All posts by Admin

Azərbaycanlılar Rusiyanı bir-birinə qatdılar

Rusiyada adam oğurluğunda ittiham edilən azərbaycanlılar tutulub.

ANS PRESS-in Rusiya mətbuatına istinadla verdiyi məlumata görə, Azərbaycan vətəndaşı ata və oğlunu 3 həftə girov saxlayıb və onlardan Moskvadakı mənzillərini ona vermələrini tələb edib.

Ata və oğul dekabrın 20-də azad ediliblər.

Hüquq mühafizə orqanlarından verilən məlumata görə, dekabrın 6-da polisə qadın müraciət edib. O, qohumu olan oğlan və atası ilə əlaqə yarada bilmədiklərini deyib.

Əməliyyatçılar müəyyən ediblər ki, dekabrın 4-də özlərini kommunal xidmət əməkdaşı kimi təqdim edən naməlum şəxslər kişilərin yaşadığı mənzilə giriblər. Onlar atanı döyərək Tula vilayətinə aparıb, kirayə tutduqları evdə saxlayıblar. Növbəti gün isə azərbaycanlılar kişinin 29 yaşlı oğlunu da oğurlayıblar.

Dələduzlar moskvalı kişilərdən yaşadıqları evi onlardan birinin adına keçirmələrini tələb ediblər.

İnsan oğurluğu və dələduzluq faktı ilə bağlı cinayət işi açılıb. …read more

From:: ANS

      

Mafiya başçısının dəfnində izdiham (VİDEO)

İstanbulda mafiya liderlərindən biri olan Vedat Şahinin cənazəsi böyük diqqət çəkib.

ANS PRESS-in məlumatına görə, İstanbulda cinayət qruplaşması rəhbəri və mafiya lideri kimi tanınan Sədat Şahinin qardaşı olan Vefdat Şahinin cənazəsində yüzlərlə insan toplaşıb.

Mafiya liderinin cənazəsi xüsusi bir təyyarə ilə Samsuna gətirilib. Cənazə yüzlərlə avtomobilin müşayəti ilə Vedat Şahinin Bafradakı atası evinə aparılıb.

Bəzi yollarda yol polisi və jandarmaların nəzarət tədbirləri aparması diqqətlərdən qaçmayıb.

Qeyd edək ki, ötən gün İstanbulda mafiya liderləri arasında qanlı döyüş baş verib. İstanbulun Nişantaşı bölgəsində məşhur mafiya liderlərindən birinin qardaşı ilə yaxın dostu öldürülüb, bir nəfər isə ağır yaralanıb.

İstanbulda cinayət qruplaşması rəhbəri və mafiya lideri kimi tanınan Sədat Şahinin qardaşı və dostu Fərdi Topal Nişantaşında evdən çıxarkən uzaqda dayanmış avtomobilllərdən birinin içərisindən “Kalaşnikov” avtomatla açılan atəş nəticəsində ölüb.

Hadisə baş verən bölgəyə çox sayda polis qrupu cəlb edilib və həmin küçədə bir müddət nəqliyyatın hərəkəti dayandırılıb.

Şahin qardaşları gecə həyatına nəzarət edirdilər. Onlar istədikləri sənətçini barda səhnəyə çıxardar, istədiyini də səhnədən uzaqlaşdırırdılar. Bundan başqa onların dövlət adamları ilə də yaxın olduqları vurğulanır.

Vedat Şahin’in Cenazesi Konvoyla Babaevine… by haberler

…read more

From:: ANS

      

Bakıda ucuzluq olacaq (ÜNVANLAR)

Sabahdan Bakıda Yeni il yarmarkaları təşkil olunur. Kənd Təsərrüfatı Nazirliyinin mətbuat xidmətindən ANS PRESS-ə verilən məlumata görə, bayram günləri ilə əlaqədar keçiriləcək yarmarkalar saat 09:00-dan alıcıların ixtiyarına veriləcək.

