İnsanların inanılmaz işgəncələri (FOTO)

Dünyanın bir çox ölkələrində bəzi heyvanlar müqəddəs sayıldığına görə onlara toxunulmur. Amma bəzi ölkələrdə heyvanlara işgəncə vermək bir ənənə halını alıb. Bəziləri bu işgəncələri əylənmək üçün edirlər. Bəziləri isə heyvanlara müxtəlif sənaye sahələrində istifadə etmək və ya başqa məqsədlər üçün zülm edirlər.

ANS PRESS-in məlumatına görə, İspaniya və Cənubi Amerika ölkələrində matador oyunlarında buğaları daha da hirsləndirmək və qızışdırmaq, oyunu daha maraqlı etmək üçün heyvanların belinə oxlar atılır. İspaniyada keçirilən başqa bir festivalda isə buğaların buynuzunu yandırıb insanların arasına buraxırlar. Sonda isə heyvanları öldürürlər.

Bəzi ölkələrdə isə suitilər ovlanır. Dəhşətlisi isə odur ki, ovlanan balıqlar üzərində mismarlar olan xüsusi çubuqlarla öldürülür. Bu heyvanlardan sənayenin müxtəlif sahələrində istifadə edilirlər.

Çində isə diri kərtənkələ, qurbağa, çəyirtkə, balıq kimi heyvanlardan breloklar düzəldirlər.

Dəhşətli işgəncə növlərindən biri də balıqların üzgəclərinin kəsilməsidir. Xüsusilə iri balıqların üzgəclərini kəsərək onları yenidən suya buraxırlar. Üzə bilməyən balıqlar suyun dibinə gedir və orada başqa su heyvanlarına yem olurlar.

Bəzi Asiya ölkələrində isə dəniz heyvanlarını canlı yeyirlər. Bəzən isə elmi araşdırmalar və təcrübələr aparmaq üçün heyvanları diri-diri partladırlar.

Filippinlilər isə toyuqları döyərək öldürürlər. Onlar elə düşünürlər ki, əgər toyuğun damarları qanla, bədəni isə yaralarla dolu olarsa, toyuğun əti daha dadlı olur.

Bir sıra bahalı restoranlarda ördək və qazların ciyərləri və ətləri daha ləzzətli olsun deyə, həddən artıq yedirdilərək öldürülür.

…read more

From:: ANS

      

"Bakı 2015"də ilk

Bakı 2015 Avropa Oyunları infrastruktur və proqram təminatı üçün gələcəkdə bütün digər mötəbər idman tədbirlərində tətbiq oluna biləcək “Cloud” modelli texnologiyadan istifadə edən ilk çoxşaxəli idman tədbiridir.

ANS PRESS-in məlumatına görə, Bakı 2015-in bütün məkanlarını birləşdirəcək yeni fiber-optik şəbəkə Azərbaycan xalqının uzun müddət faydalanacağı əsas yeniliklərdən biridir. İlk Avropa Oyunlarını gerçəkləşdirmək üçün məkandaxili 1000 km-dən çox kabel çəkilişini təmin etməklə yanaşı, həmin məkanlar arasında əlaqə yaratmaq məqsədilə 600 km-dən çox fiber-optik şəbəkədən istifadə olunacaq. Sözügedən tədbirlərin reallaşmasına Rabitə və Yüksək Texnologiyalar Nazirliyi dəstək göstərir.

Qeyd edək ki, Bakı 2015 Avropa Oyunları Əməliyyat Komitəsi gələn il keçiriləcək ilk Avropa Oyunları ilə əlaqədar olaraq mətbuat nümayəndələrinin akkreditasiyası prosesini artıq açıq elan edib. Burada iştirak etmək istəyən mətbuat nümayəndələri ilk növbədə Mətbuat Ekstranetinə giriş üçün qeydiyyatdan keçməlidirlər. Mətbuat Ekstranetində akkreditasiyaya dair məlumatlardan əlavə, mətbuat nümayəndələri üçün Oyunlar müddətində mövcud olacaq imkanlar və xidmətlər haqqında, eləcə də şəkil və videolardan ibarət geniş media kitabxanasına giriş barədə mühüm məlumatlar öz əksini tapıb. …read more

From:: ANS

      

Rubl Rusiyanı hərəkətə keçirdi (VİDEO)

Rusiyada rublun kəskin ucuzlaşması hökuməti təcili addımlar atmağa məcbur edib.

