Bədavi Hüseynov: “Əziyyətimiz hədər getdi”

ANS PRESS “Qarabağ”ın müdafiəçisi Bədavi Hüseynovun “Azerisport”a müsahibəsini təqdim edir.

– Avropa Liqasında İtaliya “İnter”i ilə səs-küylü oyundan sonra hələ də özünüzə gələ bilmədiyiniz hiss olunur…

– İndi bu barədə danışmaq çox çətindir. Çox təəssüf ki, bütün əziyyətimiz belə hədər getdi.

– Həmin görüşdən sonra nə baş verdi ki?

– Oyundan sonra hamımız özümüzü çox pis hiss edirdik. Əlbəttə, qol vurduq, qələbə qazanmağa yaxın idik. Amma hakimlər təmiz qolumuzu saymadılar.

– “Qəbələ”yə məğlubiyyətə də bu səbəb oldu?

– Avropa Liqasından kənar qalmağımız çempionatdakı çıxışımıza mane olmamalıdır. “Qəbələ”yə məğlubiyyət bizim üçün dərs olmalıdır. Hər oyuna çox ciddi hazırlaşmalıyıq.

– Qarşıda “Xəzər Lənkəran”la oyun var. Komandanız psixoloji bataqlıqdan çıxa biləcək?

– Onlarla oyunlarımız həmişə çətin alınır. İndi də elə olacaq. Rəqibimiz hazırda yaxşı formadadır. “Qəbələ”yə qarşı necə oynadıqlarını hamı gördü.

– Rəqibdən çəkinmirsiniz?

– Xeyr. Sadəcə, diqqətli olmağımız lazımdır. Səhvə yol vermək olmaz. Əgər qol vəziyyətlərindən yaxşı yararlana bilsək, qələbə qazanacağıq.

– “Qarabağ”ın Avropa Liqasındakı ən yaxşı futbolçularından biri kimi sizə hansısa klublardan təklif yoxdur?

– Təklif? Xeyr. Heç bir klubdan təklif almamışam. …read more

From:: ANS

      

Nikahla bağlı yeni qanun

Prezident İlham Əliyev Azərbaycan Respublikasının Ailə Məcəlləsində dəyişikliklər edilməsini nəzərdə tutan qanunu təsdiqləyib. Dəyişikliyə əsasən, nikaha daxil olmaq istəyən şəxslər müvafiq icra hakimiyyətinin müəyyən etdiyi xəstəliklər üzrə tibbi müayinədən keçməli olacaqlar. Bunun nəticəsində nikaha daxil olmaq istəyən şəxslərə tibbi müayinədən keçdiklərinə dair arayış veriləcək.

Qanunla nikaha daxil olmaq istəyən şəxslərin tibbi müayinəsi, habelə həmin şəxslərə tibbi-genetik, tibbi-psixoloji və ailənin planlaşdırılması məsələləri üzrə məsləhət verilməsi onların müraciəti ilə yaşayış yeri üzrə dövlət və (və ya) bələdiyyə tibb müəssisələrində pulsuz həyata keçirilir.

Nikaha daxil olmaq istəyən şəxslərə onların tibbi müayinəsinin nəticələri ilə yanaşı, tibbi müayinədən keçdiklərini təsdiq edən arayış verilir. Nikaha daxil olmaq istəyən şəxslərin tibbi müayinədən keçdiklərini təsdiq edən arayış tibbi müayinədən keçmə faktını və tibbi məsləhətin verildiyini təsdiq edir, amma həmin şəxslərin tibbi müayinəsinin nəticələrini əks etdirmir.

Nikaha daxil olmaq istəyən şəxslərin tibbi müayinədən keçdiklərini təsdiq edən arayış onların müvafiq icra hakimiyyəti orqanına nikaha daxil olmaq barədə verdikləri ərizəyə əlavə olunur. Müvafiq icra hakimiyyəti orqanlarının vəzifəli şəxsləri nikaha daxil olmaq istəyən şəxslərdən onların tibbi müayinəsinin nəticələrini tələb edə bilməz.

Nikaha daxil olmaq istəyən şəxslərin tibbi müayinəsinin nəticələri həkim sirridir.

Nikaha daxil olan şəxslərdən biri özündə dəri-zöhrəvi xəstəliyinin və insanın immunçatışmazlığı virusunun törətdiyi xəstəliyin olmasını o birindən gizlətdikdə, digər tərəf nikahın etibarsız sayılması tələbi ilə məhkəməyə müraciət edə bilər.

Bu qanun 2015-ci il yanvarın 1-dən qüvvəyə minir. …read more

From:: ANS

      

Gələcəyinin korlandığını deyən 15 yaşlı qızın məhkəməsi oldu (VİDEO)

Mingəçevirdə 15 yaşlı qız tərəfindən şərləndiyini deyən Nurlanın məhkəməsi davam etməkdədir. Bu proses də mübahisələrlə müşayiət olundu.

