Kəmaləddin Heydərov planlarını açıqladı

Fövqəladə Hallar Nazirliyinin 2015-ci il üçün iş planının layihəsi işlənib hazırlanıb.

ANS PRESS-in məlumatına görə, bu barədə fövqəladə hallar naziri, general-polkovnik Kəmaləddin Heydərov məlumat verib.

Diqqətə çatdırılıb ki, Fövqəladə Hallar Nazirliyinin 2015-ci il üçün iş planının layihəsi nazirliyin aparatı və strukturuna daxil olan qurumlar tərəfindən təqdim edilən müddəalar əsasında işlənib hazırlanıb və müvafiq vəzifəli şəxslər tərəfindən razılaşdırılıb.

Növbəti ildə qarşıda duran prioritet vəzifələr nazirliyin kadr potensialından səmərəli istifadə və peşəkarlıq səviyyəsinin artırılması, ölkənin su təhlükəsizliyinin təmin edilməsi, daşqın riskinin azaldılması istiqamətində görülən işlər çərçivəsində dibdərinləşdirmə işlərinin davam etdirilməsi, su ehtiyatlarının qiymətləndirilməsi layihəsi üzrə işlərə başlanılması, neft dağılmalarının qarşısının alınması işinin təkmilləşdirilməsi, bu istiqamətdə yeni layihələrin hazırlanması və həyata keçirilməsidir.

Bundan əlavə, iş planının layihəsində Bakı buxtasının təmizlənməsi layihəsi üzrə işlərə başlanılması, elektron xidmətlər göstərilməsi sahəsində işin təkmilləşdirilməsi və günün tələbləri səviyyəsində qurulması, sənədlərin elektron dövriyyəsinin təkmilləşdirilməsi işinin davam etdirilməsi, qurumların maddi-texniki təchizat bazasının müasir standartlara uyğun şəkildə daha da gücləndirilməsi və ölkəmizdə keçiriləcək birinci Avropa Oyunlarının təhlükəsizliyinin aidiyyəti üzrə yüksək səviyyədə təmin edilməsi məsələləri əksini tapıb. …read more

From:: ANS

      

Bu kişi özünü 12-ci imam elan etdi (VİDEO)

Türkiyədə bir kişi özünü 12-ci imam Mehdi elan edərək pəncərəsinin qarşısından keçən hər kəsə tüfənglə atəş açıb. ANS PRESS-in məlumatına görə, açılan güllələr üç polis məmurunu yaralayıb.

Bursada yaşayan İrfan adlı bu şəxs 3 mərtəbəli binanın zirzəmisindəki evinin pəncərəsində əlində tüfənglə dayanaraq ”İrana ‘f’ əlavə etsən İrfan olur. Gerçək Mehdi mənəm”- deyə qışqırıb.
Vəziyyəti belə görən vətəndaşlar polisi məlumatlandırırlar. Hadisə yerinə gələn polis dəstəsi ərazini mühafizəyə alır.

Polisin xəbərdarlıqlarına fikir verməyən bu kişi, könüllü olaraq binanın önünə gələn jurnalistlərə üzünü tutaraq belə deyib: “Əsl Mehdi mənəm. Bu gün 21 dekabrdır. Gecələrin bitib, gündüzlərin uzandığı bir gündür. İki uşağım var, məndən sonra da onlar vəzifələrini yerinə yetirəcəklər. Məni İranda gözləyirlər. İrana ‘f’ əlavə etsən İrfan olur”.

Kişi bu sözləri söylədikdən sonra jurnalistləri binanın önündən qovur və polislərə atəş açır. Üç polis məmuru yaralanıb və 1 polis maşını zəzədələndi.

Məmurlardan ikisinə hadisə yerinə çağırılmış təcili yardım həkimləri tərəfindən ilkin yardım göstərildi. Ayağından yüngül yaralanan digər polis isə yaxınlıqdakı xəstəxanaya gaparıldı.

