All posts by Admin

Zibilə atılan körpəni qarışqalar yedi

Hindistanda zibil qutusunda yeni doğulan qız uşağı tapılıb. Polisin məlumatına görə, körpə doğulandan bir necə saat sonra zibilə atılıb. Dünyaya göz açandan bir necə saat sonra çılpaq şəkildə zibilə atılan uşağı qarışqalar dişləyiblər.

ANS PRESS-in məlumatına görə, Rajiv Patel adlı vətəndaş körpənin ağlama səsini eşidərək polisə məlumat verib. Körpə xəstəxanaya çatdırılsada vəziyyətinin ağır olduğu deyilir.

Polislər uşağın anasını da tapıblar. Lakin onu vəziyyəti ağırdır. Onun səhhəti düzələndən sonra sorğu-sual ediləcək.

Hindistanda ailələr oğlan uşaqlarına üstünlük verirlər. Qız körpələrin abortlarının sayı rekord həddə çatıb. Buda balansın pozulmasına səbəb olur. Belə ki, Hindistanda 7 yaşdan aşağı 1000 oğlana 914 qız düşür. …read more

From:: ANS

      

Bakıda sürücü ilə DYP əməkdaşı arasında dava

Son vaxtlar Bakıda Dövlət Yol Polisi (DYP) əməkdaşlarına hücumlarla bağlı xoşagəlməz insidentlərin sayı artıb. Yol hərəkəti qaydalarını pozanların itaətsizliyi ilə bağlı növbəti hadisə Binəqədi rayonunda baş verib.

ANS PRESS-in məlumatına görə, bu barədə Vesti.Az-a Binəqədi rayon Polis İdarəsindən məlumat verilib. Məlumata əsasən, dekabrın 18-də saat 02:00-da Azadlıq prospektində 161 saylı binanın qarşısında DYP və yol patrul xidməti əməkdaşları – müfəttişlər, hər ikisi 1983-cü il təvəllüdlü Abbasəli Ələkbərov və Rauf Bağıyev sərxoş vəziyyətdə “Daewoo” markalı avtomobili idarə edən 1992-ci il təvəllüdlü Bakı sakini Fərmin Firudinoğlunu saxlayıb.

Məlumata əsasən, Fərmin Firudinoğlu polislərin tələblərinə məhəl qoymayıb və onlarla dava etməyə başlayıb. Bundan başqa, dava zamanı o, polisin “BMW” markalı xidməti maşınının yan şüşəsini ayağı ilə sındırıb.

Avtoxuliqanın artıq polis tərəfindən saxlanıldığı məlumdur. Faktla bağlı araşdırmalar aparılır. …read more

From:: ANS

      

"Qarabağ" rəsmisi UEFA-da

“Qarabağ”ın vitse-prezidenti Tahir Gözəl UEFA-nın yarışlar üzrə direktoru Corcio Marketti ilə bu gün görüşəcək.

ANS PRESS-in klubun saytına istinadla verdiyi məlumata görə, İsveçrənin Nyon şəhərində Bakı vaxtı ilə saat 17:00-da başlanacaq görüşdə Avropa Liqasının qrup mərhələsinin VI turunda Bakıda İtaliya “İnter”i ilə keçirilən matça aid heç bir qərar qəbul olunmayacaq.

Görüşün məqsədi, UEFA rəsmiləri ilə birlikdə oyuna baxmaq və müzakirə etməkdir.

Qeyd edək ki, “İnter” komandası ilə matçda hakim haqsızlığı ilə əlaqədar “Qarabağ”ımız UEFA-ya şikayət edib. Avropa futbol qurumunda müraciətə gələn il fevralın 5-də baxılacaq. …read more

From:: ANS

      

Erməni ordusu benzinsiz qaldı

Serj Sarkisyanın dostu, “Qarabağ” klanının üzvü Barseq Bəyləryan Ermənistan ordusunu benzinsiz qoyub.

ANS PRESS-in məlumatına görə, Ermənistanın maliyyə sektorunda yaranmış təlatümlər üzündən Bəyləryana məxsus “Fleş” şirkəti orduya benzin satmaqdan imtina edib. Bu barədə İrəvanda çıxan “Joqovurd” qəzetinin son sayında bildirilir.

Qəzetin yazdığına görə, hərbi qurum şirkətə benzinin pulunu bir-iki ay qabaq ödəyib. Amma erməni dramı kəskin ucuzlaşdığına və benzin bahalaşdığına görə şirkət alış-verişi dayandırmaq istəyir.

Əslində, Barseq Bəyləryan dramın sabit vaxtlarında yaxın dostu, həmyerlisi Serj Sarkisyanın himayəsindən istifadə edərək ordunu təkbaşına təchiz etməklə pul qazanırdı. İndi isə yaranmış qiymət fərqindən daha böyük pullar qazanmaq üçün erməni ordusunu benzinsiz qoyur.

Yaranmış durum Ermənistanda hakim “Qarabağ” klanına nifrəti daha da artırıb. …read more

From:: ANS

      

Müğənni bacılar şoka düşdü

“Xalq artisti adı almağımızı Şəkidə eşitdik. İlk dəfə Şəkinin Mədəniyyət evinin səhnəsində çıxış etmişik. Elə həmin səhnədə də bu xoş xəbəri aldıq”.

Bunları ANS PRESS-ə açıqlamasında prezidentin sərəncamı ilə “Xalq artisti” adı almış müğənni Gülyaz Məmmədova deyib.

Onun sözlərinə görə, Şəki kanalı üçün olan Yeni il şənliyinin çəkilişində iştirak ediblər. Çəkiliş arası bir anlıq telefonuna baxıb və xeyli sayda təbrik mesaj, zənglər olduğunu görəndə təccüblənib.

“Şəkidən Bakıya gələnə kimi ancaq təbrik zənglərinə cavab vermişik. Hər kəsə, tamaşaçılara, Azərbaycan Mədəniyyət və Turizm Nazirliyinə, başda da cənab prezidentə öz təşəkkülərimizi bildiririk”.

Müğənni ona və bacısı Gülyanaq Məmmədovaya verilən bu adın ifaçı kimi məsuliyyətlərini daha da artırdığını deyib. …read more

From:: ANS