ANS TV-nin məlumatına görə, bir müddət əvvəl “Adam içində” verilişinə gələrək 15 yaşında bir qız tərəfindən şərləndiyini deyən Nurlan ona kömək edilməsini xahiş etmişdi. Xanım öz növbəsində Nurlan sayəsində gələcəyinin korlandığını bildirsə də, qarşı tərəf bunu ağ yalan adlandırırdı. Çox keçmədi ki, tərəflər məhkəmədə üz-üzə gəldi.

Qız tərəf kameradan qaçsa da, Nurlanın nümayəndəsi oğlanın qapısına atılan naməlum məktubdan danışdı.

“Məktubda qeyd edilir ki, Nurlan sizi televizorda gördüm, sizi tanımıram. Amma sizə yazığım gəlib. Üç qundür ki, sizin evinizi axtarıram. Bu şəkli qızın atasına ver… və atası əzib suyunu içsin”.

Yetkinlik yaşına çatmayan xanımın nümayəndələri nəinki kameradan qaçır, hətta suallara belə cavab vermək istəmirdilər.

Elə kameramızdan qaçan qızın atası da məhkəmə bitdiyi təqdirdə danışacağını bildirdi. Məhkəmə prosesi isə müvəqqəti olaraq təxirə salındı. Hadisələrin bundan sonrakı gedişatını bilmək istəyirsinrizsə, “Adam içində” verilişinin buraxılışılarını izləməyi unutmayın.

…read more

From:: ANS

      

Günün qoroskopu: Kredit götürmək məsləhət deyil

Dünyanın nüfuzlu və məşhur ulduz falları portalları “Horoscope” və “Astrology” bu günün qoroskopunu təqdim edir.

Qoç – işinizi optimallaşdırmağın yollarını düşünün. Gündəlik fəaliyyətinizdə, adət etdiyiniz işlərdə nöqsanlar və çatışmazlıqlar var. Layihələr, yeni sifarişlər varsa, tələsməyin. Vurnuxmaya yol verməyin.
Günün ikinci yarısında yad müstəvidə uğurlar qazanmağa çalışacaqsınız. Danışıqlar və görüş üçün münasib zamandır. Şəxsi münasibətlərdə müvazinəti pozmayın. Qısqanclıq üçün heç bir səbəb yoxdur. Maliyyə problemi sizi qorxutmasın.
Axşam saatlarında normal istirahət etməyə can atın.

Buğa – prioritet məqsədi müəyyənləşdirin, ona doğru irəliləməyə çalışın. Ofisdəki iş cansıxıcı olsa da, tapşırıqları vaxtında və səhih yerinə yetirin. Təcili işlərdə ləng davranmayın. Yaxın ətrafınızdakı insanlar arasında sizə yardım edəcək insan var.
Günün ikinci yarısında mövqelərinizi qorumaqla yanaşı, ailənizin mənafeyini ani hissə qurban verməyin. Yaxşı tanımadığınız insanlarla aqressiv davranmayın. Eviniz qalanızdır – unutmayın. İzafi emosionallıqda zərər var.

Əkizlər – kiçik problemlər ciddi neqativ emosiyalar yarada bilər. Sadəcə, öhdəliklərinizi yerinə yetirin. Sizi sınağa çəkmək istəyənlər var. Günün olaylarını diqqətlə müşahidə edin.
Günün ikinci yarısında işdə rəhbərliklə danışıqlarda gərəkli informasiyalardan yararlanın. İstənilən an yeni işə hazır olun.
Axşam saatlarına yaxın enerji potensialınızın səviyyəsi aşağı düşəcək. Romantik təmasları ertələyin. Sevdiyiniz insanla ünsiyyətdə qarşılıqlı anlaşma ilə bağlı problemlər yarana bilər.

Xərçəng – problemlərin öhdəsindən qeyri-trivial şəkildə gələ bilərsiniz. İntuisiyanıza, “altıncı hiss”inizə güvənin. Aktiv fəaliyyəti təxirə salaraq bir qədər dincəlmək və ya maraqlandığınız işlə məşğul olmaq istəkləriniz yersizdir.
Dəyər verdiyiniz insanları günün ikinci yarısında sevindirməyə çalışın. Ailə üzvlərinin irad və tələblərini nəzərə alın. Sevdiyiniz adamın sözlərinə diqqətlə qulaq asın.

Şir – yaşam sakit və rəvan olsa da, temperamentinizi nümayiş etdirməyə səbəb tapacaqsınız. Situasiyadan asılı olmayaraq təmkinli davranın. Yaxın ətrafınızdakı insanların istəklərini nəzərə alın.
Günün ikinci yarısında kimlərsə dediklərinizi nəzərə almırsa, aqressivləşməyin. Hadisələrin soyuqqanlı təhlili bir sıra səhvlərin qarşısını alar.
Dəyər verdiyiniz insanların qəlbini qırmayın.
İfrat emosionallıq, hisslərin nəzarətdən çıxması münasibətləri korlaya bilər. Maraqlandığınız insanla romantik anlar yaşamağa can atın.

