All posts by Admin

Aİ-dən 33 milyon

Avropa Şurasının Brüssel ofisində Avropa İttifaqı (Aİ) ilə Avropa Şurası (AŞ) arasında yeni əməkdaşlıq sazişi imzalanıb.

ANS PRESS-in məlumatına görə, ümumi dəyəri 33.8 milyon avro olan saziş üçillik müddət üçün imzalanıb. Sazişin məqsədi Aİ-nin Şərq Tərəfdaşlığı proqramına daxil olan 6 ölkə – Azərbaycan, Belarus, Ermənistan, Gürcüstan, Moldova və Ukraynada demokratiya, hüquqi dövlət və insan hüquqlarının inkişafına dəstək verməkdir.

Sazişi AŞ baş katibinin müavini Qabriela Battaini-Draqoni və Avropa Komissiyasının nümayəndəsi Mikael Köhler imzalayıb və üçillik müddətin artırılacağını istisna etməyiblər. …read more

From:: ANS

      

Ərdoğan Güləni əsəbləşdirdi

“Gülən camaatı”nın lideri olan Fətullah Gülən Türkiyə prezidenti Rəcəb Tayyib Ərdoğanın cavabını verib. ANS PRESS-in məlumatına görə, Ərdoğan “Gülən camaatı”nı nəzərəd tutaraq ‘təhsildən, xidmətdən bəhs edən qurumun bir sıra kirli cinayətlərə bulaşdığını görürük. Daha da çox təəccübləndirəcək şeylərdə eşidəcəksiniz”, deyib.

Gülən isə bu açıqlama ilə Ərdoğanın özünü gülünc vəziyyətə saldığını deyib.

“Kim qatil olmayan və yer üzündə fəsad törətməyən bir nəfəri öldürsə sanki bütün bəşəriyyəti məhv etmiş kimi olur. Kim bir adamın həyatını qurtararsa bütün insanların həyatını silas etmiş kimi olur.

İndi durub açılmamış cinayətlərin arxasında bunlar var, kimlərləsə anlaşırlar demək, əndəzadən çıxan iddalar səsləndirməklə insanlar qarşısında özlərini gülünc vəziyyətə salırlar”. …read more

From:: ANS

      

Bakıda şirkət əməkdaşları məhkəmə zalında həbs edildilər

Bu gün Bakı Ağır Cinayətlər Məhkəməsində dələduzluqda təqsirləndirilən “Quesnet” şirkətinin əməkdaşları Furqan Babayev, Rasim Muradzadə, Nəsir Hüseynov, Əhliman Camalov və Oruc Rüstəmovun cinayət işi üzrə məhkəmənin hazırlıq iclası keçirilib.

ANS PRESS-in APA-ya istinadən xəbər verir ki, prosesdə təqsirləndirilən şəxslərin anket məlumatları dəqiqləşdirilib. Məhkəmədə zamində olan təqsirləndirilən şəxs Oruc Rüstəmovun həbs olunması barədə qərar qəbul edilib və o, məhkəmə zalında həbs edilib.

Prosesin baxış iclası isə dekabrın 29-na təyin edilib.

Qeyd edək ki, digər təqsirləndirilən şəxslərin barəsində istintaq zamanı həbs qətimkan tədbiri seçilsə də , O.Rüstəmov barəsində bu qərar olmayıb.

Daxili İşlər Nazirliyinin mətbuat xidmətinin yaydığı məlumata görə, 2012 və 2013-cü illər ərzində paytaxtın Nizami rayonu ərazisində yerləşən “Quesnet” şirkətinin Nəsir Hüseynov, Əhliman Camalov, Rasim Muradzadə və Nəsir Hüseynov adlı işçiləri dələduzluq yolu ilə Bakı şəhər sakinləri Nəsib Qəhrəmanovadan 1850 manat, Qılman Nəsibovdan 1331 manat, İbrahim Məmmədovdan 2300 dollar, Rasim Qəhrəmanovdan 1500 manat, Fərhad Abdulovdan 1500 manat, İdris Şahbazovdan 1150 manat, Şamil Seyidzadədən 1650 manat, Pəhləvan Xudiyevdən 1220 manat, Rahim Cəfərovdan 1500 manat, Şəms Cabbarovadan 1455 manat, Ramilə Cəfərovadan 1425 manat, Sumqayıt şəhər sakini Hüriyyə Məmmədəliyevdən 3950 manat, Göyçay rayon sakinləri Samir İsrafilovdan 1175 manat, Elşən Əliyevdən 1500 manat, Füzuli rayon sakini Afət Alıyevdən 1650 manat və Beyləqan rayon sakini Müşfiq Şixəliyevdən 1850 manat almaları barədə Nizami Rayon Polis İdarəsinə bu il aprelin 22-də ərizə ilə müraciət olunub. …read more

From:: ANS

      

Bakıda küçədən silah-sursat tapıldı

Bakı şəhərində küçədən silah-sursat tapılıb.

