All posts by Admin

700 bal yığan Fatimeyizəhra

Bu il qəbul imtahanında yüksək nəticə göstərərək başqalarından fərqlənən abituriyentlərdən biri də Nəbizadə Fatimeyizəhradır. O, tam orta təhsilini Bakı Türk liseyində (BDU‐nun nəzdində, təsisçi Türkiyə Dəyanət Vəqfi) alıb. Ailədə 5 nəfərdirlər: anası, atası, bacısı,qardaşı və özü. Anası tibb bacısı, atası mühəndis, yaşca böyük olan bacısı həkim, qardaşı isə mühəndisdir.

Fatimeyizəhra qəbul imtahanına son 3 ildə hazırlıq kursunda hazırlaşıb. Qəbul imtahanında rekord nəticə (700 bal) əldə edib. “Qafqaz” Universitetinin “Kimya mühəndisliyi” ixtisasına qəbul olub. Prezident təqaüdçüsüdür.

– Texniki sahəyə marağın nə vaxtdan yaranıb?
‐ Bu istək atamın və qardaşımın bu sahə ilə bağlılığından irəli gəlir. Atam da, qardaşım da mühəndisdir. Uşaq vaxtından fizikaya böyük marağım olub. VIII sinfə kimi bütün fənləri yaxşı oxumağıma, VIII sinifdə məktəblərarası bilik yarışında iştirak edib III yeri tutmağıma baxmayaraq, sonda qərara aldım ki, I ixtisas qrupu üzrə imtahan verəcəyəm. Ona görə də IX‐ XI siniflərdə ancaq I qrup üzrə hazırlaşmışam.

– Bəzən deyirlər ki, mühəndislik qız sənəti deyil. Sənin bu fikrə münasibətin necədir? 700 bal topladığın halda başqa ixtisasları da seçə bilərdin.
‐ Dediyim kimi, məktəb vaxtından fizikaya böyük marağım vardı. Təbii ki, bu fənni tam dərindən öyrənmək üçün I qrupa sənəd verməli idim. Hesab edirəm ki, mühəndislik fizikanın, fizika da mühəndisliyin açarıdır.

– 700 ballıq nəticə əldə etmək üçün xüsusi istedad olmalıdır, yoxsa burada tale, qismət, şans hansısa rol oynayır?
‐ Ola bilsin ki, belə nəticənin əldə edilməsində talenin, qismətin də müəyyən rolu var. Ancaq əsas məsələ odur ki, əgər qarşıya məqsəd qoyulubsa, buna nail olmaq üçün gərək əziyyət çəkəsən. Әziyyətin qarşılığı isə 700 bal ola da bilər, olmaya da bilər. Bu da, hardasa, qismətlə bağlıdır. Amma özünü sırf 700 bala hazırlasan, sistemli şəkildə hazırlaşsan, bu balı toplamaq çox da çətin deyil. Son 2‐3 ildə ancaq 700 bal toplamaq barəsində düşünürdüm və inanırdım ki, qəbul imtahanında bu nəticəni əldə edə biləcəm. Düzdür, sınaq imtahanlarında bu nəticəni əldə edə bilməmişdim. Hansısa mexaniki …read more

From:: ANS

      

Cəbhədə gərgin atışma

Cəbhə xəttində atəşkəs rejimi yenidən pozulub.

Müdafiə Nazirliyindən ANS PRESS-ə verilən məlumata görə, cəbhənin müxtəlif istiqamətlərində sutka ərzində atəşkəs rejimi ümumilikdə 43 dəfə pozulub.

Erməni silahlı bölmələri Ermənistan Respublikasının İcevan rayonunun Vazaşen və Berkaber, Noyemberyan rayonunun Barekamavan kəndlərində yerləşən mövqelərdən Qazax rayonunun ərazisindəki adsız yüksəkliklərdə, Qızılhacılı və Qaymaqlı kəndlərində yerləşən mövqelərimizi atəşə tutublar.

