Rus təyyarələri bombaladı

İraq ordusu İŞİD-ə qarşı Rusiyadan aldığı Su-25 bombardmançı təyyarələrini ilk dəfə olaraq istifadə etməyə başlayıb.

ANS PRESS-in məlumatına görə, təyyarələr Tiqrit səmasından terrorçuların mövqelərini bombardman edib. Havadan əməliyyatlar əsasən Yatrib rayonu üzərində həyata keçirilib.

İraqın “Əs-Sumariyya” telekanalının yaydığı xəbərə görə, Su-25 təyyarələrin bombradmanı zamanı terrorçular qaçmağa başlayıb. Lakin ölən və yaralananlar barədə hələlik heç bir məlumat verilmir.

Qeyd edək ki, bir neçə gün əvvəl İraq təhlükəsizlik qüvvələri Tiqrit yaxınlığında hərbi əməliyyatlara başlayıb.

Onu da qeyd edək ki, bu ilin iyun ayında Rusiya İraqa Su-25 bombardmançı təyyarələrini İraqa satmışdı. Təyyarələr məhz İŞİD-ə qarşı mübarizə üçün alınmışdı. …read more

From:: ANS

      

iPhone 6-nı qazanda qaynatdı (VİDEO)

Apple-ın satış rekordu qıran yeni telefonları iPhone 6 və iPhone 6 Plusun üstündə bir çox testlər aparılır.

Yerə atılır, əzilir, müxtəlif hava şəraitində dözümlülüyü sınanır və sair.

Təqdim etdiyimiz testlər isə digərlərini geridə qoyub. Belə ki, iPhone 6-nı coca-cola və suda qaynadılır, drellə deşilir.

Bunu iPhone 6 alıcılarından biri edib. O, bir növ indiyənə kimi edilən testlərin o qədər də reallığı əks etdimədiyini göstərmək istəyib.

…read more

From:: ANS

      

Putindən şok etiraf

Rusiya prezidenti Vladimir Putin Nazirlər Kabinetində bu gün keçirdiyi iclasda bir sıra etiraflar edib.

ANS PRESS-in məlumatına görə, Putin bildirib ki, bəzi səhv addımlar nəticəsində Rusiya iqtisadiyyatı böhrana girir.

“Üzləşdiyimiz problemlər sadəcə xaricdən edilən müdaxilələrə, Rusiyaya qarşı tətbiq edilən sanksiyalara görə deyil. Bunun əsas səbəbi illərdir üst-üstə yığılan səhvlərimizdir. Ona görə də iqtisadiyyatımız böhrana gedir. Bunların qarşısını almaq üçün çox işlər gördük. Lakin son hadisələr onu gösətrdi ki, bu yetərli deyil”, deyə Rusiya prezidenti bildirib.

Qeyd edək ki, bu il Rusiyada rublun dəyəri rekord dərəcədə aşağı düşmüşdü. Bir dollar 80 rubl olmuşdu. Ayrı-ayrı vaxtlarda Mərkəzi Bank vəziyyətə müdaxilə etdi. Putin isə açıqlama vermişdi ki, Rusiya iqtisadiyyatı ən azı 2 ilə düzələcək. …read more

From:: ANS

      

Dünya katolikləri birləşdi (VİDEO)

Bütün dünya katolikləri İsa Məsihin mövludunu, Milad bayramını qeyd edir. Fransa bu dəfə Miladı xüsusi şəraitdə keçirir.

ANS TV-nin məlumatına görə, Vatikanda Roma papası 1-ci Fransisk Milad bayramı münasibətilə dünya katoliklərinə ənənəvi müraciətini edib. Vatikanın Müqəddəs Pyotr meydanında minlərlə insan onu dinləməyə toplaşıb. Papa dünyanın bütün ölkələrində, eləcə də Fələstində, İraq, Suriya və Ukraynada insanları müharibələrə son qoymağa çağırıb.

Fransada Milad bayramı təhlükəsizlik tədbirlərinin gücləndirilməsi fonunda keçiriləcək. Səbəb isə, bir neçə gün əvvəl Nant, Dijon və Tur şəhərlərində naməlum şəxslərin avtomobilləri sakinlərin üzərinə sürərək onlarla insana xəsarət yetirmələri olub.

İordan çayının Qərb sahilində İsa peyğəmbərin anadan olduğu iddia edilən Vifleem şəhərində yerli sakinlər Mövlud Kilsəsində keçirilən Milad ayininə qatılıblar. Həmin kilsə İsa peyğəmbərin anadan olduğu ərazidə inşa edilib.

