All posts by Admin

Ukrayna üçün yeni təhlükə

Ukrayna müdafiə naziri Stepan Poltorak ölkənin şərqindəki rusiyapərəst separatçılarla mübarizə aparmaq üçün hərbi büdcənin artırılmasını istəyir.

ANS PRESS-in məlumatına görə, Poltorak ayrılan məbləğin 3 milyard dollara çatdırmasının vacibliyini qeyd edib.

Bundan əlavə ordunun müasir silahlara ehtiyac olduğunu deyən Stepan Poltorak orduya çağırılanların sayının artırılmasını da təklif edib.

Müdafiə naziri 2015-ci ildə orduya 45 min mükəlləfiyyətlinin çağırılacağını və 10 min adamın xidmətə müqavilə əsasında cəlb olunacağını bildirib.

Yeni planlara görə, ölkənin şərqində hərbçilərin sayı 232 mindən 250 minə çatdırılmalıdır.

Ukraynanın bir neçə istiqamətdən təhlükə ilə üzləşdiyini deyən Stepan Poltorak şərq və cənubdakı Dnestryanı ilə sərhədə əlavə qüvvənin göndəriləcəyini bildirib.

“Bizə təhlükə yalnız şərqdən yox, cənubdan da mövcuddur. Orada qoşunlarin sayını artırmaq lazımdır. Zənnimcə bu batalyondan daha əsaslı şəkildə artıq olacaq. Çünki o tərəfdən Dnestryanı təhlükəsi var” – deyə Poltorak xəbərdarlıq edib.

Ukraynanın baş naziri Arseniy Yatsenyuk dünın verdiyi açıqlamada bildirib ki, hərbi büdcə sosial ödənişlərin ixtisarı hesabına artırılacaq.

Lakin Beynəlxalq Valyuta Fondu Ukrayna büdcəsində gələn il gözlənilən kəsirin 15 milyard dollar olacağını bildirib. Ukrayna parlamenti isə ilin sonunadək illik büdcəni təsdiq etməlidir.

Qeyd edək ki, son 8 ay ərzində davam edən Ukrayna böhranı 4 mindən artıq adamın ölümünə bais olub. 1 milyon adam isə evlərindən didərgin düşüb.

Atəşkəs razılaşması sentyabr ayında imzalanıb. Lakin o zamandan bəri baş verən toqquşmalarda mindən artıq adam öldürülüb.

Hazırda bir neçə gündür ki, atəşkəsə əməl olunur. …read more

From:: ANS

      

"Simurq" son anda qələbəni əldən verdi

Bu gün Azərbaycan Premyer Liqasında 16-cı turun oyunlarına strat verilib.

ANS PRESS-in məlumatına görə, ilk oyun günündə bir görüş keçirilib.

“Simurq” doğma meydanda paytaxtın “İnter” klubunu qəbul edib. Görüş heç-heçə başa çatıb.

Turun digər üç qarşılaşmsı isə sabah oynanılacaq.

13 dekabr (şənbə)

“Simurq” – “İnter” – 1:1

Qol: Draqan Çeran, 43 (1:0). Franka Nildo 90+2′ (1-1)
Hakimlər: Orxan Məmmədov, Mehman Mahmudov, Munis Abdullayev, Əliyar Ağayev.
Zaqatala şəhər stadionu.

14 dekabr (bazar)

14:00.“Bakı” – “Xəzər Lənkəran”
Hakimlər: Vüsal V. Əliyev, Namiq Hüseynov, Coşqun Həsənov, Elvin Əsgərov.
“Bakı” FK-nın Təlim-Məşq Bazasının stadionu.

15:00. “Qəbələ” – “Qarabağ”
Hakimlər: Fariz Yusifov, Yaşar Abbasov, Nahid Əliyev, Rəhim Həsənov.
Qəbələ şəhər stadionu.

17:00. “Neftçi” – “Sumqayıt”
Hakimlər: Ramil Diniyev, Mübariz Haşımov, İsgəndər Əliyev, Ramil Əhmədov.Bakı. “Bakcell Arena” …read more

From:: ANS

      

İŞİD İraq Ordusunun helikopterini vurdu

İŞİD terror qruplaşması İraq Ordusunun helikopterini vurub.