Dünya Azərbaycanlılarının Həmrəyliyi Günü və Yeni İl bayramı ilə əlaqədar Bakı şəhər əhalisinin kənd təsərrüfatı və ərzaq məhsullarına artan təlabatının daha dolğun ödənilməsi və istehlakçıların seçim imkanlarının artırılması, süni qiymət artımının, möhtəkirliyin qarşısının alınması məqsədi ilə 27-31 dekabr 2014-cü il tarixlərində fasiləsiz olaraq 5 gün müddətində Kənd Təsərrüfatı Nazirliyi tərəfindən kənd təsərrüfatı məhsullarının satış yarmarkalarının keçirilməsi nəzərdə tutulub.

Yarmarkalar paytaxtın aşağıdakı rayonlarında və ünvanlarında təşkil olunur:

Xətai rayonu -Ukrayna dairəsinin yanı;

Nəsimi rayonu – S.Vurğun küçəsi 73, Təzə Bazarın ərazisi;

Yasamal rayonu – Şərifzadə küçəsi 1, Rabitə kollecinin arxası;

Nərimanov rayonu -Gənclik metrosunun yanı;

Səbail rayonu -Badamdar qəsəbəsi, Seyran Məmmədov küçəsi 1, Məktəbin arxası;

Suraxanı rayonu -Yeni Günəşli qəsəbəsi, “V” yaşayış massivi;

-Əmircan qəsəbəsi, S. Bəhlulzadə küçəsi 12;

Binəqədi rayonu -Dərnəgül, Koroğlu Rəhimov küçəsi 53, Elit Ticarət Mərkəzinin yaxınlıgı.

Yarmarkaların mütəşəkkil keçirilməsi üçün Nazirliyin məsul əməkdaşlarından ibarət işçi qrupları yarmarkalara təhkim olunmuş və onlar da satılan məhsulların keyfiyyətinə, istehlak üçün yararlı və təhlükəsiz olmasına, qiymətlərin tənzimlənməsinə daim nəzarət edəcəklər. Satışa çıxarılan bitki və heyvan mənşəli məhsulların fitosanitar və baytarlıq nəzarətindən keçirilməsi, müayinələrin vaxtında aparılması üçün yarmarkalar səyyar avtolaboratoriyalarla təmin olunacaq. …read more

From:: ANS

      

"Qalatasaray"dan transfer bombası

“Qalatasaray” klubu “Arsenal”ın ulduz futbolçusunu heyətinə qatmaq istəyir.

ANS PRESS-in məlumatına görə, belə bir iddia İngiltərə mətbuatında yer alıb. İddiaya görə, “Qalatasaray” baş məşqçisi dövrə arasında sürpriz bir transferə imza atmağa hazırlaşır.

“Qalatasaray” mövsüm əvvəlində çox çalışıb gerçəkləşdirə bilmədiyi transferi həyata keçirəcək. İstanbul təmsilçisi Futbol üzrə Dünya Çempionatında Kosta Rikadakı çıxışı ilə diqqət çəkən Kampbelli yenidən gündəminə alıb.

“Arsenal” baş məşqçisi Arsen Vengerin təzyiqi səbəbilə klubda qalan futbolçunun son oyunlardakı çıxışı onun haqqındakı fikrləri dəyişib.

Kampbellin milli komandadakı müvəffəqiyyətli çıxışını London klubunda təkrarlaya bilməməsi futbolçunun bir anda gözdən düşməsinə səbəb olub. …read more

From:: ANS

      

Zaman heç nəyin dərmanı deyil!

Yüzillərdir təsəllli kimi deyilən “zaman hər şeyin dərmanıdır” ifadəsi yalan çıxdı. Sən demə zaman heç nəyin dərmanı deyil! ANS PRESS-in məlumatına görə, ürək qırıqlığının zaman deyil, heç nə keçirə bilməz.

Şotland elm adamları “sınıq qəlb sindromu”nu araşdırıblar. Onlar heç bir ağrı acının zamanla keçmədiyini müəyyən ediblər.