ANS PRESS-in Daxili İşlər Nazirliyinin saytına istinadən verdiyi məlumata görə, əməliyyat çevik polis alayı və Binəqədi rayon Polis İdarəsinin 5-ci polis bölməsi əməkdaşları tərəfindən keçirilib.

Keçirilən əməliyyat tədbirləri nəticəsində Azadlıq prospekti ev 188-in qarşısından 1 ədəd “Beretta” markalı tapança, 2 ədəd “RQD-5” qumbarası, 1 ədəd alışdırıcı, 2 ədəd işıqlandırıcı, 2 ədəd müxtəlif çaplı və 11 ədəd təlim patronu aşkar edilib.

Aşkarlanan silah və sursat aidiyyatı üzrə təhvil verilib.

Faktla bağlı araşdırmalar aparılır. …read more

From:: ANS

      

Sakinlər 10 kiloqrama yaxın narkotik tapdılar

Cəlilabadda yerli sakinlər 10 kiloqrama yaxın narkotik vasitə tapıblar.

ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, narkotik vasitələri Cəlilabad rayonunun Şükürlü kəndi ərazisində kənd sakinləri Ayaz Mirzəyev və Rövşən Mirzəyev təsərrüfat işlərilə məşğul olarkən tapıblar.

Onlar tapdıqları 4 kiloqram 939,9 qram tiryək, 19,38 qram heroin və 4 kiloqram 600 qram marixuana taparaq Dövlət Sərhəd Xidmətinin oradakı zastavasına təhvil veriblər.

Dövlət Sərhəd Xidmətinin əməkdaşları tərəfindən araşdırmalar aparılıb və toplanmış materiallar Baş Prokurorluğa göndərilib.

Faktla bağlı araşdırma aparılır. …read more

From:: ANS

      

Cazibədar xanım prokurora şok yaşatdılar

Krımın yeni cazibədar prokuroru Nataliya Poklonskayaya sui-qəsd təşkil olunub.

ANS PRESS-in məlumatına görə, iki dəfə prokurorluğun binasını partlatmaq istəyiblər.

“Bir neçə ay bundan əvvəl prokurorluq binasının yanında şübhəli bağlama aşkarlanmışdı. Nəzarətçilər müəyyən etmişdilər ki, bağlamada partlayıcı var. Noyabr ayında isə prokurorun poçt ünvanına partlayıcı bağlama göndərilmişdi”, – deyə prokurorluqdan bildirilib.

Qeyd edək ki, partlayıcılar işə düşsəydi böyük itkilər ola bilərdi.

Bundan başqa, bir neçə dəfə yalançı bomba xəbərləri də verilib. Bununla da, qarışıqlıq yaratmaq istəyiblər. …read more

From:: ANS

      

Dünya bu adamdan danışır

Amerikada bir şirkətin əməkdaşı hamını təccübləndirən addım atıb. O, 2 milyon dollar mükafatdan imtina edib.

ABŞ-ın qabaqcıl taxta-şalban istehsalçılarından biri olan “Plum Creek Timber”in CEO-su Rik Holley ona verilən bu mükata layiq olmadığını düşündüyünü deyib.

Şirkətdən verilən açıqlamada belə deyilir: “Hörmətli Holley ona verilən mükafata şirkətin hissədarları öz sərmayələrindən yetəri qədər qazanc əldə edənə qədər layiq olmadığını deyərək almayacağını deyib”.

Bəzən şirkət CEO-ları onlara verilən bayram mükafatlarını başqa işçilərə paylayırlar. Məsələn, texnologiya nəhəngi “Lenovo”nun CEO-su Yanq Yuagninq 2013-cü ildə 3,25 milyon dollar mükafatını işçilərə bərabər olaraq bölmüşdü. “Next”in CEO-su da işçilərinə təşəkkür etmək üçün 3,7 milyonu işçilərinə paylayıb. …read more

From:: ANS