“The Associated Press” agentliyi bildirir ki, İŞİD döyüşçüləri şənbə günü İraq Ordusuna məxsus hərbi helikopteri vurub. Bu barədə hökumət nümayəndələri məlumat verib. Nəticədə helikopteri idarə edən 2 nəfər ölüb. İŞİD-ın bu əməliyyatı ciddi narahatlıq yaradıb. Çünki onlar eyni uğurla ABŞ-ın rəhbərliyi altında olan Alyansın İraq və Suriyada həyata keçirdiyi hava hücumlarının qarşısını almaq üçün də oxşar əməliyyatlar təşkil edə bilərlər.

Hadisə şiələrin müqəddəs şəhəri olan Samirədə baş verib. Adının çəkilməsini istəməyən rəsmi şəxs deyib ki, vurulmuş helikopter “EC635”-dir. Bu uçuş aparatı dünyaca məşhur “Airbus” şirkəti tərəfindən istehsal olunur. Həm hərbi, həm də mülki məqsədlər üçün istifadə edilir.

Agentlik qeyd edir ki, İŞİD döyüşçüləri oktyabr ayında da İraq Ordusunun 2 helikopterini Beyji şəhəri yaxınlığında məhv etmişdi. Mütəxəsislər ehtiyat edirlər ki, İŞİD artıq “Yer-Hava” tipli raketlərə sahibdir. Bu cür raketlərlə havada olan hədəfləri vurmaq xeyli asandır.
Avropaya məxsus sərnişin təyyarələri, o cümlədən “Virgin Atlantic”, “KLM” və “Air France” , Amerikaya məxsus “Delta Air Lines” və Birləşmiş Ərəb Əmirliyinin təyyarələri İraq hava məkanından yan keçməyə üstünlük verirlər. …read more

From:: ANS

      

30 yaşlı qadın Facebookda tanış olduğu kişi tərəfindən zorlandı (FOTO)

Facebook sosial şəbəkəsi daha bir cinayətə yol açıb.

ANS PRESS-in verdiyi məlumata görə, Rumuniyada 30 yaşlı qadın sosial şəbəkədə tanış olduğu kişi tərəfindən zorlanıb və qətlə yetirilib.

Belə ki, 30 yaşlı Elza.N. Facebookda Nicu Alin adlı şəxslə tanış olub. Bir müddət danışdıqdan sonra qadın təzə tanışının görüş təklifini qəbul edib.

Onlar şəhər kənarındakı meşədə görüşüblər. Görüş zamanı Nicu Alin qadını zorlayıb. Qadını zorladıqdan sonra vəhşicəsinə döyüb. Öldürmək üçün qadını boğub. Nicu Alin zorladığı qadının hərəkətsiz olduğunu görüb və zənn edib ki, o ölüb.

Qadının mobil telefonundan onun Facebook profilinə girib. Qadınla danışıqlarını silib və oradan qaçıb.

Bir neçə saat sonra huşu özünə gələn Elza.N. sürünə-sürünə yola çıxıb. Onu yoldan keçənlər görərək polis çağırıblar. Qadın təcili xəstəxanaya yerləşdirilib.

Elza.N. polisə bildirib ki, onu Nicu Alin adlı şəxs zorlayıb. Həkimlərin səyinə baxmayaraq Elza.N. ölüb.
Polis Nicu Alin evində həyat yoldaşı ilə evliliklərinin 1 ilini qeyd etdiyi şənlikdə həbs edib.

…read more

From:: ANS

      

İqlim dəyişikliyi dünyanı çaş-baş qoydu

İqlim dəyişikliyinə dair BMT-nin çərçivə konvensiyasının 20-ci konfransında hələ ki vahid razılığa gəlinməyib.

ANS PRESS-in AzərTAc-a istinadən verdiyi məlumata görə, Perunun paytaxtı Limada keçirilən və 196 ölkənin nümayəndələrinin iştirak etdiyi danışıqlar həftə sonuna qədər uzadılıb.

