 0:0

QPR – “Börnli” – 2:0
Qollar: Leroy Fer, 51 (1:0), Austun, 74 (2:0)

“Stok Siti” – “Arsenal” – 3:2
Qollar:Peter Krouç, 1 (1:0), Bojan Krkiç, 35 (2:0), Conathan Valters, 45 (3:0), Sani Kasorla, 68-pen (3:1), Remsi, 70 (3:2)

“Tottenhem” – “Kristal Palas” – 0:0

“Mançester Siti” – “Everton” – 1:0
Qol: Yaya Ture, 24-pen (1:0)

…read more

From:: ANS

      

Daha bir mədən qəzası (FOTO)

Türkiyədə daha bir mədən qəzası baş verib.

ANS PRESS-in məlumatına görə, Türkiyənin Osmaniyyə vilayətinin Akyar kəndində yerləşən xrom mədənində çökmə meydana gəlib. Qəza nəticəsində mədəndə işləyən fəhlələrdən biri ölüb, biri isə yaralanıb.

Qəzanın baş vermə səbəbi hələ ki, bilinmir. Mədəndə işləyənlər hadisədən dərhal sonra xilasetmə və təcili yardım komandasına məlumat verib.
Mədənin giriş hissəsində yaranan uçqund ölən işçinin 41 yaşlı Cumali kodaş, yaralının isə 25 yaşlı Əhməd Bilgin olduğu bildirilir.

Sözügedən mədən 17 gün əvvəl açılıb və orada 6 işçi çalışır. Qəza zamanı digər 4 işçi isə yaxınlıqdakı çadırda yemək fasiləsi edirmişlər.

Xatırladaq ki, Türkiyə Statistika İnstitutunun məlumatına əsasən, ötən il ölkədə iş yerlərində baş verən qəzaların 10,4 faizi mədən sektorunun payına düşür. Bu il isə baş verən Soma və Ərmənək mədən faciələri qardaş ölkə üçün növbəti insan itkilərinə səbəb oldu.

…read more

From:: ANS

      

Saat Avstraliyada kəşf edilsəydi, nə olardı?

İlk olaraq qədim misirlilər Günəşin hər gün nizamlı olaraq bir yerdə doğulub, müəyyən zamanlarda səmanın eyni nöqtələrində görünüb batdığını müşahidə ediblər və bu hadisənin bir günün vaxtını bölmədə yararlı olacağı qənaətinə gəloblər. Beləcə, Günəşin bu hərəkətindən faydalanaraq ilk günəş saatını düzəldiblər. Bu saat, yüksək bir yerə böyük bir daş qoymaqdan və günəşin hərəkəti əsasında bu daşın kölgəsini izləməkdən ibarət idi.

Misir coğrafi mövqeyi baxımından şimal yarım kürədə, lakin ekvatora da yaxın bir ölkə olduğundan, günəş doğulduğunda, kölgə daşın qərbində (solda) meydana gəlir, günəş yüksəldikcə kölgə şimala, yəni sağa doğru hərəkət edərək, günəş qərbində şərq istiqamətinə çatırdı. Yəni kölgə bu günki saatların əqrəb və saniyələrində olduğu kimi soldan sağa doğru dönürdü. Zaman keçdikcə təkmilləşən və yenilənən saatlarda da, batareyalı saatlarda da istiqamət dəyişmədi.

Avstraliya kimi ekvatorun cənubunda yerləşən ölkələrdə, günəş doğarkən daşın kölgəsi cənuba tərəf düşür və günəş yüksəldikcə sola doğru hərəkət edir. İlk saat orda kəşf edilsəydi, bu gün əqrəb və dəqiqə tərs istiqamətdə dönə bilərdi. …read more

From:: ANS

      

Turkic Azeri and Hazara Solidarity Network