Ağdam rayonunun Cəvahirli, Mərzili, Kəngərli, Xocavənd rayonunun Kuropatkino, Füzuli rayonunun Horadiz, Qaraxanbəyli, Aşağı Veysəlli, Aşağı Seyidəhmədli, Cəbrayıl rayonunun Mehdili kəndləri yaxınlığında, həmçinin Göygöl, Xocavənd və Füzuli rayonlarının ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.

Qarşı tərəf cavab atəşi ilə susdurulub. …read more

From:: ANS

      

Nazirlə görüşmək istəyənlərin nəzərinə!

Təhsil naziri vətəndaşlarla görüşəcək.

ANS PRESS-in nazirliyə istinadla verdiyi məlumata görə, nazir Mikayıl Cabbarov 8 dekabr tarixində saat 11:00-da Saatlı şəhərindəki Gənclər Mərkəzində vətəndaşlar üçün qəbul keçirəcək. Qəbulda Saatlı, Sabirabad, İmişli, Beyləqan, Hacıqabul rayon və Şirvan şəhər sakinləri iştirak edəcək.

Qəbula gəlmək istəyən vətəndaşlar 2, 3, 4 və 5 dekabr tarixlərində Təhsil Nazirliyinin Telefon Məlumat Mərkəzinin 146 nömrəli telefonuna (“Qaynar xətt” xidməti) və ya http://www.edu.gov.az/view.php?lang=az&menu=contacts_qebul elektron poçt ünvanına müraciət edərək qeydiyyatdan keçə bilərlər.

Qeydiyyatdan keçmiş vətəndaşlardan xahiş olunur ki, qəbula gələrkən aidiyyatı məsələləri dolğun ifadə edən ərizə ilə müraciət etsinlər. …read more

From:: ANS

      

Kolbasadan siçan çıxdı (VİDEO)

Rusiyada bir şəxs ürəkbulandırıcı hadisə ilə üzləşib.

ANS PRESS-in məlumatına görə, Anotoliy Voronkovun yediyi kolbasanın içindən siçan çıxıb. O, bildirib ki, kolbasanı yeyib bitirməyinə az qalmış ağzında qəribə bir dad hiss edib. İlk baxışda başa düşmədiyi şeyin siçan olduğunu görəndə Səhiyyə Nazirliyi müfəttişlərinə xəbər verib. Müfəttişlər istehsalçı firmanın fabrikinə reyd təşkil edib. Səlahiyyətli şəxslər siçanda hər hansısa bir yoluxucu xəstəliyin olub-olmamasını araşdırmaq üçün bir sıra testlər tətbiq ediblər. Nəticələr hələ bəlli deyil.

28 yaşlı Anatoli Voronkov “İlk anda elə bildim o bibərdir. Yaxından baxanda siçanın ayaqları olduğunu anladım. Bir az itələdim və siçanın yediyim kolbasanın içində olduğunu gördüm. İzah edə bilməyəcəyim qədər iyrənc bir vəziyyətdir” sözlərini deyib.

…read more

From:: ANS

      

Nazir NATO iclasına getdi

Azərbaycan xarici işlər naziri Elmar Məmmədyarov Brüsselə yola düşüb.

ANS PRESS-in XİN-ə istinadla verdiyi məlumata görə, nazirin rəhbərlik etdiyi nümayəndə heyətini 2 dekabr 2014-cü il tarixində NATO-nun Əfqanıstan üzrə xarici işlər nazirləri səviyyəsində NATO-nun mənzil-qərargahında keçiriləcək iclasda iştirak etmək üçün Brüsselə yola düşüb.

İclasda nazir Elmar Məmmədyarovun çıxış etməsi və bir sıra ikitərəfli görüşlər keçirməsi nəzərdə tutulub. …read more

From:: ANS

      

İlham Əliyevdən müraciət

Azərbaycan prezidenti İlham Əliyev Beynəlxalq 20-ci “BakuTel–2014” telekommunikasiya və informasiya texnologiyaları sərgisi və konfransının iştirakçılarına müraciət ünvanlayıb.

