BDU-nun yolu açılır

Bakı Metropoliteninin “Elmlər Akademiyası” stansiyasının ikinci çıxışının tikintisi ilə əlaqədar Bakı Dövlət Universiteti istiqamətindəki bağlanmış yolların gələn həftə açılması planlaşdırılır.

Yolun üst hissəsində görülən tikinti işlərinin tamamlanması ilə əlaqədar Bəxtiyar Vahabzadə və Zahid Xəlilov küçələrin nəqliyyatın və piyadaların hərəkətinin bərpa olunması nəzərdə tutulur.

Metronunu çıxışlarının istifadəyə verilməsi isə gələn ilin birinci yarısında mümkün olacaq. …read more

From:: ANS

      

Qan donduran araşdırma - 5042 ölü (VİDEO)

İŞİD və digər terror qruplaşmaları bir ay ərzində 5000-dən artıq adam öldürüblər.

ANS PRESS-in məlumatına görə, bu rəqəm BBC Dünya Xidməti və “Kings College London”un birgə araşdırmasında qeyd edilir.

Araşdırmaya əsasən 14 ölkədə baş verən 664 terror aktı nəticəsində 5042 insan həyatını itirib. Teror aktlarınının 80 faizi İraq və Suriyanın payına düşür və hücumların böyük hissəsini İŞİD qruplaşması həyata keçirib.

Qeyd edək ki, digər aylar kimi bu ay da terror aktlarında həlak olanların çoxu dinc sakinlərdir.

…read more

From:: ANS

      

Özbək müxalifətçi öldürüldü (VİDEO)

Türkiyənin İstanbul şəhərində yaşayan özbək müxalif Abdullah əl Buxari naməlum şəxs tərəfindən qətlə yetirilib.

ANS PRESS-in məlumatına görə, Buxari məscidə gedərkən yanına yaxınlaşan şəxs tapançadan bir dəfə atəş açaraq onu vurub.

Ağır yaralanaraq “Cərrahpaşa” tibb fakultəsi xəstəxanasına çatdırılan Abdullah əl Buxarinin həyatını xilas etmək mümkün olmayıb.

Yerli mətbuat Özbəkistan müxalifətçisi olduğu bildirilən Buxarinin 12 ildir İstanbulda yaşadığını qeyd edib.

…read more

From:: ANS

      

Göygöldə kürəkən qaynananı döyərək xəstəxanalıq etdi

Göygöl rayonunda döyülmə faktı qeydə alınıb.

Gəncə şəhər TTYX-dan verilən məlumata görə, Qazax rayonu Kəmərli kənd sakini Güllər Həkimova Göygöl rayonu Şəhriyarı kəndinə yaşayan kürəkəni Samir Babayevin evinə gəlib.

Ailə münqişəsi zəminində kürəkən qaynanasına xəsarət yetirib.

Zərəçəkmiş qadın yaxınlıqdakı qohumlarını köməkliyi ilə Gəncə şəhər TTYX-nın travmatologiya şöbəsinə yerləşdirilib.

Faktla bağlı Göygöl rayon Polis Şöbəsində araşdırma aparılır. …read more

From:: ANS

      

Unikal əlyazma $43 minə satıldı (FOTO)

V. Mayakovskinin “Savaş elan olunub” şeirinin əlyazması Nyu-Yorkun “Bonhams” Hərrac Evində 43 min dollara alıcı tapıb.

ANS PRESS-in məlumatına görə, dahi şair bu şeiri 1914-cü il iyulun 20-də yazıb. “Bonhams” Hərrac Evi şeirin I Dünya Müharibəsi dövründə yazılan və günümüzə gəlib çatan yeganə əlyazma nüsxəsi olduğunu bildirib.

Şeir həmin müharibənin başlanmasına bəhanə verən olaydan – Avstriya hersoqu Frans Ferdinand Sarayevoda öldürüləndən (28 iyul) və Almaniyanın Rusiyaya müharibə elan etməsindən (1 avqust) sonra – 1914-cü ilin avqustunda— “Novaya jizn” (“Новая жизнь») jurnalında dərc olunub.

Əlyazmadakı tarixin ertəsi günü 21 yaşlı Mayakovski şeiri Moskvanın Tver meydanında general Skobelevin abidəsi önündə oxuyub. İndi həmin yerdə Yuri Dolqorukinin abidəsi ucalır.

