All posts by Admin

Türkiyə ən çox onları axtardı

Türkiyədə geridə qoymağa hazırlaşdığımız 2014-cü ildə ən çox marağa səbəb olan şəxslərin adları açıqlanıb.

ANS PRESS-in məlumatına görə, Türkiyədə internet istifadəçiləri tərəfindən “Google”da ən çox axtarılan şəxslərin siyahısında bir-birindən fərqli sahələrdə tanınan adlar yer alıb.

Siyahının ilk pilləsində ağciyər infeksiyası və nəfəs çatışmazlığı səbəbindən septik şok keçirən və 95 gün reanimasiyada yatan Nejat İşler yer alıb. Sosial şəbəkələrdə də onun haqqında minlərlə səhifələr açılıb, postlar yazılıb.

İkinci yerdə isə Gəzi parkı hadisələri zamanı polis tərəfindən atılan gözyaşardıcı qaz kapsulunun başına dəyməsi ilə 269 gün komada qaldıqdan sonra dünyasını dəyişən 15 yaşlı Berkin Elvan olub.

Siyahının üçüncüsü isə Türkiyədə olduğu kimi, Azərbaycanda da “Google”da haqqında öyrənmək üçün ən çox axtarılan adlardan biri olan Türkiyədə müxalif partiyaların vahid namizədi kimi seçkidə iştirak edən Əkmələddin İhsanoğludur.

Daha sonra siyahını müğənni İrəm Derici, teatr aktyoru Kənan İşık, “Bu tərz mənim” yarışma iştirakçısı Nur Bozar, intihar edrək həyatına son qoyan aktyor Robin Uilyams, intihar videosu hazırlayaraq həyatına qəsd edən İT mütəxəssisi Məhmət Pişkin, xərçəngdən dünyasını dəyişən müğənni Murat Göyebakan və narkotika alış-verişindən günahlandırılaraq həbs edilən müğənni Dəniz Səki davam etdirir. …read more

From:: ANS

      

“Görürük ki, ədalət pozulur”

“Bugünkü Azərbaycanın reallıqları ondan ibarətdir ki, əldə etdiyimiz uğurlar məhz düşünülmüş islahatlar nəticəsində mümkün olub.”

ANS PRESS-in məlumatına görə, bunu Prezident İlham Əliyev dekabrın 16-da Sabirabadda, Heydər Əliyev Mərkəzində keçirilən ASAN Könüllülərinin I Ümumrespublika Forumunun açılış mərasimində çıxışı zamanı deyib.

Prezident qeyd edib ki, “ASAN xidmət”in yaradılması Azərbaycanda, ümumiyyətlə, islahatların aparılmasında önəmli hadisə olub və bizim islahatlarımızın təzahürüdür: ““ASAN xidmət” Azərbaycan məhsuludur, Azərbaycan brendidir və biz hazırda nəinki neft-qaz resurslarımızı, artıq intellektual məhsulumuzu ixrac etməyə hazırıq və dünyada belə xidmətlərə böyük ehtiyac var.”

Prezident İlham Əliyev qeyd edib ki, “ASAN xidmət”i yaradılmasında əsas məqsədlərdən biri korrupsiya və rüşvətxorluğun aradan qaldırılması olub: “Biz bu təcrübəni bütün başqa sahələrdə də tətbiq etməliyik ki, Azərbaycanda korrupsiyaya, rüşvətxorluğa qarşı mübarizə daha da ciddi aparılsın. Mən bu məsələlərlə bağlı dəfələrlə öz fikirlərimi bildirmişdim. Azərbaycan dövləti bu sosial bəlanı aradan götürmək üçün böyük səylər göstərir. Ancaq biz görürdük ki, bəzi hallarda cəza tədbirləri, inzibati tədbirlər kifayət deyil. Belə olan halda sistem xarakterli, institusional tədbirlərin görülməsinə də böyük ehtiyac var idi. Biz bu işlərə çox ciddi yanaşırıq və “ASAN xidmət” burada nadir bir vasitədir. “ASAN xidmət”də korrupsiya, rüşvətxorluq yoxdur və bu, onu deməyə əsas verir ki, hər bir sahədə belə bir sistem yarana bilər.”