ANS PRESS-in məlumatına görə, dövlət başçısı Azərbaycan Beynəlxalq 20-ci “BakuTel–2014” telekommunikasiya və informasiya texnologiyaları yubiley sərgisi və konfransının işinə müvəffəqiyyətlər arzulayıb:

“Son illər gerçəkləşdirilən mühüm layihələr Azərbaycanın dayanıqlı və şaxələnmiş iqtisadi potensialını daha da gücləndirmişdir. Ölkə iqtisadiyyatının prioritet hədəflərdən olan informasiya-kommunikasiya texnologiyalarının inkişafında yüksək göstəricilər əldə edilmişdir və indi əhalinin əksəriyyəti genişzolaqlı internet istifadəçisidir.

“Azərspace–1” ilk telekommunikasiya peykinin orbitə çıxarılması nəticəsində kosmik ölkələr sırasına qoşulan ölkəmizin təşəbbüskarı olduğu “Trans-Avrasiya Super İnformasiya Magistralı” layihəsi Birləşmiş Millətlər Təşkilatı Baş Assambleyasının qətnamələri ilə dəstəklənib və mərhələlərlə reallaşdırılmaqdadır. İnformasiya cəmiyyətinin inkişafına dair 2014–2020-ci illər üçün Milli Strategiyanın qəbul edilməsi dövlətimizin bu sahədə siyasətinin ardıcıl xarakter daşıdığının bariz nümunəsidir”.

Prezident bildirib ki, “BakuTel” sərgi və konfransı artıq öz uğurlu fəaliyyətinin 20 illiyini qeyd edir: “Bu ənənəvi tədbiriniz ötən dövr ərzində qabaqcıl texnoloji nailiyyətlərin və yeniliklərin təqdimatına, biznes əlaqələrinin qurulmasına, təcrübə mübadiləsinə və eləcə də ölkəmizlə yaxından tanışlığa imkan verən tribunaya çevrilib. Şərqlə Qərb və Şimalla Cənub arasında körpü təşkil edən Azərbaycanın tarixi İpək Yolunun virtual məkana keçirilməsinə dair təşəbbüsü mötəbər beynəlxalq qurumlar tərəfindən yüksək qiymətləndirilib.

İnanıram ki, sərgi və konfrans çərçivəsində aparacağınız səmərəli müzakirələr qarşılıqlı əlaqələrin daha da dərinləşdirilməsinə töhfələr verəcək”. …read more

From:: ANS

      

Bakıda uçqun baş verib (VİDEO)

Bakının Səbail rayonu, Bayıl qəsəbəsi, Buxta küçəsi 71, mənzil 13-də yaşayan Allahyarovlar ailəsi gecəni mənzillərində keçirə bilməyib. Buna evlərinin yaxınlığında baş vermiş bir uçqun səbəb olub.

Axşam saatlarında evin bir hissəsinə, daha dəqiq, giriş-çıxış qapısının önünə uçqun nəticəsində mişar daşları tökülüb. Sən demə, mişar daşları üst məhlədə olan bir mağazanı qonşu evlərlə birləşdirirmiş. Mağazanın bir hissəsi də uçqundan ziyan görüb.

İlk baxışda da aydın olur ki, uçan hasar və mağaza Allahyarovların evindən yuxarıda, yoxuşlu yolun kənarında nisbətən boşluq ərazidə tikilibmiş.

Xöşbəxtlikdən hadisə zamanı xəsarət alan olmayıb. Ancaq ev dağıntı nəticəsində nisbətən qəzalı vəziyyətə düşüb.

Hadisədən sonra FHN-nin, eləcə də rayon polisinin nümayəndələri ərazidə olub. İlk olaraq yaxınlıqdan keçən qaz xətti bağlanıb.

Gecə saatlarına doğru təsadüf etdiyindən hadisənin nəticələrinin aradan qaldırılması və araşdırmaların aparılması üçün gündüz saatlarında əraziyə yeni təhqiqat qrupunun göndəriləcəyi də bildirildi.

…read more

From:: ANS