Qız – yaxın ətrafınızdakı insanların qərarlarınıza kobud təsirinə və müdaxiləsinə imkan …read more

From:: ANS

      

Messidən gözlənilən jest

Ulduz futbolçu Əlcəzairə yardım göstərib.

ANS PRESS-in məlumatına görə, Argentinalı futbol ulduzu Lionel messi Əlcəzair Qırmızı Aypara Cəmiyyətinə 3 səyyar klinika hədiyyə edib.

Əlcəzair Qırmızı Aypara Cəmiyyəti sədri Saidə bin Hubeylis Anadolu Agentliyinə verdiyi açıqlamada Lionel Messi Fondu tərəfindən onlara hədiyyə edilən 3 səyyar klinikanın mart ayında veriləcəyini bildirib.

“Sözügedən səyyar klinikalar hələ ki, hazırlıq mərhələsindədir. Klinikalar Əlcəzair tərəfinə təslim edildikdən sonra Tamanrasset, Adrar, İlizi şəhərlərində istifadə üçün nəzərdə tutulub” – deyə Hubeylis sözlərinə əlavə edib.

Qeyd edək ki, Lionel Messi Fondu ilə Əlcəzair Qırmızı Aypara Cəmiyyəti bu ilin may ayında yardım müqaviləsi imzalamışdı. …read more

From:: ANS

      

Buş prezidentliyə namizədliyini təsdiqlədi

ABŞ-ın sabiq prezidenti Corc Buşun qardaşı Ceb Buş prezidentliyə namizədliyini verəcəyini təsdiqləyib.

ANS PRESS-in məlumatına görə, o, bunu öz facebook səhifəsində bildirib.

“Mən fəal şəkildə Birləşmiş Ştatların prezident postuna namizədliyimin mümkünlüyünü araşdırmaq qərarına gəlmişəm”, – deyə Floridanın sabiq qubernatoru Ceb Buş bildirib.

Ceb Buş böyük Corc Buşun oğlu, kiçik Corc Buşun qardaşıdır. O, respublikaçılar partiyasından 2016-cı il prezident seçkilərində ən potensial namizəd kimi dəyərləndirilir.

Corc Buş öz növbəsində qardaşına dəstək olaraq onun seçkilərdə Hillari Klintona qalib gələcəyini deyir. Ceb Buşun oğıu da siyasətə üz tutub. Hazırda o Texasın torpaq məsələləri üzrə səlahiyyətlisi seçilib.

Qeyd edək ki, bundan əvvəl hər iki Buşun dövründə Birləşmiş Ştatlar İraqla müharibəyə sürüklənib. …read more

From:: ANS

      

"Qalatasaray"dan darmadağın: 9 qol (VİDEO, FOTO)

Türkiyə kubokunun qrup mərhələsində II turu çərçivəsində “Qalatasaray” böyük hesablı qələbəyə sevinib.

ANS PRESS-in məlumatına görə, “Qalatasaray” klubu isə səfərdə “Balçova”nı 9:1 hesabı ilə biabır edib.

Bu oyunda “Qalatasaray”ın italyan legioneri Pandev het-trik edib.

“Balçova” – “Qalatasaray” – 1:9

Qollar: Yegin, 10 (1:0), Pandev, 27 (1:1), Altıntop, 32 (1:2), Pandev, 39 (1:3), Adin, 41 (1:4), Pandev, 45 (1:5), Gümüş, 62 (1:6), Kurtuluş, 80 (1:7), Adin, 82 (1:8), Kurtuluş, 90 (1:9)

…read more

From:: ANS

      

UEFA "Qarabağ"la bağlı hansı qərarı verərəcək? - SORĞU (VİDEO)

UEFA Avropa Liqasında “Qarabağ”ın həlledici oyunda İtaliya “İnter”inin qapısına vurduğu qolu baş hakim Miroslav Zelinkanın qeydə almaması ciddi müzakirələrə səbəb olub.

ANS TV-nin məlumatına görə, məhz bu epizodla bağlı “Qarabağ” klubunun rəhbərliyi UEFA-ya rəsmi şikayət edib və məsələylə bağlı məhkəmə 5 fevral 2015-ci il tarixdə baş tutacaq.

Bəs, paytaxt sakinlərinin qol epizoduna qarşı düşüncələri nədir. Əməkdaşımız bununla bağlı paytaxt sakinləri arasında sorğu keçirib.

Sorğunu videoda izləyə bilərsiniz

…read more

From:: ANS

      

Turkic Azeri and Hazara Solidarity Network