Kişinin evdə həyat yoldaşı və uşaqlarından birinin olduğu öyrənildikdən sonra isə, polislər polislər onu sakitləşdirməkdə daha da çətinlik çəkdilər.

…read more

From:: ANS

      

Bu qızlardan hansı seçərdiniz? (FOTO)

Yeni il bayramında Almaniyada ilk dəfə olaraq “Miss Chiristmas” gözəllik müsabiqəsi keçiriləcək.

ANS PRESS-in məlumatına görə, dünyada məşhur olan “Miss Germany Corporation GmbH” (MGC) tərəfindən təşkil edilən müsabiqə internet vasitəsilə həyata keçirilir.

Müsabiqəyə artıq 89 namizəd qatılıb. 17-26 yaş arasında olan namizədlərdən hansının “Yeni ilin ən gözəl qızı” adına layiq olması maraqla gözlənilir.

Dekabrın 18-dən başlayan səsvermə bu ayın 25-də başa çatacaq. www.missgermany.de saytına girməklə istənilən şəxs səsvermədə iştirak edə bilər.

Namizədliyini verən qızlardan bəzilərini sizə təqdim edirik.

…read more

From:: ANS

      

İŞİD-in kökü kəsilir

ABŞ-ın rəhbərlik etdiyi beynəlxalq koalisiyanın təyyarələri bu gün – 21 dekabrda İŞİD terror qruplaşmasının İrak və Suriyadakı mövqelərinə 16 aviazərbə endirib.

ANS PRESS-in məlumatına görə, Amerika hərbi qüvvələrin yayımladığı bəyanatda belə deyilir. Aviazərbələr zamanı İŞİD qruplaşmasının üç lideri öldürülüb.

İraqda aparılan hava əməliyyatlarının gedişatında koalisiya qüvvələri ölkənin şimalındakı Sincar şəhərində İŞİD-in mövqelərinin yerləşdiyi binaları dağıdıblar və bir neçə hərbi hissəni, eləcə də nəqliyyat vasitələrini məhv ediblər.

Zərbələr həmçinin Təll-Afar, Ər-Ramadi, Mosul və Bayci şəhərlərinin yaxınlıqlarına da endirilib. Ümumilikdə İraq 13 avizərbə alıb.

Aviazərbələr Suriyada yaraqlıların Türkiyə sərhəddində yerləşən Kabani şəhərindəki mövqelərinə yönləndirilib.

Kürd özünümüdafiə qüvvələri 3 aya yaxındır Kobanini İŞİD terror qruplaşmasının silahlılarından qoruyurlar. …read more

From:: ANS

      

Səfirlikdən edam edilən Rusiya vətəndaşı ilə bağlı açıqlama (VİDEO)

Rusiyanın Pakistandakı səfirliyi Rusiya vətəndaşı Ahlas Ahlakın edam edildiyini təsdiqləyib.

ANS PRESS-in məlumatına görə, bu barədə səfirlik açıqlama verib.

“Biz ölkənin Daxili İşlər Nazirliyindən Rusiya vətəndaşı Ahlas Ahlakın günün ikinci yarısında edam edilməsi barədə məlumat aldıq. Onu Pəncab vilayətinin Feysalabad şəhərindəki həbsxanalardan birində edam ediblər”, açıqlamada bildirilir.

Bildirilir ki, yaxın günlərdə baş vermiş hadisə ilə bağlı Rusiya Xarici İşlər Nazirliyi açıqlama verəcək.

Qeyd edək ki, Pakistanda həbs edilən rusiyalının edam cəzası təxirə salınmışdı. Ahlas Ahlak 2003-cü ildə ölüm hökmünə məhkum edilmişdi. O, Pakistanın o zamankı prezidenti Pərviz Müşərrəfə siu-qəsddə günahlandırılırdı.

35 yaşlı Ahlas Ahlak isə sui-qəsdlə heç bir əlaqəsi olmadığını bildirib. Onun atası da oğlunun günahsız olduğunu, yanlış adamın həbs edildiyini deyirdi.

…read more

From:: ANS

      

Turkic Azeri and Hazara Solidarity Network