İlham Əliyevə müraciət edildi

Azərbaycan alimlərinin I Qurultayı keçirilib. Azərbaycan Milli Elmlər Akademiyası (AMEA), Azərbaycan Respublikasının Rabitə və Yüksək Texnologiyalar və Təhsil nazirliklərinin təşkilatçılığı ilə keçirilən qurultayın iştirakçıları əvvəlcə ümummilli lider Heydər Əliyevin Fəxri Xiyabanda yerləşən məzarını ziyarət edib.

ANS PRESS xəbər verir ki, dünyanın müxtəlif ölkələrində yaşayan Azərbaycan alimlərinin də iştirak etdiyi və internet üzərindən canlı yayımlanan Qurultayı giriş sözü ilə açan AMEA-nın prezidenti, akademik Akif Əlizadə qonaqları salamlayıb və ölkəmizdə ilk dəfə keçirilən bu qurultayın müasir dünyanın qlobal çağırışlarının, Azərbaycanın sosial-iqtisadi və mədəni-mənəvi inkişafının, həmçinin bu inkişafa adekvat olaraq Azərbaycan elmində gedən proseslərin məntiqi nəticəsi olduğunu bildirib.

Qeyd edib ki, ümummilli lider Heydər Əliyevin qurucusu olduğu müstəqil Azərbaycan onun ideyalarının və siyasi kursunun layiqli davamçısı cənab İlham Əliyevin on ildən artıq müddətdə böyük uğurla həyata keçirdiyi siyasətin nəticəsində inkişafın keyfiyyətcə yeni mərhələsinə qədəm qoyub. Təqdirəlayiq haldır ki, Azərbaycanın milli sərvəti olan elmi potensialın qorunması, inkişaf etdirilməsi dövlət siyasətinin mühüm istiqamətlərindən birini təşkil edir. Akademik vurğulayıb ki, hazırda elmi potensialın milli tərəqqi naminə maksimum dərəcədə səmərəli istifadə olunması Azərbaycan dövlətinin və cəmiyyətinin qarşısında duran əsas vəzifələrdən biridir.

Azərbaycan Respublikasının Prezidenti İlham Əliyevin təsdiq etdiyi “Azərbaycan 2020: gələcəyə baxış” İnkişaf Konsepsiyasında intellektual inkişaf modelinə əsaslanan biliklər cəmiyyətinin formalaşdırılmasının ölkəmizin əsas strateji inkişaf xətti olaraq qəbul edildiyini qeyd edən AMEA rəhbəri Konsepsiyanın Azərbaycan elmi qarşısında tamamilə yeni vəzifələr qoyduğunu bildirib.

Akademik vurğulayıb ki, Azərbaycan alimlərinin biliklər cəmiyyətinin qurulmasında yaxından iştirakı mövcud elmi potensialın müasir tələblərə uyğun səfərbər edilməsini, effektiv təşkilati tədbirlərin və yeni innovativ idarəetmə üsullarının tətbiqini, ümumiyyətlə Azərbaycan elminin yeni strategiyasının hazırlanmasını zəruri edir.

Dövlət, biznes və vətəndaş cəmiyyəti sektorunda çalışan Azərbaycan alimlərinin hansı sosial zümrəni və hansı ölkəni təmsil etmələrindən asılı olmayaraq, vahid bir amal naminə öz qüvvəsini səfərbər etmələrinin, eləcə də müasir dünyanın çağırışlarına, ölkəmizin strateji inkişafı baxımından üzərinə düşən vəzifələrin icrasına vaxtında adekvat cavab vermələrinin vacibliyini qeyd edən AMEA-nın prezidenti, akademik Akif Əlizadə …read more

From:: ANS

      

Dövlət qurumuna yeni təyinat

Dini Qurumlarla İş üzrə Dövlət Komitəsi sədrinin yanında Dinşünaslıq üzrə Komissiyanın Əsasnaməsi və üzvləri təsdiqlənib.

Komitədən ANS PRESS-ə verilən məlumata görə, dekabrın 19-da Dini Qurumlarla İş üzrə Dövlət Komitəsi sədrinin yanında Dinşünaslıq üzrə Komissiyanın yaradılması ilə bağlı növbəti iclas keçirilib.