ANS TV-nin məlumatına görə, Rusiya Mərkəzi Bankı gecə yarısı planlaşdırılmamış iclas keçirib və uçot dərəcəsini kəskin artırıb.

Mərkəzi Bankın qərarı ilə əsas uçot dərəcəsi 10,5%-dən 17%-ə qaldırılıb. Bu, tənzimləyici orqanın 2014-cü ildə atdığı altıncı belə addımdır. Son bir ildə Mərkəzi Bank uçot dərəcəsini 3 dəfədən çox artırıb. 2013-cü ilin sentyabrında bu rəqəm 5,5% idi.

Verilən açıqlamada qeyd olunub ki, qərarın məqsədi məzənnədəki sərt enişi və inflyasiya riskini önləmək məqsədi daşıyır. Başqa sözlə, indi hökumət bankların əhaliyə verdiyi kreditin həcmini məhdudlaşdırmaq, bununla da dövriyyədə olan rublu azaltmaq istəyir. Hələ ki, buna baxmayaraq rubl dəyərini itirməkdə davam edir. Təkcə ötən gün dollar qarşısında 9%-dən çox ucuzlaşan rubl tarixdə ilk dəfə 60 səviyyəsini aşıb. Hətta bir dollar 62 rubla çatıb. Avro isə 76 dollar civarındadır.

…read more

From:: ANS

      

Firəngiz Əlizadə “Grammy”yə namizəd oldu

Beynəlxalq “Grammy” mükafatına “Klassik musiqi” nominasiyasında namizədlərin adları açıqlanıb.

ANS PRESS-in buro247.az-a istinadən verdiyi məlumata görə, nominasiyada üç namizəddən biri dünya şöhrətli bəstəkar, Azərbaycan Bəstəkarlar İttifaqının sədri, xalq artisti Firəngiz Əlizadədir. Məlumata görə, digər bəstəkarlar sırasında amerikalı Lera Auerbax və Meçislav Vaynberq də var.

Firəngiz Əlizadənin sözlərinə görə, o, artıq 2015-ci il fevralın 8-də keçiriləcək təqdimat mərasiminə dəvət alıb:

“Mənim üçün əlamətdar məqam odur ki, bu ali mükafata məşhur amerikalı skripkaçı, meqa-star Hillari Hanın “Deutsche Grammofon”da işıq üzü görən, musiqilərimdən ibarət alboma görə namizəd göstərilmişəm”.

Qeyd edək ki, Beynəlxalq “Grammy” mükafatı musiqi sahəsində dünyanın ən məşhur mükafatı sayılır və “Oskar”ın musiqi variantı hesab edilir. …read more

From:: ANS

      

Gülənin adamı Bakıdan qaçdı? (VİDEO)

Son günlər “Zaman – Azərbaycan” qəzetinin baş direktorun Azərbaycandan qaçdığı barədə xəbərlər ölkə mediasinin gündəmini zəbt edib. Amma sonra məlum oldu ki, Süleyman Ünal artıq Bakıdadır və o 10 gün müddətində Azərbaycanda olmayıb. Baş direktor sadəcə ailəsi ilə görüşməyə getdiyini söyləyib.

ANS-ə eksklüziv açıqlamasında baş direktor Süleyman Ünal nurçuluğun nə olduğunu bilmədiyini açıqlayıb.

O da məlum olub ki, əslində “Zaman – Azərbaycan” qəzeti ayrıca Zaman şirkətinin bir qoludur.

