All posts by Admin

Rusiya savaşa girişməyəcək

Moskva Korneqi Mərkəzinin eksperti, politoloq Aleksey Malaşenko erməni mətbuatına müsahibəsində noyabrın 12-də münaqişə zonasında vəziyyətin kəskinləşməsi və digər mühüm məsələlər barədə maraqlı açıqlama verib.

ANS PRESS-in məlumatına görə, o, “Qarabağ münaqişəsi zonasında gərginliyin növbəti dalğası Qərbə, yoxsa Rusiya üçün əlverişlidir. Ümumiyyətlə, gələcəkdə danışıqlardan hansı nəticəni gözləmək olar” sualına cavabında deyib: “Düşünürəm ki, hərbi hərəkətlər nə münaqişə edən tərəfə, nə də beynəlxalq ictimaiyyətə əlverişli deyil. Anlamaq lazımdır ki, Qarabağ münaqişəsi yaxın gələcəkdə nizama salınmasa, belə epizodlar, hadisələr təkrarlanacaq. Mən təlaş üçün heç bir əsas görmürəm.”

Politoloq ATƏT-in Minsk qrupunun fəaliyyətinə toxunaraq söyləyib ki, bu proses Qarabağ münaqişəsi ətrafında ticarət üçün müəyyən əsasdır. Münaqişənin həllində Laçın dəhlizi, Qarabağın statusu, Azərbaycan əraziləri məsələsi və digər önəmli suallar cavabını tapmalıdır. Gec-tez bu məsələlər ətrafında kifayət qədər ciddi danışıqlar olacaq.

A.Malaşenko jurnalistin “Ermənistanın təminatçısı rolunda çıxış edən Rusiyanın mövqeyi məlum deyil. Erməni dövlətinə qarşı təcavüz halında Rusiyanın təhlükəsizlik barədə zəmanətləri özünü doğrultmur. Rusiya yalnız Minsk qrupunun həmsədr ölkəsi kimi çıxış edir” gileyinə aydınlıq gətirib:

“Mən zəmanət məsələsindən bir az şübhələnirəm, belə ki, əgər biz müharibənin başlaması kontekstində təhlükəsizlik haqqında danışarıqsa, onda düşünmürəm ki, Ermənistanda öz hərbi bazasının olmasına baxmayaraq, Rusiya Federasiyası bu müharibəyə qoşulacaq. Rusiya bacardığı hər şeyi edəcək ki, müharibə başlamasın. Ona görə, milli maraqları nəzərə alaraq məsələlərə bu gün diplomatik səviyyədə yanaşır.”

Ekspert vurğulayıb ki, mən qətiyyən Ermənistanla Azərbaycan arasında Rusiya hərbi qulluqçularının iştirakı ilə müharibə olacağına inanmıram. Belə olduqda, hamı aydın bilir ki, bu, Rusiya-Türkiyə müharibəsi ilə nəticələnəcək. Ona görə də, bu, inandırıcı görünmür və daha çox danışıqlara üstünlük veriləcək. …read more

From:: ANS

      

Mərakeşdə təbii bəla: 30-dan çox ölü

Mərakeşdə yağan aramsız yağışlar itki və təlafata səbəb olub.

ANS PRESS-in məlumatına görə, Mərakeşin cənubunda yağan aramsız yağışlar güclü daşqınların meydana gəlməsinə səbəb olub. Nəticədə, daşqınlar 30-dan çox adamın həyatına son qoyub, 20 nəfərə yaxını isə itkin düşüb.

Ölkənin Erraxidia regionu daşqınlardan daha çox zərər çəkib. Sel fəlakəti nəticəsində 100-dən çox kərpic ev dağılıb. Elektrik xətləri kəsilib, yollarda nəqliyyatın hərəkəti iflic olub.

Daşqınların vurduğu ziyanı aradan qaldırmaq və fəlakət zonasında əhaliyə humanitar yardım göstərilməsi barədə ölkə başçısı tərəfindən göstəriş verilib. …read more

From:: ANS

      

Birinci xanım sərgi açılışında (FOTO)

Londonda Təbiətin Mühafizəsi üzrə Beynəlxalq Birliyin “Qırmızı Kitab”ının 50 illik yubileyinə həsr edilmiş “Bu gün burada” (“Here Today”) adlı sərginin açılışı olub.

Azərbaycanın birinci xanımı, Heydər Əliyev Fondunun prezidenti Mehriban Əliyeva, Fondun vitse-prezidenti Leyla Əliyeva və Arzu Əliyeva mərasimdə iştirak ediblər.