Dövlət Komitəsinin sədri Mübariz Qurbanlı qurumun fəaliyyətinin vacibliyindən danışaraq bildirib ki, əsasnaməyə görə Komissiya milli-mənəvi və dini dəyərlərimizin təbliği və təşviqi, eləcə də ölkədə tolerantlığın qorunub saxlanması istiqamətində önəmli işlər görə bilər.

Eyni zamanda, komissiya üzvlərinin komitə əməkdaşları, mütəxəssis və dini icmalarla bərabər regionlarda dini maarifləndirmə yönündə tədbirlər həyata keçirməsi nəzərdə tutulur. Dini radikalizmə qarşı mübarizədə əsas hədəflərdən biri maarifləndirmə işinin aparılmasıdır. Bunu da Komissiya və digər aidiyyəti qurumlar birgə həyata keçirəcəklər.

Komissiyanın iclasında bildirilib ki, qeyd olunan məsələlərlə bağlı layihələrə Dövlət Komitəsi hərtərəfli dəstək verəcəkdir. Həmçinin Komissiya üzvləri Dövlət Komitəsinin yerli və beynəlxalq səviyyədə təşkil etdiyi bütün konfranslarda fəal iştirak edəcəklər.

Komissiya üzvləri qurumun yaradılmasının və fəaliyyətinin əhəmiyyətindən danışaraq bildiriblər ki, onlar ölkədə dini maarifləndirmə işinin aparılması, milli-mənəvi və dini dəyərlərimizin təbliği prosesinə öz töhfələrini verməyə hazırdırlar.

İclasda Komissiyanın əsasnaməsi müzakirə olunub.

Təkliflər nəzərə alınmaqla Dövlət Komitəsinin sədri komissiyanın əsasnaməsini və üzvlərini təsdiq edib.

Həmçinin, Komissiyanın katibi təyin edilib. …read more

From:: ANS

      

Prosineçkinin köməkçiləri

Azərbaycan milli komandasının baş məşqçisi Robert Prosineçkinin yerli və əcnəbi köməkçiləri müəyyənləşib.

ANS PRESS-in Azərbaycan Futbol Federasiyaları Assosiasiyasına (AFFA) istinadla verdiyi məlumata görə, millinin baş hakiminin köməkçiləri bunlardır:

Mahmud Qurbanov – baş məşqçinin köməkçisi

Elxan Abdullayev – baş məşqçinin köməkçisi

Faiq Əzizov – qapıçılar üzrə məşqçi

Draqan Spasiç – baş məşqçinin köməkçisi

Qordan Tsipriç – baş məşqçinin köməkçisi

Yanko Yankoviç – oyunların analizi üzrə məşqçi …read more

From:: ANS

      

Minaya düşdü, cərimə ödədi

Ermənistan ordusunun keçmiş muzdlusu, 32 yaşlı Suren Qaboyan minaya düşərək ayağını itirdikdən sonra onun pulunu ödəməyə məcbur olub.

ANS PRESS-in məlumatına görə, “Haykakan jamanak” qəzetinə şikayət edən Suren Qaboyan bildirib ki, əlil olmasına baxmayaraq, o, 30 min dram, yəni təxminən 70 dollar ödəməli olub. Onu dövlət əmlakını xarab etməkdə günahlandırıblar.

Qəzetin məsələ ilə bağlı apardığı araşdırmaya Ermənistan Müdafiə Nazirliyindən cavab verməyiblər.

“Belə çıxır ki, hərbçi minaya düşüö, ayağını itirib və onu dövlət əmlakını, yəni minanı xarab etməyə görə cərimə ediblər”, – deyə qəzet vurğulayır. …read more

From:: ANS

      

Alimlərinin Bəyannaməsi qəbul olundu

Bakı şəhərində keçirilən Azərbaycan alimlərinin I Qurultayının Bəyannaməsi qəbul olunub.
Sənəddə Azərbaycanda dövlət, biznes və vətəndaş cəmiyyəti sektorlarında aparılan elmi araşdırmalarda “Azərbaycan-2020: gələcəyə baxış” İnkişaf Konsepsiyasının müddəalarından irəli gələn vəzifələrin rəhbər tutulması bəyan olunub.

