Müxalifətçinin qaynanası Ayranlıda dəfn olundu (FOTO)

Türkiyənin anamüxalifət lideri, Cümhuriyyət Xalq Partiyasının (CHP) sədri Kamal Kılıçdaroğlunun qaynanası Fatma Özdağ vəfat edib. ANS PRESS-in məlumatına görə, 88 yaşlı Özdağ Tunceli vilayəti Nazimiyə rayonunun Ayranlı kəndində torpağa tapşırılıb. Təziyə mərasimində müxalifət lideri ilə yanaşı CHP idarə heyətinin üzvləri və bu partiyadan olan bəzi millət vəkilləri də iştirak ediblər.

Bu ilin mart ayında keçirilən bələdiyyə seçkisində məruz qaldığı məğlubiyyətdən sonra partiyadan ayrılacağı və partiya daxili müxalifətin lideri olduğu barədə söz-söhbətlər gəzən Mustafa Sarıgül də cənazə mərasimində iştirak edib.

Hökumət başçısı Əhməd Davudoğlu isə ötən gün zəng vuraraq Kamal Kılıçdaroğluna başsağlığı verib.

…read more

From:: ANS

      

Yol işarələri dəyişdirilir

Ukrayna dilində olan yol işarələri dəyişdirilir.

ANS PRESS-in məlumatına görə, Krımda Ukrayna dilində olan yol işarələrinin dəyişdirilməsi işləri aparılır. Ötən gün şoselərin birində canlı musiqi sədaları altında ukraynca olan işarələr rus dilində olanları ilə əvəzlənib.

Tədbirdə Krımın Parlament sədri Vladimir Konstantinov və millət vəkilləri iştirak ediblər.

Krım rəhbərliyi, yarımadada 4 mindən çox yol işarəsinin dəyişdiriləcəyini açıqlayıb.

İşarələrin dəyişməsi ilə əlaqədar işlərin bu ilin sonuna qədər tamamlanması gözlənilir. …read more

From:: ANS

      

İŞİD-lə Bakının 1 saat fərqi

Bundan əvvəl ələ keçirdikləri bölgələrdə təhsil sistemində və pul dövriyyəsində dəyişikliklər edən İŞİD terror qruplaşması daha bir gözlənilməz addım atıb.

ANS PRESS-in məlumatına görə, İŞİD-in tabeçiliyində olan və terrorçular tərəfindən mərkəz seçilən Raqqa şəhərində saatlar bir saat irəli çəkilib. Bu isə Bakı vaxtından bir saat geri deməkdir.

Səbəb kimi onlar rəsmi Dəməşqlə eyni saat qurşağında olmamağı əsas göstərirlər.

Nəzarətində saxladığı bölgələrdə öz şəriət qaydalarını tətbiq edən terror qruplaşması bunu Raqqanın Dəməşqdən 500 kilometr uzaqlıqda yerləşməsi və günəşin Raqqada daha tez doğması kimi də əlaqələndirirlər. …read more

From:: ANS

      

14 yaşlı qızı sinif yoldaşı zorladı

İngiltərədə bir il əvvəl baş verən hadisələrdən birinin üstü açılıb.

ANS PRESS-in məlumatına görə, ötən il İngiltərədə məktəblərdən birində cinsi münasibətlər haqqında dərs keçirildikdən sonra şagirdlərdən biri öyrəndiklərini sinif yoldaşı üzərində tətbiq etməyə çalışıb. Belə ki, dərsdən çıxan 14 yaşlı oğlan yaşıdı olan qıza cinsi münasibətdə olmağı təklif edib.

Qız narazılıq etsə də, oğlan buna məhəl qoymayıb və istəyinə nail olub. Qız isə baş verənləri heç kimə danışmayıb. Bu yaxınlarda məktəbdə fəaliyyət göstərən tibb bacısının qızı pərişan halda olduğunu görüb nə baş verdiyini soruşması ilə həqiqət üzə çıxıb.

Lakin müəyyən olub ki, həmin oğlan artıq həmin bölgədə yaşamır. Qıza isə müəyyən bir müddət ərzində reablitasiya kursu keçiriləcək.