Söhbət isə məhz bu şeirdən gedir:

ВОЙНА ОБЪЯВЛЕНА
“Вечернюю! Вечернюю! Вечернюю!
Италия! Германия! Австрия!»
И на площадь, мрачно очерченную чернью,
багровой крови пролила̀сь струя!
5 Морду в кровь разбила кофейня,
зверьим криком багрима:
“Отравим кровью игры Рейна!
Громами ядер на мрамор Рима!»
С неба, изодранного о штыков жала,
слезы звезд просеивались, как мука̀ в сите,
и подошвами сжатая жалость визжала:
“Ах, пустите, пустите, пустите!»
Бронзовые генералы на граненом цоколе
молили: “Раскуйте, и мы поедем!»
Прощающейся конницы поцелуи цокали,
и пехоте хотелось к убийце-победе.
Громоздящемуся городу уро̀дился во сне
хохочущий голос пушечного баса,
а с запада падает красный снег
сочными клочьями человечьего мяса.
Вздувается у площади за ротой рота,
у злящейся на лбу вздуваются вены.
“Постойте, шашки о шелк кокоток
вытрем, вытрем в бульварах Вены!»
Газетчики надрывались: “Купите вечернюю!
Италия! Германия! Австрия!»
А из ночи, мрачно очерченной чернью,
багровой крови лила̀сь и лила̀сь струя.

…read more

From:: ANS

      

Azərbaycan “Les Echos"da

Parisdə gündəlik nəşr olunan “Les Echos” qəzetinin 10 dekabr tarixli nömrəsində “ Qafqaz: Azərbaycan- regionun gələcək qüdrətli dövləti “ sərlövhəli məqalə dərc olunub.

Müəllif Fransua Lasins məqaləsinin əvvəlində müsəlman ölkələrində baş verən hadisələrdən- Yaxın Şərqdəki geosiyasətdən, Suriya böhranından, Fələstin-İsrail qarşıdurmasından, Türkiyənin Rusiya ilə Avropa arasında oynadığı roldan bəhs edib və bu hadisələrin fonunda gələcək regional hakimiyyətdə Azərbaycanın yüksək sürətlə inkişafını diqqətə çatdırıb.

Sovet İttifaqının süqutundan sonra keçmiş respublikaların hər birinin özünəməxsus siyasi kurs götürdüyü vurğulanan məqalədə ölkəmizin yüksək templə inkişaf kursu götürməsindən, ərazisinin Avstriyanın ərazisi qədər olmasından, İran, Gürcüstan, Rusiya ilə həmsərhəd olmasından və Xəzər dənizinin sahilində yerləşməsindən söhbət açılır.

Qeyd olunur ki, 1991-ci ildə müstəqillik əldə etdikdən sonra Azərbaycan iqtisadi inkişafına görə zirvədə dayanır. Prezident İlham Əliyevin apardığı uğurlu daxili və xarici siyasət nəticəsində ölkədə siyasi stabillik hökm sürür, Rusiya Federasiyası və Avropa İttifaqı ilə balanslaşdırılmış siyasət aparılır.

Azərbaycanın iqtisadi göstəricilərinin yüksək olduğu vurğulanan məqalədə ölkəmizin inkişafının son vaxtlar qiyməti getdikcə aşağı düşməkdə olan yeraltı sərvəti neftdən o qədər də asılı olmadığı, turizm və ticarət sahəsində iqtisadiyyatın sürətlə qurulmasına xüsusi diqqət yetirildiyi, Bakının yaxın vaxtlarda Kiçik Asiyanın Dubayına çevriləcəyi bildirilir.

Hazırda iqtisadi inkişafın hər şeydən əvvəl kapitala təsirindən danışılan məqalədə yeni binaların ucaldıldığı və beşulduzlu otellərin tikildiyi, şəhərin simasının gündən-günə dəyişdiyi diqqətə çatdırılır və yaxın bir neçə il ərzində ölkənin, o cümlədən Bakının və daha da inkişaf etdirilməsinin nəzərdə tutulduğu qeyd olunur.

Azərbaycanda turizmin inkişafı üçün mühüm potensial imkanların olduğu vurğulanan məqalədə ölkəmizdə Gürcüstan və Ermənistan ilə müqayisədə turistləri cəlb etmək üçün hər cür şərait yaradıldığından bəhs olunur.

Azərbaycanda idmanın inkişafına toxunan müəllif son illər mühüm beynəlxalq idman yarışlarının keçirildiyi Bakıda 2015-ci ildə ilk Avropa Oyunlarının, 2016-cı ildə “Formula-1” yarışlarının keçiriləcəyini, 2020-ci ildə isə Avropa birinciliyi uğrunda futbol oyunlarının bir qisminə ev sahibliyi edəcəyini diqqətə çatdırır.

Sonda belə möhtəşəm tədbirlərin Azərbaycanı bütün dünya ictimaiyyətinə tanıtdırmaq məqsədi daşıdığı qeyd edilir. …read more

From:: ANS

      

ABŞ-ın işgəncə növləri şok videoda

ABŞ-ın sabiq vitse-prezidenti Dik Çeni Mərkəzi Kəşfiyyat Agentliyinin 2001-ci il terror aksiyalarında sonra sorğu-sual metodlarının Av Evin istədiyi şəkildə həyata keçirdiyini bildirib.

Fox xəbər agentliyinə müsahibəsi zamanı Çeni deyib ki, bu proqram hücumun məsuliyyətini daşıyanların ələ keçirilməsi və bu kimi hücumlara bir daha yol verilməməsi məqsədi daşıyırdı.

O, agentliyin Senatın hesabatından sonra təndiq deyil, tərifə layiq olduğunu bildirib.