““ASAN xidmət” korrupsiyaya və rüşvətxorluğa qarşı institusional tədbirlər arasında xüsusi yer tutur və əminəm ki, əgər başqa ölkələrdə bu təcrübə tətbiq olunarsa, onlar da bunun müsbət cəhətlərini tezliklə görəcəklər. “ASAN xidmət”, eyni zamanda, insanların rahatlığı üçün yaradılmış bir xidmətdir. Təsadüfi deyil ki, adı da asandır”, deyə prezident İlham Əliyev bildirib.

Dövlət başçısı qeyd edib ki, İnsanlar burada vaxt itirmədən, heç bir bürokratik əngəllə üzləşmədən öz haqlarını tələb edirlər və alırlar: “İstənilən sənədi dəqiqələr ərzində əldə edə bilirlər. “ASAN xidmət”, eyni zamanda, xidmətlərin mədəni şəkildə göstərilməsində də nadir bir təcrübədir. Sirr deyil, təbii ki, siz gənclər yəqin, bunu xatırlamırsınız, ancaq sovet dövrünün əlamətlərindən biri də bürokratiya və insanlara bəzi …read more

From:: ANS

      

Vətənə 102 qızıl medal gətirdilər

Azərbaycan Güləş Federasiyası (AGF) 2014-cü ilin yekunlarına həsr olunmuş tədbir keçirib.

ANS PRESS-in federasiyadan aldığı məlumata görə, mərasimdə AGF rəsmiləri, yığma komandaların üzvləri, idmançılar və məşqçilərlə yanaşı, Milli Olimpiya Komitəsinin vitse-prezidenti Xəzər İsayev, Bakı şəhər Gənclər və İdman Baş İdarəsinin rəisi Raqif Abbasov, eləcə də KİV nümayəndələri iştirak ediblər.

Mərasimdə çıxış edən AGF-nin baş katibi Əjdər Cəfərov güləşçilərimizin 2014-cü ili uğurla başa vurduqlarını bildirib: “Güləşçilərimizin bu il qazandığı nailiyyətlərə nəzər saldıqda medalların keyfiyyətində nəzərəçarpacaq artım müşahidə edilir. Belə ki, əgər güləşçilərimizin ötən il qazandığı medallardan 92-si qızıl idisə, bu il qızıl medalların sayı 102-yə yüksəlib. Qarşıda bizi I Avropa Oyunları, Olimpiya Oyunlarına lisenziya xarakterli dünya çempionatı kimi ciddi sınaqlar gözləyir. Güləşçilərimizin hazırlığı üçün Federasiya rəhbərliyi tərəfindən hər bir şərait yaradılıb. Çalışacağıq ki, yığma komandalarımız bu mötəbər yarışlarda ölkəmizi uğurla təmsil etsin, bayrağımızı yüksəldib himnimizi səsləndirsin”.

Sonra il ərzində qazandığı nailiyyətlərə görə “İlin ən yaxşı idmançısı”, “İlin ən yaxşı məşqçisi” və “İlin ən yaxşı hakimi” nominasiyalarında qaliblərin adları açıqlanıb.