Hadisənin ortaya çıxmasından sonra İngiltərədə cinsi münasibətlər haqqında olan dərsliklərin yenidən nəzərdən keçirilməsi qərara alınıb. …read more

From:: ANS

      

Robototexnika üzrə beynəlxalq olimpiada keçirilib

Soçidə robototexnika üzrə beynəlxalq olimpiada (WRO Russia 2014) keçirilib.

ANS PRESS-in məlumatına görə, builki olimpiadada rekord sayda ölkə (47) iştirak edib. Rusiyanın Təhsil və elm nazirinin müavini Veniamin Kaqanov tədbiri 2,6 min qonağın ziyarət etdiyini bildirib. Bu barədə İTİ-nin saytında xəbər yer alıb.

Təşkilatçıların məlumatına görə, yarışlarda 379 komanda iştirak edib. Seçim turu noyabrın 22-də, final yarışları isə 23-də keçirilib. Finala Rusiyanın müxtəlif kateqoriyalar üzrə 14 komandası vəsiqə alıb.

WRO-2014 “Soçidə robototexnika günləri” forumu çərçivəsində keçirilir. Yarışın mövzusu “Robotlar və kosmos” adlanır. Rusiyanı 13 regiondan 44 komanda təmsil edir. “WRO” iştirakçıları 4 kateqoriya üzrə yarışırlar: əsas hissə, yaradıcılıq, “robotlar arasında futbol” və “kollec”.

…read more

From:: ANS

      

Ərdoğandan yeni açıqlama

İstanbulda qadın və ədalət mövzusunda keçirilən konfransda çıxış edən Türkiyə prezidenti Rəcəb Tayyib Ərdoğan qadın və kişinin bərabərləşdirilməsini təbiətə zidd amil kimi qiymətləndirib.

ANS PRESS-in məlumatına görə, ötən həftə Amerikanı Kolombdan əvvəl müsəlmanların kəşf etməsini deməsi ilə dünya mətbuatında səs-küyə səbəb olan Türkiyə prezidenti Rəcəb Tayyib Ərdoğanın daha bir çıxışı diqqət çəkib.

İstanbulda baş tutan 1-ci Beynəlxalq Qadın və Ədalət zirvəsində Türkiyə prezidenti kişi ilə qadının bərabərliyini sual altına alıb. Rəcəb Tayyib Ərdoğan deyib ki, islam qadının mövqeyini açıq-aydın izah edib – qadın anadır.

Onun bu barədə etdiyi açıqlamalar “BBC”, “WASHINTON POST”, “GUARDIAN”, “INDEPENDENT” kimə məşhur nəşrlərdə yer alıb.
Ərdoğan feministləri analığı rədd etməkdə suçlayıb. O, qadın və kişinin eyni cür yaradılmadığını, qadınların ağır işlərdə işləyə bilməyəcəyini bildirib.

Prezident cənnətin anaların ayaqları altında olduğunu deyib. “Ananın ayağının altı öpülür. Mən anamın ayağının altını öpərdim. Anam nazlanardı. Mən ona ayaqlarının altında cənnətin iyi gəldiyini deyərdim. Bunu feministlər başa düşməz. Çünki onlar analığı qəbul etmirlər. Lakin bunu başa düşənlər bizə kifayət edər”- deyə prezident bildirib. …read more

From:: ANS

      

“Fənərbaxça” yenidən zirvədə (VİDEO)

Türkiyə superliqasının son turunda səfərdə “Bursaspor”un qonağı olan “Fənərbaxça” sülh bağlayıb.

ANS PRESS-in məlumatına görə, son oyun günündə daha iki qarşılaşma baş tutub.

Səfərdə “Balıkesirspor”un qonağı olan “Sivasspor” rəqibinə 3:1 hesabı ilə qalib gəlib.

Tur “Bursaspor” – “Fənərbaxça” oyunu ilə başa çatıb. Azarkeşlər bu oyunda 2 qola şahidlik edib: Hərəyə 1 top vuran komandalar meydandan sülhlə ayrılıb – 1:1.