2020-ci ildə Kioto protokolunu əvəz etməli olan yeni razılaşma barədə danışıqlarda iri sənaye dövlətləri və inkişaf etməkdə olan ölkələr arasındakı fikir ayrılığı aradan qaldırılmayıb.

Lakin iştirakçılar hələ ki ümidlərini itirməyiblər. Sonuncular iqlimin dəyişməsi ilə mübarizədə maliyyələşmənin əsas məsuliyyətini ətraf mühitin çirkləndirilməsinə uyğun olaraq birincilərin öhdəsinə verilməsini istəyir, iri sənaye ölkələri isə öz növbəsində iqlimin planetar miqyaslı problem olduğunu və günahkar axtarmağa vaxtın olmadığını hesab edirlər. …read more

From:: ANS

      

Müxalifət razı qaldı (SORĞU)

Bu gün Azərbaycan Prezident Administrasiyası İctimai-siyasi məsələlər şöbəsinin müdiri Əli Həsənovun təmsilçiliyi və müxalifət partiyalarından bir qrupunun rəhbərinin iştirakı ilə iqtidar-müxalifət diaqloqu keçirilib.

ANS PRESS xəbər verir ki, APA görüşdə iştirak edən və etməyən siyasi partiya rəhbərlərinin buna münasibətini öyrənib.

Böyük Quruluş Partiyasının (BQP) sədri Fazil Mustafa açıqlamasında keçirilən görüşü faydalı hesab edib. O bildirib ki, belə bir addımın iqtidar tərəfindən atılması Azərbaycanın gələcəyi, xüsusilə partiya demokratiyasının inkişafı ilə bağlı proseslərə çox böyük yardım edəcək: “Düşünürəm ki, bu görüş dialoqa doğru atılan bir addım idi və görüşün də mahiyyəti o idi ki, gələcəkdə iqtidar-müxalifət arasında, xüsusilə də siyasi partiyalar müstəvisində qalıcı dialoq mühiti mövcud olsun, konkret mövzular ətrafında müzakirələr aparılsın. Görüşdə partiya sədrləri tərəfindən bir sıra ciddi təkliflər, tənqidlər səsləndirildi. Ümumiyyətlə, ölkənin taleyi ilə bağlı məsələlərdə iqtidar-müxalifət arasındakı münasibətlərin daha da ciddi hüquqi çərçivəyə salınması və parlament, bələdiyyə seçkiləri ilə bağlı proseslərdə müəyyən tərəfdarın olması məqsədəuyğun sayıldı. Hesab edirəm ki, faydalı bir görüş oldu, xüsusilə də Əli Həsənovun kifayət qədər səmimi, açıq bir davranışla bu mühiti yaratmasını qeyd etməliyəm. Təbii ki, bu, ölkə prezidentinin təqdiri və razılığı ilə baş tutan görüş idi”.

Vətəndaş Həmrəyliyi Partiyasının (VHP) sədri Sabir Rüstəmxalı isə görüşün sosial sifariş olduğunu vurğulayıb. O, görüşün nəticələrinin müsbət olacağına ümid etdiyini bildirib: “Bu barədə təkliflər uzun müddət Milli Məclisdə, mətbuatda səsləndirilib ki, ölkənin bir sıra tanınmış insanlarının xarici siyasət, daxildəki proseslərlə bağlı fikirləri önəmlidir. Ən əsası da odur ki, bu görüş hər iki tərəfdən qarşılıqlı addımların atılmasıdır və gələcəkdə yəqin ki, davam etdiriləcək. Əli Həsənovun açıqlaması da bizi qane etdi”.

Azərbaycan Milli İstiqlal Partiyasının sədri Yusif Bağırzadə də görüşün səmimi atmosferdə keçdiyini və razı qaldığını bildirib: “Mən əvvəllər də demişəm ki, iqtidarla müxalifət arasında dialoq olmalıdır. Bugünkü görüşdən çox razıyam. Çünki çox səmimi söhbət oldu, hörmətli Əli Həsənov səmimi bir mühit yaratdı. Düşünürəm ki, bu görüş iqtidar-müxalifət münasibətlərinin …read more

From:: ANS

      

TAP yeni tender elan etdi

Trans-Adriatik Boru Kəməri (TAP) yeni təchizat müqaviləsi üçün tender elan edib. İki qaz-kompressor stansiyasında quraşdırılması nəzərdə tutulan 6 qaz turbin kompressorları ilə bağlı olan tender 2 hissədən ibarət olacaq və hər biri Yunanıstan və Albaniya ərazisindəki təchizatlarla əlaqəlidir.