İlin ən yaxşı idmançısı
Sərbəst güləş üzrə – Hacı Əliyev (böyüklər arasında dünya və Avropa çempionu)
Yunan-Roma güləşi üzrə – İslam Abbasov (gənclər arasında dünya və Avropa çempionu)
Qadın güləşi üzrə – Səbirə Əliyeva (gənclər arasında dünya çempionu)

İlin ən yaxşı məşqçisi
Sərbəst güləş üzrə – Əsgərxan Novruzov (gənclərdən ibarət yığma komandanın böyük məşqçisi)
Yunan-Roma güləşi üzrə – Şaban Donat (gənclərdən ibarət yığma komandanın böyük məşqçisi)

İlin ən yaxşı hakimi
Beynəlxalq dərəcəli hakim – Sədi Quliyev (Yeniyetmələrin II Olimpiya Oyunları)

Yığma komandalarımızın üzvləri 2014-cü ildə iştirak etdikləri rəsmi beynəlxalq yarışlarda 27 qızıl, 22 gümüş, 16 bürünc – toplam 65 medal qazanıblar.

Bunların 28-i yeniyetmə güləşçilərin payına düşür. Yeniyetmə güləşçilərimiz Avropa və dünya çempionatlarında, II Olimpiya Oyunlarında 13 qızıl, 9 gümüş, 6 bürünc medal qazanaraq güləşimizin gələcəyinin etibarlı əllərdə olduğunu nümayiş etdiriblər. Bu nəticə medalların həm kəmiyyətinə, həm də keyfiyyətinə görə ötənilki nəticədən üstündür.

Gənc güləşçilərimizin də rəsmi yarışlarda iştirakı onların uğurlu çıxışı ilə yadda qalıb. Belə ki, …read more

From:: ANS

      

İŞİD-ə ağır zərbə vuruldu

İŞİD-in Şənqal valisi koalissiya qüvvələrinə məxsus bombardmançı təyyarələrin hücumu zamanı öldürülüb.

ANS PRESS-in məlumatına görə, bu barədə Kürdistan Demokrat Partiyası Mosul nümayəndələrindən olan İsmət Rəcəb xəbər verib.

“Koalissiyaya aid hərbi təyyarələr tərəfindən İŞİD terror qruplaşmasının Şənqalda yerləşən bazalarına hücumlar təşkil edilib. Hücum zamanı qruplaşmanın vali olaraq qəbul etdiyi Əbu Ayşə adlı şəxs də məhv edilib” – deyə İ.Rəcəb bildirib.

Vali ilə yanaşı, onlarla İŞİD yaraqlıları da hücumun qurbanı olub. Xüsusilə Şənqal və Bəhacə bölgələrinə edilən hücumlar 2 saat davam edib.

İŞİD-ə məxsus maşın karvanları partladılaraq məhv edilib. Peşmərgə qüvvələri sözügedən maşın karvanında 100-dən çox İŞİD-çinin olduğunu vurğulayıb.

Qeyd edək ki, yezidi kürdlərin kompakt yaşadığı Şənqal, hazırda İŞİD terror qruplaşmasının nəzarəti altındadır. …read more

From:: ANS

      

Dəhşət! Qatar 2 tələbəni biçdi (FOTO)

Türkiyədə 2 ali məktəb tələbəsinin faciəvi ölümü ilə nəticələnən dəhşətli qatar qəzası baş verib. ANS PRESS-in məlumatına görə, hadisə yerli vaxtla saat 19.00-da (Bakı vaxtıyla 21.00) Sakarya vilayətinin Adapazarı rayonunda baş verib.

Sakarya universiteti tibb texnikumunun tələbələri olan 19 yaşlı Zeynəb Kılıç və 20 yaşlı Təkin Dündar şəhərdaxili ictimai nəqliyyat kimi işləyən qatarın altında qalıblar. Zeynəb Kılıç hadisə vaxtı, Təkin Dündar isə qəzadan bir müddət sonra dünyasını dəyişib.

Qatarın maşınisti verdiyi ifadədə gənclərin qaranlıqda qəfildən relslərə çıxdıqlarını deyib. Maşınistin verdiyi ifadə və relslərin məhhəcərin daxilində olması hadisənin intihar olması ehtimalını qüvvətləndirib.

Faktla bağlı istintaq başladılıb, araşdırmalar davam edir.

…read more

From:: ANS