Alimlər bu məsələ üzərində 4 ildir ki, araşdırma aparırlar. Onların sözlərinə görə, heç bir üsul bu sindromun dərmanı ola bilməz.

Sindrom ailə üzvlərindən birinin vəfatı, qəza keçirmə və ya münasibətin bitməsi kimi hallarda meydana çıxır. Adətən qadınlarda daha çox müşahidə edilir və ömür boyu izi qalır. …read more

From:: ANS

      

Şaxta babanın tövsiyələri

İqtisadi tənəzzül və rublun dəyərdən düşməsi narahatlıqlarına baxmayaraq, paytaxt Moskvada bayram əhvali-ruhiyyəsi hiss olunur. Moskva sakinləri və qonaqlar yeni il şənliklərini yarmarkalarda keçirir.

ANS PRESS-in “Amerikanın səsi” radiosuna istinadla xəbər verir ki, neft qiymətlərinin düşməsi və qərbin sanksiyalarının rublun dəyərini salması idxal mallarının qiymətinin qalxmasına səbəb olub. Bu da öz növbəsində Rusiya irtisadiyyatını tənəzzülə uğradır.

Rusiya prezidenti Vladimri Putin iqtisadia gərginliyin bir-iki il davam edəcəyini deyib. Lakin bu, rusların narahatlıqalrını azaltmır.

Moskva sakini Soso deyib: ““Mən bu barədə düşünməməyə çalışıram. Vəziyyət çox ağırdır və biz bunun hecə davam edəcəyini görəcəyik. Qorxuludur.”

Bu il səyahətə çıxa bilməyən rusiyalıların çoxu qış mövsümünün əyləncələri ilə kifayətlənəcək. Bayram alış-verişinə çıxan müştərilər pul xərcləmə vərdişlərini dəyişməli olsalar da, hədiyyələr almaqda davam edirlər.

Mariya adlı bu qadın trikotaj mallar satır. O bildirib ki, iqtisadi problemlər üzündən insanlar daha ucuz və daha praktiki mallar alır. Bu mallar ən çox satılan mallardandır.

Kisəsində pulu tükənmiş Rusiya Yeni ilə hazırlaşdığı bir vaxt, Şaxta baba bayram tövsiyələri verir: “Mən nə sehrbazam, nə də cadugər, mən sadəcə Şaxta babayam. Sizin yeni iliniz özünüzdən asılıdır.”

Bayram əhvali-ruhiyyəsinə baxmayaraq, Kremlin iqtisadiyyatı tənzimləyə bilməyəcəyi və Ukraynaya təcavüzü davam etdirəcəyi müddətində Rusiyada iqtisadi böhranın daha da dərinləşəcəyini deyənlərin sayı az deyil. …read more

From:: ANS

      

Məscidi yandırdılar (FOTO)

Avropada müsəlmanlara qarşı zorakılıq davam edir.

ANS PRESS-in Reuters-ə istinadən verdiyi məlumata görə, İsveçin Eskilstun şəhərində məscid yandırılıb. Polisin məlumatına görə, yanğın baş verən an binada 15-20 nəfər adam olub. İnsident zamanı onlardan beşi zərər çəkib. Zərərçəkmişlər xəstəxanaya aparılıb.

“Hadisə şahidi bir şəxsin məscidin pəncərəsinə nəsə atdığını və bundan sonra güclü yanğının başladığını görüb”- deyə polis əməkdaşı bildirib.

Yanğını törətməkdə şübhəli bilinən şəxs hələ tapılmayıb.

Agentlik qeyd edir ki, insident ”İsveç demokratları” sağ partiyasının miqrantlara qaşı olan aktiv çıxışlarının fonunda baş verib. Siyasi təşkilatın nümayəndələri ölkədə sığınacağın verilmə kvotasının 90 faizə kimi azaldılmasını tələb edirlər.

…read more

From:: ANS