ANS PRESS-in məlumatına görə, müqavilənin həcminə 15 Meqa Vattlıq 6 qaz turbin turbo kompressorun çatdırılması və quraşdırılmasını prosesləri daxildir.

TAP-ın təchizat məsələləri üzrə direktoru Knut Şteynar Kvindesland deyib: “Qaz turbin kompressorları boru kəmərinin tikilməsi prosesində çox önəmli məsələlərdəndir. Tender zamanı podratçılar üçün yüksək səviyyəli standartlar müəyyənləşib. Yalnız SƏTƏM qaydalarına uyğun şəkildə fəaliyyət göstərən və TAP standartlarına uyğun olan podratçılar seçim prosesində iştirak edəcəklər.”

Ümumiyyətlə, TAP “Şahdəniz” yatağının 2-ci fazasından Azərbaycandan Avropaya təbii qazın nəqli üçün inşa edilməsi nəzərdə tutulan 870 kilometrlik boru xəttidir. TANAP boru kəmərinin davamı olaraq, Türkiyə-Yunanıstan sərhəddinin Kipoi məntəsindən başlayaraq, Yunanıstan, Albaniya və Adriatik dənizi boyunca uzanan TAP boru kəməri sonunda İtaliyanın cənub sərhədlərinə çatacaq.

Qazın ilkin satışı 2018-ci ildə Gürcüstan və Türkiyəyə nəzərdə tutulub. Bu prosesdən bir il sonra təbii qazın Avropaya satışı mümkün olacaq. TAP səhmdarları BP (20%), ARDNŞ (20%), “Statoil” (20%), “Fluxys” (16%), “Total” (10%), E.ON (9%) və “Axpo” (5%) şirkətləridir. …read more

From:: ANS

      

Azərbaycanda dəhşət: ər arvadının başını kəsdi

Bu gün Masallı rayonunda dəhşətli ailə cinayəti baş verib. ANS PRESS-in bölgə müxbirinin verdiyi məlumata görə, rayonun Balakolatan kəndində yaşayan 1990-cu il təvəllüdlü Sevanə Nəriman qızı Əliyevanın boğazı kəsilmiş meyiti tapılıb.

Məlumat daxil olan kimi hadisə hüquq-mühafizə orqanlarının əməkdaşları cəlb olunub. Araşdırmalar zamanı məlum olub ki, qadının başını həyat yoldaşı 1988-ci il təvəllüdlü Namiq Şakir oğlu Məmmədov kəsib.

Polisin keçirdiyi əməliyyat nəticəsində arvadın başını kəsən ər tutulub.

İlkin araşdırmalar zamanı Namiq Məmmədovun psixi problemlərinin olduğu müəyyən olunub.

Faktla bağlı cinayət işi başlanıb, araşdırma aparılır. …read more

From:: ANS

      

Uşaq xoşbəxtliyi (FOTO)

Uşaqların xoş anlarının təsvir edildiyi şəkillərə baxanda insanda istər-istəməz xoş hisslər yaranır.

ANS PRESS bu sevinc hisslərini öz oxucuları ilə bölüşmək niyyətilə həmin şəkilləri təqdim edir. Həmin şəkillərdə müxtəlif ölkələrdə və müxtəlif şəraitdə yaşayan uşaqların xoşbəxt anları əks olunub.

Böyüklərdən fərqli olaraq bu uşaqlar ən adi şeylərdə belə bir sehr – əyləncə tapır və bu adi şeylər onları xoşbəxt etmək üçün kifayət edir.

Onlar səmimiyyətlə gülür, oynayır və bu əyləncələrdən həzz alırlar.

…read more

From:: ANS