Çeni proqramda bəzi yanlışlıqlar olduğunu etiraf etsə də, rəsmilərin işgəncələrə yol verilməməsinə çalışdığını deyib.

ABŞ-ın sabiq vitse-prezidenti dindirilmə metodlarının gələcək hücumlara yol verilməməsində həyati mahiyyət daşıdığını deyib.

Əsasən Vaşinqtonun tənqid etdiyi dünya ölkələri isə Amerikanı insan haqlarını pozmaqda günahlandırır. Çinin Xarici İşlər Nazirliyi Amerikanı arbitrarlıqda ittiham edib. Rusiya və Pakistan da tənqidlərə səs verərək, ABŞ-ın Mərkəzi Kəşfiyyat Agentliyinin dindirilmə texnikasını beynəlxalq qanunlara zidd adlandırıb.

2009-cu ildə hakimiyyətə gələndən sonra proqramı ləğv edən ABŞ dövlət başçısı Barak Obama qanun pozuntularının böyük yanlışlıq olduğunu və bu yanlışlıqların təkrar olunmamasının vacibliyini vuğulayıb.

Bu arada məlum olub ki, “Əl-Qaidə” terror təşkilatının üzvləri 11 sentyabr hadisələri ilə bağlı dindirilərkən sistematik işgəncələrdən istifadə edilib. Qalmaqallı işgəncə mexanizminin indi isə yeni detalları ortaya çıxıb. CIA-nın terrorçulara tətbiq etdiyi dəhşətli işgəncə proqramlarını hazırlayan şəxslərə isə ümümilikdə 81 milyon dollar ödənilib.

ABŞ Senatının Kəşfiyyat komitəsi tərəfindən yayımlanan hesabatda, psixoloqlar üçün milyonlarla dollar ödəmə edildiyi bildirilib. Onlar arasında “Swigert” və “Dunbar” kod adlarıyla bilinən Ceyms Elmer Mitçell və Bryus Cessen adlı iki psixoloq xüsusilə ön plana çıxıb.

Hesabata görə, iki ekspert verdikləri xidmət çərçivəsində CIA-a hansı məhkuma necə işgəncə ediləcəyinə dair programlar hazırlayıb. “Swigert” və “Dunbar”ın hazırladığı işgəncə üsulları arasında məhkumun dar bir yerə bağlanılması, məhkumun su altında tutularaq havasız saxlanılması, məhkumlara körpə bezi bağlanması və saxta basdırma kimi üsullar da var.

Hesabata görə, sözügedən iki mütəxəssisə hər gün üçün üçün 1800 dollar ödəmə edilib.

…read more

From:: ANS

      

Bakıxanov sakinlərini qorxudan nədir? (VİDEO)

Sabunçu rayonu, Bakıxanov qəsəbəsi, Mehdi Hüseyn küçəsi 5, mənzil 10-da yaşayan Gülgəz nənə və onun qapı qonşuları qorxu içində yaşıyırlar. Buna səbəb həyətlərindəki iki qovaq ağacıdır. Bu həyətdə yaşayan sakinlər deyir ki, hər dəfə külək qalxan kimi qorxuruq ki, bu ağaclar gələcək üstümüzə.

“Hazırda ərazıdə 10 ev var. Bir hadisə baş versə bu evlərin içində nə qədər ailə yaşayırsa, hamısı xəsarət alacaq. Özüm şəkər xəstəsiyəm, yoldaşım isə yatax xəstəsidir. Mən onu necə xilas edə bilərəm” – deyə şikayətçi Gülgəz Quliyeva bildirir.

Sakinlər deyir ki, bu ağacların təhlükəsini evlərə gedən qaz xəttləri birə-beş artırır. Çünki, bu qovaq ağacları aşdıqda, mütləq bu xəttləri də zədələnəcək. Nəzərə alsaq ki, qaz xəttləri evlərə gedir, hansısa bir faciədən boyun qaçırmaq çətin olacaq. Müsahiblərim deyir ki, aidiyyəti qurumlara şikayət etmişik, amma faydası yoxdur. Bu iki qocaman qovaqdan can qurtarmaq elə də asand deyil.

Sakinlər daha bir maraqlı məqamı da qeyd etdilər ki, bu ağaclar o qədər dərindən kök atıb ki, bəzi qonşular evlərində belə ağacların köklərini kəsib çıxartmalı olublar. Məsələ ilə bağlı, müraciət etdik, Bakı Şəhəri Yaşıllaşdırma Təsərrüfatı Birliyinə.

Yaşillaşdırma və bitkilərin mühafizəsi idarəsinin rəisi Əli Ağayev bildirdi ki, adıçəkilən ünvana qurum əməkdaşları tərəfindən baxış keçiriləcək. Yalnız ondan sonra məsələnin həlli istiqamətində lazımi addımlar atılacaq. Biz isə araşdırmanın nə ilə yekunlaşacağını sizə çatdıracayığ.

…read more

From:: ANS

      

Turkic Azeri and Hazara Solidarity Network