All posts by Admin

Oğluna toy etmək istəyən şəhid xanımının pulu bankda yoxa çıxdı (FOTO)

Qarabağ döyüşlərində şəhid olan Sahib Kərimovun həyat yoldaşı Gülabatın Kərimova Beynəlxalq Bankın Ucar filialının müdiri tərəfindən aldadıldığını və 1400 manatının mənimsənildiyini iddia edir.

ANS PRESS-in məlumatına görə, bu barədə virtualaz.org saytına Gülabatın Kərimova özü məlumat verib. G.Kərimova iddia edir ki, həyat yoldaşı şəhid olduğu üçün dövlət tərəfindən ailəsinə ayrılmış aylıq 200 manatlıq müavinət kartından yoxa çıxıb.

Onun sözlərinə görə, 7 aylıq (ümumi 1400 manat) müavinəti öz kartını Beynəlxalq Bankın Ucar filialına təqdim etdikdən sonra qeybə çəkilib.

G.Kərimova deyir ki, həyat yoldaşı şəhid olduğu üçün hər ay onlara 200 manat müavinət verirlərmiş, o da bu məbləği Beynəlxalq Bankın Ucar filialındakı bankomatdan götürürmüş. Lakin son 7 ayın pulunu götürməyib.

Şəhid xanımı başına gələnləri belə nəql edir: “Bu ilin may ayından yardımı almırdım. Oğlumun toyu olacaqdı. Onun üçün pul yığırdım. Bu ayın əvvəlində Beynəlxalq Bankın Ucar filialının müdiri Tariyel Niftəliyev məni çağırıb dedi ki, kodlar qarışıb, buna görə də bankomat kartları dəyişdirilməlidir. Mənə ərizə yazdırdı və bankomat kartımı məndən aldı. Ayın 23-də isə çağırıb kartımı qaytardılar. Kartı yoxlayanda məlum oldu ki, 7 aydır almadığım 1400 manat pulu götürüblər. Kartın kodu isə dəyişdirilməyib”.

G.Kərimova məsələ ilə bağlı filial müdirinə müraciət edib. Tariyel Niftəliyevdən aldığı cavab isə belə olub: “Biz pul götürməmişik”.

Filial müdirini fırıldaqçılıqda ittiham edən G.Kərimova məsələ ilə bağlı prezident İlham Əliyevə, ölkənin birinci xanımı Mehriban Əliyevaya, baş prokuror Zakir Qaralova, Korrupsiyaya Qarşı Mübarizə Baş İdarəsinin rəisi Kamran Əliyevə şikayət ərizəsi ilə müraciət etdiyini deyir.

Beynəlxalq Bankın mətbuat xidmətinin rəhbəri Rauf Ağayev virtualaz.org saytına açıqlamasında bildirdi ki, məsələdən xəbərdardırlar və araşdırma aparılır.

Şəhid ailəsinin ittihamları ilə bağlı çoxsaylı şübhələrin olduğunu deyən R.Ağayev məsələni tam araşdırandan sonar bu haqda rəsmi məlumat verəcəklərini də söylədi.

…read more

From:: ANS

      

Piton "İlin alimi"ni burnundan dişlədi (VİDEO)

Amerikada “İlin alimi” seçilən Stiv Mas ölümdən qayıdıb. ANS PRESS-in məlumatına görə, az qala pitonun qurbanı olacaqdı.

Belə ki, S.Mas tamaşaçılara göstərmək üçün iri piton tutub. Bu zaman qəflətən ilan onu əlindən çıxmağa çalışıb və burrnundan dişləyib. Çətin vəziyyətdə qalan Masın köməyinə onun köməkçiləri gəlib.

Alimi ilanın ağzından qurtara bilməyən köməkçilər ilanın boğazına xüsusi maddə tökərək onu zərərsizləşdirə biliblər. Nəhəng piton bundan sonra alimin üzünü buraxıb.

Bu qorxunc görüntülər ağla tək bir şey gətirir, ekspert olun və ya olmayın piton ilanından uzaq dayanmaq lazımdır. Çünki bu ilanlar hər zaman ölümcüldür.

…read more

From:: ANS

      

Həmsədrlər yenə gəlir

ATƏT-in Minsk qrupunun həmsədrləri yaxın vaxtlarda regiona səfərə gələcəklər.

ANS PRESS-in məlumatına görə, bu barədə Fransanın Azərbaycandakı səfiri Paskal Mone bildirib.

Onlar əvvəlcə Bakıya, sonra İrəvana gedəcək, ölkə rəsmiləri ilə son vaxtlar Ermənistan-Azərbaycan qoşunlarının təmas xəttində yaranmış gərginliklə bağlı müzakirə aparacaqlar.

Xatırladaq ki, ATƏT-in Fransadan və Rusiyadan olan həmsədrləri Dağlıq Qarabağ münaqişəsinin sülh yolu ilə həlli məqsədilə sonuncu dəfə bu ilin oktyabrında regionda olub, danışıqlar aparıblar. …read more

From:: ANS

      

Rusiyaya qarşı ordu toplanır

Ukraynada baş verən hadisələr fonunda Şərqi Avropa və Pribaltika ölkələri əsl isteriya yaşayır.

ANS PRESS-in məlumatına görə, bu sözləri Rusiya hərbi elmlər Akademiyasının professoru Vadim Kozyulin Litva prezidenti Dalya Qribauskaytenin Rusiyanı “terrorçu ölkə” adlandırmasını şərh edərkən deyib.