24 noyabr,
Türkiyə superliqası, 10-cu tur:

“Balıkesirspor” – “Sivasspor” – 1:3
Qollar: B.Karadeniz, 25 (0:1), Varqas, 53 (1:1), Çaheçouhe, 70 (1:2), Araş, 86 (1:3)

“Bursaspor” – “Fənərbaxça” – 1:1
Qollar: V.Şən, 3 (1:0), Kuyt, 66 (1:1)

…read more

From:: ANS

      

Ermənistana sülh sərf eləmir

Litvada çıxan nüfuzlu “Lietuvos zinios” qəzetində və bu nəşrin saytında jurnalist Aydanas Praleykanın “Qurban verilən helikopter” sərlövhəli məqaləsi dərc olunub. Müəllif məqalədə Ermənistan silahlı qüvvələrinə məxsus Mi-24 hərbi helikopterinin Azərbaycanın işğal edilmiş ərazisində vurulması ilə bağlı vəziyyəti təhlil edib.

Baş verən hadisənin böyük əks-səda doğurmadığını qeyd edən jurnalist yazır: “Ermənistan etirazını bildirir, təhdid edirdi. Lakin sənə məxsus hərbi helikopter başqasının ərazisində, Azərbaycanın mövqelərini atəşə tutan zaman vurulanda etiraz etmək asan deyil”. Müəllif təəssüf hissi ilə qeyd edir ki, insidentin mahiyyətinə varmayan Litva Seyminin bəzi üzvləri vəziyyəti düzgün başa düşmədikləri üçün Azərbaycanı pisləyən məruzə yayıblar.

A.Praleyka əmindir ki, Azərbaycan ilə sülh Ermənistana sərfəli deyil. O yazır: “Danışıqlar masası arxasında mütləq etiraf etmək lazım gələcək ki, təcavüzkar və qəsbkar Ermənistan işğal edilmiş ərazilərdən getməlidir. Bu əraziləri de-fakto dəstəkləmək, hətta rəsmi dövlət statusunu tanımadan dəstəkləmək daha rahatdır.

Mövcud vəziyyəti qoruyub saxlamaq üçün lazımlı element daim müharibə vəziyyətində olmaqdır. Belə vəziyyəti saxlamaq və bəzən müharibə tanrılarına qurbanlar vermək lazımdır. Yəqin bu dəfə tanrılar razı qalıblar: onlara helikopter qurban verilib”. …read more

From:: ANS

      

Müşfiq qəsəbəsində ağır qəza: 3 ölü

Gecə saatlarında Qaradağ rayonu Müşfiq qəsəbəsində 3 nəfərin ölümü ilə nəticələnən ağır yol qəzası baş verib.

APA-nın məlumatına görə, hadisə Bakı-Şamaxı yolunun 60-cı kilometrliyində Müşviq qəsəbəsinin Çaylı kəndi ərazisində qeydə alınıb.

İsmayıllı rayon sakini Fəxrəddin Babayev “Mercedes” markalı avtomobillə hərəkətdə olarkən qəflətən idarəetməni itirib və maşını yol kənarında dayanan “Schacman” markalı yük avtomobilinə çırpıb. Nəticədə sürücü və avtomobildə olan sərnişinlər – 52 yaşlı İslam Rəhimov və 48 yaşlı Əziz Mitalov hadisə yerində dünyasını dəyişib. Maşında olan digər sərnişinlər, 28 yaşlı Ruslan Məmmədov və 52 yaşlı Zərnişan Babayeva ağır vəziyyətdə 1 saylı Kliniki Tibbi Mərkəzə çatdırılıblar. Xəstəxanadan verilən məlumata görə, hazırda yaralıların vəziyyəti kafi qiymətləndirilir.

Qəzadan sonra hadisə yerinə Baş Dövlət Yol polisinin əməkdaşları baxış keçiriblər. Baş verən qəzaya səbəb olan “Mercedes” cərimə meydançasına aparılıb. İlkin araşdırmalar nəticəsində məlum olub ki, qəzaya düşən ailə İsmayıllı rayonunda yaşayan qohumlarının yas mərasimindən gəlirmiş. Faktla bağlı Baş Dövlət Yol Polisi İdarəsinin istintaq və təhqiqat bölməsində cinayət işi başlanılıb, araşdırma aparılır.

…read more

From:: ANS

      

Turkic Azeri and Hazara Solidarity Network