Açılış mərasimində çıxış edən Heydər Əliyev Fondunun vitse-prezidenti Leyla Əliyeva deyib ki, bu sərgi həyatı təhlükə altında olan bütün heyvan cinslərinin gözəlliyini, onların vacibliyi və müdafiəsinin önəmini vurğulamaq üçün yaxşı bir üsuldur.

Ümumdünya Parklar Konqresinin toplantısında iştirak etmək üçün Avstraliyaya səfərini xatırladan Leyla Əliyeva gələcək nəsillərin təbiəti qorumasının vacibliyini bildirib və bu istiqamətdə ölkəmizdə həyata keçirilən işlərdən danışıb.

Leyla Əliyeva deyib: “Azərbaycanda biz gəncləri ətraf mühitin mühafizəsi istiqamətində maarifləndiririk. Azərbaycan qədim ənənələrə və zəngin tarixə malik olan ölkədir. Şərq in Qərbin ayırcında yerləşən ölkəmizdə şərqin müdrikliyi, qərbin tərəqqisi var. Ötən müddətdə Azərbaycan tarixi İpək Yolunda əsas bir mərkəzə çevrilib. Azərbaycanın tolerantlıq, dialoq və yeni fikirklər ölkəsinə çevrilməsi mədəniyyətimizin inkişafına böyük təsiri olub. Avropa, Asiya və Orta Şərq arasında nadir coğrafi mövqe gözəl landşaftlar yaratmaqla təkcə mədəniyyətimizə yox, həm də təbiətimizə təsir edib. Azərbaycan qarlı dağlar, göllər, çaylar, sıx meşələr, ovalıqlar və çəmənliklər ölkəsidir. Dünyada mövcud olan iqlim qurşağından doqquzu Azərbaycanda var və bu çox zəngin biomüxtəliflik yaradır. Buna görə üç il bundan əvvəl biz Ətraf Mühitin Mühafizəsi Naminə Beynəlxalq Dialoq üçün İctimai Birlik – İDEYA-nı yaratdıq. Hələ qət edəcəyimiz yolun əvvəlində olmağımıza baxmayaraq, biz artıq bir çox layihələr həyata keçirmiş və müsbət nəticələr əldə etmişik. Bizim bəzi layihələrimizə Azərbaycanda yaşayan 3 milyon gənci təmsil etmək məqsədilə 3 milyon ağacın əkilməsi, çöl ceynranın vəhşi təbiətə buraxılması və 8 mindən artıq uşağın ətraf mühiti qorumaq üçün maarifləndirilməsi kimi işlər daxildir. Biz, həmçinin öz məşhur beşliyimizi müəyyən etmişik. Bu, qonur ayı, boz qurd, qartal, ceyran və qafqaz bəbiridir”.

Daha sonra Leyla Əliyeva Azərbaycanda Qafqaz biomüxtəlifliyi sammitinin keçirildiyini, ölkəmizin Təbiətin Mühafizəsi üzrə Beynəlxalq Birliyin üzvü olduğunu xatırladıb, hazırda …read more

From:: ANS

      

Sənaye şirkətləri Bakıya yığışacaq

Azərbaycan Respublikası Prezidentinin 12 mart 2014-cü il tarixli Sərəncamı ilə təsdiq edilmiş “Azərbaycan Respublikasında 2014-cü ilin “Sənaye ili” elan edilməsi ilə bağlı Tədbirlər Planı”na uyğun olaraq, 26-27 noyabr tarixlərində Bakıda “XXI əsrdə sənayeləşmə: Sənaye siyasətində əsas trendlər, müasir yanaşma və təcrübələr” mövzusunda Beynəlxalq Sənaye Konfransı keçiriləcək.

ANS PRESS-in Nazirliyin mətbuat xidmətindən aldığı məlumata görə, İqtisadiyyat və Sənaye Nazirliyinin, BMT-nin Sənaye İnkişafı Təşkilatının (UNIDO) və Almaniya Beynəlxalq Əməkdaşlıq Cəmiyyətinin (GİZ) birgə təşkilatçılığı ilə keçiriləcək konfransda bir sıra ölkələrin dövlət qurumlarının, araşdırma mərkəzlərinin, sənaye sahəsində fəaliyyət göstərən şirkətlərin, beynəlxalq təşkilat və maliyyə institutlarının nümayəndələri iştirak edəcək.