Onun sözlərinə görə Qərb artıq Ukrayna xəbərlərindən bezib, özünə diqqət çəkmək üçün isə Vilnyus ehtirasları alovlandırmaq məcburiyyətindədir.

Qeyd edək ki, hazırda Baltikyanı ölkələrində əsl hərbi vəziyyətdir desək yanılmarıq. Hazırda ölkələrin gündəmində ən əsas siyasi məsələ təhlükəsizlik durur. Litva çevik ordu qüvvələri hazırlayır, Latviya isə birdən ordu xərclərini artırmağa başlayıb.

Litvanın dövlət müdafiə birliyi yeni təhlükəsizlik təhdidlərinin mövcudluğunu nəzərə alaraq müdafiə konsepsiyasına yenidən baxmağı təklif edib. Bəziləri isə Baltikyanı ölkələrin vurğuladığı “Rusiya təhlükəsi”ni özlərinin kəşf etdiyini deyirlər.

Lakin iqtisadi krizis yaşayan bu ölkələrin hərbi büdcələri də çox kiçikdir. Məsələn “Financial and Economic Data Relating to NATO Defence”-in bildirdiyinə görə şərti “Rusiya təhdidindən” danışan Pribaltika ölkələrindən yalnız Estoniya Şimali Atlantik Alyansına Uels sammiti tərəfindən qəbul edilmiş EDM-dən 2%-in ayırır. Latviya bu rəqəmin yalnız 0,9, Litva isə ondan da az 0,8 faizini ödəyir.

Məhz buna görə Alyansın başçısı qonşu Latviyaya səfər etdikdə Riqa sanki hesabat verircəsinə bəyan etdi ki, Rusiya ilə sərhəddə polis nümayəndələrini çoxaldacaq. Bundan əlavə Latviya höküməti ölkənin hava məkanının qorunmasına daha 500 min avro ayıracaq. NATO baş katibi Stoltenberq Latviya hökümətinin müdafiə büdcəsini 2020-ci ilə ÜDM-in 2 faizinə qədər artırmasını “regionun təhlükəsizliyində əsaslı addım” adlandırıb.

Vilnyus öz növbəsində Əfqanıstanda təhlükəsizliyin qorunması üzrə İSAF beynəlxalq qüvvələrinə 236 hərbiçi ayırır. Bundan əlavə bizdə də Aəzrbaycan-erməni münaqişəsində ATƏT missiyası çərçivəsində bir litvalı hərbi müşahidəçi var. Geopolitik dəyişikliklər Litvada 2008-ci ildən müqavilə ilə yürüdülən hərbi xidmətin hətta məcburi çağırışa keçməsi məsələsini müzakirə mövzusu edə bilər.

“Lazım gələrsə çağırışla əsgərliyə belə keçə bilərik”, – deyə ölkənin müdafiə naziri Yuozas Olekas bildirib. Lakin təyyarə və tankı belə olmayan Litva ordusunun edə …read more

From:: ANS

      

Azərbaycanlı modelin əri iki qızla əyləndi (FOTO)

Azərbaycanlı model Günay Musayevanın əri, türk aktyor Tolqa Karel yenə gündəmə gəlib. Bu dəfə o və dostu iki qızın yanında görünüblər.

ANS PRESS-in məlumatına görə, barəsində bir necə dəfə boşanma xəbəri çıxan, hər dəfə bu xəbərləri təkzib edən Tolqa bir şirkətin ad günü mərasiminə qatılıb.

O, məkana bir dostu ilə gəlib. Burada isə iki gənc qızla tanışıblar və gecəyə onlarla birgə davam ediblər.

Karel dostlarım adlandırdığı qızlarla gecə klubunda səhərə kimi əylənib. Onlar klubu ancaq səhər saat 05:00-da məkan bağlananda tərk ediblər.
Klubdan çıxarkən kameraları qarşısında görən aktyor “böyüdüləcək bir şey yoxdur” deməklə kifayətlənib. Bundan sonra o və dostu taksiyə minərək qızlarla birgə oradan uzaqlaşıb.

Xatırladaq ki, Günay Musayeva və Tolqa Karel bir necə ildir evlidir. Cütlüyün Cihangir adlı bir oğlu da var. Cütlük barəsində bir necə dəfə boşanma xəbərləri yayılıb. Ancaq hər dəfə onlar birlikdə görünərək bu şayiələrin əsassız olduğunu deyiblər.

…read more

From:: ANS

      

"Qarabağ"ı qəhrəman kimi qarşıladılar (VİDEO)

“Qaəbələ” klubunun azarkeşləri Fransadan sərfəli nəticə ilə dönən “Qarabağ” klubunu hava limanında böyük coşğu ilə qarşılayıblar.

ANS PRESS-in məlumatına görə, UEFA Avropa Liqasında qrup mərhələsini adlamaq şansını saxlayan “Qarabağ”ı Qəbələ Hava Limanında qarşılayan azerkeşlər təmsilçimizi təbrik edib və onlara uğurlar arzulayıblar.

Hətta bəzi fanatlar “Sent-Etyen”lə oyunda qol vuran Vüqar Nadirovu çiyinlərinə qaldıraraq atıb-tutublar.

Həmin videonu sizə təqdim edirik:

…read more

From:: ANS