Bəyannamədə həmçinin müasir dövrün tələbləri səviyyəsində intellektual insan resurslarının formalaşdırılmasına nail olmaq üçün elm və təhsilin vahid sosial institut kimi inkişafının vacibliyini qeyd edilib, elmin maddi-texniki bazasının gücləndirilməsi, alimlərin sosial vəziyyətinin yaxşılaşdırılması və elmin maliyyələşməsi ilə bağlı müvafiq tədbirlərin bundan sonra da davam etdirilməsinin zəruriliyi də qeyd edilib.

Qeyd edək ki, Azərbaycan Milli Elmlər Akademiyasının əsas binasında Azərbaycan alimlərinin I Qurultayı bu gün başlayıb. Qurultay Azərbaycan Milli Elmlər Akademiyasının, Təhsil Nazirliyinin, Rabitə və Yüksək Texnologiyalar Nazirliyinin birgə təşkilatçılığı ilə keçiriləcək tədbirdə xarici ölkələrdə yaşayan nüfuzlu azərbaycanlı alimlər iştirak edir. …read more

From:: ANS

      

Albaniyaya qaz verəcəyik (FOTO)

Azərbaycan nümayəndə heyəti Albaniyada mühüm görüşlər keçirib.

ANS PRESS-in Azərbaycan Respublikası Dövlət Neft Şirkətinə (ARDNŞ) istinadla verdiyi məlumata görə, energetika naziri Natiq Əliyev, xarici işlər nazirinin müavini Xələf Xələfov və Azərbaycan Respublikası Dövlət Neft Şirkətinin prezidenti Rövnəq Abdullayevin təmsil olunduğu nümayəndə heyəti Albaniya Respublikasında səfərdədir.

Azərbaycan nümayəndə heyəti Albaniyanın Baş naziri Edi Rama, parlamentin sədri İlir Meta, energetika və sənaye naziri Damian Giknuri ilə görüşlər keçirib. Görüşlərdə Albaniya və Azərbaycan arasında enerji sahəsində ikitərəfli münasibətlər, Trans-Adriatik Qaz Boru Kəməri (TAP) və regionda həyata keçirilən digər enerji layihələri üzrə əməkdaşlıq məsələləri və perspektivlər müzakirə olunub.

Azərbaycan Respublikası Hökuməti ilə Albaniya Respublikası Hökuməti arasında Albaniyanın qazlaşdırılmasına dair baş planın inkişafında əməkdaşlıq haqqında Anlaşma Memorandumu imzalanıb.

…read more

From:: ANS

      

Azərbaycanda agentlərin "qara siyahı"sı hazırlanır (VİDEO)

Sığorta şirkətləri birləşərək dələduz sığorta agentlərinin qara siyahısını hazırlayacaq.

ANS TV-nin məlumatına görə, şirkətlər bununla bağlı təkliflərini ayın sonuna qədər Azərbaycan Sığortaçılar Assosiasiyasına təqdim etməlidirlər. İlkin təklif belədir ki, sığorta şirkətləri rastlaşdıqları dələduzluq halı ilə bağlı faktları, həmin agentin günahkar olmasını sübut edən sənədlərlə birgə bazaya daxil etsin. Bu məlumat bazası isə yalnız şirkətlər üçün açıq olacaq.

Azərbaycan Sığortaçılar Assosiasiyasının sədri,Orxan Bayramov qeyd edir ki, bəzən olur ki, agentliklər satış zamanı müştəriyə səhv məlumat verir və hər şeyə söz verir. Sabah isə hadisə zamanı isə müştəri porblemin həlli üçün sığorta şirkətinə müraciət edir. O bu cür halların aradan qaldırılması üçün həmin dələduzların siyahısının hazılrtanacağını deyir. Bu siyahıda daxil olanlar sığorta bazarında artıq işləyə bilməyəcəklər.

…read more

From:: ANS

      

Turkic Azeri and Hazara Solidarity Network