“Bəhs etdiyiniz nurçuluq nə olduğunu bilmirəm açığı. İddia etdikləri nədi və bunun qəzetlə nə əlaqəsi var onu da bilmirəm. Mən 5 ildir ki, Azərbaycandayam və bunu açıq söyləyirəm: bu vaxta qədər heç bir təzyiqlə rastlaşmamışıq. Bu Türkiyədəki hadisələrlə əlaqədar nə isə nəzərdə tuturlarsa, bu vaxta qədər bizə hər hansı bir şəkildə heç nə gəlmiyib”- deyə Süleyman Ünal bildirib.

…read more

From:: ANS

      

Azərbaycanlı sənətçinin əkizləri doğuldu

Azərbaycanlı aşıq ata olub. ANS PRESS-in məlumatına görə, Aşıq Mübarizin əkiz övladları dünyaya gəlib.

Mahir saz ifaçısı evliliyinin 8-ci ilindən sonra atalıq sevincini yaşayıb.

Uzun illərdir ata olmaq həsrəti ilə yaşayan sənətçinin ailəsində övlad sevinci yaşanıb. Belə ki, ifaçı eyni anda həm qız, həm də oğul atası olub. Onun bir qızı və bir oğlu dünyaya gəlib.

Qeyd edək ki, əslən kəlbəcərli olan Aşıq Mübariz ifası ilə yanaşı səhnədə sazla müxtəlif hərəkətlər etməsilə məşhurlaşıb. Onun bu hərəkətləri aşıq musiqisinin pərəstişkarları tərəfindən birmənalı qarşılanmır. …read more

From:: ANS

      

Bu kişini Gəncədə tanımayan yoxdur (FOTO)

Azərbaycanın ən qədim sənətkarlıq mərkəzlərindən olan Gəncə şəhərində bu gün onlarla saatsaz fəaliyyət göstərir. Onlardan tanınanı da var, tanınmayanı da. Lakin bu saatsazlar arasında ən yaşlısını – 86 yaşlı usta Sabiri şəhərdə tanımayan yoxdur. O, neçə-neçə nəslin saatına ikinci həyat verib.

Bu gün Gəncə şəhərində artıq hamı bilir ki, qədim saatların ən mahir ustası odur. Ona gərə də Gəncə və ətrafda yaşayanlardan əlavə, usta Sabirə Rusiyadan, Gürcüstandan, hətta İsrail və Almaniyadan da saat təmiri üçün müraciət edənlər olur. Köhnə sovet saatlarından əlavə, usta İsveçrə, Yaponiya, Almaniya və digər ölkələrin istehsalı olan saatları da təmir edir.

Usta Sabir Məmmədov AzərTAc-a bildirib ki, mənim babam da saatsaz olub. Böyük Vətən müharibəsi illərində babasının yanında şagird olan balaca Sabir bu sənətin sirlərini qısa zamanda mənimsəyərək sərbəst işləməyə başlayıb.

Bu gün ömrünün ixtiyar çağını yaşamasına baxmayaraq usta Sabir fəaliyyətini davam etdirir. Ən mürəkkəb saatların bilicisi kimi o, bəzən saatların hissələrini də özü düzəldir. Hazırda Gəncədə onun sənətini davam etdirən onlarla saatsaz var. Onlar günü bu gün də çətinliyə düşəndə ustalarına müraciət edirlər.

Usta Sabirin emalatxanasında müxtəlif dövrlərə aid onlarla saat asılıb. Onlara baxdıqca adam bir anlığa keçmiş zamanlara qayıdır. Bir anlığa adama elə gəlir ki, zamanı ölçməklə indiyədək neçə-neçə insan nəslini yola salmış bu saatlar sanki səbirsizliklə usta Sabir tərəfindən onlara ikinci ömür veriləcək anı gözləyir.

…read more

From:: ANS

      

Turkic Azeri and Hazara Solidarity Network