Beynəlxalq Sənaye Konfransı barədə ətraflı məlumatı “www.bakuconference.com” saytından əldə edə bilərsiniz. …read more

From:: ANS

      

Müxalifətçinin qaynanası Ayranlıda dəfn olundu (FOTO)

Türkiyənin anamüxalifət lideri, Cümhuriyyət Xalq Partiyasının (CHP) sədri Kamal Kılıçdaroğlunun qaynanası Fatma Özdağ vəfat edib. ANS PRESS-in məlumatına görə, 88 yaşlı Özdağ Tunceli vilayəti Nazimiyə rayonunun Ayranlı kəndində torpağa tapşırılıb. Təziyə mərasimində müxalifət lideri ilə yanaşı CHP idarə heyətinin üzvləri və bu partiyadan olan bəzi millət vəkilləri də iştirak ediblər.

Bu ilin mart ayında keçirilən bələdiyyə seçkisində məruz qaldığı məğlubiyyətdən sonra partiyadan ayrılacağı və partiya daxili müxalifətin lideri olduğu barədə söz-söhbətlər gəzən Mustafa Sarıgül də cənazə mərasimində iştirak edib.

Hökumət başçısı Əhməd Davudoğlu isə ötən gün zəng vuraraq Kamal Kılıçdaroğluna başsağlığı verib.

…read more

From:: ANS

      

Yol işarələri dəyişdirilir

Ukrayna dilində olan yol işarələri dəyişdirilir.

ANS PRESS-in məlumatına görə, Krımda Ukrayna dilində olan yol işarələrinin dəyişdirilməsi işləri aparılır. Ötən gün şoselərin birində canlı musiqi sədaları altında ukraynca olan işarələr rus dilində olanları ilə əvəzlənib.

Tədbirdə Krımın Parlament sədri Vladimir Konstantinov və millət vəkilləri iştirak ediblər.

Krım rəhbərliyi, yarımadada 4 mindən çox yol işarəsinin dəyişdiriləcəyini açıqlayıb.

İşarələrin dəyişməsi ilə əlaqədar işlərin bu ilin sonuna qədər tamamlanması gözlənilir. …read more

From:: ANS

      

İŞİD-lə Bakının 1 saat fərqi

Bundan əvvəl ələ keçirdikləri bölgələrdə təhsil sistemində və pul dövriyyəsində dəyişikliklər edən İŞİD terror qruplaşması daha bir gözlənilməz addım atıb.

ANS PRESS-in məlumatına görə, İŞİD-in tabeçiliyində olan və terrorçular tərəfindən mərkəz seçilən Raqqa şəhərində saatlar bir saat irəli çəkilib. Bu isə Bakı vaxtından bir saat geri deməkdir.

Səbəb kimi onlar rəsmi Dəməşqlə eyni saat qurşağında olmamağı əsas göstərirlər.

Nəzarətində saxladığı bölgələrdə öz şəriət qaydalarını tətbiq edən terror qruplaşması bunu Raqqanın Dəməşqdən 500 kilometr uzaqlıqda yerləşməsi və günəşin Raqqada daha tez doğması kimi də əlaqələndirirlər. …read more

From:: ANS

      

14 yaşlı qızı sinif yoldaşı zorladı

İngiltərədə bir il əvvəl baş verən hadisələrdən birinin üstü açılıb.

ANS PRESS-in məlumatına görə, ötən il İngiltərədə məktəblərdən birində cinsi münasibətlər haqqında dərs keçirildikdən sonra şagirdlərdən biri öyrəndiklərini sinif yoldaşı üzərində tətbiq etməyə çalışıb. Belə ki, dərsdən çıxan 14 yaşlı oğlan yaşıdı olan qıza cinsi münasibətdə olmağı təklif edib.

Qız narazılıq etsə də, oğlan buna məhəl qoymayıb və istəyinə nail olub. Qız isə baş verənləri heç kimə danışmayıb. Bu yaxınlarda məktəbdə fəaliyyət göstərən tibb bacısının qızı pərişan halda olduğunu görüb nə baş verdiyini soruşması ilə həqiqət üzə çıxıb.

Lakin müəyyən olub ki, həmin oğlan artıq həmin bölgədə yaşamır. Qıza isə müəyyən bir müddət ərzində reablitasiya kursu keçiriləcək.

Hadisənin ortaya çıxmasından sonra İngiltərədə cinsi münasibətlər haqqında olan dərsliklərin yenidən nəzərdən keçirilməsi qərara alınıb. …read more

From:: ANS