Suriyanın paytaxtı Dəməşqdə də Milad ab-havası hiss olunur. Şəhərin xristian icmasının nümayəndələri kilsədə Milad ayininə qatıldıqdan sonra bayram alış-verişinə çıxıblar.

Suriyada münaqişə ilə bağlı böhran qonşu Livana yayılsa da, bu, hər iki ölkədə bayram ab-havasının yaşanmasına əngəl olmayıb. Livanın paytaxtı Beyrutda şəhərin mərkəzi küçələrində gəzən Şaxta Babalar uşaqlara hədiyyələr paylayıblar. Qaçqın düşərək Livana gələn suriyalı xristianlar isə kilsələrə gedərək, gələn il Milad bayramını vətənlərində keçirmək üçün dualar ediblər.

Cənub yarımkürəsində yerləşən Avstraliyada insanlar Milad bayramını çimərliklərdə keçiriblər. Ölkənin bir çox şəhərlərində insanlar Milad gecəsini kilsələrdə keçirib.

…read more

From:: ANS

      

Rusiya bir neçə ay vaxt qoydu

Neftin aşağı qiyməti bir neçə ay qalacaq, lakin sonra bareli 80 dollara qalxacaq.

ANS PRESS-in məlumatına görə, bu barədə Rusiya baş nazirinin müavini Arkadi Dvorkoviç “Rossiya 24” telekanalına müsahibəsində bildirib.

Dvorkoviç neftin barelinə 80 dolları ən balanslaşmış qiymət hesab edir. O, əlavə edib ki, gələcək bir-iki ildə Rusiyada neftin hasilatı ən pessimist ssenariyə görə ilinə 5-10 faiz aşağı düşəcək.

“Növbəti bir-iki il üçün pessimist və stress ssenari var. Ona əsasən Rusiyada neftin hasilatı bu illər ərzində 5-10 faiz aşağı düşə bilər” – deyə Dvarkoviç bildirib. …read more

From:: ANS

      

Avropada məscid yandırıldı

İsveçin Eskilstun şəhərində şəxsiyyəti bəlli olmayan cinayətkar məscid binasını yandırıb.

ANS PRESS-in məlumatına görə, yanğın nəticəsində azı 5 nəfər xəsarət alıb.

“Şahid naməlum şəxsin məscidə verilmiş binanın pəncərəsinə nəsə atdığını görüb və sonra yanğın baş verib” – deyə yerli polis nümayəndəsi Lars Franzel bildirib.

Hadisə baş verən zaman məsciddə 15-20 nəfər ibadətlə məşğul imiş. Hazırda polis məscidi yandıran şəxsi axtarır.

Qeyd edək ki, insident ölkədə miqrasiya barədə bitməyən mübahisələr fonunda baş verib. Debatlar İsveçdə müvəqqəti yaşayış alma müraciətlərinin sayının 90 faiz azalmasını tələb edən sağçı müxalifət bloku ilə ölkənin miqrasiya məsələsində liberal siyasəti dəstəkləyən sosial-demokrat partiyası başçılığı ilə qırmızı-yaşıl koalisiyası arasında gedir. …read more

From:: ANS

      

İŞİD İstanbul şəklini yaydı

İŞİD-in əsir götürdüyü iordaniyalı pilot bu ilin yaz aylarında İstanbula turist kimi səfər edibmiş.

ANS PRESS-in məlumatına görə, İŞİD terror qruplaşması tərəfindən yayılan görüntülərdə Müəz Əl-Kəsasbanın sosial şəbəkədə paylasdığı fotolar əks olunub.

Pilotun İstanbulda “Sultanahmet” meydanında şəkil çədirdiyi məlum olub.

İordaniya hökümətindən verilən açıqlamada bildirilir ki, kral silahlı qüvvələrinin əsir götürülmüş pilotu Suriyanın Rakka şəhəri rayonunda eskadrilyanın heyətində döyüş tapşırıği yerinə yetirən zaman təyyarə İŞİD tərəfindən vurulub.

İordaniya komandanlığı xəbərdarlıq edib ki, Suriyanın və İraqın günahsız müsəlmanlarına qarşı cinayətləri, habelə İordaniya əleyhinə terror planları ilə tanınmış bədnam İŞİD təşkilatının silahlıları əsir düşmüş pilotun həyatına görə tam məsuliyyət daşıyırlar.

…read more

From:: ANS

      

Turkic Azeri and Hazara Solidarity Network